SOMALITALK.COM DALSAN
w w w . S o m a l i T a l k . c o m
SOMALITALK - WARAR

"Dadka Soomaaliyeed iyaga ayaa ka tashanaya Arimahooda Aduunka waxa ay uga baahanyihiin kaalmo balse uma baahna Soomaaliya Ciidamo" Eng. Xuseen Maxamed Faarax Caddiid

Ku xigeenka ra'isul wasaarha DFKMG ee Jamhuuriyada Soomaaliya ,ahna Wasiirka Arimaha Gudaha, Eng. Xuseen Maxamed Faarax Caydiid ayeey ii suuro gashay in aan waraysi la yeesho kadib markii shirkii Golaha Wasiirada ee Soomaaliya uu dhaamaday.

1-Su'aal: Mudane Wasiir Shirkiinii maanta ee Golaha Wasiirada maxaad uga wada hadasheen?

1-Jawaab Eng Xuseen Caydiid: Idaawaqaca mahadsanid Shirka waxaa maanta gudoominayay Raysul wasaaraha Soomaaliya Prof Cali Maxamed Geedi sidii aanu wiigii hore u go'aansanay waxaa war bixin siinaayay Gudiyaashii kala duwanaa oo hoowlaha ka shaqaynaayay, hoowlahaas oo ah sidii ay Doowladu u howl gali lahayd una guuri lahayd,iyo wixii kale oo raysul wasaaraha maanta noo soo gudbiyay ayaan maanta ka shaqaynaynay shirkuna waa noo sii socon doonaa iydoo kulankan midka xigaana uu dhici doono maalinka arbacada ah Gudiyaasha wixii harayna ay war bixin siin doonaan halkaasna ay golaha wasiirada shaqada ka sii wada doonaan.

2-Su'aal: Ma waxaa Jira Xilal aad maanta magacoowdeen?

2- Jawaab: Maanta Raysul wasaaraha Doowlada Soomaaliya Prof Cali Maxamed Geedi markii uu la tashiyo la sameeyay Wasaaradaha iyo Golaha Wasiirada ku shuqul leh iyo Madaxwaynaha iyo dhamaan Baarlamaankaba  waxa uu soo jeediyay wareegto (Digreeto) Raysul wasaaruhu ku magacaabayo Dr. Maxamed Maxamuud Culusoow, waxa uuna u magacaabay Gudoomiyaha Bankiga Dhexe ee Soomaaliya, waxaa kaloo uu magacaabay Gudoomiyaha Maxkamada Sare Dr. Yuusuf, labaas mas'uul iyo Sharcigii lagula shaqayn lahaa Doowladaha Caalamiga iyo Xukuumada sadaxdaa Gudi si wada Jira ayeey u ogolaadeen magacaabista labada Mas uul.

3-Su'aa: Mudane Wasiir waxaan kaloo maqlay in aad ka wada hadasheen Arimo kaloo ku saabsan Amniga oo waxaa Jirtay in Wasiirka Amniga Qaranka Maxamed Qanyare Afrax soo Jeediyay in Dadka hubka laga dhigo soomaaliya la geeyo ciidamo shisheeye isla markaana waxaa Qaadacay Wasiirada Ganacsiga iyo Hoowlaha Guud Al Xaaj Muusee Suudi iyo Cusmaan Caato Arimahaas maxaa ka jira?

3-Jawaab Eng. Xuseen Caydiid: Amuurtas Ajandaha nooguma jirin markeedii hore laakiin waxay ahayd wasiirka Amniga, waxana uu xaq u leeyahay hindise in uu soo jeediyo, Wasaarad kastana hin dise in ay soo jeediso, Hindisii wasiirka wasaarada Amniga uu soo jediyeey ahayd balse ma ahayn mid golaha oo dhan ka doodayay, kaliya waxa ay ahayd soo jeedin in goluhu soo aqristo waxii ay ka qabaana ay soo sheegaan, waxa ay ila tahay in wali doodeedii ay soconayso mana aysan ahayn wax la wada ogolaaday ee waxa ay aheed uun soo jeedin kaliya.

