Mudaharad Looga soo
Horjeedo Aflagaada loo Geystey Nebi Muxamed NNKH oo
lagu Qabtay Boosaaso
Waxaa Isniintii Feb 6
ka dhacay magaalada Boosaaso Banaanbax subaxnimadii hore ku bilowday si nabad ah, kadibna isu badalay
Buuq keenay dhimasho iyo Dhaawac.
Banaan baxaan ayaa
looga soo hor jeeday Gafkii ay qoreen Wargeesyo ka
soo baxa Dalal ay ka mid tahay Denmark oo ay ka
qoreen Nabiga SCWS, Banaanbaxaan ayaa waxaa ka soo
Qayb galay Kumanaan ah Dadka dagan magaalada
Boosaaso iyo Madaxda Maamulka DGPL.
Banaanbaxaa oo
markii dambe isku badalay buuq ayaa waxa uu buuqa
ka dhashay markii ay Dadweynaha Banaanbaxayay ay
weerar Dhagaxa ku qadeen xarunta PIS, xaruntaas oo
dadkii bannanbaxayey ay ugu yeereen goob ay ku
shaqaystaan Ciidamada sir doonka ee isku magacaabay
in a la dagaalamayaan Dad gaara, waxaana dadweynuhu
sheegeen waxaa Xaruntaasi
tahay meel lagula dagaalamayo Muslimiinta.
Dadweynihii ayaa
Goordambe oo ay soo dhowdahay salaadii Duhur ku kala
tagay Banaanbixi iyadoo Gudiga Nabadgalyada oo ay ka
mid yihii Lataliyaha Xaga Amniga ee Maxweynah DGPL,
Gudoomiyah G/Bari iyo Gudoomiyaha Degmada ay amreen
in laga hortago wixii dhib wada iyo nabadgalyo xumo.
Bannaanbaxaii Boosaaso, Feb 6, 2006
Ciidamada Amniga oo
isugu jira Daraawiish iyo Boolis ayaa Wadooyinka ku
sugnaa ayagoo ku maraya gawaari Gaashaaman.
Kismaayo,
Soomaaliya:
Dhanka magaalada
Kismaayo waxaa Isniintii Feb 6 lagu qabtay
bannaanbax roob-doon ah, waxaana isla bannaanbaxaas
laga canbaareeyay sawirada anshax xumada ah ee lagu
aflagaadeynayo rasuulkeenii suubanaa NNKH ee ay soo
daabaceen wargeyesyada ka soo baxa wadamada yurub
qaarkoos ayadoo ay wadaadadu carabka ku adkeeyeen in
ay muslimiinta caalamka ficil ka muujiyaan falkaas
isaga ah.
Roobdoontii
Kismaayo, Isniin feb 6
Caalamka kale
iyo Isniintii Feb 6
Mudaharaadkii Looga Soo Horjeedey Aflagadadii Wargeysyada reer Yurub
qaarkood u Geysteen Nebi Muxamed NNKH
ayaa markale Isniintii cirka isku shareeray, kuwaas oo k adhacay daafaha dunida.
Afghanistan:
Booliska Afganistan oo toogtey dad mudaharaadayey |
Ciidamada booliska
ee Afganistan ayaa rasaas ku furan dad mudaharadaadayey maalinadii Isniinta Feb 6, waxaana halkaas ku dhintay ugu yaraan
afar qof.
Bannaanbaxa khasaaraha ugu weyn waxa uu ka dhacay meel bannaanka
ka ah Bagram oo xarun u ah ciidamada Maraykanka, halkaas oo
ciidamada boolisku ay rasaas ku fureen 2,000 oo qof oo mudaharaad dhigayey
kaddib markii ay dadkaasi isku dayeen in ay xoog ku galaan xarunta aadka loo ilaaliyo.
Waxaa la diley labo ka mid ah dadkii mudaharaadayey, waxaana dhaawacmay 13 qof oo ay ku jiraan sideed boolis ah, sida uu sheegay
Kabir Ahmed oo ah sarkaal ka tirsan dawlada, waxana uu intaas ku daray in aan ciidamada Militariga Maraykanku arrintaas ka qayb qaadan.
Sarkaal ka tirsan ciidanka Maraykanka oo lagu magcaabo Lt. Mike Cody waxa uu sheegay in ciidanka maraykanku aysan wax rasaas ah ku ridin dadkii mudahaaradayey, arrinta Ammaanka la xiriirtana ay u dhaafeen Booliska Afganistan.
