::: SomaliTalk.com :::

Daabaco Boggan | Print

Wararkii: Sept 9, 2006

Xaabsade oo DFKMG ugu Baaqay in ay isaga soo huleeshu Baydhabo
Sheekh Fanax: dowlad la’aan ayey dadkeenu Noolaan karaan..
Sh. Shariif oo gaaray dalka Liibiya isagoo ay la socdaan Xubno ay ka mid ahaayeen.
Dadka Soomaaliyeed oo soo dhaweeyey hadalkii Ismacxiil Cumar Geelle..
12-qof oo si xun ugu dhaawacmay dagaaladii Maxaakiimta iyo Isbahaysigii..
Wafdi ka socda Jaamacadda Carabta oo oo booqdey Goobo ka mid ah Magaalada Muqdisho..
Adis Ababa:Daahir Riyaale oo ku soo hungoobay hadafkiisii uu u tagay yurub
Aqoon iswaydaarsi dhex maray maxkamadaha iyo ururrada bulshada rayidka

Wasiirka Gaadiidka ee DFKMG Maxamed Ibraahim Xaabsade oo ku sugan magaalada Nairobi ayaa ugu baaqay dawlada somalia in ay isaga soo huleeshu baydhabo .

Maxamed ibraahim xaabsade Wasiirka Gaadiidka ee DFKMG ayaa magaalada Nairobi ee caasimada dalka kenya isagoo ku sugan waxaa uu ka shanqariyay hadal ka dhan ah dawlada somalia joogitaanka ay joogto baydhabo isaguu ku baaqay in ay dawlada somalia ay halkaasi isaga soo huleeshu oo ay ka soo guurto ka dib markii dawlada somalia 4tii bishaan ay magaalada baydhabo ka fulisay hawl gal ay ku nafwaayeen 7 nin oo dhalin yaro ah oo joogtay garoonka baydhabo.

Mr Xaabase oo arintaasi ka hadlayay ayaa waxaa uu sheegay in ciidanka madaxtooayda ee ilaalada ka ah C/laahi Yuusuf Axmed ay ka danbeeyeen xasuuqa loo gaystay dhalin yarada deegaanka ee halkaasi ku dhintay waxaana uu sheegay in ciidanka booliska ee taliyaha booliska aysan iyagu haysan sida uu hadalka u dhigay gawaari dagaal oo ay adeegsaden kuwa madaxtooyada sida uu hadalka u dhigay.

ka hor inta aysan soo dagin dawlada Somalia bilawgii ayaa waxaa magaalada gacan buuxda ku hayay Wasiirka Gaadiidka ee DFKMG Maxamed Ibraahim Xaabsade maleeshiyaad ka amar qaata isagoo iminka ku baaqay in dawlada hadii aysan si nabad galyo ah aysan magaalada uga bixin si dagaal ku dheehan yahay ay uga baxayso.

Dhanka kale Xildhabaano ka tirsan Dawlada oo shirsaxaafadeed Nairobi ay ka soo saari lahaayene oo hor istaagay sida ay sheegen Safiirka kenya ee Somalia Amb Maxamed Cabdi Affey.

Xubnahaan ayaa waxay doonayeen in ay ka hadlaan arinta ka taagan magaalada baydbabo isagoo Xilhdibaan C/ldaha Xaaji arintaasi ka dib saxaafada u shegay in ay doonayen in ay markaasi ka hadlaan arinta ka dhacday baydhabo ee ahayd dilkii loo gaystay 7 nin ee ay dawlada ciidankeedu ku dileen garoonka baydhabo waxaana uu sheegay Xildhibaan C/dalah in ay doonayen in ay tacsi u diran oo kaliya dadkii ay ka dhashen ragaasi dhalin yarada ah ee la laayay balse ay dawlada kenya hor istaagtay arintaasi waxaana uu intaasi ku daray in ay Nairobi u yimaaden ka dib markii ay nabad ka waayeen iyo xoriyad ay ku hadlana baydhabo sida uu hadalka u dhigay .

Maxamed Cabdi Maxamed Bootaan
Somalitalk Nairobi kenya
Botaan1@hotmail.com

Sheekh Fanax: dowlad la’aan ayey dadkeenu Noolaan karaan..

