 "waayadii hore soohdinta Itoobiya badda ayay ku
sinnayd, hase ahaatee kolkii ay weydey awood ku filan oo
ay wax isaga caabbido, xoogagga kiristaanka ahina ay wax
kaalmo ah taaran waayeen ayay soohdimahayagii badda
gaarsiisnaan jirey waxay u gacan-galeen quwado muslin
ah"
Menelek II: April 10, 1891...
Akhri...
 Xuseen
Maxamed Faarax Ceydiid Ra'iisul-wasaare K/xigeenka
ahna Wasiirka Arrimaha Gudaha DFKMG ee lagu soo
dhisay Nairobi oo Magaalada Muqdisho dhawr
maalmood kadib markii ay qabsadeen ciidamada
Ethiopia kula hadalyey odayaal dhaqameedyo ayaa
sheegay in la baabi'inayo Xadka Soomaaliya oo
lala midaynayo Ethiopia, oo Hal Ciidan ay
yeelanayaan, Hal dhaqaale yeelanayaan, hal
Baasaboor ay qaadanayaan Soomaalida iyo Itoobiyaanku.
Xuseen Caydiid: Jan 2, 2006...
Akhri..
Ciidamo Itoobiyaan ah oo harsanaya Geed-hindi;
Muqdisho Jan 4, 2007. AFP
 Jan
7, 07:
Inta
maalmood oo Ciidanka Xabashidu Ku Jiraan Magaalooyinka: Galkacyo
(43), Baydhabo
(22), Beledweyne
(14), Muqdisho
(11), Kismaayo
(7)..
Hadalkii Diinaari ee Sarbeebta
ahaa....
 Qoraalkii uu C/Risaaq Xaaji Xuseen 2002 Ka Qoray Faragelinta ay
Itoobiya Ku Hayso Arrimaha Gudaha ee Soomaaliya, kaas oo ku aadan arrimaha
Maanta taagan.. Akhri
Meles Zenawi:
Hadalkii Diinaari ee Sarbeebta ahaa oo aan
Soomaalidu fahmin iyo Xuseen Caydiid oo ah fikirka
Saxda ah iyo Qorshaha/Hindisaha/Aragtida ama
VISION-ka dhabta ah ee Dawladda...
Akhri... |
Goobo ku yaal
Muqdisho oo ay ku sugnaayeen Ciidamadda Itoobiya
oo..
Iyadoo Ciidamada Itoobiya markii ay soo galeen
Magaalada Muqdisho ka degeen dhowr goobood oo
muhiim ah ayaa haddana waxaa maalmihii ugu
dambeeyey isa soo tarayey in Ciidamada Itoobiya
ka sii baxayaan goobihii ay horey u degeen.
Todobaadkii hore ayay ahayd markii Ciidamadii
Itoobiya ee soo degay Agagaarka Hotel Ramadan ay
halkaasi isaga baxeen kaddib markii lagu
weeraray Bam. Sidoo kale Ciidamada Itoobiya ee
ku sugnaa agagaarka Sayidka ayaa iyana halkaasi
isaga baxay kaddib markii hanjabaadyo iyo
weeraro uga yimaadeen kooxo maleeshiyooyin ah oo
deganaa xaafadaha ku dhow halka aydeganaayeen.
Sabtidii Jan 6
galabnimadii ayaa Ciidamada Itoobiyaanka ah ee ku sugnaa
xaruntii Hargaha iyo Saamaha halkaasi laga daadgureeyey,
iyadoo habeenkii ka horeeyey ciidamadaasi lagu tuuray
Bam Gacmeed, iyadoo Sabtidii ay ugu darsameen
banaanbaxyadii rabshadaha watay, waxaana la arkayey
Ciidamada Itoobiya oo lagu daad-gureynayo gawaari fara
badan oo si aad ah loo ilaalinayo.
Ciidamada Itoobiya ayaa
haatan ku soo uruuray Garoonka Diyaaradaha ee Magaalada,
Dekedda Weyn ee Magaalada Muqdisho, iyadoo maalintii
shalay ahayd Dekedda horteeda uu ka dhacay Banaanbax
looga soo horjeedo Ciidamada Itoobiya, taasina waxay
keentay in Rasaas ka fakatay qori Zuu ah ay disho askari
ka tirsan Ciidamada Dowladda Federaalka, isagoo
dhaawacay saddex Askari oo kale.
