w w w . S o m a l i
T a l k . c o m
|
SOMALITALK
- FAALLO/MAQAALLO
|
DAWLADDA INGIRIISKA OO
CADDAYSAY INAANAY AQOONSAN DOONIN HOGAANKA
SOOMAALIYAMohamed Abdi Hassan (diridhaba)
Karachi, Pakistan.
<diridhaba2001@hotmail.com>
London West Minister: Wasaaradda arrimaha
dibadda iyo guriga Ra'isal Wasaaraha Downing Street
ayaa labaduba ka gaabsaday inay wax hadal ah xitaa
qoraal ah ka sheegaan hogaanka la sheegay in
Soomaaliya loo doortay, Balse xallay wakhti danbe
ayaa Wasaaradda arrimaha dibadda ee Ingiriisku
xaqiijisay in aanay aqoonsan doonin dawladd la
sheegay in Soomaaliya dibadeeda lagu dhisay ilaa
inta dawladda Britain ay arkayso dawladaasi oo
Muqdisho ka arrimisa, Afhayeenka Wasaaradda Arrimaha
dibadda ingiriisku Ken Degley wuxuu xaqiijiyey inaan
dalkiisu wax taageero diblomasiyadeed, mid dhaqaale
iyo mid taakulo siin doonin ilaa uu arkaayo dawlad
dadkeeda iyo dalkeeda u arrimisa.
afhayeenku wuxuu kale oo
xaqiijiyey in dawladiisu ay sidii ula shaqayn doonto
Somaliland, arrimaha Somaliland iyo Soomaaliyana ay
u kala saaranyahiin, afhayeenku wuxuu
warsaxafeedkaasi ku soo gaba-gabeeyey in doorashadii
Baarlamaanka ee March 2005 lagu qabanayo Somaliland
uu dalkiisu xagga dhaqaalaha uu gacan weyn ka gaysan
doonan, dhawaana loo diri doono Hargeysa wafdi ka
socda wasaaradda arrimaha dibadda iyo wasaaradda
xidhiidhka iyo taageerada caalamiga ah iyo weliba
baarlamaanka britain.
Ken Degly
Afhayeenka wasaaradda Arrimaha dibadda ee ingiriiska
qaybta africa iyo common Wealth-ka.
Waxaa soo turjumay warbixintani oo
hadal ahayd Mohamed Abdi Hassan (diridhaba)
Karachi, Pakistan.
<diridhaba2001@hotmail.com>
Magaalada Burco Iyo Sida looga
soo dhaweeyey Doorashada C/Laahi Yuusuf...
Axmed Maxamed Sugaal
Freelance Journalist
Burco, Togdheer.
<calanside@yahoo.com>
Tan iyo habeen hore waxa magaalada Burco oo ah
magaalo ay ku nool yihiin in kabadan 400,000 oo
qof ka dhacayey dabbaal-degyo googoos ah oo lagu
taageerayo doorashada Col. C/laahi Yuusuf Axmed
oo loo doortay Madaxweynaha Soomaaliya.
soo dhoweyntan reer Burco ee Col. C/Laahi Yuusuf
ayaad dareemeysay in laga kala lahaa ujeeddooyin
kala duwan.
Cheif Caaqil Axmed Adan Cabdi oo ka tirsan
cuqaasha waaweyn ee beelaha Habar Jeclo ayaa ii
sheegay in Burco ahaan jirtay xiligii Soomaaliya
dowladda keli ah ahayd magaalada ugu dhaqaalaha
badan uguna ganacsi fiican Soomaaliya oo dhan,
haddana ay tahay magaalo aan lahayn xarakaad
baayac-mushtar, "Naga daa adeer dhowr iyo toban
sano ayaannu jeel ku jirnaye, mar uun ha soo
noqoto noloshii iyo dowladnimadiiye".
