Ummadyahay Dallagan.

Maansadaan waxaa tiriyay abwaan Mahad Ahmed Dhoore(qaransuge) oo ku nool magaalada Gaalkayco, Maansadan “Ummadayahay dallag” waxaan ugu tala galay inaan kaga qayb qaato silsilada doodwanaag oo ah silsilad abwaanada Soomaaliyeed ay ku waaninayan waxna ugu sheegayaan ummadooda waana maansadii koowaad ee aan silsiladaan ugu tala galay inaan kaga qayb qaato. Maansadaan waxay soo baxday 10/11/2007 Maansadaan waa maanso wadiniyad ku dheehantahay kana hadlaysa Soomaalida iyo sida ay dalkoodii u burburiyeen ayasana diyaar ugu ahayn inay dib u dhisaan waa canaan marna waa waano, ugu danbaynta waa duco eebe uu abwaanku kaga baryayo in dalku islaaxo. 

Hadaba waa tan Maansadii:- 

1. Dadaalkii abwaankoo
2. Doodwanaag la baxayoow
3. Dantii aad ka hadasheen
4. Doorbaad u leediin
5. Anna deelka maansada
6. Markaan dookha saarana
7. Danbaan kaga hadlaa iyo
8. Waxii dowga qabatima
9. Maanso dabidhacyaysiyo
10. Ma aqaano deelqaaf
11. Maantana dantaydiyo
12. Doorkaygu Waxuu yahay
13. Ummad kala dayawdaan
14. Isku soo dumahayaa
15. Dulli iyo dhibaataan
16. Kaga digahayaa abid
17. Dadnimadii ka dhimataan
18. Dib u xasuusinahayaa. 
     
19. Umadyahay dalaganee
20. Damaciyo dadnimadii
21. Ay ka duushay waa hore
22. Umadyahay darxumadiyo
23. Dayaciyo halaagiyo
24. Dulliga quruxda moodaa 
     
25. Ummadyahay dalkoodii
26. Dundunshee iskaga tagay
27. Dadnimadiyo dadaalkii
28. Umadyahay ka durugtee
29. Ku hungowday damacii 
     
30. Ummadyahay dalkoodii
31. Uu dhexjiifo dahabkii
32. Dabka intay ku daareen
33. Dawarsiga shisheeyaha
34. Danta guud u moodaa 
     
35. Ummadyahay dadkeedii
36. Daminada u qooshaa
37. Umadyahay diktoorkiyo
38. Dagan hooyadood iyo
39. Ducaysane wadaadkii
40. Ayaadaha daldali jiray
41. Aan u diirnaxayneey
42. Ummadyahay dulxaajada
43. Iyo aan saqiir dayn. 
     
44. Ummadyahay dalkoodoo
45. khayraadku daahiray
46. Dawarsiga ka aadaay
47. Ummadyahay dalaganee
48. Dadnimada ka dhimataay
49. Durugtaye, Durugtaye, Durugtaye isdaba qabo!!! 
     
50. Hormadaas da’leeydii
51. Dadka aan ku dumay dhaha
52. Misna doorka gabaygiyo
53. Doodwanaag kamaan bixin
54. Anoo wali damqanayana
55. Hal-kalaan u daba dhigay 
     
56. Dadkaygow dadkaygow
57. Inaad kala dudaanoo
58. Uu qabiil nakala dilo
59. Ma danbaa ma doorbaa??
60. Ma dadnimo wanaagbaa??
61. Ma dookhiina oon cidina
62. Idinku dirqinaynbaa??
63. Mise qabqablaha dagaalkoo
64. Idinkala dumaayaad
65. Daacad iyo run moodaan?? 
     
66. Allaylahe dalagantee
67. Dagdag uga xumaadoo
68. Diida damaca waalida
69. Dadkaygow is dabaqabo
70. Waxaad tihiin ul iyo diir
71. Danta guud wadaagoo
72. Diin iyo af iyo dhaqan
73. Aan ku kala dahsoonayn
74. Dalkiinuna waa Qani
75. Deeqdiisuna ku wada filan
76. Dhamaan diirka Soomaal
77. Midkalana duqaydiyo
78. Diktoorkiyo culimadiyo
79. Da’yartaan ku leeyahay
80. Maahmaah doora baa tiri
81. Daartii la dhasiyiyo salkaa la unkaa weel
82. haldoorkii, dalkeenow
83. Idinkaa dadaal iyo
84. muujin kara wanaagoo
85. Danta toosin kara guud
86. Balse waxaan dareemaa
87. Inaad kala dalaafteen
88. Oo qabiil na kala dilay
89. Midna uu danteenii
90. Shilimaad ku doorsaday
91. Midna dagaal oogayaashaas
92. Dukumentiga u daabaco
93. Midna uu dadkeenii
94. Dowladaha shisheeyiyo
95. Gaalada ka iibsado
96. Midna uu dagaankiyo
97. Dabar gooyo xoolaha
98. Midna duubkii loo xiray
99. Dadkiisii ku dabar jaro
100. Midna damac shisheeyaad
101. Uu dalkeena keeno
102. Ku dikheeyo xeebaha
103. Midna uu dayacanyoo
104. Darbi jiif ku noolyahay
105. Allaylahe dacdaradiyo
106. Duligiyo dhibaatada
107. Dalkeenii dhexjoogana
108. Dushiinaan ka magi laa
109. Hadii maanta la I diro
110. Ka kacoo damqada oo
111. Dalkeenii u wada kaca
112. Iska saara dixrigii qabiilku
113. Idinku door dhalay. 
      
114. Halkalana dantaydiyo
115. Duco eebe weeyaan
116. Daa’imow allahayow
117. Dadka kii abuurtow
118. Deeq ma waayihiiyow
119. Dunida kii cilmiga baray
120. Oo u diray rasuulow(CS)
121. Daakirow allahayow
122. Daartaan dusheenaa
123. Kii ku daday aduunkow
124. Danbi dhaaf waxii dhacay
125. Kaaga doonay eebow
126. Qalbiyo isku dumano
127. Isku doc u jeedaan
128. Kaa doonay eebow
129. Dalkeenoo hagaagoo
130. Dib usoo wacnaadaay
131. Kaa doonay eebow
132. Dadkayagoo dulqaadiyo
133. Samir wada dugsanayaan
134. Kaa doonay eebow
135. Qabiilkoo la duugoo
136. La iska wada dulmarayaan
137. Kaa doonay eebow
138. Dowlad shacabku doortoo
139. Danaha guud oogtaan
140. Kaa doonay eebow
141. Duub iyo aqoonyahay
142. Daacadnimo ku waaroo
143. Danaha wada qumaayaan
144. Kaa doona eebow
145. Dhallinyaro digtoonoo
146. Dacartiyo qabiilkiyo
147. Aan ku dagdagin xumaantaan
148. Kaa doonay eebow
149. Muqdisho daruuraha
150. Iyo dablin sare u dhaaftaan
151. Kaa doonay eebow
152. Dadka kii wanaagiyo
153. Dalkiisiiba jecelow
154. Aamiinta daba qabo
155. Adna daa’im allahayow
156. Doorka maanta ha I qadin. 

Aamiin ……..Aamiin…..Aamiin. 

Mahad Ahmed Dhoore(qaransuge)

Galkayo, puntland Somali

Email: jjmahad@gmail.com

      jjmahad@hotmail.com