Sidoo kale waxa ay ciidanka booliska ee Afganistaan ay rasaas ku fureen dad
mudaharaad ku dhigayey magaalada
Mihtarlam oo ku taal bartamaha dalkaasi, kaddib markii sida la sheegay uu nin dadka mudaharaadayey
uu xabad ku ridey iyaga (Booliska), dadka kalena ay ku tuurayeen dhagxaan iyo mindiyo, sida uu
sheegay afhayeen u hadlayey wasaarada arrimaha gudaha ee Afganistan oo magaciisa la yiraahdo
Dad Mohammed Rasa. Halkaas waxaa ku dhintan labo kamid ah dadkii mudaharaadayey, waxaana dhaawacmay saddex qof oo ay ku jiraan labo
boolis ah, sida ay sheegeen saraakiil. Dadkaas mudaharaadayey waxa ay gubeen taayiro, waxana dhagxaan ku tuurayeen xafiisyada dawlada.
Tehran, Iiraan:
Dad caraysan oo isku deyey in ay xoog ku
galaan safaarada dalka Austria ku leeyahay Iiraan |
Ciidanka Booliska ee Iiraan ayaa adeegsadey gaaska dadka kaga ilmaysiiya si ay u kala kaxeeyaan boqolaal mudaharadaadayey oo dhagax iyo dab ku tuurayey safaaradada
Denmark ku leedahay magaalada Tehran, dadkaas oo ka caraysan
daabacadii wargeyska Denmark uu daabacay sawir gacmeedyadii aflagaadada ku ahaa Nebi Muxamed NNKH.
Ugu yaraan sagaal qof ayaa ku dhaawacmay meel bannaanka ka ah safaarada Denmark ee Iiraan.
Waxaana halkaas dab la tuuray uu qabsaday laba geed oo ku dhex yaaley dhismahaas. Waxaa kale oo la gubey albaabka hore ee Safaarada. Dadkaas
mudaharaadayey waxa ay ku qaylinayeen "Allahu Akbar", waxana ay gubeen calanka Denmark.
Waxaa kale oo dalka Iiraan ay arday mudaharaaday dhagxaan ku tuureen safaarada dalka Austria.
Wareegto ka soo baxday Baarlamaanka Iiraan
200 (laba boqol) oo ah xubno ka tirsan baarlamaanka Iiraan ayaa isniintii Feb 6 waxa ay soo saareen wareegto
ay ugu digayaan kii daabacay sawir gacmeedyadu in uu xusuusto xaalkii
Salman Rushdie oo uu hoggaamiyihii geeriyoodey ee Iiraan Ayatollah Ruhollah Khomeini uu ku fadwooday dilka kaddib markii uu qoray buugii
"The Satanic Verses = Aayadihii Sheydaanka."
Waxa kale oo
dawlada Iiraan ay dib u fiirineysaa heshiisyada
dalalkii daabacay sawir gacmeedyada. Waxana hadda ay
Iiraan ku dhawaaqday in ay joojisey xiriirkii
ganacsiga ee ay la lahayd dalka Denmark. Waxan ay
hore ugu yeeratay safiirkeedii Denmark.
|
Sawir Gacmeedka:: |
30 Sept
2005: Joornaal ka soo baxa
Denmark (Jyllands-Posten)
ayaa daabacay sawir gacmeedyo
aflagaado ku ah Nebi Muxamed.
20 Oct 2005:
Muslim Safiirada Muslimka ayaa
waxay cabasho u gudbiyeen ra'iisul
wasaaraha Denmark.
10 Jan 2006:
Wargeys reer Norway ah ayaa mar kale
daabacay sawir gacmeedyadii.
25 Jan 2006:
muftiga dalka Sacuudiga Sh.
Cabcicasiis Aala-Sheekh uu soo
saaray fatwo uu ugu yeerayo
shirkadaha sacuudiga, iyo guud ahaan
ganacsatada muslimiinta inay jaraan
xiriirkooda dhaqaale ee ay la
leeyihiin shirkadaha laga leeyahay
Denmark,
26 Jan 2006:
Saudi Arabia ayaa u yeertay
safiirkoodii u fadhiyey Denmark
30 Jan 2006:
Waxaa weerar lagu qaaday
xafiiska Midowga Yurub ee Gaza
ayadoo la weydiisanayo raali gelin
in ay bixiyaan
31 Jan 2006:
Joornaalkii Denmark ayaa bixiyey wax
u eg raali gelin
1 Feb 2006:
Wargeysyo reer Yurub ah ayaa mar
kale daabacay sawir gacmeedyadii
iyagoo ku taageeraya Denmark iyo
waxa ay ugu yeeraan Xorriyatul
Qowlka, wargeysda daabacay waxaa
kamid ah France, Germany, Italy iyo
Spain .
