NOLOSHA SOOMAALIDA:SOMALI LIFE FOR
DUMMIES.
~ Geedaha dhulkaaga jar, dhuxushiisana u
dhoofi waddan kale, si dadkiisu qabowga uga nabadgalaan, adigana
qorraxdu kuu gubto !!!.
~ Habeenkii qof dil , subixiisana
salaadda ciid wax kasoo tuko, adoo faraxsan una qaba in camalkaaga
la aqbalayo!!!. ~ Habar
miskiin ah ka oohi adigoo raba inay wiilasheedu kaa baqaan ama ay
kuu-dabagalaan !!!.
~ Adduunka weeynee, aakhirana u-urag
wax aan hadda indhahaagu arag sidaas darteed aan muhiim ahayn
!!!. ~ Qabiilkaad shalay
isdhamayseen berri xulufo lanoqo, Kii horana dhabarka ujeedi, si loo
arko inaad siyaasi dhinacyo badan noqon kartid !!! .
~ Nin aad horay isu necbaydeen haddii
uu wasiir kaadhigo, noqo mid gobolkaaga kusoo dara dowladdiisa,
kaddibna faaniya !!!. ~
Qofka ragga ugu shiishka badani waakan salaada kaddib madaxa ka-toogta
nin miskiin ah oo masaajid kasoobaxay !!!.
~ Haddaad xildhibaan tahay, shan-codsi
markii laguu soo jeediyo afar-diid si laguu barto, idaacadana
lagaaga waraysto !!!. ~
Waddankaaga ka-dhamee ragga si loogu bixiyo:DHULKII HAWEENKA &
CARRUURTA !!!.
~ Waxkasta oo xumaan ah, dheh waxaa
sameeyey culimadiinna, si culimadaada aad uga yeeshid rag cambaar
leh aduunkana looga ceebeeyo !!!.
~ Labo wadan oo wadankaaga aad uga
baqi jiray, udhaaf labadii gobol ee ay kaahaysteen, kaddib markii ay
kuugu badaleen inaad seexan karto hoteelladooda, marina karto
dariiqyadooda!!!.
Qore: Maxamed Axmed
Toronto, Canada
alhudaa1@yahoo.ca
Faafin: SomaliTalk.com | Feb 2,
2005 |sixid: Feb 3, 2005
QORAALADII HORE EE
MAXAMED AXMED