Waxaa haatan muuqata
cabsi weyn oo laga qabo in uu iska hor imaad dhex maro
ciidamada Itoobiya iyo Shacabka oo iyagu u arka
Itoobiyaanka in ay yihiin Ciidamo Xoog ku qabsaday dalka
Soomaaliya, waxaana shalay Magaalada Muqdisho ka dhacay
banaanbixii ugu balaarnaa oo looga soo horjeedo
Ciidamada Itoobiya, kaas oo keenay markii dambe ina y ku
dhintaan Dhowr qof ayna ku dhaawacmaan dhowr kale... [13
jir ka mid ahaa dadkii mudaharaadayey oo ay ciidamada
Ethiopia dileen oo aabihiis la hadlay saxaafada ka akhri
hoos...]
Dagaal ka dhacay
Xuduuda u dhexeysa Kenya iyo Soomaaliya..
Wararka naga soo gaaraya xuduuda u dhexeysa Kenya iyo
Soomaaliya ayaa waxay sheegayaan in halkaasi uu ka
dhacay dagaal aad u kharaar oo u dhexeeyay ciidamada
Maxaakiimta Islaamiga ah iyo kuwa Itoobiya oo gacan
siinaya kuwa Dowladda Federaalka, waxaana dagaalkaasi
lagu tilmaamay kii ugu kharaaraa, inkastoo aan
faahfaahin dheeraad ah laga hayn, haddana waxaa la
sheegay in labada dhinac uu kala gaaray khasaarooyin
baaxad leh, iyadoo wararka ka imaanaya Kismaayana ay
sheegayaan in Magaaladaasi lakeenay dhow qofood oo
dhaawac ah.
Halka lagu dagaalamayo ayaa ah dhul aad hawd u ah oo ay
adag tahay in halkaasi ay galaan Ciidamada Itoobiya,
maadaama halkaasi ay horey ugu jireen dagaalyahno fara
badan, ciidamada Maxaakiimta Islaamiga ah ee halkaasi ku
jira ayaa tiradooda lagu qiyaasay ilaa iyo 2000 Kun oo
aad u hubeysan, waxaana laga cabsi qabaa in dagaal kale
uu mar kale dhex maro labada dhinac, iyadoo Dowladda
Itoobiya ay dooneyso in halkaasi ay ka saarto dhamaan
Ciidamada Maxaakiimta.
Dowladda Itoobiya
oo sheegtay in aysan soomaaliya u imaan...
- Baladweyne:
Itoobiya oo hub dib ugu celisey maleeshiyooyin
- Gobolada Dhexe:
Itoobiya oo hubkii dib ugu celisey Beelo
Iyadoo dhawaan Ra’isul Wasaare Cali Max’ed Geeddi uu
sheegay in hubka laga uruurin doono dadweynaha ku nool
Magaalada Muqdisho ayaa haddana Dowladda Federaalka dib
uga laabatay kaddib markii ay sheegeen in ay wadatashi
la sameeyeen bulshada rayidka ah iyo odoyaasha dhaqanka.
Sarkaal u hadlay Dowladda Itoobiya ayaa waxa uu sheegay
in aysan Soomaaliya u imaanin sidii ay hub u uruurin
lahaayeen, balse ay u yimaadeen in ay la dagaalamaan
kooxaha mucaaradka ku ah Dowladda Itoobiya oo siduu
sheegay ku sugnaa gudaha dalka Soomaaliya, sarkaalku
waxa uu sheegay in Ciidamada Itoobiya marka ay
dhameeyaan hawgalkooda ay dib ugu laaban doonaan
Itoobiya, iyadoo wararka ka imaanay Magaalada Baladweyne
ay sheegayaan in hubkii ay Ciidamada Itoobiya ka qaadeen
Ciidamadii Maxaakiimta Islaamiga ah dib loogu celiyey
Maleeshiyooyinkii lahaa, sidoo kalan hubkii ay ka
qabteen gobalada dhexe iyana dib loogu celiyey beelihii
lahaa ee deganaa Gobalada dhexe ee dalka Soomaaliya..
Halkee ku
dambeeyeen hogaankii Sare Maxaakiimta..
Ayadoo taagaarayaashii Maxkamadaha Islaamiga ah ay is
waydiinayaan halkii ay ku dambeeyeen Hogaankii Sare
Goalaha Maxaakiimta islaamiga ayaa hadane warar aynu
halnay waxay sheegayaan in xubnihii Sare ee Maxakamadaha
ay ku sugan yihiin Dalka Yeman ka dib markii dhawaan ka
qaaday Garoonka Kismaayo.
Inkastoo aan la faahfaahin Masuuliyiinta hadane warar
aynu ka helnay Dalka Yeman waxay sheegayaan in Xubno ay
ka mid yihiin Shiikh Shariif, Xoghayahii Arrimaha
dibadda ibraahim Xasan Caddow ay ku sugan yihiin.