4 Feb 2006:
Waxaa dad caraysani weerareen
safaarada Denmark ee Suuriya iyo
Norway ee magaalada Dimishiq.
5 Feb 2006:
PDad mudaraadayey ayaa gubey
safaarada Denmark ee magaalada
Beyruut, Lubnaan.
6 Feb 2006:
Ciidamada Booliska Afganistan ayaa
rasaas ku furan dad mudaharadaadayey
halkaas waxaa ku dhintay afar qof.
Magaalada Boosaasona waxaa ku
dhintay wiil 14-jir ah.
|
Sawir gacmeedka
Aflagaada ku ah Rasuulka waxaa markii hore daabacay
wargeys ka soo baxa Denmark, kaddibna wargeys ka soo
baxa Norway. Wargeysyada kale ee daabacay iyagoo
dhehaya waa 'Xorriyatul Qowl" ee dalalka Yurub waxaa
kamid ah: France, Bulgaria, Germany, Italy, Spain,
Hungary, Poland, Switzerland iyo Ukraine.
Waxaa kale oo daabacay wargeysyo ka soo baxa New
Zealand, Japan, iyo Australia.
Joornaalka ugu
ballaaran dalka Iiraan ee lagu magacaabo
Hamshahri ayaa ku dhawaaqay in uu qabanayo
tartan sawir gacmeed ku saabsan xasuuqii Yuhuuda
[Holocaust] kaas oo jawaab u ah sawir gacmeedkii
aflagaadada ku ahaa Nebi Muxamed ee ay daabaceen
wargeysyada reer Yurub, sida ay sheegtay shabakada
Aljazeera.
Ciraaq:
Dhawr kun oo ciraaqiyiin ah ayaa mudaharaad ka dhigay magaalada Kut oo ku taal Koonfurta Ciraaq, waxana ay gubeen calamada Denmark, Jarmalka, iyo Israeli, waxa kale oo ay gubeen sawir laga sameeyey ra'iisul wasaaraha dalka Denmark
Anders Fogh Rasmussen, waxayna dalbadeen in xiriirka ganacsi iyo dublumaasiyadeed loo jaro dalalkii daabacay sawir gacmeedyada Aflagaadada ku ahaa Nebi Muxamed NNKH.
Indonesia:
Dad mudaharaadayey ayaa weeraray qunsuliyadaha
dalalka Denmark iyo Maraykanka ee magaalada Surabaya oo ah magaalada labaad ee
ugu weyn dalka Indonesia. Sidoo kale waxaa mudaharaadyo ka dhaceen caasimada
dalkaas ee Jakarta.
Hidiya:
Booliska ayaa gaaska dadka kaga ilmaysiiya ku
furay boqolaal Arday ah mudaharaad ku dhigay caasimada New Delhi.
Gobolka Kashmir ee Hindiya gacanta ku haysto ayaa
gebi ahaanba dadweynaha Muslimiinta ah ay shaqadii Joojiyeen maalintii Isniinta,
halkaas oo la xiran dhammaan goobaha ganacsiga iyo iskuulada, si loo muujiyo
carada wargeysyada yurub ee aflagaadeeyey Nebi Muxamed NNKH.
Thailand:
Dad ku mudahaaradayey meel bannaanka ka ah
safaarada Denmark ku leedahay magaalada Bangkok ayaa ku dhawaaqayey "Allahu
Akbar".
Falastiin:
Waxaa Mudaharaad kale ka dhacan xarunta Midowga
Yurub ee magaalada Qaza.
Qaahira,
Masar:
Dhawr kun oo Arday ah ayaa si nabad gelyo ah isugu soo ururay Jaamacada Qaahira qaybta al-Azhar University oo ah jaamacada ugu da'da weyn adduunka ee laga barto Sunni Muslim, ardaydaas oo ka mudaharaadayey sawir gacmedyada
lagu aflagaadeeyey Rasuulka NNKH.
Roomaaniya:
Muslimiinta ku
dhaqan dalka Roomaaniya ayaa bilaabay nidaam ay kula
dagaalamayaan sawir gacmeedyadii wargeyska Denmark.
