::: SomaliTalk.com :::

Qaar ka mid ah Xildhibaanada Baarlamaanka ayaa waxa ay warqad qoraal ah u gudbiyeen Guddoomiyaha Baarlamaanka Shariif Xasan Sheekh Aadan oo ku aadan in Maxkamadda Islaamiga ah ay damacsan yihiin in ay weerar ku ekeeyaaan Magaalada Kismaayo, waxayna Xildhibaanadu sheegeen in haddii ay Maxaakiimtu weeraraaan uu burburi doono heshiiskii lagu gaary Magaalada Khartuum ee Dalka Suudaan. Guddoomiyaha ayaa waxa ay xildhibaanada ka codsadeen in ay warqad deg deg ah u qoraan Jaamacadda Carabta oo uu ugu sheegayo in Maxaakiimtu ay damacsan yihiin in ay weerar ku qaadaan Magaalada Kismaayo ee Gobalka Jubbadda Hoose. Xildhibaaanadaasi waxay sheegeen in tikniko iyo ciidan aad u fara badan ay maalin walba ku sii socdaan agagaarka magaalada Kismaayo, kuwaas oo doonaya in ay halkaasi ka saaraan Maleeshiyada taageerasan Wasiirka Gaashaandhiga Dowladda Federaalka Barre Aadan Shire (Barre Hiiraale), hase yeeshee waxaa arrintaasi si aad ah u beeniyey Taliyaha ciidamada Dooxadda Jubba Max’ed Rooble Jimcaale (Goobaale) oo sheegay in aysan jirin wax dhaqdhaqaaq ah oo ay Maxaakiimta Islaamiga ka wdaan Gobalada Jubooyinka, waxa uuna sheegay in dadweynaha ku nool gobaladaasi ay si aad ah u taageersan yihiin Maxaakiimta Islaamiga ah, sidoo kale mas’uul u hadlay Golaha Maxaakiimta ayaa waxa beeniyey in Maxaakiimtu dagaalo la damacsan yihiin Magaalada Kismaayo. “Waxaan dhowreynaa heshiiskii Khartuum, mana dooneyno in aan ku xadgudubno” ayuu yiri mas’uulkaasi oo sheegay in Maxaakiimtu tagi doonaan hadba meeshii looga yeero.

Iyadoo uu maalmahan magaalada Adis-Ababa ku sugnaa Madaxweynaha maamulka la magacbaxay Somaliland ayaa hadda warar aanu helnay waxay sheegayaan in Ra’isul Wasaaraha Dalka Itoobiya uu u soo jeediyey Daahir Riyaale in ay heshiiyaan isaga iyo Madaxweynaha maamul Gobaleedka Puntland Cadde Muuse si loo dhameeyo xurgufta u dhexeysa labada maamul.

Ra’isul Wasaaraha Itoobiya ayaa waxa uu sheegay in maamulada Puntland iyo Somaliland ay yihiin kuwo uu xiriir wanaagsan kala dhexeeyo, isla markaana uu si aad ah uga soo horjeedo in uu dagaal dhex maro labada dhinac.

Madaxweynaha Somaliland Daahir Riyaale ayaa Dowladda Itoobiya ku eedeeyay in ay gacan siineyso maamulka Putland, waxa uuna si gaar ah gacanta ugu fiiqay hubkii dhawaan loo qaybiyey ciidamada Puntland, waxa uuna u soo jeediyey Dowladda Itoobiya joojiso taageerada ay siineyso maamul gobaleedka Puntland.

Maalintii doraad ayay ahayd markii halka ay isaga soo horjeedaan ee Ari-Caddeeye ay Madaafiic isku weydaarsadeen Ciidamada Puntland iyo kuwa Somaliland.

Warar aanu ka helnay saraakiil ku dhow dhow Madaxtoonyada Dowladda Federaalka ayaa waxay sheegayaan in Madaxweyne C/llaahi Yuusuf Axmed laga cabsi qabo in uu ka baaqsado shirka ay isugu imaanayaan madaxda wadamada Adduunka oo dhawaan ka furmaya Magaalada New York ee cariga Mareykanka, shirkaas oo ah shir sanadeedkii ay isugu imaan jireen madaxda adduunka.

Saraakiishaas ayaa waxay noo sheegeen in sababaha uu C/llaahi Yuusuf u baaqan karo ay tahay iyadoo weli ay taagan tahay xiisaddii ka jirtay Magaalada Baydhabo, kaddib markii Wasiirka Gaadiidka Cirka Dhulka Max’ed Ibraahim Xaabsade uu u sheegay Dowladda in ay si dhaqsi leh isaga guurto Magaalada Baydhabo.

C/llaahi Yuusuf oo haatan dadaal ugu jira sidii uu xalin lahaa xiisaddaasi ayaa haddii uusan ku guuleysan, waxa uu ka baaqan doonaa shirka Magaalada New York, warar ayaa waxays heegayaan in laga yaabo in uu New York u ambabaxo Ra’isul Wasaare Cali Max’ed Geeddi.

Guddoomiyaha Golaha Fulinta ee Maxaakiimta Islaamiga ah Sheekh Shariif Sheekh Axmed ayaa ka dalbaday Dowladda Liibiya inay ka hor tagto in Soomaaliya loo diro ciidamo nabad ilaalin ah oo ka socda Midowga Afrika.

Sheekh Shariif ayaa waxa uu sheegay in Soomaaliya aysan haatan u baahneyn ciidamo shisheeye, madaama Dalka uu haatan yahay mid 100% aad u xasiloon.

Sheekh Shariif waxa kaloo uu sheegay in haddii ciidamo shisheeye la keeno soomaaliya ay dhici karto in uu gacan ka hadal dhex maro shacabka Soomaaliyeed iyo ciidamadaasi, maadaama shacabka Soomaaliyeed aysan marnaba ogoleyn in ciidao la keeno dalka. Dowladda Federaalka ayaa dadaal ugu jirta sidii Soomaaliya loo keeni lahaa ciidamo nabad ilaalin ah oo ka socda Wadamada Afrika gaar ahaan IGAD, hase yeeshee ilaa iyo haatan waxaa aqbalay Itoobiya iyo Uganda.

Sheekh Xasan C/llaahi Xirsi (Sheekh Xasan Turki) oo ka mid ah Golaha Shuurada ee Maxaakiimta Islaamiga ah oo haatan ku sugan Magaalada Muqdisho ayaa mar uu waramayey warbaahinta waxa uu sheegay in uu dhawaan u kicitimi doono Gobalada Jubooyinka, halkaas oo uu sheegay in uu wakiil uga noqon doono golaha Shuurada, isla markaana gobaladaas uu ka ilaalin doono waxa uu ugu yeeray Itoobiyaanka iyo ciidamada Uganda.

“Anigu ma ahin qabiili, haddaan qabiil ahay Xamar kama dagaalameen, ee waxaan xamar uga dagaalamay Islaanimo iyo wadaninimo” ayuu yiri Sheekh Xasan Turki oo ugu baaqay maamulada Gobalada in ay raacaan Dabaysha Islaannimo ee ka soo cusboonaatay Wadanka Soomaaliya.

Ugu dambeyntii waxa uu sheegay in uusan duulaan ku aheyn gobalada Jubbooyinka, balse uu halkaasi wakiil uga noqon doono golaha Shuurada ee Maxaakiimta Islaamiga ah, waxa uuna u soo jeediyey Shacabka Soomaaliyeed in ay qaataan kibtaabka Alle.

Sheekh Xasan Turki oo si weyn looga yaqaano goablada Jubbooyinka ayaa waxa uu sheegay in uu dib ugu laaban dono halkii markii fariisinka u ahayd ee Raas-Kabooni.

Masjidka Isbahaysiga Islaamka oo ay waxyeelo ka soo gaartay Dagaaladii sokeeye, isla marakaana dhawaan ay dib u fureen maxaakiimta Islaamiga ayaa waxaa la soo gaarsiiyey lacag gaareysa 4-kun oo Doolar oo ay ugu deeqeen dad soomaaliyeed oo ku nool Dalka gudihiis iyo dibaddiisa. Khadiibka Masjidka Sheekh C/raxmaan Culusow ayaa u mahadceliyay intii soo dirtay lacagtaasi isagoo sheegay in lacagtaasi ay tahay mid aan ku filneyn masjidka Isnbahaysiga.

