Roobab
lagu diirsaday oo ka da'ay magaalada kismaayo
Waxaa
magaalada Kismaayo ka da'ay roobab xoog badan oo ka billowday
Habeenimadii Sabtid saqdii dhexe da'ayayna illaa subaxnimadii,
roobabkaas oo ay ku diirsadeen dadka reer Kismaayo iyo nawaaxigeeda
oo ay haysay abaar xoog badan.
Waxaa la
arkayay jidad badan oo gudaha magaalada Kismaayo oo ay gawaaridu ka
wareeganayeen biyaha roobkii habeenimadii Sabtida ee jiifa awgeed,
Roobkan ayaan illaa iyo iminka la soo sheegin wax khasaare ah oo uu
geystay iyada oo ay soo dhoweeyeen dadka reer Kismaayo.
Waxa uu
roobkani ku soo beegmay xilli ay degaanka Jubbooyinka ka jirto abaar aad
u kulul, isla markaasna ay dad iyo duunyaba la il darnaayeen. Shalayna
waxaa roob diirsi ahi uu ka da'ay gudaha magaalada Caabudwaaq, kaasoo
isagana lagu qaboobay.
Guud ahaan
dadka odorosa xilliyada roobabka la heli jiray sida badan ayaa ku
tilmaamaya bishan hadda billaabatay ee Abriil in ay ku soo beegmi jireen,
in kasta oo roobku uu xilliga Alle qaddaro da'o.
cabdi khadar Nuur |
cabdiqadar84@hotmail.com
C/llaahi Yuusuf oo ka codsaday Dowladda Kenya in wakilkeeda
arrimaha Soomaaliya u soo wareejiso..
Amiin Yuusuf | E-mail:
amiinkhasaaro@hotmail.com
Madaxweyne C/llaahi Yuusuf
Axmed oo doraad dib ugu soo laabtay Magaalada Baydhabo ee Gobalka Bay ayaa
intii uu ku sugnaa Magaalada Nairobi waxa uu la kulmay Madaxweynaha wadanka
Kenya Kipaki waxaana kulankaasi labada dhinac ay iskula soo qaadeen sidii
loo sii xoojin lahaa Dowladda Kenya iyo Soomaaliya, waxa uuna Madaxweynaha
Soomaaliya uga mahadceliyay Kipaki siada hagar la’aanta ah oo ay mar kata u
garab taagan yihiin Dowladda Federaalka, waxa uuna ka codsaday Madaxweynayha
Kenya in wakiilkooda Soomaaliya Max’ed Cabdi Afey uu u soo wareego dhinaca
Soomaaliya uuna furo xafiiska xiriirka labada wadan ee Soomaaliya iyo Kenya,
arrintaas waxaa si aad ah u soo dhaweeyay Madaxweyne Kipaki oo sheegay in si
dhaqsi leh arrintaas loogu dhaqaaqi doono. Sidoo kale wada uu Dowladda Kenya
C/llaahi Yuusuf uga mahadceliyay sida ay u dooneyso in Soomaaliya nabad
loogu soo dabaalo, waxa uuna si gaar ah uga mahadceliyay tababar dhawaan
loogu qaban doono Magaalada Mombassa labo boqol oo Askari oo ilaalo u noqon
doona Madaxweyne C/llaahi Yuusuf, Guddoomiye Shariif Xasan iyo Ra’isul
Wasaare Cali Max’ed Geeddi. Labadan boqol ayaa madaxweynuhu waxa uu sheegay
in dhawaan si deg deg ah loogu qaadi doono Magaalada Mombassa, waxa uuna
sheegay in tababarkaan marka uu u soo gebgaboobo tababar kale loogu qaadi
Magaalada Roma ee cariga Talyaaniga. Madaxweyne C/llaahi Yuusuf waxaa kalloo
uu sheegay in heshiiskii ay la galeen Midowga Yurub uu ahaa mid ay si weyn
uga faa’iideysan doonto Dowladda Federaalka, isagoo sheegay in Midowga Yurub
ay gacan ka gaysan doonaan arrimaha amniga iyo dib u soo celinta adeegyadii
Qaranka.
Geeddi iyo Max’ed Dheere oo isku mari waayay qodobo
dhowr..