Dowladda Yeman ayaa sheegtay in Raggaas halkaasi loo
keenay sidii arinta Soomaaliya loogu dhamayn lahaa
wadahadal iyo isafgarad, ayadoo Dowladda Yeman ay
sheegtay inay aad u danayneeso sidii xaalada Soomaaliya
loo qaboojin lahaa.
Dowladda K/M/G ayaa waxay eedeen u jeedisay Dowladda
Yeman kuna tilmaameen inay hooy siinayso waxa ugu
yeertay kooxo Argagixiso ah oo dhibaato Shacabka
Soomaaliyeed.
Dowladda Maraykanaka ayaa horay u sheegtay in sida uga
dhaqsiyaha badan loo sameeyo Dowladda Qaran oo ay ka
wada muuqdaan qaybaha kala duwan ee Bulashada ayna ku
jiraan kana dhex muuqdaan Xubnaha qunyara socodka ah ee
Maxkamaha islaamiga ah.
Dhowr jeer oo wadahadal horay u dhexmaray Maxkamaha
islaamiga ah iyo Dowladda fedaraalka ah kaasoo markii
dambe ku fishilamay Dalka Suudaan, oo qolo walba ay soo
bandhigtay Shuruudo adag.
Wararka kale ee ka
imanaya dalka Yemen ayaa sheegaya sabtidii ay dalkaasi u
duushay
Jendayi Frazer.. Akhri
warbixinta hoose ee Kulanka Cali Cabdalla Saalax...
Cali Cabdala Saalax oo
kulan la yeeshay kaaliyaha..
Iyadoo qaar ka mid ah mas’uuliyiinta sar sare ee
Maxaakiimta Islaamiga ah ay ku sugan yihiin Magaalada
Sanca ee dalka Yemen ayaa haddana waxaa magaaladaasi
kulan kula yeeshay madaxweynaha dalka Cali Cabdala
Saalax kaaliya Xoghayaha Arrimaha Dibadda Mareykanka J.
Fraizar, waxaana kulankaasi la iskula soo qaaday
arrimaha Soomaaliya, iyadoo Dowladda Yemen ay soo
dhaweysay in Soomaaliya loo qabto dib u heshiisiin qaran
oo ay ka wada qaybgalaan dhamaan qaybaha kala duwan ee
bulshada iyo Mas’uuliyiinta Maxaakiimta Islaamiga
Soomaaliyeed kuwooda qunyaro socodka ah.
Fraizar oo doraad shir gudoomisay kulan looga hadlayey
arrimaha Soomaaliya ayaa waxa ay sheegtay in Dowladda
Mareykanka ay 16 Milyan oo Doolar ugu deeqday Dowladda
Federaalka Soomaaliyeed, iyadoo sheegtay in lacagtaasi
loogu talagalay dhinaca gargaarka iyo Qaxootiga.
Cali Cabdala Saalax ayaa isagu wada dadaalkii ugu
dambeeyey oo uu ku doonayo in uu ku dhameeyo arrimaha
Soomaaliya iyadoo dhawaan uu tagayo wafdi ka socda
dowladda dalkaasi Yemen.
Banaanbax looga soo
horjeedo ciidamada Itoobiya..
Maalintii Sabtidii ayaa Magaalada Muqdisho qaybo fara
badan waxaa ka dhacay banaanbaxiii ugu balaarnaa oo wata
rabshado kaas oo ay dhigayeen dadweyne ka soo horjeeday
joogitaanka Ciidamada Itoobiya iyo waliba in hubka laga
uruurinayo bulshada, waxayna qaarkood ku dhawaaqayeen
“Doonimeyno Itoobiya” “Wadankeena ha nooga baxaan
Ciidamada Itoobiya”, “Waxaan ku dagaalameynaa Diinta
Islaamka” “Hub dhiibimeyno’, waxa uuna banaanbaxaasi
markii dambe ku fiday ilaa iyo garoonka Diyaaradaha,
iyadoo markii dambe Ciidamada Itoobiya iyo kuwa Dowladda
Federaalka oo iska shaanaya ay rasaas huwiyeen dadkii
banaanbaxayey, waxaana halkaasi ku dhintay wiil 13-jir
ahaa, waxaana ku dhawaacmay todobo ruux oo qaarkood la
dhigay isbitaalada.
Banaanbaxaan oo mudo saacado ah socday ayaa markii dambe
iskii isaga qaboobay, hase yeeshee mar aan wareysanay
dadweynaha waxay inoo sheegeen in ay wadayaan tan iyo
inta ay Ciidamada Itoobiya ka baxaan dalka Soomaaliya.
