Wararkii Maanta:: Jan 18
- Dagaal culus oo maanta dhexmaray
labo maleeshiyo oo kusugan gobolka galgaduud.
- Dagaal ka Dhacay Xiin Dawaco, Mudug
- Aagga
Ceerigaabo: Dagaal ka bilowday Qaad oo ay Ku Dhinteen 17-qof
- Baaq Nabadeed ka soo baxay Guddiga Fulinta ee Jaaliyadda Kuwait ee ka soo jeedda Gobolada
Sool, Sanaag iyo Hawd
- Baaq Nabadeed ka yimid UK oo Ku socda gobalka Sanaag Bari
Dagaal culus oo maanta dhexmaray labo
maleeshiyo oo kusugan gobolka galgaduud.
galgaduud (somalitalk)
talaado,18/01/05
Waxaa maanta labiyo tobankii duhurnimo uu
dagaal culus dhexmaray labo maleeshi oo hubaysan oo wada daga tuulo
lagumagacaabo mire cowleed oo dhowr iyo afartan km, kaga aadan dhinca
dagmada cadaado oo ka tirsan gobolka galgaduud, dagaalkan maanta dhacay ayaa
waxaa ku geeriyootay sida aan wararka kuhelyano labo qof halka ay dhowr iyo
labaatanna ku dhaawacantay, ayadoo dhaawacana 18-kamida lagu dawaynayo
isbitalka dagmada cadaado halka qaar kalana lafilayo in goor dhow la keeno
isbital ku yaala kofurta magaalada galkacyo ee xaafada baraxlay.
Dagaalka maanta dhacay ayaa waxaa ka
horeeyay mid isna labo casho kahor dhexmaray labadamaleeshiyo ayadoo aan
lashaacin cidda wax ku noqotay dagaalkaas, maaha markii ugu horaysay oo
beelahan uu dagaal dhexmaro ayadoo ay in mudo ahaydba ay ku dagaalamayeen
gobolada mudug iyo galgaduud waxaana jiray dadaalo dhowra oo ay wadeen
odoyaal iyo wax garad ka kala socda ladada beelood ee sacad iyo saleeebaan
waana ay ku guulaysan waayeen in ay soo afjaraan colaadau dhexaysa
beelahooda.
Sidoo kale waxaa jiray odoyaasaha,
waxgaradka, culumaa udiinka beelaha hawiye in ay wadeen dadaalo kala duwan
oo ay rabeen in ay kaga qayb qaataan soo afmeeridda colaadan dabada
dheeraatay ee u dhexaysa sacad iyo saleebaan oo ah beel wada dhalatay,
nabadayntii ay in muda ahba wadeen beelaha sacad iyo saleebaan waxaana lagu
dilay qaar kamida ergo isugu jirtay labada dhinac ee sacad iyo slaeebaan
ayadoo ladilay gudoomiyihii dagmada cadaado Maxamuud Maxamed Suulay iyo
xubnokale halka la dhawacay culumadii qaarkamida, arintan ayaa yaab ku
dhalisay dhamaan beelaha soomaaliyeed, waxaana ka dib soo dhexgalay guud
ahan beelaha hawiye oo haatan uu ka mid yahay Sh. Xasan Dahir Aways oo ka
mida culimada doonaysay maal mahanba in ay soo gabagabayso colaada beelahan.
ayadoo ay haatanna qaar kamida ay wali ku suganyihiin deegaankauu dagaalku
ka dhacayo ayaa hadana uu socdaa dagaalka labada maleeshiyo.
sahrosiglan@hotmail.com
Dagaal ka Dhacay Xiin Dawaco:::
Wararka kale ee ka imanaya gobolka Mudug
ayaa sheegay in meesha lagu magcaabo
Xiindawaco oo ka tirsan gobolka Mudug ay
maalintii shalay ahayd ku dhinteen 16 qof, ayna ku dhawacmeen 23 qof kaddib
markii halkaas uu dagaal ku dhex maray labada beelood ee walaalaha ah Sacda
iyo Saleebaan.
Aagga Ceerigaabo:
Dagaal ka bilowday Qaad oo ay Ku Dhinteen 17-qof
Wararka ka imanaya
aagga Ceerigaabo ayaa sheegay in ay aagaas ku dhinteen 17 qof, ayna ku
dhaawacmeen ilaa tiro lagu qiyaasay dhawr dersin. Dagaalkaas ayaa lagu soo
waramay in uu ka bilowday kaddib markii woqooyiga Ceerigaabo lagu diley nin
ganacsade Qaad ah, kaddibna uu dagaalkii sidaas ugu faafay tuulooyinka
aagaas ku yaal, tiradaas kor ku xusan oo dadka ahna ay dhinteen. Hay'da
Reuters oo warkaas werineysey waxa ay tiri: "Waxaa dagaalku ka bilowday
dilkii nin ka ganacsada Qaadka, Qaadka oo ah geedka xaraaradda kiciya ee ay
Soomaalidu Calashadaan."
BAAQ
NABADEED
Ku: Dhammaan Isimada iyo Sama ka Taliska kale ee Puntland
Ku: Madaxweynaha Maamul Goboleedka Puntland
Ku: Madaxweyne ku Xigeenka Maamul Goboleedka Puntland
Ku: Guddoomiyaha Barlamaanka Puntland
Annaga oo ah Guddiga Fulinta ee Jaaliyadda Kuwait ee ka soo jeedda Gobolada
Sool, Sanaag iyo Hawd kana wakiil ah jaaliyadda SSH Kuwait {Warsangeli iyo
Dhulbahante} waxaanu aad uga xunnahay oo ka tiiraanyoonaynaa dhiilada
ka dhex dhacday labada beelood ee walaalaha ah ee Dhulbahante iyo Warsangeli.