“Dadka Soomaaliyeed marka hore ballanqaadyo ayay sameeyaan haddana ballanqaadyadaasi ma noqdaan kuwo inta badan laga dhabeeyo, balse waa ay jiraan dad ka soo baxa waxa ay ballanaqaadeen” ayuu yiri Sheekh C/raxmaan oo sheegay in Masjidku uu u baahan yahay dayactir aad u xoogan.

Waxa uu intaasi raaciyey “ma ahan in masjidka loo yimaado daawasho oo keliya, ee waxa uu u baahan yahay in hawl la qabto si dib loo gu soo celiyo bilicdiisii”, waxa uuna shacabka Soomaaliyeed u soo jeediyey in ay la soo gaaraan wixii tabarucaad ah oo uu masjidku u baahan yahay.

Masjidkaan oo uu dhismahiisa gacan ka gaysatay Dowladda Sucuudiga ayaa waxyeelo xoogan soo gaartay, iyadoo dhawan roobabkii xooganaa ee da’ay ay masjidka uga sii dareen.

Waxaa habeenkii xalay ahaa Magaalada Adis-Ababa lagu soo gebagabeeyay kulan ay isugu yimaadeen Golaha Ammaanka Qaaradda Afrika, waxaana kulankaasi looga halday sidi soomaaliya loogu diri lahaa ciidamo nabad ilaalin ah oo gacan siiya Dowladda Taagta daran ee ku sugan Magaalada Baydhabo.

Golaha waxa uu sheegay in Bisha October dhamaadkeeda Soomaaliya loo soo diri doono ciidano gaaraya 8-kun oo Askari oo la sheegay garab istaagi doonaan Dowladda Federaalka, waxaana kulankaan Soomaaliya uga qaybgalay Danjiraha Soomaaliya u fadhiya Midowga Afrika C/kariin Laqanyo, mar uu ka hadlay halkaasina waxa uu sheegay in shacabka Soomaaliyeed ay baahi weyn u qabaan keenista.

Wadamada Itoobiya iyo Uganda ayaa horey u ballanqaaday in ay soomaaliya keeni doonaan ciidamo horaanta bishan October, hase yeeshee waxaa arrintaasi si weyn uga soo horjeeda Maxaakiimta Islaamiga ah oo sheegay in ciidamadaasi ay qabuuro u noqon doonaan dalka Soomaaliya.

Maanta ayaa la filayaa in golaha Ammaanka Afrika uu ka doodo qarashka ku baxaya ciidankaasi iyo sidii codsi loogu diri lahaa Qaramada Midoobey si cunaqabateynta hubka Soomaaliya looga qaado, si ay Soomaaliya u galaan ciidamo hubeysan, hase yeeshee ma jiro wadan ku yaboohay qarash.

Max’ed Ibraahim Xaabsade oo si weyn uga soo horjeeda Dowladda Federaalka horeyna u sheegay in ay Baydhabo isaga guurto, ayaa waxaa maalintii shalay ahayd Tuulada Goof-Guduud ugu tagay Odoyaal iyo waxgarad ka tirsan Beelaha Digil iyo Mirifle waxayna ka codsadeen in uu u hogaansamo go’aanadii ay dhawaan gaareen ee ahaa in khilaafka ka taagan garoonka diyaaradaha lagu xaliyo wada hadal iyo is afgarad, maanta ayaa la filayaa in guddigii Beelaha Digil iyo Mirifle iyana ay gaaraan Tuulada Goof-Guduud, si ay Wasiirka Gaadiidka iyo Cirka dhulka uga dhaadhiciyaan sidii uu ogolaan lahaa go’aanadii horey loo gaaray, hase yeeshee Max’ed Ibraahim Xaabsade waxa uu ku adkeysanayaa in Dowladda ay si dhaqsi leh uga guurto Magaalada Baydhabo.