Dowladda Federalka ayaa sheegtay in ay dib u dhigtay hub
uruurintii kaddib markii ay sheegtay in ay codsiyo uga
yimaadeen qaar ka mid ah bulshada rayidka ah iyo
odoyaasha dhaqanka, basle ma cararaabin dowladdu waqtiga
la uruurinayo hubkaasi, hase yeeshee dadweynaha
magaalada Muqdisho ayaa waxay sheegeen in ay sinaba hub
ku dhiibi doonin, ilaa la helo gacan aamina oo dhex
dhexaad ka ah ishaysiga siyaasadeed ee Soomaaliya.
- Wiil 13 jir
Soomaali ah oo ay dileen Ciidamada Itoobiya:
Cumar Xalame Raage: Wiilkaygii waxaa laga toogtey
Dhabarka....
AFP:
Hay'adda wararka ee AFP waxay sheegtay wiilka la
diley in da'diisu ahayd 13-jir. Wiilka aabihiis oo
magaciisa la yiraahdo Cumar Xalame Raage, waxa uu
AFP u sheegay "Wiilkaygii waxa uu ka yimid Iskoolka.
Waxa uu la socdey dad mudaharaadayey. Qaar ka mid ah
ciidamada dawladda iyo ciidamada Itoobiya ayaa
rasaas ku furay si ay dadka u kala cayriyaan,
wiilkayga rasaastii ayaa haleeshay." Waxana uu
intaas ku daray "Waxay xabbada kaga dhifteen
dhabarka, waxayna xabbadu ka haleeshay wadnaha.
Arrintaasi ma ahan mid la aqbali karo, waana mid ka
baxsan bini'aadaminamada. Uma baahnin ciidaankaas
Ethiopianka iyo askarta dawladooda haddii ay
carruurtayada tooganayaan."
Muqdisho:
Jariidada New York Times waxay sheegtay
in saraakiisha Cisbitaal ku yal Muqdisho ay
sheegeen in ciidamada Ethiopia ay Muqdisho ku
dileen wiil dhallinyaro ah oo ka mid ah dadkii
mudaharaadka ku dhigayey Muqdisho. Waxaa wararku
tibaaxeen in ciidamada Ethiopia ay rasaas hoos
ugu dhigeen dad dhigayey mudaharaad ay kaga soo
hor jeedaan Ethiopia oo ciidamadeedu ay
maalintii 10aad ku jiraan magaalada dekedda ah
ee ku taal xeebta badweynta Hindiya ee Muqdisho.
Waxaa wararku intaas ku dareen in dad kalena ay
dhaawac yihiin. [Halkan
ka eeg sawiradii Mudaharaadkii Sabtidii..].
Dowladda Kenya oo sii
deysay xildhibaanadii…
Wararka ka imaanay dalka Kenya waxay sheegayaan in
afartii xildhibaan ee dhawaan lagu xirxiray dalka Kenya
shalay la sii daayey kaddib markii ay dadaal u galeen
siyaasiyiin iyo waxgarad kale oo ku nool dalka Kenya.
Dowladda Kenya ayaa raaligareyn ka bixisay xarigaasi,
hase yeeshee Guddoomiyaha Shariif Xasan Sheekh Aadan
ayaa waxa uu xarigasi ku tilmaamay mid xadgudub ku ah
sharciga caalamiga ah, waxa uuna sheegay in Dowladda
Kenya aysan dhex dhexaad ka ahayn Soomaaliya.
“Xildhibaanku xaq ayuu u leeyahay in uu fikirkiisa
jeediyo ee ma ahan in la caburiyo laguna shaqeeyo
shaqsiyaad warkooda” ayuu yiri Guddoomiyaha Baarlamaanka
oo sheegay in Dowladda Kenya looga baahan yahay inay
dhex dhexaad ka ahaato arrimaha Soomaaliya.
Shacabka ku nool dalka Kenya ayaa si weyn uga carooday
xarigaasi kuna tilmaamay mid Dowladda Kenya ay ku deg
degtay iyadoo aan si rasmi ah u baarin waxa jira,
waxayna ka codsadeen Dowladda Kenya inay ka shaqeyso
maslaxadda ummadda Soomaaliya
Muuse Suudi Yalaxow oo
Sabtidii dib ugu laabtey…
Xildhibaan Muuse Suudi Yalaxow oo mudo lix bilood ah ka
maqnaa Magaalada Muqdisho kaddib markii isbahaysigiisii
ay jabiyeen Ciidamada Maxaakiimta Islaamiga ah ayaa
maalintii Sabtidii dib ugu Magaalada Muqdisho, waxaana
halkaasi ku soo dhaweeyay dadweyne badan.