Dhinaca kale Inj. Maxamed Cali Xirsi ayaa isna
ii sheegay in dadka reer Burco u baahan yihiin
dowlad dhab ah oo leh haykalkii iyo haybaddii
dowladnimo, waayo buu yidhi "14kii sano ee la
soo dhaafay waxa aannu ku noolayn dowlad been ah
oo aan jrin, geed la jaro moojaane geed dambe
Burco lagama beerin 14 kaas sanadood, waddo,
iskuul, wershed iyo waxtar kalena daaba"
Dhinaca ciidamada sarkaal dhalinyaro ah oo ka
tirsan ciidamada qaranka Somaliland kana mid
ahaan jirey Mujaahidiintii SNM ayaa isna ii
sheegay in uu si weyn u taageersan yahay
madaxweynaha cusub ee loo doortay Soomaaliya, "Madaxweynaha
cusub waxa naga dhexeeya taariikh halgan oo la
yaqaan, waad ka war qabtaa in SNM iyo SDDF isku
naf iyo ruux ahaan jireen, markaa ma Sarkaal
sare oo halgamaa ah ayaan dhaafsan karaa daahir
Riyaale oo ahaan jirey, sarkaal hoose oo NSS ah,
oo reer ahaanna aan i kala xigin"
Guud ahaan marka aad eegto
magaalada Burco waxa aad arkaysaa in taageerada
C/laahi Yuusuf ay tahay mid aan qarsoonayn, gaar
ahaan xaafadaha iyo suuqyada bariga magaalada oo
ay degaan Beelaha Habar-jeclo oo xidhiidh soo
jireen ah la leh Beelaha Harti oo uu ka soo
jeedo Col. C/Laahi Yuusuf oo dhowaan loo doortay
Madaxweynaha Soomaaliya.
Axmed Maxamed Sugaal
Freelance Journalist
Burco, Togdheer.
<calanside@yahoo.com>
"Dawladda Marykanka
oo xaqiijisay inaanay aqoonsan doonin dawlad
aan fadhigeedu ahayn Muqdisho oo sheegata
Soomaaliya inay xukunto, waxaa kale oo ay ka
digtay in la farageliyo Meelaha Nabaddu ka
jirto==Somaliland,"
http://www.state.gov/r/pa/prs/ps/2004/37037.htm
Washington: War Saxaafadeed
shallay gelinkii danbe laga soo saaray
Wasaaradda Arrimaha dibadda ee dalka
Maraykanka ayaa si taxadar ku jiro waxay
usoo dhawaysay Madaxtinimada Cabdilaahi
Yuusuf Axmed ee dalka Soomaliya, waxaanay
ugu baaqday in ay Soomaalidu dantooda
gartaan lana shaqeeyaan hogaanka loo doortay,
Warsaxafeedku wuxuu tilmaamay in keliya ay
dawladda Maraykanku aqoonsan doonto Dawlad
Soomaaliyeed oo toos ah uga shaqaysa magaalo
Madaxda Muqdisho inta ka sokaysana ay si
diblomaasiyadeed uun usoo dhawayn doonto.
Dhinaca kale war
saxafeedka ayaa digniin culus wuxuu ka
bixiyey inaan la fara-gelin karin
Jamhuuriyadda Somaliland, go'aanka shacabka
Somaliland-na la ixtiraamo, Warsaxafeedka
waxaa lagu sheegay in Dawladda Maraykanku ay
qadarin badan u hayso dhulka Nabaddu ka
jirto ee Somaliland haddii la fara-geliyana
ay cawaaqib xumu ku noqon doonto cidkasta,
Warsaxafadeedku wuxuu tixraac ku sameeyey ka
warqabka xurgufta u dhexaysa Somaliland iyo
Ninka la sheegay in hogaanka Soomaaliya loo
doortay ee ay ku muran sanyahiin xuduudka
labada Dal ee Somaliland iyo Soomaaliya (Sool
beri), waxaa afhayeenka warsaxafeedkani ku
saxeexna Richard Boucher uu uga digay
markale in tixgelin la siiyo hadafka
Somaliland.
