HALKAN KA DHEGEYSO:::
R A D I O X O R I Y O
Barnamijka
caawa Radio Xoriyo ka baxaya waxuu ka koobanyahay.
-
Ciidamada
Itoobiya oo xabsi dheer ku xukumay dad shacab ah.
-
Saraakiil Maraykan oo magaalada Boosaaso tagay.
-
Ciidammo
Itoobiyaan ah oo lasoo dhoobay deegaanada Feerfeer iyo
Mustaxiil.
-
Ururka
TPLF oo la sheegay in uu leeyahay in ka badan 700, oo
baabuur.
-
Haweeneey Sargaalad sare ah oo Itoobiya basxatay.
-
Konton
iyo koow kun(51.000 ) oo qof oo ku baro kacay dagaalkii
ka dhacay Gambella.
-
Barnaamuj gaar ah oo aanu ku soo qaadanayno qaybtii
sadexaad ee sheekadii Amagaag iyo suugaan halgameed.
Ciidamada
Itoobiya oo xabsi dheer ku xukumay dad shacab ah.
Ciidamada
gumaysiga Itoobiya ee ka hawlgala dagmada Awaare ayaa
13-07-04 xukun u dhaxeeya 3-5 sano ku xukumeen dad shacab ah
oo mudo Laba sano ka badan xabsiga ay ku hayeen.
Dadkaas ayaa
la sheegayaa in ay diif aad u ba,an ka muuqatay isla
markaasna jidhdil lagu sameeyey oo dhawacyo loo gaystay
jidhkooda ka muuqday. Dadkan oo lagu eedeeyay in ay
taageerayaal u yihiin Jabhada wadaniga xoreenta Ogaadeenya
oo dagaal hubaysan kala soo horjeeda gumaysiga Itoobiya,
ayaa waxaa xukunkaas ku riday gudi ay ciidamada gumaysiga
Itoobiya leeyihiin oo u xil saaran cadaadinta shacbiga
Ogaadeenya, mana jiro wax dacwad ah oo dadkaas laga qaaday
si ay isaga difaacaan dacwadahaas xaqdarada ah ee lagu soo
oogay.
Dadkaas
xukunka cadaalad darada ah lagu riday oo aad u badnaa ayaa
waxaa ka mid ah.
Sidoo kale
waxaa dagmada Xamaro lagu xidh xidhay 03.07.2004 dad ku
banaanbaxay ciidamada gumaysiga Itoobiya ee ku sugan
dagmadaasi Xamaro. Dadkaas oo aad u tira badan waxaan
magacyadooda ka haynaa dadkan kala ah.
Dhibaatooyinka
lagu hayo dadka shacabka ah ee ku hoos nool gumaysiga
Itoobiya ayay dadku ku tilmaamaan mid uusan damiirka
Caafimaadka qaba ee aadaminimo qaadan karin, waxaana
shacabka Ogaadeenya nolol maalmeed u noqday dilka, kufsiga,
boobka hantidooda, xadhiga iyo argagax galin joogto ah oo ay
ciidamada gumaysiga Itoobiya ku hayaan.
Saraakiil
Maraykan oo magaalada Boosaaso tagay.
Saraakiil
sar-sare oo Maraykanka ah ayaa la sheegayaa inay yimaadeen
magaalada Boosaaso, kuwaasoo ka kooban saddex sarkaal oo ka
tirsan ciidammada Maraykanka ee badaha Soomaaliya ilaaliya.
Saraakiishan, oo ka yimid dhinaca Jabuuti, waxaa
imaatinkooda lagu fasiray inay baadi goobayaan dad ay
argagixiso ku tilmaameen. Saraakiishani waxay sida la
sheegay la kulmeen saraakiil ka tirsan ciidammada maamul
goboleedka Puntland, waxayna ka wada hadleen arrimo ku
saabsan sidii uu maamulkaasi uga qeyb qaadan lahaa la
dagaallanka argagixisada.
Saraakiishan Maraykanka ah ayaa si dhakhso ah halkaas uga
amba-baxay oo dib ugu noqday saldhig ay ciidammada
Maraykanku ku leeyihiin dalka Jabuuti.
Ciidammo
Itoobiyaan ah oo lagu soo daabulay deegaanka Feerfeer.
Wararka ka
imanaya gobolka Hiiraan ee dalka Soomaaliya ayaa sheegaya in
ciidammo Itoobiyaan ah oo aad u hubaysan lagu soo daabulay
deegaannada Feerfeer iyo Mustaxiil.
Ciidammadan
ay xukuumadda Itoobiya soo dhoobtay deegaanadan,ayaa ku soo
hagaagay xilli ay xukuumadda Itoobiya martiqaad u fidisay
qaar ka mid ah masuuliyiin ka tirsan maamullo dhawaan laga
sameeyay gobolka Hiiraan iyo waliba odayaal gobolkaas ka
socda.
