Ardeygii soomaaliyeed ee lagu dilay malaysia oo manta la aasay
janaayo 24, 2009: Waxaa manta magalada kuala lumpur ee caasimada dalka
Malaysia lagu aasay marxuud C/khadar C/qadir Saciid oo kamid ahaa ardeyda
Soomaaliyeed ee tacliinta u joogta dalkaan, kaas oo maalintii shalay aheed
ugeeriyooday dhawac aad u halis ahaa oo ey ugeesteen qolyo naxariis lawayaal ah
oo kamid hindida madowga ee u dhalatay dalkaan Malaysia oo sida la sheegay ey
is gaareen.
Kadib baaritaan ey ku sameeyeen police ka marxuumka, ey ku daba galayeen
cida ka dambeysay dilka gardarada ee marxuum C/khadar oo eyna wali shaacin waxii
ka soo baxay , ayaa marxuum ka meydkiisa looso qaaday jamacadda Islamic
University Malaysia, halkaas oo ey kula dukadeen salaadii janaasada boqolaal
kabid ardeyda ey marxuum c/khaddar tacliinta isla baran jireen, kuawa ka
yimid jamacado fog fog , iyo qaar kamid ah somalida kunool dalkaan kuwaas
kakala yimid xaafadaha kaladuwan kuala lumpur
Aaska marxuud c/khaddar ayaa sidoo kale waxaa ka soo qeyb galay hormuud ka
jamacadda INSANIYA oo ah jamacada uu dhigan jiran marxuum ka , hormuudka
jamacada Islamic University Malaysia oo aheed halka mar xuum salaada
janaasada lagula tukaday, xubno ka socday police ka, jaliyada Somalayed ee
Malaysia iyo madaxa ururka ardeyda soomaaliyeed, kuwaas oo dhamaan tood
wajiyadooda hareysay murugo iyo diirayo ku aadan dilka gardarada ah oo ey qolyo
naxariis lawayaal ah kula kaceen ardey dalkiisii hooya uga soo hayaamay taliin
kororsi darteed.
Falka dhaawaca oo marxuumka ugeeriyooda oo ahaa mid aad iyo aad u darnaa kaas
oo markii horeba dhaqaatiirta cisbitaalka ka deyriyeen ayaa kooxdaan arxan
laawayaasha u adeegsadeen faasas,baan gado iyo waliba ayaga oo la dhacay
koofiyadaha la gashto marka la kaxeynayo mootooyinka ee looyaqaano helmad ka.
Marxuud c/khadar c/khadir Saciid Allaha unaxariistee waxa uu ka mid ahaa
ardeyda somaliyeed ee faraha badan ee dalkaan u jooga tacliinta kuwa ugu
firfir coon waxa uuna dhigan jiray jamacadda INSANIYA oo ku taala gobol
kafog casimada taas oo markii shilkaan qabsanayay marxuumka uu fasax ku joogay
magalada kuala lumpur.
Dhamaan ardeyda soomaaliyeed ee jamacadda kala gadisan kadhigta dalkaan
malaysia ayaa waxa dareen naxdin aad ah ka muujiyey geerida ardeygaan ey
tacliinta wadaagi jireen oo ey dishay gacan ka gardaran, waxa eyna u sameyeen
unaasabado tacsi ah oo ey ugu duceeyeen marxuud in uu ilaah ugu bishaareeyo
janadiisa fardowsa.
Mahan markii ugu horeysan ee ardey ajanabi ah dil gardaro ah loo geesto sida
marxuud C/khaddar , balse waxa ey aheed dabayaaqadii sanadii aan ka soo gudubnay
markii ey kooxa gangis malaysian ah dil toorey ah ugeesteen ardey u dhashay
dalka Chad isla xafada dilka loogu geestay Allaha una xariistee marxuum C/khadar
C/qadir Saciid
Ugu dambeytii dhamaan ardeyda somaliyeed ee malaysia gaar ahaan ardeyda
puntland waxa ey halkaan u marinayaa tacsi tiiraayo ah eheladii iyo qarabadii
uu marxuum ka kabaxay waxa eyna leeyihiin sabar iyo iimaan Ilaah idinka iyo
anagaba .
Wariye : Saciid Xuseen Cabdi (Macruuf)
Macruuf09@hotmail.com
Malaysia
TACSI: Jaaliyadda Soomaaliyeed ee Pakistan
Hadaanu nahay Jaaliyadda Somaliyeed ee wadanka Pakistaan waxaanu aad iyo aad
uga xunahay geerida naxdita leh ee kutimiday Khadar C/qadir siciid oo ahaa arday
somaliyeed ee wax ka baranayey dadlka Malaysia oo ay budhcad aan naxidin layni
six un u dileen.. waxaanu dhamaan uga tacsiyenaynaa geridaas ku timid ardayga
somaliyeed eheladii iyo qaraabadii uu ka geeriyooday iyo dhamaan bahda wax
bararashada.
Talo
Hadaan nahay jaaliyadda somaliyeed ee wadanka Pakistan.
Waxaan kula talinaynaa Jaliyadda somaliyeed wadanka malaysiya in ay noqdon dad
isku duuban oo arinkan naxdinta leh halmeel uga soo wada jeestaan siday ku ogaan
lahayeen cidii kadanbaysay falkan amaba ku kacday si aanuu usoo noqnoqon arinkan
mid lamida waa in aan dhexdiina laga faa iidasan oo laydinka dhigin in arinkan
cidgaara lagala xaajoodo , waa in laydiin arkaa in aad tihiin dad isu xidhan
Sidaas uun ayaa lagu gaadhikaraa xalka ugu danbeeya ee lagu ogankaro falkan
cidii samayay.
by
Abdirizak Abdurahman Said (Surad)
Community Organizer
Pakistan Islamabad
surad2500@hotmail.com
Faafin: SomaliTalk.com | Jan 24, 2009
Daabaco
Boggan | Print