Xaabsade oo wata Maleeshiyooyin iyo Tikniko badan ayaa fariisin ka dhigtay Tuulada Goof-Guduud oo 30-Km u jirta Magaalada Baydhabo ee Gobalka Baay

W/D Amiin Yuusuf Khasaaro

Wadamada dariska ah ayaa cabsi badan ka muujinaya Midawga Maxaakiimta Islaamiga ah Gaar ahaan Kenya Iyo Ethiopia oo labaduba ay aad u adag tahay siyaasadaha kala dhexeeya Soomaaliya marka ay timaado dhulalka uu gumeysigi Ingiriska siiyey ee Soomaaliyeed haatana ay dagan yihiin dad asalkoodu Somali yahay,Cabsidaas ka sokow waxaa jirta feejignaan kale oo ah dhinaca amaankooda iyagoo sii adkeeyey xuduudaha ay la wadaagaan Soomaaliya kana sii afeeftay Dhaqdhaqaaqa Maxaakiimta Islaamiga ah.Arrimahan ayaa waxaa sii wehliya wararka sida xad-dhaafka ah oo ay warbaahinta caalamka ka sheegeen Maxaakiimta taas oo u eg mid hurineysa xaalad aan sal iyo raad lahayn sida ay horey u sheegeen Qaar ka mid ah hogaamiyayaasha Maxkamadaha Midoobey.

Canab Mumtaz | canabmumtaz@yahoo.com

Libiya iyo Talyaniga oo lagu eedeeyay in ay sixun ula dhaqmeen muhaajiriinta soo galaysa wadama dooda.

Wadamada Libiya iyo Talyaniga ayaa Haayada u dooda xuquudul insaanka ee looyaqaano Human Right Watch ay labadaas wadan ku eedaynayaa in ay si xun ula dhaqmeen muhaajiriinta Africanka ah kuwaasi oo doonaya in ay si sharci daro ah ku soo galaan dalalaka midowga yurub iyaga oo soo maraya saxaraha Liibiya si ay u soo galeen yurub.

human Right Watch warbixin ay ka soo saartay xafiiskeeda New-York ayay kusheegtay in labadaasi wadan waa Libiya iyo Talyanige ay doonayaan in ay si xoogleh muhaajiriinta ugu celiyaan wadamadii ay ka yimaadeen taasi oo ka baxsan sharci muhaajiriinta faraha badan ee ka soo talaabaya badwaynta kuwaasi oo si sharci daro ah ku sooo galaya xeebaha wadanka Talyaniga si ay halkaasi uga xamashaan oo ay shaqo uga helaan.

Human Right Watch waxay warbixinteeda ku sheegtay in ay tahay sababaha ugu wayn ee ay dadkaasi uga soo tagayaan dhulkooda ay tahay iyaga oo kala kulma jirdil, ciqaab, shaqo la'aan iyo dhibaatooyin kale oo yaryar taasina ay ku kaliftay in muhaajiriintaasi ay u talaabaan cariga yurub sida warbixinta lagu sheegay.

Warbixinada ay Human Right Watch ka diyaarisay muhaajiriinta oo ka koobnayd 135 bog ayaa tan ugu danbaysay si gaara loogu egayaa sida ay Liibiya ula dhaqanto muhaajiriinta faraha badanle ee soo galay dalka Liibiya kuwaasi oo gaaraya 145,000 kuwasoo soo intooda badani ay Liibiya soo galeen wakhtiyadii u dhaxaysay 2003 ilaa 2005, inta badan muhaajiriiinta soo gaartay Liibiya ayaa ah kuwo ku xir xiran xabsiyada dalkaasi Liibiya halka qaar kalena ay dacwado ku socdaan.

Hadii dadkaasi si xoogleh loogu celiyo wadamada Eritrea iyo Somalia aya waxaa muhaajirintaasi soo food saari akrta cadaadis ah in la dilo ama jirdil loo gaystosida warbixinta Human Righr Watch lagu sheegay.

Bill Frelick oo Human Righ Watch u qaabilsan dhinaca siyaasada ayaa yiti Liibiya muhaajiriintu kuma badbaadayaan iyo kuwa nabad galya donka ah toona waayo sixun ayaa loola dhaqmaa dadka muhaajiriinta ah, waxana uu wadamada midowga yurub ku eedeeyay in ay ka gaabiyeen sidii ay Liibiya cadadis ugu saari lahaayeen sidii ay dadka madowga uga shaqayn lahaayeen Liibiya taasi oo ay kagamaaarmi lahaayeen u talaabka wadamada Yurub .