Nidaamkaas oo ah in ay daabacayaan kumanaan nuqul oo
waraaqo ah oo ay ku qoran yihiin hab nololeedkii
Nebi Muxamed NNKH, cinwaankuna yahay ‘Muhammad….A
Role Model for the Modern World," waxayna
waraaqahaas u qaybinayaan dadka reer Roomaaniya,
sida ay islamOnline ka soo xigatey Kareem Anjin.
Kofi Annan, xoghayaha
guud ee Qaramada Midoobey, ayaa Isniintii Feb 6
walaac weyn ka muujiyay xaalku meesh auu marayo.
Wasiirka Arrimaha dibada ee Jarmalka, Frank-Walter Steinmeier , waxa uu sheegay in uu xiriir la samaynayo dalalka Carabta si uu arrinta u qaboojiyo. "Ma ogolaan karo in arrintani dhaliso dagaal ka dhex dhaca dhaqamada" ayuu yiri.
Chirac oo telefoon u diray ra'iisul wasaaraha dalka Denmark |
Omar Bakri Mohammad
oo ah hogaamiyaha ururka Al-Muhajiroon ee laga
mamnuucay dalka Ingiriiska ayaa isaga oo jooga
Beyruut waxa uu Radio British Broadcasting
Corporation u sheegay in ay tahay in qofkii nebi
caaya la dilo. Waxana uu yiri "Diinta Islaamka,
sida Allah yiri oo Rasulka Muxamed ah uu yiri, qof
kasta oo caaya Nebi waa in la ciqaabo oo la dilo."
Madaxweynaha dalka
Fransiiska, Jacques Chirac, ayaa waxa uu telefoon u
diray ra'iisul wasaaraha dalka Denmark, Anders Fogh
Rasmussen, Isniintii Feb 6 si uu ugu muujiyo
taageeradiisa Denmark, iyo sidii la isula eegi lahaa
dejinta xaalada. Safiirada dalaka Yurub ayaa sidoo
kale Isniintii shir yeeshay si ay uga wada hadlaan
arrintan taagan.
Jacques Chirac waa
madaweynaha dalka France ku soo rogey in aan
iskuulada lagu xiran karin khimaarka ay xirtaan
gabdhaha Muslimiinta ah.
Waxa kale oo Isniintii
ay ra'iisul wasaaraha Denmark wada hadleen ra'iisul
wasaaraha dalka Ingiriiska, Tony Blair.
Afrikada Bari:
Mudaharaadyadu waxa ku fideen Afrikada bari, halkaas
halkaas oo magaalada Boosaaso, Soomaaliya uu ku dhintay wiil, kaddib markii ay ciidamadu rasaas cirka u rideen si
ay u kala cayriyaan dad mudaharaadayey oo tuurayey dhagxaan. Sida ay werisey hay'adda wararka ee AP, dhawr boqol oo Soomaali ah ayaa mudaharaad ka dhigay magaalada Boosaaso, mudaharaadkaas oo markii hore ahaa mid nabad ah ayaa waxaa bilowoday dhagax lagu tuurayey Booliska iyo hay'adaha gargaarka, waxaana halkaas ka dhashay is jiir uu ku dhintay wiil dhawr iyo toban jir ah, sida uu AP u sheegay
Mohamed Ahmed oo ah ganacsade arkay sida wax u dhaceen.
Sawirada Mudaharaadka Boosaaso:
Ciraaq oo Joojisey Qandaraasyadii dalalka Denmark iyo
Norway
Wasiirka gaadiidka Ciraaq,
Salam al-Malaki, ayaa Axadii Feb 5 ku dhawaaqay in dalka
Ciraaq uu joojiyey qandaraasyadii iyo heshiisyadii ganacsiga ee uu la lahaa
dalalalka Denmark iyo Norway taas oo dalka Ciraaq ku muujinayo cabashadooda
aflagaadadii ay joornaalada dalalkaasi u geysteen Nebi Muxamed (NNKH).
Guji....
»Fikirkiisa
Guracan baa dunida dab ka dhaliyey!!
Maamulka Jowhar oo digniin ka soo saaray in aan
laga dhigi karin Banaanbax
iyo
Dowladda Federaalka oo aan weli
ka hadlin gefkii loo gaystay Nabiga NNKH...
iyo Warar GooGoos ah... Guji..
Feb 6, 2006
Xigasho:
