Daabaco Boggan | Print

MAALMO MUHIIM AH:::

Maalmo Muhiim ku ah Jadwalka Islaamka 1427-1428

QAABKA QORISTA Qaabka Loo Qoro Wararka.. Akhri ::MUQDISHO & DHURWAAGA:: Ma dhabaa in Dhurwaaga lagu Daweeyo Dadka Jinniga qaba Guji

• Kenya: Cali Maxamed Geeddi oo si waji-gabax ah uga Huleelay Xafiis Wasiir kuxigeen
• Hubkii ay lahaayeen Seeraar iyo Goobaale oo ku wareejiyey Maxkamadaha
• John Bolton “Waa in si taxadar ah loola socdaa xaalada Soomaaliya ..
• Warbixin ku saabsan labo Diyaaradood oo shalay ka soo degey Garoonka
• C/llaahi Yuusuf oo kulan gaar ah la yeeshey Xubnaha labada Gole ee Beesha Mareexaan
• Wasiirka arimaha dibada Somalia Mr. Buubaa oo ka hor akhriyay Golaha guud ee Q.M khudbad dheer..
•  

  ---

Kenya: Cali Maxamed Geeddi oo si waji-gabax ah uga Huleelay Xafiis Wasiir kuxigeen

Ra'iisul wasaaraha DFKMG, Cali Maxamed Geedi, ayaa Talaadadii Sept 26 waxa uu si wajigabax ah uga baxay xafiiska wasaaradda arrimaha dibadda ee dalka Kenya kaddib markii la qadarin waayey ballan uu la lahaa wasiir kuxigeenka Wasaarada Arrimaah Dibadda Kenya, sida ay qortay jariidada Standard ee kasoo baxda Nairobi.

Cali Maxamed Geeddi iyo safiirka Talyaaniga, Mr Enrico Gerardo De Maio, ayaa isku mar waxa ay soo galeen xafiiska si ay ula kulmaan wasiir kuxigeenka wasaarada arrimaha dibada Kenya, Mr Moses Wetang'ula. Geeddi waxa u qorshaysnaa in uu arrimaha Soomaaliya uga warbixiyo..

Daqiiqad kahor intii uusan qaabilin De Maio, mr. Wetang'ula waxa uu si dhaqso ah uga soo baxay xafiiskiisa waxana uu dalbaday in ergeyga Talyaanigu uu soo galo xafiiskiisa. Talyaanigii waxa uu galay xafiiska kuxigeenka wasiirka.  Geeddi oo isla xilligaa ballanta lahaa bannaanka ayaa looga tegey. Waqti dheer markii uu Geeddi sugayey in loo yeero, oo aysan muuqan cid tixgelineysa ballantii uu lahaa, waxa uu ka huleelay goobtii si wajigabax ah, waxana uu si hal-haleel ah uga tegey goobtii uu ku sugayey wasiir kuxigeenka muddada dheer, goobtaas oo ahayd meeshii uu kulahaa ballanta aan tixgelinta lasiin.

Kenya waa dal gumeysta qayb ka mid ah dhulka Soomaaliyeed (NFD), Talyaaniguna waxa uu ka mid yahay dalalkii sababay in Soomaaliya la qaybiyo.

Hubkii ay lahaayeen Seeraar iyo Goobaale oo ku wareejiyey Maxkamadaha

Yuusuf Mire Seeraar “Hubka waxaan ku bedeshay..”.

Waxaa maalintii shalay ahayd Magaalada Kismaayo oo ay dhawaan la wareegeen Maxaakiimta Islaamiga ah ayaa wararka ka imaanaya halkaasi waxay sheegayaan in Xildhibaan Yuusuf Mire Seeraar iyo Max’ed Rooble Jimcaale (Goobaale) ay hubkooda ku wareejiyeen Maxaakiimta Islaamiga ah, waxaana ka qaybgalay kulankaasi mas’uuliyiin ka socotay Maxaakiimta Islaamiga ah, inkastoo khilaaf uu ka yimid wareejinta hubkaasi, ayaa aaqiritaankii waxaa la isku afgartay in hubkaasi lagu wareejiyo Maxaakiimta Islaamiga ah.

Yuusuf Mire Seeraar oo ka hadlay xafladdii wareejinta hubkaasi ayaa waxa uu yiri “hubka waxaan ku bedeshay nabad, waxaana leeyahay kooxaha kale ee hubka in ay hubkooda ku wareejiyaan Maxaakiimta”. Mar uu ka hadlayey Seeraar in uu weli jiro isbahaysigii Dooxadda Jubba, ayaa waxa uu sheegay in isbahaysigaasi uu gebi ahaaba burburay, waxaa kalloo uu sheegay Baarlamaanka Dowladda Federaalka uu haatan noqday mid u adeegaya Dowladda Itoobiya, isagoo sheegay in uusan ka mid noqoneyn Baarlamaan ay Itoobiya ka taliso.