4-Su aal: Marka xubnihiina Golaha Wasiirada ma idinka go antahay in aad Soomaaliya Ciidamo gaysaan ?

4-Jawaab Eng Xuseen Caydiid:  Marna la iskuma soo qaadin, raysul wasaaraha& Golaha wasiiradaba waxaa ka go an in Dib loogu Noqdo Dalkii Soomaaliya ee Burburay si Doowlada Federaalka Ku meelgaarka ahi ay waajibkeeda ugudato ayna ka shaqayso Nabad Galyada doowladaan waa doowlad loo wada dhanyahay Saraakiisha ku jirta iyo hogaamiyaashaba oo wasiirada hada ah ayagaas ayaa laga rabaa deegaankaas muqdisho in ay nabad galyada ka shaqeeyaan wasaradaha ku shuqul lehna lagu gacan siiyo si ay u dhalato in deegaankii uu ku soo laabto kala danbayntii iyo xasiloonidii ee Gudiga Dib u heshiisiinta , asagana goboladii loo diri lahaa iyo dagmooyinkii Gudiyaasha wasaaradihii kalla duwanaa ayagana shaqadii iyo gudi hoosaad wali ma soo dhamayn qaabkii nabad galyada, waxaana aan rajeeynayaa in aan wiigaan dhamaadkiisa aan dhamayn doono inshaa alaahu si aan ugu gudo galno hoowlaha doowlada Soomaaliyana loo aado.

5-Su aal: Mudane Wasiir Xubnihiina Golihiina Wasiirada waxa ay baarlamaanka Soomaalidu ka sugayeen maalmahanba in aad keentaan ajande cad oo ku wajahan meeshii loo guuri lahaa ku saabsan marka xageed isku afgarateen in ay Doowladu uguurto?

5-Jawaab Eng. Xuseen Caydiid: Doowlada sida uu raysulwasaaraha Soomaaliya Prof Cali Maxamed Geedi iyo Golaha Wasiirada Wiigii la soo dhaafay ay wada ogolaadeen in ay uguurto Magaalo Madaxda Muqdisho oo ah Caasimada Soomaaliya isla markaana dhinaca Gobolada la Bilaabo in doowladii lagu balaariyo Wafuud kalla duwana gobolada ay aadaan qaabkii ay u aadi lahaayeen iyo qorshihii lagu rari lahaana waa midka aan ku hoowlanahay Ee raysul wasaare ku xigeenada qaar ka mida iyo golaha wasiirada iyagana waa ku shuqlanahay qaabkii ay soomaaliya ku gaari lahaayeen.

6-suaal: Mudane Wasiir Xubnaha Baarlamaanka Soomaalidu kuma qanacsana Magaalo Madaxda Soomaaliya ee Muqdisho waxaxa ay leeyihiin waxaa ka jira Dagaalo Sokeeye Dadkaa lagu Dilaa Tusaale ahaan Shalay waxaa lagu Dilay Sarkaal Ciidamada ka tirsanaa marka sideed ugu qancin kartaan baarlamaanka Soomaaliya in Loo guuro Muqdisho ?

6-Jawaab Eng Xuseen Caydiid: Waxaan Tacsi udirayaa Eheladii iyo Qaraabadii marxuum Yuusuf Axmed Saranle waxaan Tacsi udiraynaa anigoo ku hadlaya Magaca Doowlada iyo Booliska waana wax laga xumaado amuurtaas qaladka ku timid.

7-suaal: Mudane Wasiir Xubnihiina ku Jira Golaha Wasiirada gaar ahaana dagan Magaalada Muqdisho ee Hubka ku haysta Soomaaliya sideed ku gaar siinkartaan Doowlada Muqdisho ama in aad uga dhaadhicin kartaan reer Muqdisho in ay ogolaadaan doowlada iyadoon Ciidamo Ajnabi ahi idinla socon?