Ra’isul Wasaare Cali
Max’ed Geeddi oo haatan ku sugan Magaalada Adis-ababa ee dalka Itoobiya oo
halkaasi dhawaan kulan kula yeeshay Guddomiyaha Gobalka Sh/dhexe Max’ed
Dheere oo ay ka wada hadleen khilaafyo soo kala dhex galay Dowladda iyo
Max’ed Dheere.
Kulankaan ayaa si aad ah
la isugu mari waayay, kaddib markii uu Max’ed Dheere uu soo jeediyay in
Geeddi uu ku soo biiro dhinacooda, taasoo uu si aad ah u diiday Ra’isul
Wasaare Geeddi, sidoo kale waxaa la isku mari waayay arrin ahayd in Geeddi
uu cambaareeyo Maxkamadaha Islaamiga ah uuna ku tilmaamo kooxo argagixiso
ah, taasoo la sheegay in ay u cuntami weysay Ra’isul Wasaare Geedi.
Qodob kale oo isna la isku
mari waayay ayaa waxa uu ahaa kaddib markii uu Max’ed Dheere soo jeediyay in
uu xilka ka qaado Guddoomiyaha Gobalka Banaadir Maxamuud Xasan Cali Cadde (Gaabow),
uuna u magacaabo Max’ed Cusmaan Dhagax Tuur, taasoo oo uu Geeddi ku gacan
seyray.
Waxaa labada nin u kala
dab qaadaya Wasiirka qorsheynta C/risaaq Jurile waxaana la sheegay in Geedi
uu ka codsaday Max’ed Dheere in taageero Dowladda Federaalka, wixii horey
loogu gaystayna si dhaqsi ah loogu raaligelin doono, taas oo la sheegay in
uu ku qanci waayay Max’ed Dheere.
Saraakiil Soomaaliyeed oo tababar
loogu qaadayo dalka Suudaan..
Saraakiil Soomaaliyeed oo
tiradoodu gaareyso 231 ayaa tababar loogu qaadi doonaa dalka Suudan, iyagoo
halkaasi ku maqnaan doona mudo saddex bilood ah.
Saraakiishaas ayaa waxaa
halkaas lagu soo barayaa arrimo la xiriira dhinaca maamulka iyo sharciyo la
xiriira dhinaca Booliiska, waxayna beeluhu u qaybsadeen sidatan:
Beelaha Digil iyo Mirile
51, Beesha Daarood 51, Beesha Hawiye 51, Beesha Dir 51 iyo Beelaha
Isbahaysiga oo iyana la siiyay 26 xubnood, hase yeeshee aad ayay uga
caroodeen arrintaani kuna tilmaameen mid cadaalad daro ah, waxayse su’aale
ka taagan qaabka ay beelaha Waaweyn u qaybsan donaan soo xulidda
Saraakiishaasi oo Dowladda Suudaan si deg deg ah u dooneyso, waxaana
tababarkaan soo dhameeyay Guddoomiyaha Baarlamaanka Shariif Xasan Shiikh
Aadan oo ka qaybgalay kulankii Jaamacadda Carabta ee dhawaan lagu soo
gebaga-beeyay dalka suudaan.
Shirkii Golaha Wasiirada oo baaqday kaddib
dhallinyaro hubeysan ay....
Shir ay shalay
isugu imaan lahaayeen Golaha Wasiirada ee Dowladda Federaalka ee Magaalada
Baydhabo ayaa waxaa baajiyay shirkaasi kooxo maleeshiyo ah oo diiday in
shirka halkaasi lagu qabto.
Kooxaha Maleeshiyada ah
ayaa la sheegay in ay shirkaasi u baajiyeen sababo la xiriira arrimo
dhaqaale, hase yeeshee waxaa markii dambe halakasi yimid ciidamada
Nabadgelyada ee Magaalada Baydhabo kuwaasoo ku guuleystay in gacana lagu
dhigo kooxihii maleeshiyada ahaa ee hor istaagay kulankaasi, kuwaasoo haatan
ku xiran Xabsiga Magaalada Baydhabo.
Xaaladda Nabadgelyo ee
Magaalada Baydhabo ayaa ah maalmahan mid aan la isku haley karaneyn kaddib
markii todobaadkii hore ay kooxo maleeshiyo ah dhaceen gaari uu watay wasiir
ka tirsan Dowladda Federaalka, sidoo kale waxaa iyana moobeelo laga dhacay
Wasiiro iyo Xildhibaano ka tirsan Dowladda Federaalka, kuwaasoo marayay
bartamaha Magaalada Baydhabo.