John Bolton “Waa in si taxadar ah loola socdaa xaalada Soomaaliya ..

Wakiilka Mareykanka u fadhiya Qaramada Midoobey John Bolton oo qudbad ka jeediyay shirkii Golaha Ammaanka ayaa mar uu soo qaaday xaaladda Soomaaliya, waxa uu sheegay in loo baahan yahay in si taxadar leh loola socdo.

Wakiilku waxa uu sheegay in waqtigaan aysan habooneyn in Soomaaliya laga qaado cunaqabeynta hubka, isagoo sheegay in ay dhici karto in Soomaaliya uu ku qulqulo hub fara badan oo uu sheegay in uu ka imaanayo dhinacyo fara badan oo uusan carabaabin.

Wadamo ka tirsan IGAD oo ay ka mid yihiin Itoobiya, Kenya iyo Yugandha ayaa Qaramada Midoobey ka dalbaday in Soomaaliya si dhaqsi leh looga qaado cunaqabateynta hubka si ay u fududaato in ay galaan ciidamo ka socda IGAD, hase yeeshee Qaramada Midoobey arrinkaasi taxadar ayay ka muujisey.

Warbixin ku saabsan labo Diyaaradood oo shalay ka soo degey Garoonka

Waxaa maalintii shalay ahayd Garoonka Diyaaradaha ee Magaalada Baydhabo ka soo degaqy labo diyaaradood oo siday xamuul kala duwan, mid ka mid ah diyaaradahaasi ayaa lagu waramay in ay siday afar gaari oo labo ka mid ah ay ahaayeen kuwa aan xabaddu Karin oo loogu talagalay Madaxweynaha soomaaliya, iyo labo loogu talagalay ilaalada gaarka ah ee Madaxweynaha, diyaaradda kale ayaa waxay siday raashin kala duwan oo loogu talagalay bisha Barakeysan ee Ramadaan.

Labadan duyuuradooda ayaa waxaa la lahaa Dowladda Liibiya, waana deeq ay Dowladda Liibiya ugu talagashay Dowladda Federaalka, iyadoo labada gaari ee aysan xabaddu Karina ay bedelkooda yihiin kuwii Madaxweynaha kaga gubtay qaraxii dhawaan ka dhacay Magaalada Baydhao ee ahaa isku day la doonayey in lagu dilo madaxweynaha, hase yeeshee waxaa dhawaan dowladda Liibiya cambaareeyay Ra’isul Wasaare Geeddi oo sheegay in Dowladda Liibiya aysan dhex dhexaad ka aheyn Arrimaha Soomaaliya, isagoo sheegay in ay gacan siiso Maxaakiimta Islaamiga ah.

C/llaahi Yuusuf oo kulan gaar ah la yeeshey Xubnaha labada Gole ee Beesha Mareexaan

Wararka naga soo gaaraya Magaalada Baydhabo, waxay sheegayaan in Madaxweyne C/llalahi Yuusuf Axmed uu maalintii shalay ahayd kulan la yeeshay xubanaha Dowladda uga jira Beesha Mareexaan, waxaana kulankaasi diiradda lagu saaray xaaladda Magaalada Kismaayo ee ay dhawaan gacanta ku dhigeen Maxaakiimta Islaamiga. Inkastoo aan la faahfaahin waxyaabihii la iskula soo qaaday kulankaasi, haddana beesha Mareexaan waxa ay Dowladda ka dalbatay Taageero Milatari si ay mar kale gacantooda ugu soo laabato Magaalada Ksimaayo, waxaa dhawaan la filayaa in Magaalada Baydhabo uu soo gaaro wasiirka Gaashaandhiga iyadoo iyo Tiknikada iyo Ciidamada la socdana lagu biirin doono Ciidamada kale ee ku sugan xerooyinka Baydhabo

W/D Amiin Yuusuf Khasaaro
E-Mail amiinkhasaaro@hotmail.com

MUSLIM AMERICAN SOCIETY OF MINNESOTA(MAS-MN) "Markii ugu horeysay taariikhda MN"

Wasiirka arimaha dibada Somalia Mr. Buubaa oo ka hor akhriyay Golaha guud ee Q.M khudbad dheer maxaase uu sheegay ..

• DAAWO: Khudbadii uu Buubaa ka jeediyey Qaramada Midoobey::

Ismaaciil Hure Buubaa Wasiirka arrimaha dibada ee dowlada KMG ee Soomaaliya, ayaa habeenkii xalay ahayd magaalada New York oo uu ka socdo shirka golaha guud ee qaramada midoobay ee 61-aad ka jeediyay khudbad dheer oo uu kaga hadlay arinta Somalia isagoo iyo xaaladaha ugu danbeeyay ee Somalia iyadoo wasiirku u matalayay dawlada Somalia shirkaasi waxaana uu halkaasi ka sheegay arimo badan oo ay ka mid ahayd in xayiraada hubka saran Somalia ay qaramada midoobay ka qaato  , si loo suurta geliyo in ciidamada nabad ilaalinta ee Afrikaanka ay tagaan Somalia ayaa uu yiri wasiirku .