U qeybsanaha Arrimaha Bulshada iyo xiriirka gobolada ee Maxaakiimta Sh. Axmed Fanax ayaa sheegay mar uu khudbad ka jeediyey munaasabad loo sameynayey furintaanka kanaalka lagu magacaabo Biromo-Sugundaariyo ee mara qeybo badan oo ka mid ah gobolka Sh/hoose in dadka gobolkaasi ay muujiyeen hawl muhiim ah oo loo baahan yahay in dadka ku dhaqan gobolada kale ee dalka iney ku daydaan.

Sheekhu wuxuu khudbaddiisa isagoo sii wata uu yiri, “Waxaa noo caddaatay maanta in dadkeenu ay noolaan karaa dowlad la’aan” isagoo intaa raaciyey in dadaalka ay ku dardargeliyeen dadka Sh/hoose ku dhaqan kanaalkan dib u shaqeyntiisa iney tahay mid meesha ka saareysa in dowlad laga sugo wax kasta, waxaana uu tilmaamay in dadku ay iyagu dowlad isku yihiin.

Sheekh Axmed Fanax wuxuu ka mid ahaa mas’uuliyiin ka socotay Golayaasha Maxaakiimta oo booqday dhawaan gobolka Sh/hoose halkaasi oo ay kaga qeybgaleen munaasab lagu maamuusayey, dib u firista kanaalka Birima Sugundaariya, oo dadka ku dhaqan gobolkaasi ay rajeynayaan iney si weyn uga faa’ideysan doonaan dhinaca wax soo saarka beeraha.

Sh. Shariif oo gaaray dalka Liibiya isagoo ay la socdaan Xubno ay ka mid ahaayeen.

Guddoomiyaha Golaha Fulinta ee Maxaakiimta Sheekh Shariif Sheekh Axmed iyo wafdi uu hoggaaminayo oo ka socda Maxaakiimta Islaamiga ah ayaa waxey shalay ka ambabaxeen garoonka Duulimaadyada caala-miga ah ee Magaalada Muqdisho, iyagoo gaaray dalka Liibiya.

Guddoomiyaha Golaha Fulinta Sheekh Shariif ayaa wafdiga uu hoggaaminayey, ee ku wehliyey booqashada uu ku joogo dalka Liibiya waxey ka kooban yihiin 30-xubnood, oo uu ka mid yahay Guddoomiyaha Golaha Wadatashiga ee Maxaakiimta Sheekh Xasan Daahir Aweys, Madaxa ammaanka ee Maxaakiimta Sh, Yuusuf Max’ed Siyaad (Indhacadde), Dr. Xuseen Xaaji Bood, Dr. C/qaasim Salaad Xasan, Max’ud Cumar Caddaani, Axmed Abaroone Amiin, Carta iyo xubno kale, iyagoo casuumaad ka helay madaxweynaha Liibiya Col. Mucamar Al-Qadaafi.

Sidoo kale waxaa iyaguna baxay arday waxbarasho ka helay dalka Liibiya, iyadoo ay diyaarad u soo dirtay xukuumadda Liibiya, inkastoo aan la shaacin waxa ay ka wadahadli doonaan wafdiga iyo dowladda Liibiya, hase ahaatee, waxaa muuqata iney ka jawaabeen casuumaaddii loo fidiyey.

Dadka Soomaaliyeed oo soo dhaweeyey hadalkii Ismaciil Cumar Geelle..

Dadka Soomaaliyeed ee ku dhaqan magaalada Muqdisho ayaa waxey soo dhaweeyeen hadalkii ka soo yeeray Madaxweynaha dalka Jabuuti Mudane Ismaaciil Cumar Geelle ee ahaa in dadka Soomaaliyeed ay dalkooda ilaashadaan, isagoo meesha ka saaray in xaaladda Soomaaliya ay u baahan tahay faragelin dibadeed.

Madaxweyne Ismaaciil Cumar Geelle, ayaa wuxuu sheegay in dowladaha ku mideysan urur Goboleedka IGAD ay ku kala qeybsan yihiin in waddanka Soomaaliya la geeyo ciidamo ka socda IGAD, wuxuuna sheegay in dalkiisa uu si cad arrintaasi uga soo horjeedo, iyadoo sidoo kale Erateriya iyo Suudaana ay ka soo horjeedaan in Soomaaliya la geeyo ciidamada IGADSOM.