Masuuliyiintan gobolka Hiiraan ka socda ayaa la sheegayaa
inay magaalada Qabridaharre kula kulmeen saraakiil ka tirsan
ciidammada gumaysiga Itoobiya, oo muddo hadda saddex
toddobaad ka badan laga joogo amar ku bixiyay in la xidho
xad-beenaadka u dhexeeya Soomaaliya iyo Ogadenya, qaybtiisa
ku aadan gobolka Hiiraan.
Ururka
TPLF oo la sheegay in uu leeyahay in ka badan 700, oo
baabuur.
War aanu
ka soo xiganay wargayska Ethio-news ee afka xamariga ku soo
baxa ayaa sheegaya in uu ururka TPLF ee ay Tigreegu
leeyihiin oo ah midka ka taliya Itoobiya, uu leeyahay in ka
badan 700, oo Baabuur. Wargaysku waxa uu intaa raaciyay in
ay baabuurtan isugu jiraan baabuurta xamuulka, Basas iyo
weliba Tagaasi.
Wargaysku
waxuu kaloo tilmaamay in uu Ururkani leeyahay saamiyo badan
oo uu ku darsaday ganacsatada ugu waa weeyn ee wadanka
Itoobiya. Waxaa kaloo la sheegayaa in ay jiraan shirkado
magacyaal shakhsi la siiyay oo uu leeyahay Ururka TPLF ee
talada Itoobiya haya.
Masuuliyiinta Ururka TPLF ayaa in badan saxaafada ka
beeniyay eedaymo tilmaamayey inuu ururkani leeyahay hanti
gooni ah , isla markaana uu u dhiibtay hantidaas dad gaar
ah, waxayna in badan sheegeen masuuliyiintaasi si ra,yul
caamka ugu khaldaan in hantida ururkaas ay tahay hantida
guud ee Itoobiya wax gaar ahna aysan lahayn.
Haweeneey
Sargaalad sare oo
Itoobiyaan ah oo basxatay.
Warar
xoogagaal ah oo aanu ka soo xiganay ilo muhuhiim ah oo lagu
kal soon yahay ayaa sheegaya in ay dalka mareykanka iska
dhiibtay haweeneyda la yidhaahdo awatash welde giorgis oo
madax ka ahaan jirtay waaxda socdaalka ee wasaarada arrimaha
dibeda Itoobiya.
Hawaynaydan
ayaa la dhalatay Isaias Welde Giorgis oo waaxda nabadsugida
EPRDF ka ah ninka labaad (department of security - EPRDF)
Waxaa
xukuumada Itoobiya baryahan danbe aad ugu soo batay oo
tusbax afka laga furay noqday baxsiga Saraakiisha
wasaaradaha, diplomaasiyiinta , aqoonyahanada, wariyayaasha,
Saraakiisha ciidamada iyo waliba ciidamada qalabka sida.
Muuqaalkan
baxsi ee qaybaha kala gadisan ee taliska Itoobiya ayaa waxuu
tilmaamayaa burburka taliska gabalkiisii dhacay ee gumaysiga
Itoobiya.
Konton
iyo koow kun(51.000 ) oo qof oo ku baro kacay dagaalkii ka
dhacay Gambella.
Kumayaal
qof ayaa ku bara kacay dagaalkii ka dhacay Kililka
Gambeellaha, sidaasna waxa sheegay hayadda qaxootiga u
qaabilsan wadanka Norway ee loo yaqaano Norwegian Refugee
Council (NRC). Hay,adan ayaa sheegtay in dadkii ka bara
kacay dagaaladii gobolkaas ka dhacay oo ka badan 51.000 oo
Qof ay galeen wadanka Sudan oo ay xad wadaagaan.
Warar kale oo xogogaal ah
ayaa iyaguna sheegaya in dadka halkaas ka barakacay ay dhan
yihiin 130.000 oo ruux oo aan haysan wax hoy ah iyo guud
ahaanba adeega lagama maarmaanka u ah nolosha aadamaha.
Dagaalada barakacaas dhaliyay
oo ay ku dhinteen in ka badan 610 Ruux ayaa la cadeeyey inay
ka danbeeyeen ciidamada taliska Adis Ababa ee Itoobiya.
20.07.2004
C/Nuur Sh.
Mohamed
radioxoriyo@ogaden.com
raadioxoriyo@yahoo.com
Radio
Xoriyo waxaad ka dhegaysan kartaa Mawjadda 19 MB ee
dhererkeedu yahay 15670 KHZ, Maalmaha Talaadada iyo Jimcaha
7: 30PM waqtiga Afrikada.