Qarax
taayir oo sababay dhimashada dad gaaraya..
Maalintii shalay
ahayd ayaa Goomeyste ku yaala Xaafadda Yaqshiid ee Magaalada Muqdisho waxaa
ka dhacay qarax aad u weynaa oo si weyn looga maqlay Magaalada Muqdisho.
Qaraxaas ayaa
lagu sheegay in uu ahaa Taayar, oo la sheegay in aaryadii oo ka badatay uu
qarax sameeyay, iyadoo lagu jiro xili aad u kuleylo ah, waxaana qaraxaasi ku
geeryooday saddex qof oo ka dhawaa goobta uu qaraxaasi ka dhacay.
Dadweynaha
deegaanka ayay la yaab ku noqotay in taayar qarxay uu sababo dhimashada
saddex qof, hase yeeshee dadka qaar ayaa waxay sheegeen in qaraxaani uu ahaa
Bam, waxaase caddeeyay ninkii Goomeystaha ahaa oo sheegay in qaraxu uu ahaa
Taayar ay aaryadu ka badatay.
Marka la gaaro
xiliga kuleylaha Gawaarida Magaalada Muqdisho waxaa soo wajaha qaraxyo
taasoo taasoo ay dhibaato ku qabaan Gaadiidleyda, Mar aan wax ka weydiiyay
nin ka mid ah raga Goomiistayaasha ah in qarax taayar uu sababi karo
Dhibaato intaan la eg, waxa uu sheegay in mararka qaarkood ay dhici karto in
taayarada qaarkood gaar ahaan kuwa waaweyn ay sababi karaan dhimasho fara
badan, waxa uuna u soo jeediyay Dadweynaha ay ka ak dheeraa-daan xiliyada
noocaan oo kale ah goobta goomiistayaasha ee lagu aaryeeyo taayarada.
Iska
hor imaad ka dhacay isgooyska Km4 oo sababay dhimasho...
Maalintii shalay
ahayd ayaa Isgooyska KM4 oo ah isgooys inta badn mashquul ah ayaa waxaa ka
dhacay iska hor imaad u dhexeeyay koox wadatay gaari kuwa biyaha qaada ah oo
ay la laheyd shirkadda Caafi iyo Koox maleeshiyo ah oo ku sugneynd
Isgooyskaasi, waxaana iska hor imaadkaasi ku dhintay labo qof oo uu mid uu
ahaa maleeshiyadii ku sugneyd isgooyska halka midka kalana uu ahaa qof rayid
ah oo marayay wadadaasi.
Isgooyska oo
maalmahan ku soo badanayeen kooxo maleeshiyo ah ayaa maalintii doraad ahayd
taliyaha Ciidamada halkaasi ku sugan waxa uu sheegay in isgooyskaasi aysan
soo mari karo gawaarida daaalka oo ay leeyihiin kooxaha isku magacaabay la
dagaalanka Argagixisada.
Isgooyskaas oo ay
ku sugan yihiin maleeshiyo daacad u ah C/rashiid Ilqeyte oo xubin ka ah
isbahaysiga la dagaalanka argagixisada ayaa waxay horey uga qabsadeen bishii
November ciidamo ay lahayd maxkamadda Islaamiga ah ee Al-Furqaan.
Maalmahan waxaa
Magaalada Muqdisho ku soo badanayay kooxo maleeshiyo ah oo xirayay
wadooyinka waaweyn ee Magaalada Muqdisho, waxaana maalintii shalay ahayd la
xiray dhamaan wadooyinkii soo galayay xaafadda Xamarweyne, waxaana loo
diiday in halkaasi ay soo galaan baabuurka dagaalka ee kooxaha isku sheegay
la dagalanka argagixisada.
Gudoomiyaha Baarlamaanka oo manta ku soo fool leh Magaalada Baydhaybo...
Gddoomiyaha
Baarla-maanka Shariif Xasan Shiikh Aadan oo ka qaybgalay shir madaxeedkii
Jaamacadda Carabta ee dhawaan lagu soo gabegabeeyay dalka Suudaan ayaa la
filayaa in uu manta dib ugu soo laabto Magaalada Baydhabo.