Afhayeenka Wasaaradda
Arrimaha dibadda maraykanka
Richard Boucher
Qalinkii
MOHAMED ABDI HASSAN (DIRIDHABA)
KARACHI, PAKISTAN.
Mobile: 00-92-300-2600907
E-mail:
diridhaba2001@hotmail.com
Hadii aad doonayso
qoraalkani ka akhriso bogga State
Department-ka maraykanka ama guji links-ka
hoos ku yaalla:
http://www.state.gov/r/pa/prs/ps/2004/37037.htm
Somaliland: Runtii itoobiya ayaa hagardaaminaysa
ahmed habane <habane54@yahoo.co.uk>
Salaan qiimaheeda aan la koobi karin ka dib.
Waxaan doonayaa inaan daaha ka rogo runta lagama maarmaanka ah ee dad badani
ka meermeerayaan inay abaaraan.Taasoo ah reer Somaliland inay ka
leexleexanayaan xukuumadda Itoobiya dibindaabyada iyo lugooyada ay nagu
hayso,waxaana halkan idiinku soo gudbin dhacdooyin qoyan oo wali raadkeedii
ina hayo.
1- Somaliland cadowgeeda koowaad sida aynu ognahay waa Cabdullaahi Yuusuf
iyo maamulkiisii Majeerteenya,oo waxa adduunka lagu colooba waxaa ugu wayn
deegaankaaga oo lagu soo xadgudbo,been haddaanu isu sheegaynna beriga
Sanaag,Sool iyo buuhoodle gacanta Majeerteenya ayay ku jirtaa,oo waad la
socotaan in xitaa buuhoodle damaashaadkii loo dhigayay Cabdullaahi Yuusf
laga siidaayay idaacadaha Caalamka, Laas qoray oo aan ka
fogayn Cerigaabo maamulka Majeerteenya waa kuwii keenay oo ku casumay
Fanaankii waynaa ee reer England,Magaciisii ma karee,Hargaysane
Yimmid,badhan, hadaaftimo,Taleex,xuddun iyo ilaa xuduudda garowe u muuqata
Maleeshiyada majeerteen ayaa joogta oo gacanteenna kuma jirto.Haddaba waad
ogtihiin Cabdullaahi markii la jabiyay oo uu u cararay qaybta reer tolkiisa
ka dego Galkacyo,rag dhulkeenna inoo aqoonsanna ka itaal roonaadeen sida
Mohamed Xaaji Aden,qolodii u horaysay oo soo taakulaysa hub iyo dhaqaalo
siisa waad ogtihiinoo waa Xukuumadda Itoobiya,isla markaana uu ciidan ka
urursanayay deegaanada kilinka shanaad oo raali looga ahaa.
2- Shirka imbigaathi oo 2 sano lagu soo waday Kenya inay itoobiya wadatay oo
sallaan dheer usoo martay inuu Cabdillaahi noqdo madexweynaha Meeshaas
cidina kama qarsoona.Wiilka safiirka looga dhigay ee itoobiya gaysay Shirka
Kenya Cabdicasiis Gurgurre,waa ninka hogaanka uhayay oo la yidhi Abti baad
utahay Cabdilaahiye nin kale yuu ku fariisan kursiga yacne Cabdillaahi
hooyadiis baa Dira.
3-Muwaadiniin reer Somaliland ah ayaa Deegaanada ay ka taliso Xukuumadda
itoobiya hantidoodii lagu dhacay oo ilaa iyo immika ayna wax ka
qaban,maantana dad badan oo maalkoodii dhaceen shuftada ONLF,ayaa faro
madhan,iyadoo muwaadiniinta itoobiya ay si nabad gelyo ah u maraan dalkeenna.