Dhawaan ayuu Madaxweyne Ismaaciil Cumar Geelle kula kulmay waddankiisa madaweynaha Iiraan, Max’ud Axmadinajaat, iyagoo ka wadahadlay arrimaha waddanka Soomaaliya, waxeyna labada madaxeyweyne ka soo horjeesteen in Soomaaliya loo diro ciidamo ajnabi ah.

12-qof oo si xun ugu dhaawacmay dagaaladii Maxaakiimta iyo Isbahaysigii..

Waxaa maalintii shalay ahyad garoonka Diyaradaha ee Magaalada Muqdisho ka amabaxay 12 Qof oo ka mid ah Maxaakiimta oo si xun ugu dhaawacmaY dagaaladii dhaxmaray Maxkamadaha Islaamiga iyo isbahaysigii bur-buray ee lamagac baxay ladagaalanka argagixisada.

12-Qof ayaa dad wax looga qabanwayey isbitaalada waxaana lagu soo daawaynayaa Dalaka Liibiya waxaana caafimaadka balan qaaday dowlad wadanka liibiya dadkaana oo qaarkood lagu waday sariiro, qaarkoodna waxaa waday dad oo garbaha uga jiray.

Maxkamadaha Islaamiga ah ayaa u mahadceliyeydowladda Liibiya iyadoo diyaaradda ay sii qaaday a rday Soomaaliyeed oo waxbarasho ka helay dalka Liibiya, warar ayaa waxey sheegayaan in wafdi ka socda dowladda federaalka iney iyaguna u ambabaxaan dalka Liibiya si ay uga qeybgalaan munaasabadda aasaaska Midowga Afrika

Wafdi ka socda Jaamacadda Carabta oo oo booqdey Goobo ka mid ah Magaalada Muqdisho..

Waxaa maalintii shalay aheyd, goobo ku yaalla magaalada Muqdisho, ayaa waxaa soo kormeeray wafdi ka socday Jaamacadda Carabta oo doraad soo gaaray magaalada Muqdisho, wafdiga Jaamacadda Carabta ayaa waxey soo kormeereen goobihii ku burburay dagaaladii sokeeye sida Hotel Curuba, Bangigii Ganacsiga, Hotel Juba, Codka Shacabka, Gurigii Hooyooyinka, waxey kaloo soo kormeereen dekedda weyn ee magaalada Muqdisho, dugsiyada waxbarashada iyo goobo kale oo muhiim ah, waxeyna Jaamacadda Carabtu ballan qaaday iney ka qeyb qaadan doonto dib u dhiska dalka, waxeyna ku amaaneen Maxkamadaha sida ay u xaqiijiyeen nabadda.

W/D Amiin Yuusuf Khasaaro
E-Mail: amiinkhasaaro@hotmail.com

Adis Ababa:Daahir Riyaale oo ku soo hungoobay hadafkiisii uu u tagay yurub, waayayna Visihii dal ku galka maraykanka.

Madaxweynaha maamulka la magacbaxay Somaliland, Daayir Riyaale Kaahin, ayaa sid ugu soo laabtay afrika kadib socdaal mudo qaatay oo uu ku tagay yurub kaasi oo uu ku doonayay in la ictiraafo somaliland isla markaan uu jeclaa in si wayn kaalmo dhaqaale iyo mid maal gashiba wadamada reer yurub ay ku sameeyaan somaliland .

Hase ahaatee.arintaasi oo dhan waxaa uga sii darnaa marti qaad ay u fidiyeen shacabka somaliland ee ku daqan cariga maraykanka taasi oo uu aqbalay isla markaana ay ku adkaatay helidaankii visihii dal ku galka maraykanka.

Arinta visaha ayaa waji cusub la timid ka dib markii madaxwaynaha somaliland uu waayay visihii dal ku galka waxaana ay dad badani is waydiinayaa sida uu u waayay madaxwaynuhu visaha islamarkaana uu ku helay gudoomiyaha xisbiga mucaaradka ah ee ucid Faysal cali waraaeb oo hada kusugan maraykanka halkaasi oo uu kaga qayb galayo kulan ay isugu imaanayaan shacabka kudhaqan dalka maraykanka ee asal ahaan ka soo jeeda gobada waqooyi galbeed eee lamagacbaxay somaliland.