Guddoomiyaha oo
haatan ku sugan dalka Imaaraadka Carabta ayaa intii uu ka qaybgalay shir
madaxeedkaasi waxa uu u soo jeediyay wadamada Jaamacadda Carabta in ay
dowladda Federaalka ka kaalmeeyaan dhinaca amniga iyo dib u soo celintii
kaabayaashii Dowladda.
Waxaa Magaalada
Baydhabo haatan ka socda diyaargarow loogu jiro soo dhaweynta wafdiga
Guddoomiyaha Baarlamaanka, iyadoo maalintii doraad ahayd Magaalada Baydhabo
uu dib ugu soo laabtay Madaxweyne C/llaahi Yuusuf Axmed oo isagau Wadanka
Belgium heshiis kula soo saxiixday Midowga Yurub kaasoo ku kacaya Malaayiin
Doolar oo midowga Yurub ugu talagashay in ay Soomaaliya uga fuliso
mashaariic deg deg ah iyo kuwo fogba.
Madaxweyne C/llaahi
Yuusuf ayaa heshiiskaasi ku tilmaamay mid faa’iido weyn ugu fadhiya Dowladda
Federaalka
Mowlaca Shiikh Muxiyadiin oo uu ka soconayo dadaalkii heshiisiineed ee laga
dhex waday...
Mowlaca Shiikh
Muxiyadiin Cili ayaa waxaa weli ka socda kulankii lagu heshiisiinaya
Ganacsade Bashiir Raage oo gacan ka helaya kooxaha la dagaalanka
Argagixisada iyo Abuukar Cumar Caddaani oo isna gacan ka helayay
Maxkamadaha Islaamiga ah.
Kulankaan oo ay
soo qaban-qaabiyeen Culuma’udiinka iyo Odoyaasha dhaqanka ee Beesha Mudulood
ayaa waxay sheegeen guddigaasi in howlihi nabadeynta ay u socdaan sidii
loogu talagalay, dhawaana laga soo saari doono go’aano dhaxal-gal ah.
Guddiga dhex
dhexaadinta oo howshiisu mar ay hakad gashay kaddib markii uu shirku isaga
baxay mid ka ah guddigaasi oo lagu magacaabo Shiikh C/qaadir Soomow ayaa
waxaa la filayaa in maalmaha soo socda ay ka soo baxaan kulankaasi
natiijooyin waxtar u noqon doona dadweynaha ku nool Gobalka Banaadir oo ay
daashadeen dagaalo sokeeye oo soo noqnoqday oo waliba aan dhamaad lahay.
Amiin Yuusuf
Khasaaro
E-mail: amiinkhasaaro@hotmail.com
Xiisad Ka Dhalatay Dad Shalay Lagu Laayay bu,aale oo
haatan Ka Taagan Degmada Bu'aale
Seddex qof ayaa lagu dilay mid kalena waa uu ku dhaawacmay
degmada Bu’aale ee xarunta gobolka Jubbada dhexe shalay kadib markii
maleeshiya beeleed ay weerareen nimankan sida uu somalitalk u xaqiijiyay
nin ka mid ah ganacsatada degmada Bu'aale oo aan khadka fooneeyaha kula
xiriiray saakay isaga oo ku sugnaa degmadaas.
Dilkan ayaa dhacay shalay galab, iyada oo la sheegay sababta dilkani inay
tahay aano qabiil kadib markii dhowr jeer ay degaanka Bu’aalle ku
dagaallameen beelaha wada dega degaankaa, qolyaha falkan geystayna horay
looga dilay labada qof ee la kala oran jiray Ibraahim Maxamed Goodaal (Ibraahim
Leysaan) iyo Shukri Cabdi.
Dilkaan ayaa waxa uu walaac ku dhaliyay dadweynaha ku nool Magaalada Bu’aale,
waxaana laga cabsi qabaa in labada dhinac uu dhex maro dagaal gacan ka hadal,
hase yeeshee Odyaasha deegaanka ayaa dadaal ugu jira sidii loo qaboojin
lahaa xasaraddaasi inta aysan ku faafin Magaalada Bu’aale.
