WARARKII MAANTA::::
- C/llaahi Yuusuf oo wadahadal la yeeshay Qaar ka mid ah
taageerayaashiisa.
- C/laahi caddow: "Waxaan taageersanahay dhaartii
baarlamanka..."
- Xuseen caydiid: Dhaartii ka dhacday QM Xaq ma ahayn...
canab mumtaz,
somalitalk.com | Nairobi.
C/llaahi Yuusuf oo wadahadal la yeeshay Qaar ka
mid ah taageerayaashiisa.
Shir jaraa'id oo madaxweynaha ismaamul goboleedka puntlad
ku qabtay dhawaan magaalada Nairobi ayna kala qayb galeen siyaasiyiin ka
mid ah beesha harti ah ayay uga wada hadleen qaabkii ay u wajahi
lahaayeen khilaafka ka jira beesha harti iyo dhaartii baarlamaankaba.
C/llaahi yuusuf oo ka mid siyaasiyiinta ka hor timid
go'aankii IGAD ee dhaarinta ayaa sheegay in usan qaadan doonin qaabka
wax loo maareeyay isagoo ka soo hojeestay dhaarintii baarlamaanka walina
aan ku guulasaysanin in la xaliyo khilafkii u dhexeeyay beesha harti.
Wararka ku dhaw coll.c/llahi ayaaa sheegaya in looga
baqayo in uu qaadaco shirka hadii wax laga badali waayo tan uu soo
jeediyay ee ah in dib loogu noqdo dhaarta iyo in magacyadii uu gudbiyay
la qaato.
Cali khlaliif ayaa ka mid ah siyaasiga ay iska soo
horjeedaan madaxweynaha puntland iyadoo lagu eedayay korneylka in uu
rabo in maamulo dhamaan tirada kaga soo aaday baarlamaanka beesha harti
taas ayaana ugu wayn sababta ah in uu dib u dhac ku yimaado soo gudbinta
xubnaha ee beesha harti.
kulankan oo ahaa mid qaas ah waxaa lagu soo gabagabeyay
in loo saaro guddi dhex si ay mar kale kulamo ula yeeshaan guddiga
fududeynta ee IGAD iyo kuwa xalinta khilaafaadka beelaha.
waxaana la filayaa in ay natiijo wax ku ool ah ka soo
baxdo walow aan wali la dhex galin labada hogaamiye ee galayr iyo C/llaahi
yuusuf.
C/laahi caddow: "waxaan taageersanahay dhaartii
baarlamanka, hogaamiyena uma xayrinaanayo dalka".
C/llaahi axmad caddow oo ka mid ah musharaxiinta ayay
maanta ii suurta gashay inaan kulan gaaban kula yeesho isagoo ku sugan
magaalada Nairobi, caddow oo ka maqnaa dhaartii baarlamaanka ayaa
sheegay in uu taageersan yahay dhaartii baarlamaanka ee beelaha isla
markaana ay ahayd mid u dhacday sid xaq ah. waxa uu caddow intaas ku
daray in wax badan ay ergada iyo siyaasiyiintuba joogeen sidaas awgeedna
ay munaasab ahayd dhaartan baarlamaanka waxa khilafaadka ah ee jirana la
xalin doono ayna ku howlan yihiin guddiga fududeynta iyo kuwa xalinta
khilaafadkaba.
Waxaa kaloo Cadoow uu sheegay in dhibaatooyinkii ka
dhacay dalka soomaaliya looga gudbi karo dawlad kumeel gaarka oo shirkan
ka dhalata si shacabka soomaaliyeed ee dhibaataysan ay u helaan nolol
iyo nabad wada jirta, laguna dhaqo cadaaladda Soomaaliyana aysan maanta
nin u xayirnaan doonin isagoo tixraacaya warkii wasiirada arimaha dibada
ee dowladaha ku bahoobay IGAD.
Mar uu ka hadlayay caddow ciidamo la keeno dalka waxa uu
xusay in aysan haboonayn xiligan in ciidamo la geeyo soomaaliya iyadoo
aduunku heli karo in uu dhaqan celin u sameeyo kuwa ku sugan somaliya si
ay iyaga laftooda u sugaan amniga dalka iyo dowladaba waxaan talo ahaan
ugu jeedin lahaa in arrintaas ciidamada ah aan lagu dagdagin hadda ayuu
intaas ku daray.
waxa uu u mahadceliyay guddiga howla fududeynta ee IGAD
deeq bixixyayasha iyo dhamaan beelaha soomaaliyed ee ku guulaystay soo
gudbinta baarlamaanka iyo kuwa hadda ku howlanba dadaaalkooda kuna
tilmaamay mid guul laga gaari karo mustaqbalka dhaw in ay soomaaliya ay
cagaheeda isku taagto.