Sikastaba madaxwaynaha jamhuuriyada lamagacbxday somaliland ayaa dib ugu soo guryo noqday afrika isaga oo maanta wada hadalo kulaleh madaxtooyada Ethiopia ra'iisal wasaaraha Ethiopia Males Sanawi .

Daahir Riyaale Kaahin iyo Meles Senawi ayaa ka wada hadlay xiriirka labada dhinaca, iyadoo Somaliland ay dhowaan cabasho ka soo saartay xiriirka militari iyo iskaashiga dhex maray Puntland iyo Ethiopia.

Warar ku dhow dhow kulankii ay labada nin yeesheen ayaa sheegaya in ay mabda’ ahaan ay isku af garteen, in la adkeeyo iskaashiga dhaqaalaha iyo kan siyaasadda ee Somaliland iyo Ethiopia.

Madaxweynaha maamulka Somaliland ayaa maalintii shalay soo gaarey magaalada Addis Ababa kadib markii uu safarro ku soo maray dhawr dal oo ku yaal qaaradda Yurub.

Afghanistan: xukuumada Afghanistaan oo dalbatay ciidamo dheeraad ah.

Xukuumada wadanka Afghanistan ayaa ka dalbatay ciidamo dheeraad ah wadamada Nato kuwaasi oo ka qaybqaadanaya hawlaha ladagaalanka haraagii dalibanka ku waasi oo la rumaysan yahay in ay si wayn ugu dhuumaalaysanaya dhulka buuralayda ee xuduuda Afghanistan iyo Pakistan.

General Jeep, ayaa ka markhaanti kacaya in aanay waxbadan ka qaban karin wadamo tirayar oo ciidan soo dira hadaanan ciidamo badan lakeenin dalka Afghanistan.

Madaxa ciidamada Gen: James Jones ayaa sheegay inaanay Nato in ay si wayn uga qay qaadan karto hawgalada lagu sifaynay dhibta ka taagan wadanka Afghanistan.

Lakin waxa uu saadaalin guud ka bixinayaa in asbuucyo yar gudahood ay wadanka Afghanistan ka dhici karaan dagaalo lagu sooqaado Nato kuwaasi oo ay kaga imanayaan koxaha isbahaystay ee xagjirka ah.

Madaxda ciidamada wadankaasi AFghanistan ayaa waydistay Nato in lagu soo daro ciidamo kale kuwa hada ka jooga gobalka Nato iyo waliba diyaarada loo yaqaano helicopters, iyo sidoo kale diyaaradaha qumaatiga u kaca ayuu yiri isaga oo wariyayaasha ugu waramayay xarunta midowga yurub ee Belguim.

Ciidamo badan oo Nato ah ayaa ku sugan dalka AFghaniostan kuwaasi oo u badan British iyo canadisan, kuwaasoo sida la xaqiijinaya dilay ciidamo badan oo ka haray Teleban oo si gorile ah dagaal ugu hayay xukuumada iyo madaxda, iyo waliba ciidamada maraykanka ee ku sugan dalkaasi Afghanistan tan iyo markii lagu badalay ciidamadii maraykanka oo ay kala wareegeen bil ka hor koonfurta dalkaasi.

Nato ayaa qaadatay masuuliyada ciidamada nabad ilaalinta iyo hawlgalada lagula dagaalamayo haraagii teliban kadib markii ay si wayn ugala wareegtay xukuumada maraykanka oo iyadu duulaanka ka dhanka ah teliban ku qaaday dalkaasi Afghanistan.

Gen: Jone ayaa ka dhaadhicin doona 26 wadamadan ee Nato oo uu shir uga furmi doono asbuucan dalka poland caasimadiisa Warsaw.

Kabul: Qarax ismiidaamin ah oo ka dhacay kabul oo ay ku dhinteen 16 qof.

16 Qof ayaa ku geeriyooday qarax is miidaamin ah oo inta baabuur lagu soo rakibay lagu hor qarxiyay bar ay si wayn u joogeen ciidmada nabad ilaalinta u jooga wadankaasi Afghanistan ee kasocota wadamada yurub Nato.