Warar aan la xaqiijinninna waxa ay sheegayaan in degmada Diinsoor oo ay ka
soo jeedaan nimankii shalay lagu laayay degmada Bu'aale lagu qabsaday 4 qof
oo reer Bu'aale ah magacyadoodana lagu sheegay Maxamed Cosoble, Faarax
Sheekh Cabdi Aadan, Cismaan gaarane iyo Cabdirashiid Warsame Xasan kuwaas oo
loo haysto aanada dilkii shalau, balse waxaa ku hawlan dad wax garad ah
sidii loo soo deyn lahaa.
cabdi khadar Nuur | cabdiqadar84@hotmail.com
Nin Meydkiisa Laga
Helay Xeebta Magalada Bosaso Oo An Lagaranayn Cid Dishay
1/04/06: Somalitalk Bosaso
Somalia
Meydka Nin Dhalinyaro Ah
Oo Dadiisa Lagu Qisay Ila Labatan Iyo Todoba Jir Ayaa Sabtidii Waabarigi
Laga Helay Meel Dhinaca Bari Kaga Tosasan Dekada Magalada Bosaos Halkaasi Oo
Ay Kaso Qadeen Cidanka Booliska Ee Magalada Bosaso.
Lama garanaayo Sababta
Dhabta Ah Ee Kadanbaysay Dhimashada Ninkaani, Iyadoo Jirkiisa Aysan Ku Oolin
Wax Nabaro Ah Ama Dhibaato Ah Oo Mujinaaya Sida Dilka Loogu Gaystay ,
Maahan Markii Ugu Horeysay Oo Arin Noocan Oo Kala Ah Ay Kadhacdo Xebta
Magaalada Bosaso Iyadoo Bilihii Udanbeyey Halkaai Laga Helay Ila Dhowr Qof
Oo Cid Dishay Aan Lagaranayn.
Amaanka Magalada Bosaso
Iyo Nawaaxigeeda Ayaa maalmahan k asoo darayey Iyadoo ay maalmahan iska hor
imaad ka dhaceen Meel Magalada Ujirta Ila 40KM Oo Sida Lashegay Lagaqodayey
Macadam.
Iidle Macalin | Bosaso
Somalia
Somali
Concern Group
www.somaliconcern.org
WAR SAXAAFADEED kasoo baxay SCG
1st April 2006
ARRIMAHA MUQDISHO
Somali Concern Group (SCG) waxey soo
dhoweyneysaa doorashadii guddoomiyaha iyo duqa magaalada Gobolka Banaadir
Mudane Maxamud Xasan Ali Cadde *Gaaboow”, iyadoo aan ognahay inay jiraan
khilaaf haddana waxaan u aragnaa in Mudnaanta koowaad la siiyo sidii
Muqdisho u heli laheyd maamul u istaaga horumarinta magaalada Muqdisho.
Golaha deegaanka ee Muqdisho waxaan ku ammaaneynaa dadaalka ay u galeen
sidii doorashadan u suuro gashay. Ha yeeshee, waxaan leenahay golaha
deegaanka iyo guddoomiyahaba ama aan xasuusineynaa in loo baahanyahay inay
noqdaan kuwo u adeega ummadda soomaaliyeed oo ay danaha guud marwalba u
arkaan xalka. Waa muhiim in xubin walba uu is xisaabiyo fahmana xilka,
qiimaha iyo fursadda uu u helay inuu matalo shacabka Muqdisho iyo sida loogu
baahan yahay inuu xil gaar ah isaga saaro sidii ummadda looga saari lahaa
marxaladda ay hadda ku jiraan, shacabka Muqdishana uu ula tartarmi lahaa
shacabka caasimadaha waddamada kale.
Cadde “Gaabow” waxaan leenahay xulo
aqoonyahnno kula shaqeeya adigoo ku dooranaya aqoon, xirfad, waayoaragnimo,
karti dheeraad ah iyo inay ahaadaan shaqsiyaad matali kara magaca shacabka
Muqdisho. Golaha iyo Guddoomiyaha waxaan fareynaa inay si dhab ah ugu soo
jeestaan sidii isbedel dhab ah looga hirgelin lahaa caasimadda Muqdisho,
iyagoo ku dadaalaya inay kaashadaan qeybaha bulshada kala duwan si loo helo
kalsooni waarta. Golahu ha ogaadaan inay u adeegayaan danaha shacabka degan
Muqdisho, lana yimaadaan aragti dheer. Guddoomyaha Cadde Gaabow waxaan
leenahay la imow dadaal ka duwan kuwii horey loo arki jiray oo sameyso
aqoonyahanno cilmi baaris dhab ah ku sameeya habka ugu haboon ee loogu
adeegi karo bulshada iyo sidii bulshada loogu tusi lahaa inay kaalin
firfircoon ka qaataan howlaha habsami u socodka adeegyada bulshada. Waana in
lala yimaadaa qorshe dheer ee lagu xalinayo caqabadaha jira iyo kuwa imaan
karaba.