Wasiirka arimaha dibada ee Somalia mr Buubaa waxaa uu ka codsaday beesha caalamku In ay dawlada Somalia taageerto oo ay markaasi la qaado xayiraada hubka ee saran Somalia isagoo ku dhaliilay beesha caalamku in ay arinta Somalia ka gaabiyeen oo aan sidii la rabay aysan uga soo bixin balse waxaa uu wasiirku dhanka kale rajo wanaagsan ka muujiyay in wakhtiyada fooda nagu soo haya beesha caalamku arinta somalia wax ka qaban doonto isagoo arintaasi rajo wagaan ka muujiyay  .

Dhanka Wasiirka arimaha dibada ee dawlada federlka mudane Buubaa waxaa uu golaha guud ee Q.M ka canbaareeyay isku daygii dil ee 18kii bishaan oo ka bad baday madax waynaha Somalia isagoo sidoo kale eedeeyey maxaakimta Islaamka inay jebiyeen heshiisyadii horey loo gaaray waxaana sida oo hadalka u dhigay uu yiri waxay sameeyeen dhul balaarsi

• DAAWO: Halkan ka daawo hadalkii uu jeediyey Tuju.....  

Wasiirka arrimaha dibada Kenya Mr. Raphael Tuju ayaa khudbad isna ka jeediyay magaaladda New York isagoo dawladiisa u matalayay  dawladiisa shirka golaha guud ee Q.M   waxaana arimo badan oo uu ka hadlay ka mid ahaa arinta Somalia isagoo sheegay in beesha caalamku iska ilaabeen xaalada Somalia iyagoo ku sii jeeda dalalka Iran Korea waqooyi arinta somaliyana loo daayay dalalka dariska la ah waxaana uu ku baaqay in beesha caalamku u istaagaan arinta Somalia  .

Hadalkiisa isagoo sii wata ayaa uu sheegay in beesha caalamku ku boorinayo in wax ka qabtaan xaalada somalia ay imikadtan ku sugan tahay isagoo ku baaqay in beesa caalamku isugu geeyaan awuudooda  sidii Somalia  loogu soo dabaali lahaa xasilooni oo looga saari lahaa dhibaatada hada dalkaasi uu ku jiro isla markaana la taageero dawlada Somalia ee ka fadhida magaalada baydhabo.

Mr. Tuju wasiirka arimaha dibada ee Kenya ayaa waxaa uu ka hadlay oo kale arimo ay ka mid yihiin qaxootiga somalida ah eek u soo qolqolaya Kenya iyo calamka intiisa kale isagoo arintaasi wal wal ka moojiyay waxaa kaloo carabka uu ku dhuftay arinta hubka fudfudud ee Somalia uga soo gudba dalalka dariska lah kaas oo uu ku tilmaamay in dhinato uu ku yahay xaalada gobolka iyo dagaantiisaba

Dawlada Ugnada waxay Somalia u diyaaray 1000 askari ‘’ sidaas waxaa sheegay Major Felix Kulayigye’’ afhayeenka ciidanka dalkaasi

.Wakaalada wararka ee Reuters ayaa waxaa afhayeenka ciidanka dalka Ugnada Major Felix Kulayigye u sheegay isaguu khadka telfoonka ugu waramayay in 1000 askari oo ciidamada dalkiisa ah ay tagayaan dalka Somalia si nabad loogu soo celiyo waxaana uu sheegay in ay ciidamadaasi ay diyaar u yihiin iminka in ay u baqoolaan Somalia  .

Afhayeenka ciidanka dalka Uganada ayaa waxaa uu sheegay in ciidamadaa dalkiisu awood ku gali doonin dalka Somalia balse  ay tagayaan marka ay isku afgartaan dhinacyada siyaasada Somalia ka go’da

Maxaakint islaamiga ah ee somaliyeed ayaa iyagu ka biya diidsan arinta in somalia ciidamo la keeno iyadoo maxaakintu gacanta ku hayaan inta badan gobolada koonfurta Somalia halka dawlada Somalia ay iyadu marar badan codsatay in Somalia la keeno ciidamo nabada ilaaliyo balse ay hor taalo cuna qabtaynta hubka ee saran Somalia ee la saaray 1992 ka dib markii oo bilawday dagaalada sokeeye ee Somalia sanad ka dib .

Maxamed cabdi Maxamed Bootaan
Somalitalk Nairobi kenya
Botaan1@hotmail.com 

Nin Soomaali ah oo  lagu dilay K/Afrika
kadibna lagala baxay Xubnaha Jirka ee Muhiimka ah sida Maskaxda, Wadnaha, beerka, Kilyaha, iyo... Guji...