Muuse oo aan wax war ah siin Saxaafadda ayaa waxa uu ka
mid noqday Hogaamiye kooxeedyada dib ugu soo laabtay
Muqdisho, waxaana horey u joogay Max’ed Cumar Xabeeb (Max’ed
Dheere), Cabdi Xasan Cawaale (Qaybdiid), Cabdi Nuure
Siyaad, Max’ed Qanyare Afrax, hase yeeshee Dowladda
Federaalka ayaa horey u sheegtay in uu dhamaaday
waqtigii hogaamiye kooxeedyada balse dadka qaarkii ayaa
u arka in Dowladda Itoobiya aysan dan ka lahayn qaran
Soomaaliyeed, maadaama ay dib u soo celisay Hogaamiye
kooxeedyadii, iyadoo la og yahay in ay awood u leedahay
in dib u celiso Hogaamiye kooxeedyadaasi oo mudo 16 sano
ah dhibaato ku hayey Bulshada Soomaaliyeed, isku soo
wada duuboo xaalka Soomaaliya ayaa haatan u muuqda mid
faraha ka sii baxaya.
W/D Amiin Yuusuf Khasaaro
E-Mail
amiinkhasaaro@hotmail.com
Odayaasha iyo Wax
Garadka Kasoo Jeeda gobolka sh/hoose oo Qaadacay
Niman wata Waraaq Nabad Sugidda (NSA)...
Muuse Maxamuud
Jiisow
somali39@hotmail.com
Wararka naga
soo gaaraya magaalada Baraawe ee Gobolka sh/hoose
ayaa sheegaya inay halkaasi tageen Saddex
Xubnood oo ka socda Sida ay sheegteen iyagoo
waraaq caddeyneyso ay wateen Hay’adda
Nabadsugidda Qaranka, National Security
Agency”NSA”, taas oo aysan ku caddeyn wax maamul
ah oo ay dhisayaan .Waxayna waraaqda ay wataan
soo Qorey Taliyaha Nabadsuggidda Sarreeye Guuto
Maxamed Warsame Faarax”Darwiish”, sida ay
waraaqda ku qoran Waloow ay waxagaradka iyo
odayaasha deegaankaasi ay walaac ka muujiyeen .
Sida ay muujineysowaraaqdu waxay howshoodu noqon
kartaa kormeerid iyo ogaanshaha xaaladda
nabadgelyo ee Gobolka shabeellada Hoose ,Hase
ahaatee qorshihii ay u socdeen ee loo soo direy
way beddeleen ,waxayna culeyskooda oo dhan
saareen inay dhisayaan Guddi maamul oo
kumeelgaar ah oo ay tiradiisu tahay 9 Xubnood.
Saddexdan Xubnood ayaa laba ka mid ah waxay ka
soo jeedaan Beelaha Hawiye Halka kan kalena uu
yahay Beesha Miriflle kuwaas oo magacyadooda iyo
waxay yihiin ka heli kartaa waraaqddooda oo ku
lifaaqan maqaalkan ,odeyaasha iyo waxgaradka
Deegaanka oo waraaqda ay wataan iyo
warbixintooda si fiican u dhuuxey ayaa u sheegey
In ay marka hore ay dersayaan wixii ay u
sheegeen markaas ka dibna ay jawaab buuxda siin
doonaan.
Wararka ayaa waxay intaas ku darayaan In ay
waxgaradka deegaanka ay si weyn u lafa gurey
arrimaha ay raggaasi sheegeen iyo sida laga
yeelaayo ,waxa xiriir lala sammeeyey Wasiirada
iyo Xildhibaanada Digil iyo Miriflle ee
Dowlladda Ku meelgaarka ah ,waxaana loo sheegey
raggan yimid, waxaana la weydiyey inay la
socdaan qorshahaas ,waxay sheegeen wax la
ogyahay oo aan raalli ka nahay ma aha waxayna ku
sheegeen kooxo doonaya inay abuuraan qas iyo
jahwareer sidaas darteed waxay ku baaqeen in si
cad loo diido wax kasta oo ay damacsan yihiin.
Intaas ka dib odeyaasha degaanku waxay Go’aan ku
gaareen in.... [Akhri
warkan oo dhan....]
Faafin:
SomaliTalk.com | Jan 7, 2007
EEG BOGGA
ARAGTIDA/MAQAALADA DADWEYNAHA..... GUJI...
Daabaco
Boggan | Print
