Waad ku mahadsantahay qoraalkii ku
saabsanaa Kismayo, inkastoo aad wax yaabo badan ka hadlin, mooji
inaad indhaha ka qabsanaysay ama aadan ogeyn.
Taariikhda Kismayo way ka qoto
dheertahay ciidamo laga keenay Gedo ama Garowe, inay xasiloonina ka
dhaliyaan Kismaayo, waayo degaanka dadka dega oo ah: Ogaadeen,
Shiiqaal, Gaaljecel, Baajuun, Carab, Ciise Mohamud, midkoodna kuma
jira taliska dooxada ee la dhoodhoobay.
Nasiib wanaag, waa dad ganacsato,
beero-leey iyo xoolo dhaqato ah, xaga diintana ku dheereeya, marti
gelintana yaqaan, nabadana jecel, una fakarin nin kale oo Somali ah
ayaa dhibaato keeni oo xoog ku maquunin, kalsoonidaa aawgeed ayaa cid
wax ka qaadi karta ayasan jirin oo aan ilaah ahayn.
Aan dib kuu xasuusiyo, Abdiqasim
dowladiisa waxaa riday, ka dib markuu indhaha ka qabsaday dhibaatda
isbahaysiga Cayr iyo Mareexaan ka wadeen degaankaa, oo keentay fashil
ku yimaado isbahysiga iyo kala daadasho.
Xuseen Aidid dharaar cad ayaa
Shaargaduud iyo RRA kala wareegay xilka Baydhabo,
SNM ay Hargeysa kala wareegeen ciidankii
qaranka oo loo isticmaalay burburka magaalda,
SSDF meel cidlo ka helay mamulkii
Bari.
USC gobolada handeen.
General Aidid iyo General
Liiqliiqato ayaa ugu dhowaa inay xasilooni ka dhaliyaan gobolka, laakin waxaa
fashiliyey Gen. Morgan oo ku mitiday Kismayo.
Nasiib wanaag dowlada KMGF ee Col
Abdulahi Yusuf iyo PM Geedi u maleyn maayo inay waqti u hayaan arimaha
Kismayo, oo dal lumay ayey dib u soo dhisayaan.
Xalka Kismayana waxaa hayo
dadweynaha dega degaanka oo mamul loo dhan yahay u sameeya gobolka, waayo
dalka intiisa kale maamul goboleed ayaa ka jira, sidaana lagu
heli nabad.
Bare Hirale waa xildhibaan Somaliyeed
waana inuu ka shaqeeyaa danta umada Somaliyeed, maaha inaad colaad
aan loo baahneyn ama ciidan gadooday ka dhigtaa hero, iyaguna waa in
lagu daraa ciidamada qalabka sida oo dalka ka daafici doono kuwa ku
soo xad gudba.
Mahadsanid.
Afeef: Aragtida qoraalkan waxaa leh
qoraaga ku saxiixan
Faafin: SomaliTalk.com | Jan 2, 2005