Ugu dambayn waxa uu rajeeyay beelaha dhiman in ay keenaan
si xalka ummada loo raadiyo ayna ku dadaalaan sidii ay baarlamaanka
soomaaliyed ee la soo dhisay qayb wayn uga qaadan lahaayeen
hogaamiyayaasha didan dhaartana ay fiiryaan danta shacabka iyo
taageerada maanta caalamku siiya sidii ay uga faa'iiday lahaayeen,ummada
soomaaliyedna u rajeeyay guul midnimo iyo horumar.
Xuseen Caydiid oo maanta Shir Jaraa'id ku Qabtay
Magaalada Nairobi.
Xuseen maxamad caydiid oo ka mid ah hogaamiyaasha
ka biya diiday qaabka ay u dhacday dhaarta baarlamaanka iyo soo
xulidaba ayaa maanta waxa uu shir shir jaraa'id ku qabtay daarta
saxaafada chaster house ee magalada Nairobi.
Xuseen caydiid waxa uu warsaxaafadeedkiisa ku
sheegay in dhaartii ka dhacday xarunta Qm ay
ahayd mid aan xaq ahayn isla markaana uu ka soo horjeedo sida ay
u dhacday waxa uuna ku tilmaamay mid lagu dagdagay oo aan
munaasab ahayn in la qabto iyadoo aan xal laga gaarin
khilaafyada ka jira beelaha dhexdooda wali una baahan in la
xaliyo.
Xuseen caydiid ayaa xusay in guddiga xalinta
khilaafaadka ee ay soo doorteen beelaha ay IGAD kala wareegtay
awoodoodii taas oo ahayd in ay iyagu xal kama dambays ah ka
gaaraan beelaha ku heshiin waaya xubnaha baarlamaanka ee ma
ahayn in IGAD ay faraha la soo gasho arrimaha baarlamaanka
soomaaliya quseeya iyo soo xulidoodaba.
Waxaa cad in ay wakiilada IGAD ee shirka ay soo
xuleen xubnaha baarlamaanka isla markaana ay badaleen ayuu yiri
magacyadii beelaha ay gudbiyeen qaarkood IGAD waa dad aan ahayn
soomaali arrimaha baarlamaanka aysan quseeynin ee ay howshoodu
tahay kaliya in ay shirka fududeeyaan soomaalidana u daayaan wax
qaybsigooda ayuu intaasi ku daray.
Waxaa kale oo uu warsaxaafadeedkiisa ku xusay in
mar walba oo ay IGAD la wareegto maamulka ay dhacaan
dhibaatooyin badan laga soo bilaabo Heshiiskii xabad joojineed
ELDORED kii safari park iyo kan dhamaantoodna ay ahaayeen kuwo
ay IGAD faraha la soo gashay hadii uu shirku sidan ku soo socdo
ayuu yiri waxa uu keeni karaa dib u dhac iyo fashil.
Xuseen caydiid waxa uu ka hadlay in dhamaan 15
kii xubnood ee ka mid ahaa guddiga xalinta khilaafaadka marka
laga reebo labo aysan ka mid noqon baarlamaanka, xitaa
magacyadii ay gudbiyeen laga badalay liiska kuwo kalena lagu
badalay. waxaasna waxaa sameeyay IGAD waxaa kale oo liiska laga
saaray haweenkii oo aan badankood ka mid noqonin baarlamaanka
iyagoo booskoodi lagu badalay dad kale.
Waxa uu sheegay in uusan ka bixin shirka, laakiin
uusan ku qanacsanayn dhaarta baarlamanka ee sida uu sheegay laga
leexiyay wadadii loogu tala galay ilaa awooda iyo liiskaba lagu
soo celinayo gacanta Guddiga xalintana aysan aqoonsan doonin
dhaartaas iyo baarlamaankaba waxii ka dhashana ay mas'uul ka
tahay IGAD.
Ugu dambayn waxa uu sheegay xusen caydiid IGAD in
ay ka istaagto dan walba oo ay soomaaliya ka leedahay waayo
waxaa ka wayn danta shacabka soomaaliyeed ee u ooman nabad
anagana aan mas'uulka ka nahay ayuu yiri, IGAD waa howl
fududeyayaal ee maahan in ay shirka maamulaan wakiiladooda,
hadii aysan wax ka badalin qaabka ay hadda wax u wadaana waa mid
aan ka tashan doono.
Waxaa isku soo dubaridey
canab mumtaz,
canabmumtaz@yahoo.com
Faafin: SomaliTalk.com | August Aug 25, 2004
Baaq ay Wadajir usoo Saareen Geri iyo Cabdi Koombe
oo ay u direen IGAD &
Hay'adaha jooga shirka Kenya..
Guji
Qaabkii Dhaarinta ee Baarlamaanka Soomaaliya
Warbixin muuqaal guud ka bixineysa shirka
Kenya...
Guji
