Garoowe(AllPuntland)-
Magaalada Garoowe waxaa kulamo kala duwan ku yeelanayay shalay illaa
xalay xubno sar sare oo katirsan qaramada midoobay iyo madaxwayne
kuxigeenka dawlad goboleedka Puntland waxayna kawada hadlayeen
deeqaha lasiiyo gobollada Sool iyo Sanaag ee haatan mara maamulka
labaxay Somaliland.
Shirkaan ayaa
waxaa yeeshay uqaybsanaha deeqaha qaramada midoobay Maxwell Gylarad
iyo sargaal sare oo ka tirsan hay'adda UNDP oo lagu magacaabo Apala
iyo madaxwayne kuxigeenka Puntland Xasan Daahir Af-Qurac.
Wasiirka
warfaafinta dawlad goboleedka Soomaaliyeed ee Puntland C/risaaq
Yaasiin C/le Geesood ayaa AllPuntland uxaqiijiyay in shirarkaasi u
dhexeeyay qaramada midoobay iyo madaxwayne kuxigeenka Puntland
xoogga lagu saarayay qaramada midoobay inay Puntland usoo weeciso
deeqaha ay gobolada Sool iyo Sanaag usoo marsiiso Somaliland.
Maxwell Gylard
iyo Apala ayaa naf ahaantooda soo bandhigay qorshayaal kala duwan oo
ka hortaagan inay si dhaqsa ah ugu dhawaaqaan inay Puntland soo
mariyaan deeqaha lasiiyo gobollada Sool iyo Sanaag.
Md: Geesood
ayaa tilmaamay inaan arintaasi wax go'aan ah aysan wali kasoo bixin
hase ahaatee shirarka arintaasi laga leeyahay ay sii socon doonto
maalmaha foodda inagu soo haya.
Golaha
wasiirada oo maalintii shalay ahayd shir ku yeeshay magaalada
Garoowena waxay mawqif cad iska taageen arinta kusaabsan deeqaha
gobollada Sool iyo Sanaag ee lamariyo Somaliland taasoo ay ku
tilmaameen wax aan caqliga gali karayn.
Ma ahan markii
koowaad ee Qaramada midoobay iyo Puntland ay ka hadlaan arimaha
deeqaha lasoo gaarsiiyo gobollada Sool iyo Sanaag.
Horay waxaa u
jiray cabashooyin ay soo gubiyeen dad ka tirsan gobollada Sool iyo
Sanaag ee Puntland , kuwaasoo tilmaamay inaysan maamulka labaxay
Somaliland si habsami ah usoo gaarsiin deeqdii loogu talo galay
gobollada Sool iyo Sanaag.
CCC Farayaamo
AllPuntland