6 DHALINYARADA
SOOMAALIYEED EE SACUUDIGA LAGU DILAY,
WAA “MASKIIN BAA
GARBO LAGU SOCDO LEH”
Sida aan dhamaanteen maqalnay waxaa
qoodha looga jaray 6 dhalinyaro Soomaaliyeed ah, kuwaas oo lagu soo
eedeeyay danbiyo ay ka mid ahaayeen, afduub, kufsi, dhac, iyo
argagixis ay kula kaceen shacabka sucuudiga gaar ahaan kuwa ku
dhaqan Jeddah.
Hadaba waxaa iswaydiin mudan waxa
sababay in lixdaas dhalinyarada ah unuunka la hordhigo.
-
Ma qof Muslim ah bay dileen
-
Ma diinta Islaamkay ka baxeen
-
Ma danaha Muslimiintay Jaajuuseen
-
Ma Sinaysteen iyagoo xaasas leh
-
Ma ficilooyin Waxashnimo ayay ku
dheceen sida (qowmuluudnimo iwm)
Arimahaas waa waxyaalaha banayn
kara in la dilo qofkii sameeya, hadaba waxaa iswaydiin mudan waxa
sababay in la dilo dhalinyaradaasi.
Nabigeena Suubani wuxuu xadiis
saxiis ah noogu sheegay in Qofka Muslimka ah Dhiigiisa ay banayn
karto sadex arimood sida:
-Inuu dulmi ku dilo Naf Muslim ah (taas
oo aad maanta ugu badan Soomaaliya)
-Inuu isagoo xaas leh sinaysto (taas
oo iyana caadi ka ah mushtamaceena)
-Iyo Inuu diinta Islaamka ka baxo (taas
oo iyana maanta lagu arkay Qaar ka mid ah Soomaalida Qurbaha, oo
waliba kabaxidii aflagaado sharafta muslimka , Nabigeena Suuban
Nolishiisii iyo Allahii aadanaha unkayba ay caadaysteen kooxahaasi)
Aniga oon marna difaacay
ficilooyinka tuugonimo iwm… ee sharafta Islaanimada iyo
Soomaalinimadaba ku xun ee ay ku kaceen dhalintaasi, hadana waxaan
oran karaa ilaa hada kuma qancin waxa qoorta looga jaray, ama mugdi
wayn ayaa iiga jira.
Sucuudiga waxaa ka dhaca dulmi ka
badan kuwa lagu soo oogay dhalinyaradaasi, sida , Raga oo isku taga,
Hantida xoogsatada Muslimiinta ah ee u shaqa tagtay Dalkaasi oo la
duudsiiyo lana soo tarxiilo, kumaankun Muslimiin ah oo ku xirxiran
xabsiyada Dalkaasi iyagoo aan wax danbi ah lagu soo oogin, boqolaal
lagu duugay saxaraaga rubuc khaali iyo weliba u gargaar cadowga
Muslimka ayay ku kacdaa xukuumada iyo shacabka dalkaasi. (iyadoo
isla markaasna aan ognahay inay ka buuxaan malaayiin muxsiniin ah,
baytii Alle ku yaalo, nabigeena suubani ku dhashay kuna aasan yahay)
ayay hadana tahay in runta la sheego, lana kala saaro ficilka
dowlada sucuudiga iyo kan shacabka gaar ahaana kan ehlu khayrka.
Markaani ma aha markii ugu horeeyay
ee lagu xadgudbo xuquuq jaaliyadda Soomaaliyeed ee dalkaasi ku sugan,
sidaa umaysii fogayn markii xabsiga jasiirada u dhow Jayzaan lagu
xasuuqay muwaadiniin maato ah ee Soomaliyeed.
Hadaba Waxa meesha ina dhigay waa
markii aynu sharaftii, haybadii iyo qaranimadii iska qaadnay, ayaa
ileen calan iyo dowlad la inooga haybaysto ma lihini lagu tuntay
sharaftii muwaadinka Soomaaliyeed. Ilaa la soo celiyo Calankii iyo
Awoodii Qaranimo ee Soomaliyeedna xasuuqaas iyo Madaxgooyadaas
ayunbaa lagu hayn doonaa Jaaliyadaheena ku sugan dibadaha.
Waxaa kaloo haboon , in aynu
garnaqsano inaga nafteenu , oo Soomaalidu waxay tiraahdaa “Gaal dil
gartiisana Sii” sidaa awgeed inaga lafteenu markaynu gubnay
dalkeenii, bahdilnay sharafteenii Qofnimo, Islaanimo iyo
Soomaalinimo, markaynu boobnay hantidii qaran iyo qofeedba, markaynu
kufsanay hablaheenii, dooxanay caruurteenii iyo cirooleheenii ,
burburinay dhismayaasheenii, ayaad moodaa inaynu noqonay tusbax
fikaday.
Qaar waxay boqolaal ugu dhinteen,
bada u dhaxaysa Somaaliya iyo Yaman, Bada u dhaxaysa Liibiya iyo
Itaaliya, tobanaan kale ayaa lagu toogtay ama silic ugu dhintay
xuduudaha yurubta bari iyo tan galbeed, tobanaan kale ayaa lagu
dilay ama lagu dooxday wadamada ay qaxootiga u yihiin, sida yurubta
galbeed iyo waqooyiga ameerika, inta buufisku ku dhacay warkoodaba
daa, inta (suicide) is dishay warkoodaba daa.
Hadaba aynu iswaydiino waxa ina
badan silica aynu maanta ku suganahay iyo tiiha aan inuu ka soo daro
mooyee aan ka soo raynayn.
Ilaahay wuxuu balan qaaday inuusan
umad u gargaarin ilaa ay iyagu isku gargaaraan mooyee.
Kuwa wali doorbidaya inay Soomaali
ku sii hayaan silica ay maanta ku jirto sow kama xishoodaan, kuwa
wali dulmiga iyo dumiska ku haya qaranimadii iyo qaayihii
Soomaaliyeed sow kama waantoobaan, kuwa iftiin kastee noo siraadma
raba inay damiyaan oo isbaarada hordhigtaan sow kama koraan kamana
waynaadaan.
- Ra’I teen run baan sheegay
kamana raysaane ,
- Roori maysaan ilaa aad rubada
waydaane!!!!!!!
Viva Somalia,
Soomaaliya Ha noolaato,
Jabarti Osman
jabarti2020@hotmail.com
Afeef:
Aragtida qoraalkan waxaa leh qoraaga ku saxiixan
Ethiopia oo Hub & Saanad Soo Gaarsiisey Maamulka G/Hiiraan
»Wadada
isku xirta G/banaadir & Sh/hoose oo dib u furantay
»Shirkii lagu Taageerayay Go'aankii
DFKMG oo La soo Celinayo
»USA
oo taageertay go'aamadii W/Arrimaha dibada ee IGAD
»Wadamo
islaam ah oo ka hadlay geerida Pope-ka labaad
Wararka oo dhan... Guji...