Daabaco Boggan | Print

GABAY JACBUR CAJIIB AH

Gabaygaan jacburka ah waxaa tiriyay
Abuukar salad diiriye’fareey’
asfarey@hotmail.com
muqdisho Somalia

• Jabhaduhu inteey noo kaceen,waa abaar baxaye
• Weligeey anoon beer laheyn,iyo saran jiifto
• Baabuurna anigoon korin,BL mooyaane
• Jabhaduhu sow xaqii maqnaa ,sow ma soo dhicin
• Anna sow barwaqiyo,nimcadaa kuma dhex daanshoonin
• Daarahan ijaartaa ka badan dhowr iyo toban guriye
• Qaar kale anigaa degoo,waan ku noolahaye
• Baabuurtaan xoreystana,waa intoo kale`e
• Foorwiil dareyf,iyo hadaan xaajiyaba heysto
• Oo aan midkaan doonaba kori,maalin iyo leylba
• Maxaa iiga jira kii lahaa ,sow kamaan ceyrsan
•  
• Afartaas sidii jiib la riday,mow karaarsiiyay
• Hoobiye sidiisii,samada mowga soo daadshay
• Adigoon digtooneyn,durbaba liif ma kugu gaaday
• Geesinnimada waa leygu dhalee,durbaba boor ma kaa kiciyey
• Afar kalana saad baan kaaga dhigi, iyo rasaastiisiiye
• Beel hubeysan nimaan ka dhalan waa qiyaarkiise
• Kol hadaanu zuu heleyn,iyo qori kalaashkofa
• Beero muusa inuu sii tacbadaa wow dabaalnima `e
• Waa inuu ka guuraa ,illeyn looga xoog badane
•  
•  
• Waxse iiga yaab badan,adduun beriba waa ceyne
• Kuwa dowladnimo raadin,ee nabadda doondooni
• Ee raba iney qaran dhisaan iyo waxa aan diidnay
• I yagaa is daalin mindhaa libin ma gaaraane
• Dowladi middaan soo marniyo,dulligii sow maahan
• Sow kala danbeeyntiyo,sharciga tii laheyd maahan
• Ruux aad ka xoog badantahoo,xoolo badan heysta
• Sow taad ka baqeysay,eed taaban Karin maaha
•  
• Dowladi haddi ay wax tari,waa la soo maraye
• Dagaal laguma ceeyrsheen,haddii ay dux leedahaye
• Xabsigeedii iyo boliskiyo,dowladihii hoose
• Taraafikadii yaaceysiyo ciidamadii sirdoonka
• Ilaaheey hadduu naga dul weday,guulna aan gaarnay
• Ninka haatan soocelin rabaa ,leeysku heystaaye
• Inta aan xabaal lagu ‘juq’siin,muu iska joogo 

Gabaygaan jacburka ah waxaa tiriyay
Abuukar salad diiriye’fareey’
asfarey@hotmail.com
muqdisho Somalia

Faafin: SomaliTalk.com | Apr 25, 2005

GABAY: GABDHAHEENNA WACANOW [Kawnayn]
GABAY: GUUBAABO: Gabay Taariikhi ah [Cali-Qeyr]