7-Jawaab Eng Xuseen Caydiid: Qorshaha Doowlada iyo midka aduunku waxa uu yahay Soomaaliya Ciidan ajnabi waxaa ugu danbaysay Unisom waxa uuna ahaa kii ugu balaarnaa waana ku guul daraysteen marna arinta Soomaaliya qilaaf siyaasadeed ayuu ahaa ee ma ahayn qilaaf ciidan Soomaaliyana waa wadan xor ah waxaan u fadhinay 24 Bilood waa Danta iyo Maslaxada umada Soomaaliyeed in ay heshiiso oo madaxwayne ku doortao Gole Baarlamaan oo tastuur iyo nidaam yeelato , oo maxkamad sare iyo hay addihii doowlada la magacaabo waxa kalliya oo ay kalla danbaynta Soomaaliya ku soo laabaan karto waxaa ah dib u heshiisiinta markii la heshiiyo in wadankii lagu laabto waaxaana la rabaa in la fuliyo qorshihii ay baarlamaanku ku ansixiyeen Golaha Wasiirada, arimaha Soomaaliya waxaa Xalin kara Soomaali mar walba Ajnabi waa ku kaabi karaa maahee waxba kuuma qaban karo waxaan aduunwaynaha uga baahanahay kaabid uun arinta Soomaaliya Soomaali Bay utaalaa uma Taalo Dad Ajnabi Ah

8-Su aal Mudane Wasiir, ka Wasiir ahaan Sidebaad u aragtaa in Ciidamo Soomaaliya la Geeyo?

8-Jawaab Eng Xuseen Caydiid Waxaa haboon in la waafajiyo Sharciyada Caalamka sida midka Qaramada Midoobay iyo AU labadaba 1993dii Ogtobar iyo 1995 qaynunkii la ogolaaday Un waxa ay sheegaysaa Soomaalidu in ay xaliyaan Dhibkeeda marka hadii ay waxba qaban waayaan Golaha wasiirada Soomaalidu ha la gaaro laakiin waan isku filanahay hadaan nahay dadka Soomaaliyeed.

waxaan saxiixnay heshiisyo badan qof walboo anaga naga mid ahina waa in uu dhoowraa balantii uu qaaday si loo helo xasilooni waarta, shacabka soomaaliyeed waxaan ugu baaqayaa in ay ilaaliyaan danta iyo wada noolaanshaha dhaxdooda ah.

Eng Xuseen Maxamed Faarax Cadiid waa mid ka mida hogaamiyaasha ugu awooda Badan Koofurta Dalka Soomaaliya waxa uu noqday Madaxwaynihii Doowladii Salbalaar waxa kale ee uu noqday Hogaamiyihii U.S.C/S.N.A Xuseen waxa uu ka mid ahaa Gudoomiyaashii Wareega ahaa S.R.R.C waxa uuna ku sugnaa 24 Bilood ee Nadhaaftay Wada Hadalada Soomaalida.

Xuseen waxa uu ka Tirsanaa Ciidamada Mariniska ee Maraykanka waxa uuna ma mid ahaa Madaxdii isku soo sharaxday Madaxwayne Nimimada Soomaaliya 10/10/2004 ee aaqirkii Madaxwayne Loogu Doortay Mudane Cabdulaahi Yuusuf Axmed.,

Eng Xuseen Maxamed Faarax Hada waa ku xigeenka Raysul wasaaraha Ahna Wasiirka Arimaha Gudaha Jamhuuriyada Soomaaliya.

ahmed muse cabdulle  idaawaqaca@yahoo.com

Faafin: SomaliTalk.com | Jan 24, 2005

Wafdi uu hogaaminayo Wasiirka arimaha Dibadda DFKMG oo u ambabaxay Abuuja
Sareeye Guuto Yuusuf Saranle oo Lagu Diley Muqdisho
Fanaankii Cabduqaadir Shiikh Cali Sanka oo geeriyoodey
Baarlamaanka KMG oo Walaac ka Muujiyey Tegitaanka Xamar
Yalaxow: "Geedi ma ahan nin Cadaana waa nin Soomaaliya"
Shaati Gaduud: "ciidamo shisheeye waa lagama maarmaan"
Maalinta Warfaafinta Soomaaliyeed ee 21 Jannaayo
Wararka oo dhan ka akhri halkan... Guji...  Jan 23

Kulaabo bogga  www.SomaliTalk.com 

© www.SomaliTalk.com

SEARCH

 



HTML CD