SCG waxey walaac badan ka qabaan marxaladda uu
maanta waddanku ku sugan yahay, gaar ahaan magaalada Muqdisho oo ifafaalo
colaadeed ay ka muuqdaan. Waxaan aaminsanahay in Muqdishu aysan helin
mudnaantii ay laheyd oo dhan walba ah, sababtana ay ugu weyn tahay in
hoggaamiyeyaasha magaalada Muqdisho ay ku guuldareysteen dhan walba. Sidaas
daraadeed waxaan u soo jeedinaynaa inay sida ugu dhaqsiyaha badan ay isaga
casilaan dhammaan xilalka dowladda iyo kuwa hogaaminta kooxaha maleshiyada
ah ee iyaga ka amar qaata. Hogaamiyeyaashan waxaan xasuusineynaa inay
mas’uul ka yihiin nabad la’aanta waddanka ka jirta, gaar ahaan caasimadda
Muqdisho muddaddii 16ka sano aheyd ee la soo dhaafay. Waxaa hubaal ah in
hoggaamiyeyaashan ay cunaqabteyn aad u ballaaran ay ku hayaan shacabka
Muqdishu iyo iyagoon laheyn aragti dheer oo qaranimo. Haddaba
hogaamiyeyaashan waxaan leenahay ogaada in hogaamiyaha dhabta ah uu yahay
kan u naxa shacabkiisa fahmana sidii nabad loogu soo dabaali lahaa ummadda
iyo in loo baahan yahay in la helo hogaamiyeyaal nabadeed, oo leh aragti
dheer.
Hogaamiyeyaasha Maxkamadaha iyagana waxaan
fareynaa in loo baahan yahay inay noqdaan kuwo nabadda sii xoojiya oo aan
loo baahneyn collaad iyo dhiig shaqsi soomaaliyeed ah oo daata. Waana inay
ku dadaalaan sidii ummadda loogu baaqi lahaa nabad waarta iyagoo kaashanaya
dhamaan bulshada qeybaheeda kale. Sidoo kale dhamaan qeybaha bulshada waxaan
ka codsaneynaa in lala yimaado karti dheeraad ah iyo qorshe loogu soo
dabaali lahaa Muqdisho nabad waarta. SCG waxey aaminsantahay in la joogo
waqtigii la heli lahaa kacdoon nabadeed iyo qorshe dheer oo lagu xaliyo
arrimaha dhibka badan ee jira. Waa hubaal in habka keliya ee looga bixi karo
dhibta ay tahay isku duubnaan, wadajir, wada tashi, is aaminid, kala danbeyn
iyo aragti dheer.
Mahadsanidiin,
Abdirahman Omar Osman (Eng. Yarisow)
Guddoomiyaha Somali Concern Group
Contact Address: PO Box 461,
Southall, UB1 9AF, UK
Tel: 07932 722 651, e-mail: Somali@somaliconcern.org
Faafin: SomaliTalk.com | April
2, 2006
Geeddi oo ka
codsaday Mareykanka in ay xushmeeyaan Dowladiisa..
»Hay’adda CRD oo ka qaybqaadaneysa
Nabadeynta G/Dhexe
»Madaxweyne C/llaahi oo dib ugu soo laabtey Baydhabo..
»Geeddi iyo Max’ed Dheere oo kulan ku yeeshay Adis-Ababa..
»Beelaha Digil iyo Mirifle oo si weyn isugu Khilaafsan qaybsiga
»Tartan loogu jiro Guddoomiya ku xigeenada G/Banaadir...
»Saddex qof oo aano qabiil loogu dilay Bu’aale...
»Hay’adda Khaliif Huudow oo warbixin soo saartay...
»Meles oo Eritrea ku eedeeyay qaraxyada dalkiisa ka dhaca
Wararka oo dhan
ka akhri halkan...
April 1
Shirkadda
Xawaalada ee Global Money Transfer oo xustey Sannad Guuradeydii 4 aad