Waxaanu dhammaan Isimada iyo odayaasha iyo madaxda BAAQANI sida tooska ah
ugu socdo ka codsanaynaa inay si deg deg ah u dhex galaan walaalaha
waxyeeladu kala gaadhay si tolnimo ahna u kala badbaadiyaan wixii xaq ah ee
ay isku yeeshaana si cadaalad ah ugu kala qaadaan.
Dhiiladani waxay dhacday waqti colaad uu sababay Maamulka Hargeysa ee
Isaaqland ka taagantahay Gobolada Sool, Sanaag iyo Hawd ee Puntland.Labada
beelood ee walaalaha ah ee dhiiladani ka dhex dhacday waa inay gartaan
khatarta uu ku hayo Maamulka Hargeysa ee goonni u goosadka ahi kana
feejignaadaan in maamulkaasi ka faa'iidaysto dhibaatadan hadda
dhacday.Sidaas awgeed waa in si deg deg ah loo xalliyaa meella looga soo
wada jeestaa Maamulka Hargeysa ee Soomaalidiidka ah.
Annagoo Madaxweynaha, Madaxweyne ku Xigeenka iyo Goddoomiyaha Barlamaanka ee
Maamul Goboleedka Puntland ugu hambalyeynayna jagooyinka loo doortay
Ilaahayna ka baryeyna inuu xilalka la saaray u fududeeyo, waxaanu ka
codsanaynaa inay dhibaatadan dhacday kaalin dawladnimo ka qaataan iyagoo
kaashanaya Isimada, Culumaau'diinka iyo waxgaradka kale ee beelaha Puntland.
Guddiga Fulinta ee SSH Kuwait:
1. Saalax Shire Saalax......................................Guddoomiye ...
2. Axmed Maxamed Aadan {Tabaatiig}...................Xubin.........
3. Cali Maxamuud Cali Bayr...................................Xubin.........
4. Axmed Maxamed Cali {Qodax}.........................Xubin.........
5. Siciid Ismaaciil Himbool......................................Xubin.........
6. Maxamed Xirsi Muuse......................................Xubin..........
7. Cabdullaahi Sheekh Maxamuud...........................Xubin.........
8. Cabdullaahi Maxamed Aadan {Dhoolawaa}............Xubin.........
9. Naasir Sheekh Saalax.......................................Xubin.......
10. Maxamuud Ismaaciil Nuur.................................Xubin......
11.Yuusuf Xaaji Samatar......................................Xubin.......
12.Faarax Cabdi Gaas..........................................Xubin......
13.Maxamed Faarax Abyan..................................Xubin.......
14.Maxamed Ciise Muuse....................................Xubin......
Kala xidhiidh:
Axmed Maxamed Aadan {Tabaatiig}
ahmedtabaatiig@yahoo.com
Baaq Nabadeed Ku socda gobalka Sanaag Bari
Baaq :- Anagoo ku hadlayna magaca jaaliyada beesha
Bariga Sanaag ee Scotland (UK) waxaanu aad uga xunahay
dilalka iyo afduubka ka socda degaanada Sanaag kaas oo
sababay dilal macno dari ah iyo weliba dhaawacyo
sababi karana barakac.
Waxaanu usoo jeedinaynaa aqoonayanada, duubabka,
culima awdiinka iyo wax garadka labada beeloodba inay
ka hortagaan dagaalada macni darida ku socda waayo
balaayo hor la qabto ayay lee dahay laakiin dabo la
qabto malaha.
Maadama aynu naahay beelo walaalo dhiiga islaamkuna
xaaran inaga yahay waxa haboon in la joojiyo lagana
hortago wax ala wixii keeni kara isku dhac waxaanu ka
rajaynaynaa qol yaha saxaafadu arinka inaanay
siyaasadayn sida radiolaascaanood oo ku tilmaamay
mashruuc laga soo qaatay Daahir Riyaale waxaanuna uga
digaynaynaa arinka inaan lagu shaacin websiteka wax
aan la hubin keeni karana falqalado abuuri karana
colaad aan wanaagsanayn
Waxaanu mar labaad idiinku baaqaynaa in la dhowro
deris wanaaga iyo xasiloonida soo jireenka ah lagana
fogaado wixii keeni kara isku dhac danbe arinkana lagu
dhameeyo wada hadal siday ahaan jirtay.
Waxaa bayaanka soo qoray
- Siciid daahir
- C\salaan maxamed ciise
- C\raxmaan maxamuud dhoore c\star
- Axmed maxamed muuse
- Maxamuud cabdi shirwac
- Maxamed cumar ciise
Kala xiriiri:
cabdirahmaan dhoore
cdhoore@yahoo.com
»Xukumada Riyaale Daacad ma ka
tahay in la qabto Doorshada Baarlamaanka....
[Warbixintii Qodax & Kaahiye]
Soomaalida Norway oo Lagu Eedeeyey Dhaqan Xumo...
»
Soomaalida Norway oo Lagu eedeeyey Dad-dilmo
»
Saxaafada Norway iyo ka hadalkooda Soomaalida..
Warka oo faahfaahsan
ka akhri halkan.. Guji.. Jan 18
Madaxwaynaha
Soomaaliya oo sheegay in uusan tagayn Muqdisho
»Muqdisho:
Xarunta Ra'iisul wasaaraha & Baarlamaanka
»Marrunbaa
in Jabuuti aqoonsatay Somaliland?
»Cadde
Muuse oo Kedis ku Tegey Deegaanka Adhi cadeeye
»Wafti
oo la socdo Maxwell oo Booqday Soomaaliya
Wararka oo
dhamaystiran ka akhri halkan.. Guji... Jan 17
Faafin: Somalitalk.com | Jan 18, 2005
Kulaabo bogga www.SomaliTalk.com
|