Majiro sharci dhinaca nabadgalya doonka oo ay Liibiya leedahay ayuu yiri Bill Frelick, Waana wadan ay ku nool yihiiin dad kabadan 5million, halmalyan oo kale ayaa jira oo ah qaxooti doonaya in ay wadanaasi Liibiya kunoolaadaan kuwasoo aan haysan hooy iyo hanti kaleba.

Sidoo kalena Human Right Watch waxay wadanka Talyaniga ku eedaysay in uu wadanakasi si xun ula dhaqmay muhaajiriin ka soo talaabay badwaynta Mediterranean kuwasi oo dhamaantood wada African ahaa gaarayayna 2,800 dhamaantoodna lagu celiyay wdanka Liibiya sida warbixinta lagu sheegay.

human Righ Watch waxay sheegtay in dadka muhaajiriinta ah ee ka soo talaabaya badwaynta Mediterraneanka ay soo gaaraan Talyaniga iyaga oo rafaadsan waxayna soo bar tilmaadsadaan jasiirada Lampedusa oo u dhaw jasiirada kale ee Sicily halkaasi oo ilaalada xeebaha Talyanigu ay ka soo daad gureeyanaa dadkaasi muhaajiriinta ah.

Human Right Watch waxay kaloo warbixinteeda ku sheegtay in Talyanigu uu san dadkaasi u samayn xeryo waa wayn oo ay ku nafaisaan si ay isaga kal qaadaan culaysak iyo dadka faraha badan leh ee soo galaya Talyaniga, dhamaan muhaajiriinta ayaa la geeyaa xeryo yar yar oo ciriiri ah kuwaasi oo ay ud hinteed nafsad ahaan iyo jimsi ahaanba sida ay Human Right Watch ku eedaynayso Talyanigana waxay tiri waxaan arintaas ka xaqiiqsanay in ay jirto haayadaha loo yaqaano NGO oo booqasho ku tagay jasiiradaha dadka lageeyo ee dalka Talyaniga.

Human Right Watch waxay dawlada cusub ee Talyaniga ka oo uu hogaamiyo Raisal wasaare Romao Prodi in aan dadkaasi algu celin wadanka Liibiya oo aanay ku noolaan karin muhaajiriinta oo aan wadankaasi Liibiya ahayn waan ay muhaajiriintu ku badbaadi karaan.

A/rizak koronto
Garowe puntland

Goloha maxaakiimta islaamiga ah oo ciidamadoodii u jiheeyey magaalada kismaanyo ee xarun goboleedka jubada hoose .

Dhaqdhaqaaqyo ciidan ayaa laga dareemayaa wadada isku xidha kismaanyo iyo magaalada xarunta ah ee muqdisho taasoo ay sida wararku nagu soo gaadhayaan ay sheegayaan inay golaha maxaakiimtu ay ciidamadooda u jihaysan yihiin magaalada kismaanyo .

Sidoo kalena waxaa wararku intaas ku darayaan inay magaalada duleedka kismaanyo raaskaambooni lagu ururiyey ciidamo gaadhaya 1500 askari halkaana ay hore ugu ahayd talis sh,xasan turki oo isagu kamida golaha shuurada maxaakiimta islaamiga ,sidoo kale waxaa dhaqdhaqaaqyo lamida kuwan laga dareemayaa magaalada kismaanyo oo uu ka taliyo wasiirka gaashaandhiga dfkmg ah .

Dhaqdhaqaaqyadan ciidan urursi ayaa waxaa saxaafada u xaqiijiyey xildhibaan axmed deer oo kamida xildhibaanada dfkmg ah ee kazoo jeeda magaalada kismaanyo ,ayaa sheegay inay iska difaaci doonaan hadii ay soo weeraraan maxaakiimtu ,isagoo intaas ku daray waxaa arintani keeni doontaa fool xumo hadii asan ka fiirsan golaha maxaakiimtu ,mar la waydiiyey maxaad ku xaqiijinaysaan in golaha maxaakiimtu kismaanyo u soo socdaan ayaa waxuu sheegay xildhibaanku waanu ognahayn talaabo kasta oo ay damacsan yihiin maxaakiimtu waayo waxaa u gacan haadinaya qaar aanu isku beel nahay oo magaalada kismaanyo ku sugan .