4- xukuumadda itoobiya waxay xidhay oo cuna qabatayn dadban saartay
ganacsigii isaga gooshi jiray labada dal,ayadoo maamulka majeerteenya
xudduudooda aan la taaban oo isu furan yihiin.
5-Xukuumadda itoobiya wax loogu mahadiyo Ictiraaf baa ugu horeeya,namana
siin oo 13 sano ayaanu ka dalbanaynay.
6-Itoobiya Xaruntii Au baa ku taal,mar walba dad cadowga somaliland ah baa
ku fariisanayay kursigii naga dhexeeyay ,oo wali laguma hayo kusoo heshiiya
idinka iyo Somaliland.
7- qawda maqashii waxna ha uqaban mooyaane,ilaa iyo immika bal wax naruura
oo Xukuumadda Meles Senaawe na tartay ma hayo,qaad na hallaaga uunbaa nooga
yimaada.
Haddaba kuwa dhaleecaynaya Jabuuti oo leh waa cadowgeenii koowaad,waar
jabuuti xitaa cadow dhul innagu haysta ma taakulayso oo hub iyo dhaqaalo ma
siiso,xudduudeenii ayaana calankii ka taagan yahay,Madexweyne Riyaalena
guusheeda ayuu leeyahay maadaama Gobalkii uu ka soo jeeday calankii ka
babanayo,oo xudduudeenii inuu xidhantahay kuwa ka soo jeeda beriga
Somaliland sida xisbiga Kulmiye ee maalin walba cambaarenaya Madexweyne
Riyaale waxaan leeyahay somaliland beelo isku tagay weeyaan ee hadduu
tiisii ka soo baxay ragga ka soo jeeda beriga Somalilandow xudduudi Garowe u
muuqatay meeday,In la garab galo oo loo hambalyeeyo ayuu mutaysanyahay
madexwene Riyaale,laakiin Dawlad aan kuu soo jeedin oo cadowgeenna
taakulaysa waa itoobiya ee yaynu nafta been u sheegin oo itoobiya ka xigsan
jabuuti.
Sida uu ku xusay xusuus qorkiisa M.Siciid Gees,makii uu ka hadlayay
shakhsiyadda Ismaaciil Cumar Geelle,waxuu yidhi waa nin Taariikhda aad u
yaqaan oo garaadkiisu sareeyo,marka Geele waa nin og ciday wax isu yihiin oo
Dirnimadu ku dheertahay,ina adeerkii Riyaalana aan Cadow usoo qarinayn,balse
Tigre danayste ah oo aan ku naxayn yaan laga dhigan nasteex inoo roon.
ahmed habane <habane54@yahoo.co.uk>
HAMBALYO MADAXWEYNAHA CUSUB
Sacdiya Sheikh Mohamed <sacdiyoislan@hotmail.com>
Anigoo Sacdiyo Sheekh Maxamed oo ku nool magaalada Bruxelles ee
dalka Belgium waxaan u tahniyadeynayaa dhammaan ummadda Soomaaliyeed
doorashada cusub ee loo doortay Madaxweynaha Soomaaliya Mudane C/llaahi
Yuusuf Axmed. Waxaan Ilaahay uga baryayaa Madaxweynaha cusub inuu
noqdo kii waddanka ku soo dabaala nabadgelyo iyo xasilooni, kuna
maamula diinta iyo caddaaladdaba, isagana waxaan Ilaahay uga
baryayaa inuu la garab galo xilka culus ee loo doortay. Si weyn
ayaan ugu faraxnay doorashada Madaxweynaha cusub markaan maqalnay,
waxaana u aragnaa arrin rajo gelinaysa Soomaalida ku nool waddanka
gudihiisa iyo dibaddiisa.
Afeef: Aragtida qoraalkan waxaa leh qorayasha ku saxiixan...
Faafin: SomaliTalk.com | Oct 13, 2004
Kulaabo bogga www.SomaliTalk.com
|
©
www.SomaliTalk.com |
|
|
|