"Inay
na'anfacaan ayaan udhalney mise inay nadhibaan!"
Inkastoo aanu cimrigeyga dhaafin 47 sano hadana cidii i'aragta waxan ula
muuqda inaan dhaafey 70kii. Waxaa sidaas ii galey waa dhibaatada lasoo
gudboonaatey noolasheyda.
Harjadka noolasha!
Waxaan xooga(saarney aniga iyo ninkeyga) sidii aan utarbiyeylaheyn
wiilka yar ee aan 'kaligiis' caruur kaleenahey. Waxan siiney dhamaan
wixii uu ubaahna anagoo naftanada kaxarimney wax raaxo layirahdo.
Waxan juhdi kubixiney sidii aan uxaqiijin laheyn najaaxiisa, iyo
sidii uu ugu noolaanlaha xayaato kafiican taan kunoolnahey iminka.
Sidas ayey maalmuhu iyo sanadaha kudhamadeen ilaa uu kabaxey
jamacad kutaal wadamada reer galbeedka, isagoo kubaasay darajo aad iyo
aad usareysa. Waxa loo dhiibay jago(shaqo) aad iyo aad usareysa oo
laxariirta takhasuskiisa naadirka ee uu soo bartey!
Abaal gud!
Ninkeyga wuxuu ahaan jirey shaqaale (hoose) oo qaata mishaar aad uliita.
Mishaarkiisa naguma filneyn sidaasi darteed ayaan kushaqeyn jirey
khadaamad(housemaid) ahaan, guryo aay leedahey shirkad iyo sidii aan
ukabilahaa biilka reerka gaar ahaan noolasha iyo mustaqbalka wiilka
kali ee aan dhalney!
Goor ay noolashii nagu adkaatey ayuu ninkeyga wuxuu bilaabey shaqo kale oo
galab ah. Dhowr sano kadib, noolashanadii waay soo yara fiicnaatey.
Wiilka da'diisa waxay aheyd 7jir, waxaan go'aansaney inaan kudadaalno
waxbarida wiilka anagoo geyney iskuulka ugu fiican ee magalada
kuyeela.
Ayadoo ay arintu sidaas tahey,ayaa waxaa kusoo boodey ninkeyga cudur
kadhigey gogal jiif(bed-ridden)! Dhowr bilood ayuu xanuunkas
lajiifey.Shirkadii uu kashaqeynayey ayaa waxay go'aansatey inaay
keensado qofkale badalkiisa ayagoo usoo reebey lacag yar.
Arintaas ayaa kureebtey tiiraanyo iyo walwal horleh isagooba markiisii
hore sii liitey.
Marka ay arin halkaas mareyso ayaan go'aansadey inaan daboola booskii
ninka anigoo kudhaqaaqey wixii aan qabankarey.Waxan xooga saarey inuu
wiilka waxbarashada ka kala go'in.
Waxan bilaabey inan dharka tolo, markaasna kula wareego
schoolada iyo wasaaradaha bal inay iga iibsadaan iyo inkale.
Markii uu ninkeyga soo yara ladnaadey ayuu shaqo yar kaheley shirkad
kale.
Waxay arin sidaas ahaataba, waxaa dhab noqdey riyooyinkii iyo wixii aan
kutaameyney.Wiilkanagii wuu soo qalinjabiyey, wuxuuna shaqo kaheley laan
kamid ah laama dowlada. Waxaa loo dhiibey jago aad iyo aad usareyso oo
udhiganta waxbarashadiisa, wuxuu kamid noqdey shaqaalaha sare (senior
staff). Waxaan ugu faraxney si Allah ogyahey maadama udhaboobey waxaan
hiigsaneyney.
Hada iyo abaal marintii wiilka!
Wuxuu keeney inuu iska kaayo weyneysiyo oo na'inkaraba! Inuu is aruuriyo
oo aanu noo sheegan arimihiisa hoose!
Maalin ayaan maqalney inuu guursadey gabar kasoo jeeda qoys taajir ah.
Markii hore ma'anan rumeysan, markii aan iskudayney inaan laxariirno oo
aan kasoo hubsano,wuxu noogu jawaabey: "Haa waan guursadey anigoon idin
sheegin, mana idiin sheegi doona waayo madoonayo inay xaaskeyga ogaato
arintiina. Waxan usheegey inan ahey Yatiin oo ay labadeyda
waalidba dhinteen!"
Markii aan weydiiney waxa kuqasbey inuu sidas yirahdo,waxaay noqotay
jawaabtii mid sababtey geerida aabihii, anigana aan kaqaadey cudurada
qalbiga kudhaca; wuxu yiri:
"Waayo iima qalantaan shaqada aan hayo iyo mastawaha cilmigeyga awgiis.
Madoonayo inaan idinku arko xaaskeyga sharafta iyo qoyska wacan ee ay
kasoo jeedo "
Jawaabtaas awgeed,aabihiis waxaa kusoo booday xanuun uu waxyar kadib
ugeeriyooday. Aniga waxaa igu dhacey xanuuna dhowr ah. xanuunka iigu
darana waa anigoo waayey ninkeygii noolasha ila qeybsanjirey ee darbiga
ii ahaa.
Musiibadaas waxay nagu dhacday kadib markii aan soo kool-kooliney..
markii aan har iyo habeyn usoo jeedney sidii aan wax kubarilaheyn si'uu
ugu noolaado noolal fiican.
Jawaabta wiilkeyga waxay igu reebtey dhibaato saameysey noolasheyda oo
dhan.Waxan dareemaya qoomamo iyo niyad jab aan kaqaadey noolasha oo
dhan. Sababtana waxaa weeye qofka sidaas ii galey waa beerkeygii!!!
Waa kuwaas ciyaalka aan korsanayno!
Sheekadan waxaa nooga muuqata haddii caruurt cunta siintooda oo kali ah
xooga lasaaro aanse lagu barbaarin Diinta Allah inaay bahal
noqdaan sida wiilkan oo kale.
Waa arin muhiim ah in lakala saaro waxbarida iyo tarbiyeyta diin ahaan!
Caruur badan oo wax lasoo barey ayaa jirta laakinse aan lagu soo
barbaarin diinta!
Qisadan waxay haysata dad badan oo caruurtooda korintooda kali xooga
saara, gaar ahaan dadka maal qabeenada ah ee caruurtooda geeyo schoolo
qaali ah ayagoo ugu darayo dhaman waxa ay ubaahdan ee gaari, dhar iyo
wixii lamid ah isagoo hilmaamo xaga tarbiyada.
Waalidka waa inuu kudadaalo tarbiyada ciyaalka in kabadan sida ay ugu
dadaalan korintooda iyo quudintooda.
Amaa wiilkan soo ma'aha, ciqaabta Allah aduunyada ayey kuhaleysa
haddii uusan katoobadkeenin. Allah ayaana uweydineyna inuu soo hanuuno.
Al-Hassani
abuzuhri1@hotmail.com