Daabaco Boggan | Print

Maalintii Dabaal Degga Degaanka Adduunka oo Looga Dabaal Degay Boosaaso Si Murugo leh

• Sawirada ka daawo halkan.. Guji...

Waxaa Tariikhdu markay ahayd June 05 2004 looga Dabaal dagay maalinta Degaanka Aduunka oo ku aadan Maalintaa, waxaana lagu qabtay Xarunta WAWA ee Haweenka Boosaaso Xaflad ay soo agaasimeen Shabakada Maareynta Khayraadka Soomaaliyeed oo Xafiiskoodu yahay Magaalada Bosaaso; lakiin Xarumo ku leh Magaalooyin kale oo Soomaaliyaa.

Xafladaa ayaa ugu horeentii waxaa ka hadley Gudoomiye ku xigeenka Degmada Boosaaso Axmed Qaxiye oo ku dheeraaday in inta Badan ay Xafiisyada NGO-yada ah kana furan magaalooyinka ay sheegaan in ay ku soo Qortaan Calaamad waxa ay ka shaqeeyaan lakiin aan la arag waxa ay ka shaqeeyaan taasna ay kalifayso burbur hor leh oo ku yimaada dhinacyada kuwa ka shaqeeya arimaha Bulshada lakiin loo bahan yahay in loo shaqeeyo Dadka iyo Dalka hadda aan la hayn Wadadeedii.

Waxaa isgana ka hadlay Xubin ka mida Shabakada soo Qaban Qaabisay Xafladaa oo Warbixin ka dhiibay wax qabadkooda Degaanka Guud ahaan soomaaliya oo Tusaale ahaan uu u soo Qaatay Daaqsin ay ka sameeyeen Degaanka Degmada Qardho oo ay hada Lo,da ku nool degaankaa ay quudato.

Waxaa isagana ka hadlay xubin kale oo ka mida shabkada oo isagu ka warbixiyay Bada kana sheegay arimo Argagax leh oo ay ku hayaan Maraakiibta bada marta iyo kuwa Jariifa, kuwaas oo Qashinka ku daadiya Badaha Soomaaliya kana kaluumaysta si Sharci darro ah ayna hubaysan yihiin. [Eeg halkan...]

Waxaa iyadana ka hadashay gabar ka mida Shabkadaa Gabadha oo loo yaqaan in ay udoodo Degaanka waa Fadumo Jaamac Jabriil oo ah Gabadhii ku Qaadatay Bilada looyaqaan (Goldmen Environmental Press) u doodida sidii loo joojin lahaa Dhuxusha loo dhoofiyo Carabaha taasoo keentay Nabaadguur xoogleh Sanadkii 2002.

Faadumo oo warbixin dheer ka dhiibtay halkaa ayaa ka hadashay sida ay ula dagaalameen Joojinta Xaalufinta Dagaanka oo xataa ay tababaro u sameeyeen Dadka ku nool Degaanka oo ah Dadka Reer Baadiyaha ah taasna ay keenta in sidii hore uu ka yaraado Xaalufinta, Faadumo ayaa tusaale u soo Qaadatay in Adduunka hada lagu Tartamayo abuurka uuna Noqday waxa kaliya ee hadda laga Dhigto Dhaqaale soosaar lakiin Dadka Soomaaliyeed ay ku jiraan Dagaan tirtirid.

Fadumo oo sii wadata hadalkeeda oo aad ay u Damqaysay Dadka ka soo qayb galay Xaflada Arimaha ay ka sheegayso Degaanka iyo sida mudo gaaban loogu Xaalufiyay ayaa ka hadashay in ay Dadka ilaaliya Degaanka oo ah dadka Degan Dhulka ay haboon tahay in ay ka helaan Taageero, Aqoon iyo Dhinacyo kaleba, Dadka Dibadaha aaday ee Aqoonta soo bartay soona arkay Degaanka iyo Qiimihiisa inay uga faa,iideeyaan aqoontooda Dadka walaalahooda ayna ku taageeraan Dhinac walba oo ay awoodi karaan.

Xubno ka mida Shabakadaa oo aan wax ka waydiyay tageero in ay ka helaan Maamulka iyo Hay,ado kale ayaa ii sheegay inay wax taageero ah ka helaan Hay,ada NOVIB -Tageero wada shaqeyna, Dadka Degaanka oo ay tababaro siiyaan ayna fuliyaan howlaha ay u diraan, waxa aan haynaa warbixino ku saabsan xagga Badaha hadaan laga Hortaginna ay keeni karto Cuduro badan ayuu yiri Xubinkaa ka tirsan shabakada oo lagu Magacaabo Cabdirisaaq Afweyne, lakin tageero kama helno Maamulka ayuu yiri Cabdirisaaq. [Eeg sawirada...]

Badaha iyo Bariga Soomaaliya ayaa ah kan ay ku noolyihiin Dadka Soomaliyeed oo ay ka heli jireen Dhaqaale ay ku noolaadaan lakiin Xiligii Burburka ayaa waxaa isa soo taraayay Xaalufin lagu hayo Badda iyo Barigaba, taas oo inta badan ay ehel u yihiin Dadka Ganacsatadaa oo aan u Abaabo yeelin Dad iyo Dalba, Meel kastana ku mara Dhaqaale Bixin ama Musuqmaasuq waxa loo yaqaan, inta badana aysan Doonayn in Dowlad la helo si ay u helaan Dhaqaale aan cidina wax ka waydiin.

Sawirada ka daawo halkan...

Cabdifataax Jaamac Mire
somalitalkpl@yahoo.com 

Faafin: SomaliTalk.com | June 8, 2004

»»EEG SUNTA KU DUUGAN SOOMAALIYA [ www.somalitalk.com/sun/]

MAXAA GAACA BIYO JAW LEH....

• Ganacsato Doonaysa in ay Maalgashato Kaluumaysiga Puntland oo yimid Boosaaso
• Wershedo yaryar oo Laga Furay Boosaaso
• Fulinta Dhaqantoosinta iyo La dagaallanka HIV/AIDS-ka Guji halkan
• Gudiga Faafreebka iyo Booliska Puntland oo Boosaaso ku Gubey 112 Kartoon oo ah Galcaar... Guji halkan
• Boosaaso oo Lagu Gubey Xashiishad  iyo Khamri: