SOMALITALK.COM DALSAN
w w w . S o m a l i T a l k . c o m
SOMALITALK - KUWAIT
Daabaco Boggan | Print

 

:::COD BIXIN:::


Xafladii Jaaliyadda Kuwait ay Ku taageertay Dawladda

24kii bisha  fabraayo 2005 Wafdi uu hogaaminayo Wasiirka Arrimaha Dibedda Mudane Cabdullaahi Sheikh Ismaaciil ayaa Dalka Kuwait ku yimmi booqasho, wafdigaas oo ay ka mid ahaayeen Mudane Maxamad Nuureeni Bakar Wasiirka Tamarta, Dr. Xussein Cali Axmad iyo Cabdulqadir Sheikh Maxamed, Saacado ka dib ee islaa malintaa Wasiirka iyo Wafdigiisa waxa ay La kulmeen Ra,iisul-wasaaraha Dalka Kuwait Sheikh Sabaax, iyo Wasiirro Kale, wuxuuna u gudbiyey labo Dhambaal oo ka kala socda Madaxweynaha Jaamhuuriyadda Federaaliga ee Soomaaliya Mudane Cabdullaahi Yuusuf Axmad, iyo Ra,iisul wasaaraha Mudane Prof. Cali Moxamed Geeddi, Dhambaaladaas oo u kala socday Amiirka wadanka Kuwait Sheikh Jaabir Al-Sabaax iyo Ra,iisul wasaare Sheikh Subaax, Kulamadaasi waxaa goob joog ka  Danjire Cabdulqaadir Amiin Sheikh Abuu Danjiraha Jamhuuriyadda Federaalka Soomaaliya ee Kuwait, Wafdiga Qado sharaf waxaa loogu sameyey Burjiga ( Tawarka) Magaalada Kuwait.


Xafladii loodhigay waftiga: Qaybat ragga

Xafladii qaybta dumarka


wasiirka arimaha dibadda iyo danjire cabdiqaadir amiin, kuwait

bixitaankii Waftiga wasiirka arimaha dibadda

Kadib booqashadii iyo shirarakii ay weftigu la lahaayeen madaxda Kuwait markii ay  dhamaysteen waxay kala qayb galeen Jaaliyadda Soomaaliyeed ee reer Kuwait Xaflad dabaaldeg ah taas oo baryahan ay isu diyaarinayeen kuna soo beegan tay nasiib wanaag wakhtigii weftigu yimaadeen kuwait Xaflad soo dhaweyn ah oo ay ku taageerayeen dawlladda u dhalatay wadankooda hooyo ayaa dhacday habeenkii 25/2/2005 waxayna u dhacday sidaan.

xafladaas oo si  wanaagsan loo soo abaabulay  waxaa  aad uga soo qayb galay jaaliyadda kuwait oo  u qaybsanaa dhawr qaybood oo kala ah

 Fanaaniin ku soo bandhigtay heeso wadani ah oo  qiiro badan ilmona ka keenay dad badan oo ka mid ah dadkii daawanaayey, iyadoo qaarkood ay gashanaayeen dharkii lagu yiqiin ciidankii Daraawsiihtii Qarankeena Soomaaliyeed, sidoo kale kooxo rag iyo dumar ah oo sitay dharkii hidaha iyo dhaqanka Soomaaliyeed oo ka muujiyey cayaarihii hiddaha iyo dhaqanka soomaaliyeed aadna loogu bogay, intaa kadib waxaa khudabad waxaa  khudbado warbixin  ah ka jeediyey gudoomiyaha jaaliyadda Sheekh Cumar kadibna Danjire C/qaadir Amiin hadal gaaban ka jeediyey isagoo ku soo dhaweeyey wasiirka Tamarta iyo Wasiirka arimaha Dibadda ee Soomaaliya.

Wasiiradda ayaa jaaliyadda kuwait ka siiyey warbixin dheer shirkii Kenya ee muddad dheer socday iyo guula ka soo baxay  iyo waxyaabaha hadda looga baahan yahay inay  shacabku qabtaan iyo sida ay uga go,antahay dawladda federaalka ah iyo baarlamaankaba inay guntiga u xidhaan sidii ay u sii dhamaystiri lahaayeen dibu heshiisiinta iyo taabagellinta dawladda iyo socodsiinta hawlaheedaba iyagoo kaashanaaya shacabkooda

Afhayeenka Xidhiidhka Jaaliyadda iyo Safaaradda
Axmed Raadsato Kuwait
qodax32@hotmail.com 


wasiirka oo salaamaya dhalinyaradii xafladda soo qaban qaabisay

Faafin: SomaliTalk.com | March 2, 2005

Warsaxaafadeed: Ururka SCG
Somali Concern Group (SCG) si aad iyo aad ah ayuu uga welwelsanyahay in ciidamo shisheeye Guji.. mar 2

Kismaayo: Bannanbax Loogu Gogol Xaarayo Maalinta Haweenka  
iyo Ganacsato Soomaaliyeed oo ka furay London Makhaayad kuwa Casriga ah... ka akhri halkan...  Mar 2

"BARLAMAANKU MA SHARCIYEYN-DOONAA GELISTA ITOOBIYA EE SOMAALIYA?"
Sidaas waxaa yiri Cabdi Cabdulle Saciid (Jinni Boqor) oo ah Xildhibaan BFKMG oo.... Guji.. March 1

Kulaabo bogga  www.SomaliTalk.com 

© www.SomaliTalk.com

SEARCH

 



HTML CD