JAALIYADDA DHAQANKA SOOMAALIYEED WAA XARUNTA SOOMAALIDA
ODENSE EE DALKA DENMARK
Xarunta Jaaliyada Soomaalida Odense, Denmark
|
Qore: Ibraahim Salah Aden
ibra88@hotmail.com
Odense, Denmark
October 22, 2000
Muusood iyo farxado kala duwan waa waxaad ka milacsan
kartid caruurta soomaaliyeed ee sida joogtada u timaadda
Xarunta Jaaliyadda Dhaqanka Soomaaliyeed ee magaalada Odense,
dalka Denmark.
Jaaliyadda Dhaqanka Soomaaliyeed waxaa la aasaasay
qiyaastii muddo hadda laga joogo 5 sanno, waxaana ka tirsan
xubno aad u fara badan. Waxaa Jaaliyadda maalin kasta
timaadda caruur iyo dhalinyaro fara badan oo soomaaliyeed,
iyagoo u yimaada inay helaan cayaaro kala duwan, sida
cayaraha ay ka mid yihiin kombiyuutarada (play station-ka),
bilyaardiga, teeniska, cayaarta loo yaqaano (minifodbold-ka)
iyo kuwo kale oo fara badan.
Dhinaca kale, waxaa kaloo si joogto u yimaada Jaaliyadda
dhaqanka soomaaliyeed dad iyagu dhageysta idaacadda BBC-da
qaybteeda soomaaliga, waana xilliga fiidka saacadda Denmark
markay tahay 8.00-da fiidnimo. Waxaad mooddaa in la yiri wax
sharqan iyo hadal la yiraahdo waa ka mamnuuc saacaddaas,
sababtuna waa iyadoo ay dadku ku mashquulsan yihiin
dhageysiga wararka la xiriira guud ahaan Soomaaliya. Waxaa
dhacda mararka qaarkood inay soomaalidaas timaadda
Jaaliyadda ka sameeyaan doodo waxyaabaha ku soo kordha
siyaasadda Soomaaliya, iyagoo si hufan markaas isu maqla.
Jaaliyaddu waxay u furan tahay dhammaan Soomaalida
Abuukar Maxammed Saciid
maamulaha jaaliyadda |
Jaaliyaddu waxay u furan tahay dhammaan Soomaalida ku dhaqan
magaalada Odense, taasoo ka duwan magaalooyinka kale ee ka
furan jaaliyadaha gaarka u leh qabiil gooni ah iwm.
Laakiinse Jaaliyadda dhaqanka Soomaaliyeed iyadu waa ka
duwan tahay jaaliyadahaas, sidaasna waxaa ii sheegay Abuukar
Maxammed Saciid oo ah maamulaha jaaliyadda dhaqanka
Soomaaliyeed.
Soomaalida deggan magaalada Odense oo tiradoodu lagu
qiyaaso 1500 qof, ayaa badankoodu yihiin caruurta ay
da’dooda ka yartahay da’da 18-ka sanno. Waxaa Jaaliyadda
yaalla qalab kala duwan oo lagu cayaaro, sidaa darteed
caruurta marka ay yimaadaan xarunta Jaaliyadda run ahaantii
ma dareemaan saacadaha ay halkaas joogaan. Waxaa jira qol ay
yaaliin kombiyuutaro, waxaana markasta aad ku dhex arkaysaa
caruur da’dooda u dhaxeyso 10-14 sanno, iyagoo aad u
xiisaynaya imaanshaha Jaaliyadda dhaqanka soomaaliyeed.
Waxaan wareystay qaar ka mid ah caruurtaas.
aad ayaan ugu faraxsanahay imaanshaha halkan (jaaliyadda)
Najiib oo 12 jir ah
|
"Usbuucii shan jeer ayaan imaadaa jaaliyadda dhaqanka
soomaaliyeed, aad ayaan ugu faraxsanahay imaanshaha halkan,
waxaan jeclahay inaan cayaaro cayaaraha ay ka midka yihiin
(play station-ka), teeniska, sidoo kale saaxibadayda ayaan
halkan kula kulmaa oo aan la sheekeestaa", ayuu si muusood
ku jirta u yiri Najiib oo 12 jir ah.
Waalidiinta dhalay caruurtaas waxay caruurtooda u
doorbidaan imaanshaha jaaliyadda, si aynan u aadin naadiyada
dheenishka, amaba aynan u gelin suuqa.
Ibraahim Salah
ibra88@hotmail.com
October 22, 2000
Faafin: SomaliTalk.com