Dhaqdhaqaaqyadan lagu doonayo inay magaalada kismaanyo soo gasho gacanta golaha maxaakiimta ayaa kusoo beegmay xili uu taliyaha garoonka magaalada kismaanyo cabaas ay ciidamadiisu ku dileen ,qaarna ku qabqabteen niman looga shakiyey inay wadeen howlo ka dhan ah isbaahaysiga dooxada juba ,niamnkan ayaa ka koobnaa 6qofood oo ay halklaasi ku geeriyooday hal qof halka shantii tii kalena xabasiga loo taxaabay ,nimankan oo ahaa culimo u badan dhalin yaro ayaan la ogayn sababta dhabta ah ee ay wadeen waloow ay maamulka magaalada kismaanyo ku tilmaameen niman u adeegayey golaha maxaakiimta islaamiga ah ee fadhigoodu yahay magaalada muqdisho.

Dhanka kale warar la isla dhexmarayo ayaa sheegayo in maxkamaduhu ay ogaadeen in ciidamada igad som ay ka soo degi doonaan dekeda magaalada kismaayo taasoo saba looga dhigayo in ciidamada igad som ay saldhiga ugu weyn ee milateri ay ka dhigan doonaan magaalada kismaayo oo ka kooban bad iyo berri xadna la leh dalka keynya ,

Si kastaba ha ahaatee isbaahaysiga dooxada juba oo magaalada kismaanyo gacanta ku haya ayaa dhowaanahanba ku kala jabnaa dhinacyada siyaasada taasoo soo dedejin karta inay golaha maxaakiimta iyo ciidamada indhocade ay weeraraan magaaladaa kismaanyo ,sidoo kalena iyadoo uu todobaadadkii nasoo dhaafay uu magaalada muqdisho soo gaadhay gudoomiye ku xigeenka dooxada juba goobaanle ,isagoo shirar hoosaadyo la yeeshay golaha maxaakiimta iyo masuuliyiinta uu kamid yahay madaxweynihii dowladii carta c/.qaasim salad xasan

Muuse maxamuud jiisow
musejisow@hotmail.com
Muqdishosomalia
002521576666/002521653623

Faafin: SomaliTalk.com | Sept 14, 2006

MUXAMMAD HALOO DIRO AQALKA US CONGRESS
Waxaa xalay oo ay taariikhda aheyd Sept.12, 2006 ku guuleystay doorashada is reeb reebka murashixiinta xisbiyada (Primary Election) hogaamiye Muslim ah ... AKhri....

Xaflad Lagu Taageerayo Ururka Haweenka Horseedka Nabadda iyo Nolosha (HINNA)

9 September, 2006 - Fairfax, Virginia, United States

Maalintii sabtiga ee bishu aheyd 9kii September waxaa lagu qabtay xaflad weyn oo lagu taageerayo ururka Haweenka Horseedka Nabadda iyo Nolosha (HINNA) degmada Fairfax, Virginia ee dalka Maraykanka. Xafladda waxaa soo qabanqaabiyay dumarka Soomaalida ee dagan agagaarka magaalada Washington, D.C. Waxaa xafladda ka soo qeybqaatay dad badan oo Soomaaliya oo iskugu jira rag iyo dumar.

Waxaa furay xafladda Ibrahim Sheikh oo aad ugu mahadnaqay dumarka soo qabanqaabiyay xafladda. Ibrahim wuxuu si aad ah u xusay kaalinta muhiimka ah oo ey markasta dumarka Soomaalidu ka qaataan u adeega shacabka Soomaalida gudaha iyo dibadda wadankaba. Wuxuu Ibrahim hadalka ku wareejiyay Shamsa Ali Haji oo ku hadleysay magaca dumarka soo qabanqaabiyay xafladda.

Shamaso waxay ka hadashay waqtiga iyo shaqada badan ee gashay hirgalinta xafladda. Waxay kaloo Shamsa ka hadashay sida ay ugu riyaaqsanyihiin howlaha ururka HINNA uu horay u qabatay sidoo kalena ugu hanweynyihiin howlaha HINNA ay qabandoonto mustaqbalka. Shamso waxay xustay in rayiga taageerada loogu fidinayo HINNA uu ka dhashay kulan ay dumarku la yeesheen Xildhibaanad Asha Xaji Elmi waqti ay booqasho ku joogtay gobolka Virginia ee dalka Maraykanka.

Waxaa kaloo hadlay Habiibo Carale oo kamid ah dumarkii soo qabanqaabiyey xafladda. Habibo waxay ka hadashay muhiimadda xafladda iyo taageerada HINNA ay u fidiyeen dadka Soomaalida ee dagan agagaarka Washington, D.C. Waxay Habiibo hadalka ku wareejisay Hassan Warsame oo soo bandhigay “presentation” iskugu jira hadal iyo masawiro oo ka hadlaya aasaaskii ururka HINNA iyo howlaha aad u faraha badan oo uu uruku qabay mudadii gaabneyd oo uu dhisnaa. Ugu dambeys waxaa soo xiray xafladda una mahadnaqday dadkii xafladda yimid iyo kuwii soo qabanqaabiyay Filsan Darmaan oo ka mid ah qabanqaabiyaashii xafladda.

Guddiga dumaraka ee xafladda soo qababqasabiyey waxey ka kooban yihiin:

1. Shamsa Ali Haji
2. Filsan Darman
3. Maryan Osoble
4. Faduma Omar Mao (Faantooy)
5. Ruqia Sheikh Bashir
6. Habiba Carale
7. Maryan Gacal
8. Shukri Abdullahi Caddow
9. Vanda Versigla

Ururka HINNA:

HINNA waa urur samafal oo ku saleysan u adeega shacabka Soomaaliya. Waxaa HINNA aasaasay dumar Soomaaliyeed si ay wanaag iyo nolol wacan ugu horseedaan shacabka Soomaalida una raadiyaan dowlad iyo nidaam ku dhisan cadaalad, sinaan, iyo xaqdhowr. HINNA waxay horkac iyo horseed u tahay sidii nabad waarta iyo nolol wacan loo gaarsiin lahaa dadka iyo dalka Soomaaliyeed oo mudda dheer ku jiray colaad iyo bubur.

Ururka HINNA intii uu soo jiray wuxuu qabtay howlo farabadan oo lataaban karo oo si waanaagsan usaameeyay nolosha shacabka ku nool Xamar. Waxaa ka mid ah howlahaas soo celinta nabadda, qaadista isbaarooyinka, furitaan dugsiyo waxbarasho iyo hospital, kaalmeyn dadkii abaaruhu saameeyeen, iyo howlo kale oo fara badan.

Ururka HINNA waxaa la aasaasay 28 April, 2003. Ururku wuxuu ka kooban yahay 60 xubnood oo dumar ah. Madaxda ururka waxaa ka mid ah:

Amina Abdi Nur ---- Gudoomiye
Madina Maxamud(General)
Asha Shacuur Ugaas
Dhofa Khalif
Sharifo Addow
Asha Jofey

Contact:
Nasra Malin
malinnasra@hotmail.com

Xaabsade oo ku gacan seyray dhexdhexaadin uu wadey Gudoomiyaha Baarlamaanka
»C/llaahi Yuusuf oo ku sii jeeda Magaaladda New York…
»Geedi oo dhaleeceyn u jeediyey Dowladda liibiya..
»Ciidamo xoog leh oo lagu ururinay deegaanada J/Dhexe..
»Shariif Xasan oo shalay warbixin siiyey Baarlamaanka
»Kulan dhexmaraya Golaha Maxaakiimta iyo Hayadaha..
»Cadde Muuse oo Booqaday Cisbitaalka Laascaanood...
»Puntland: Qiimaha sarifka dollarka oo sare u kacay...
»Talaalka Cudurka Dabaysha iyo Afrika...
»Iska Hor-imaad laga soo sheegay Gobolka Sool...
»Ciidamada Maamulka Somaliland oo Heegan La Galiyay.
»Siyaasiyiinta Digil iyo Mirifle oo ku kala qaybsamey hadalkii
»Dagaallo cadowga lagu naafeeyay oo ka dhacay Ogadeenya
Wararka oo dhan ka akhri halkan... Sept 13