Qaraxan lala beegsaday bartaasi oo au ku dhawayd safaarada maraykanku kuleeyahay wadankaasi Afghanistan ayaaa waxaa ku dhintay 2askari oo maraykan ah laba kalena waa way ku dhaawacmeen sida ay shaaciyeen askarta maraykanka ee halkaasi ku sugan.

Qaraxn ayaa yimid saacado ka hor markii ay wadamada Nato oo ay wada hadalo uga socdaan wadanka Poland, oo ay saraakiisha Nato shirkaasi hordhigeen sida loogu baahan yahay in ilaa 2,000 oo askari loogu soo diro wadanka Afghanisan sarkaal sare oo u hadlay askarta Nato ee ku sugan Afghanistan ayaa sheegay in uu siwayn u rajaynayo in arintaas la meel mariyo.

Qaraxna cusubi ee lala beegsaday barta ku dhawayd safaarada maraykanka ayaa u ah bartilmaameed in ay qaraxyo kale ka dhacaan.

Ispitlada la dhigay dadkii ku dhaawacmay qaraxaasi ayaa cadeeyay in ay ka badan yihiin dhaawucu 30 sida ay ku warmayaan wakaaladaha wararka ee aduunka sida tooska ah warka uga soo tabinaya qaraxaasi.

Mid ka mid ah dadkiii u soo joogay dhacdadaasi Najibullah Faisi oo 25 jir ah ayaa sheegay in uu arkay gaari buluu ah oo daboolan qadar yar dabadeedna waxaa dhacay qaraxan lagu hoobtay ayuu yiri goobjoogahaasi.

Qaraxyo badan oo is xig xigay ayaa ka dhacay wadankaasi Afghanistan oo aan halkaan idin ku soo gudbinayno bilihii ugu danbeeyay qaraxyadii kadhacay wadankaasi Afghanistan.

28 August 2006 17 qof ayaa ku dhimatay qarax bam oo kadhacay koonfurta Afghanistan magaalada lagu magacaabo Helmand.

3 August 2006: 21 qof ayaa ku geeriyooday qarax bam oo lala beegsaday Kandahar.

7 February 2006 17 qof ayaa ku dhintay laba weerar oo ka dhacay Gobalka Kandahar.

16 January 2006 laba weerar oo kale ayaa ka dhacyay kandarah oo ay ku dhinteen 24 qof.

15 January 2006: Diplamasi canadian ah iyo 2 Afghanistiyiin ah ayaa lagu dilay kandahar.

5 January 2006: 10 qof ayaa lagu dilay halka lagu magacaabo Tirin kowt.

September 2005:12 qof ayaa lagu dialy irida hore ee xarunta ciidamada Kabul.

June 2005 20 qof ayaa lagu dilay masjid ku yaala gobalka ay sida wayn ugu xoogan yihiin haraagii Talibanka ee Kandahar.

Hadaba sida ay muujinayso shaxdaasi waxaa aad ka dareemi kartaa in dhibta ugu badan dalka Afghanistaan ay ka dhacayso gobalka ay sida wayn ugu xoogan yihiin haragii talibanka ee kandahar.

A/rizak koronto
Garowe puntland

wafdi balaaran oo ah maxkamadaha Islaamiga oo ka dhoofay magaalada Muqdisho iyagoo ku sii jeeda magaalada Tripoli ee dalka Libiya

Sept 8: Wafdi ballaaran oo isugu jira golaha shuurada iyo golaha fulinta maxkamadaha Islaamiga ah oo ay horkacayaan Sheekh Xasan Daahir Aweys iyo Sheekh Shariif Sheekh Axmed kuwaasoo ka koobnaa dhowr xubnood oo ay weheliyaan 12 xubnood oo ah xubno ku dhaawcmay dagaalkii Midowga maxkamadaha ay la galeen hogaamiyaashii isbahaysiga bur-buray ayaa galabta ka dhoofay magaalada Muqdisho.

Sidoo kale waxaa weheliyay wafdigan siyaasiyiin hore ee ruug-caddaa ah oo ay ka mid yihiin Xuseen Xaaji Bood, Xasan Max'ed Jumbur iyo xubno kale oo iyagu ka tirsanaa dowladdii Carte.

Wafdigan galabta ka ambabaxay magaalada Muqdisho ayaa la sheegay inay martiqaad rasmi ah ka heleen dowladda Liibiya oo uu hoggaamiyo Col. Qadaafi waxaana Muqdisho ka sii raacay wakiilka Jaamacadda Carabta u qaabilsan Soomaaliya Cabdalla Mubaarak iyo xubno ka tirsan jaamacadda Carabta oo iyaga habeenkii xalay ahaa ku hoyday magaalada Muqdisho.

Wafdigan ayaa waxaa diyaarad khaas ah oo ay u soo xirtay xukuumadda Liibiya waxay ka qaadday magaalada Muqdisho lamana sheegin wax ka baxsan martiqaadka loo fidiyay, balse madaxda maxkamaduhu ayaa maalmahan waxay safarro ku kala bixinayeen dowladaha Carabta iyo kuwa deriska nala ah, iyadoo maalmihii ugu dambeeyayna Sheekh Shariif Sheekh Axmed oo ka soo laabtay safar uu ku tagay magaalada Nairobi ee dalka Kenya oo uu ka helay martiqaad ay u fidisay dowlada Kenya.

Aqoon iswaydaarsi dhex maray maxkamadaha iyo ururrada bulshada rayidka ah oo Muqdisho ka dhacay

Aqoon is waydaarsi ay soo qaban qaabiyeen hay'adaha ururrada bulshada ee kala ah: Hay'adda INXA, haweenka COGWO, CRD iyo dhaqaaqa bulshada rayidka ah kaasoo socday intii u dhexeysay 6dii ilaa 7-dii bishan 2006-da.

Aqoon is waydaarsigan ayaa looga hadlay seddax qodob oo ka mid ahaa horumarinta nabadda, dib-u-heshiisiinta iyo doorka ururrada bulshada rayidka ah ay ku leeyihiin nabadda.

Aqoon iswaydaarsigaan oo ay si wadajir ah u yeesheen midowga maxkamadaha Islaamiga iyo ururraba bulshada rayidka ah ayaa waxaa ka qeyb galay guddoomiye ku xigeenka labaad ee golaha maxaakiimta Islaamiga iyo ninka u qaabilsan arrimaha bulshada iyo xiriirka gobollada kuwaasoo si weyn uga dooday muddo labo maalmood ah qodobbadan.

Gababadii aqoon iswaydaarsigan ayaa waxaa laga soo saaray qodobbo ay ka mid ahaayeen:

1. Inay wada wadashaqeyn yeeshaan ururada bulshada rayidka ah iyo maxkamadaha Islaamiga si loo sugo loona hormariyo nabadda hadda jirta.

2. si loo dardargeliyo isfahamka iyo wadashaqeynta in la badiyo wadahadalka iyo kulamada.

3. In la uruuriyo dhalinyarada qoryaha sidata kadibna loo sameeyo dhaqancelin.

4. Si loo abuuro fursado shaqooyin waa in la xoojiyo lana sameeyo kaabiyaasha dhaqaalaha dalka.

5. Si loo turxaanbixiyo dhaliilaha iyo caqabadaha jiri kara in la kordhiyo doodaha wax ku oolka ah.

6. In laga fogaado qabiilka, eexda iyo nin jecleysiga.

Dib-u-heshiisiinta:

1.In maxkamadaha islaamiga iyo dowladda Federalka xoojiyaan dadaalka dib-u-heshiisiinta, fuliyaana go'aanada lagu heshiiyay.

2. Inay la wada yimaadaan tanaasul labada dhinac ah si loo samatabixiyo shacabka Soomaaliyeed ee tabaaleysan.

3. Ini ay joojiyaan labada dhinac hadallada iyo wareysiyada dhaawici kara dib-u-heshiisiinta.

4. In la furo si toos ah iyo si dadban wadiiqooyin keeni kara wadahadal iyo isfaham dhex maro Dowladda Federalka iyo maxkamadaha.

5. In shirarka dib-u-heshiisiinta lagu qabto dalka gudihiisa.

Dorka ururada bulshada rayidka

1. Ururada bulshada rayidku waxay qaadan kartaa dowrka dhex-dhexaadinta ee labada dhinac si loo gaaro nabad waarta.

2. Ururrada bulshada rayidka waxay culeys ku saari karaan labada dhinac inay heshiis gaaraan.

3. Ururada bulshada rayidka waxay fidin karaan farsamooyin, aqoon iyo tababaro si looga gudbo caqabadaha taagan.

4. Ururrada bulshada rayidka waxay u ololeynayaan in la taageero nabadda hadda jirta gudaha iyo dibadda.

5. Ururrada bulshada rayidka waxay sameynayaan barnaamjyo wacyi-gelineed ee nabadda.

Muuse Maxamuud Jiisow
musejisow@hotmail.com
Muqdisho soma;lia
002521576666
002521653623

Faafin: SomaliTalk.com | Sept 9, 2006

Qaar ka mid ah ardayda dugsiyada Gobolka Banaadir oo ka qeyb qaatay nadaafadda Gobolka..
»Dowladda Erateriya oo dalkeeda ku martigelineysa..
»Soomaaliya oo marti gelineysa Tartan caalami ah..
»Jen. Galaal, ”Haddii aan nahay ciidamadii Qalabka sida waan
»Dowladda Federaalka oo sheegay inaaney ciidamadeeda..
»Maxkamadaha Islaamiga ah oo ka digay bixinta dhulka..
»Waftigii maxaakinta islaamiga oo shalay ka soo dhoofay..
»Ciidmada ka imaanyo Uganda ee Somalia la damacsan yahay
Wararka oo dhan ka akhri halkan... Guji... Sept 8

Qaar ka mid ah ardayda dugsiyada Gobolka Banaadir oo ka qeyb qaatay nadaafadda gobolka..

Waxaa maalintii shalay aheyd, qaar ka mid ah ardayda dugsiyada gobolka Banaadir ay ka qeyb qaateen ololihii nadaafadda ee ka socday magaalada Muqdisho, waxaana shalay isugu soo baxay arday tira badan oo isugu jira wiilal iyo gabdho, oo ka kala socday dugsiyada Al-Fajri iyo Kulmiye, wuxuuna bartilmaalmeedkooda dhinac nadaafada uu ahaa inta u dhaxeysa Golihii Murtida iyo Madaadalada ee Tiyaatarkii Qaranka iyo deegaanka Eeneeya oo ka tirsan degmada Xamarweyne, sidoo kale, waxey ardaydaasi nadaafadda ka fuliyeen gurigii hooyooyinka, Carwadii hore ee Ex-Fiyoore iyo jidadka gala Ceelgaab.

Aradayda oo ay ka muuqatay xamaasad iyo waddaninimo ayaa si aad ah uga qeyb qaatay nadaafaddaasi, waxaana soo abaabulay Midowga Ardayda Gobolka Banaadir, oo uu horkacayey C/naasir Max’ed Sheekh Nuur, wuxuuna sheegay mar aan wareysaney in todobaad kasta maalinta Khamiista ay joogto noqon doonto, isagoo sheegay iney soo bilaabeen 24-kii bishii August isagoo sheegay in meelo badan oo ka tirsan gobolka Banaadir ay ka fuliyeen hawlaha nadaafadda.

Sidoo kale, waxaan la kulanay Macalin Xasan Sheekh C/llaahi, wuxuuna sheegay in ardaydu ay yihiin kuwo iskood isku soo abaabulay isla markaana aad ugu xiisa qaba iney wax u qabtaan waddankooda.

Xalwo, Max’ed Faarax oo ka mid ah ardayda dugsiyada ee ka qeybqaatay ololaha nadaafadda ayaa waxey tiri, “Waalidiinteena ayaa nooga sheekeyn jiray wax la yiraahdo Iskaa wax u qabso, anagana ubadkeena ayaan uga sheekeyn doonaa hawshan nadaafadeed”.

Gobolka Banaadir ayaa haatan waxaa dib u soo laabatay bilicsamidiisii dhinaca nadaafadda, hase ahaatee, su’aasha isweydiinta mudani waxey tahay magaalo ay dagan yihiin ilaa iyo laba malyan oo qof, waxa ay maalin waliba soo ka yimaada qashin fara badan, waxaa loo baahan yahay in qashinkaasi la maareeyo, oo meel loo yeelo.