Daabaco Boggan | Print

---

---

• Reer Olso waa u Iid ururka PMV na waa u Oohin - W/Q: Khadiijo Warsame
• Maxaa Ayaan oo dhan ka dhigaya Ayaan Darran ? - W/Q: Aamina Xusseen

Reer Olso waa u Iid ururka PMV na waa u Oohin  

• Khadiijo Warsame
  khadiijooslo@yahoo.com
  Oslo Norway

  ---

Salaanta Islaamka ayaan salaamayaa dhamaan aqristayaasha Soomaaliyeed waxaana mahad gaar u celinayaa web site yada Soomaaliyeed ee iyagu u guntaday in ay nasoo gaarsiiyaan wararka.

Waa farxad aan la koobi karin in waranka lala beegsaday dadkii Soomaaliyeed ee sheegtey Ururka Haweenka Soomaaliyeed ee Oslo ee ka hoos shaqeeya PMV iyo Kanisada Magaalada Oslo.

Waxaan ahay shaqsi ku nool Oslo oo aad uga xumaa falalka ururkaas oo iyagu mar kastaa ah kuwa tuma Music iyo falal aan wanaagsanayn waxaan lahaa malin bay fashilmaysaa arintaan taasoo maanta la gaaray maalintii aan sugayay iyadoo la kashifay ceebo badan waxaana Ilaaha ka baryaayaa gabarta soo qaadatay warkii wadaada ee sheeko in badan la sugayay in ay fashilanto ka shaqaysay in ay gaarsiiso bulshadii u baahnayd inuu Ilaah siiyo cimri dheer una danbi dhaafo.

Ururkana waxaan u sheegayaa in ay Ilaahay usoo noqdaan kana baxaan facshirka ay dhex taagan yihiin iyagoo dad waawayn ah Ilaahyan u soo noqdaan irsaaqadana meel kale u doontaan ayna badbaadiyaan ilmahooda kuna barbaariyaan wanaag iyo diin ee aysan kaliya eegan dhaqaalaha Ilaahay wuxuu quraankiisa ku yiri aduunka waa qurux iyo faan iyo cayaar cayaar waqtigana waa yar yahay ee ogaada waxaana u sheegaya umada Soomaaliyeed meel kastoo ay joogaan in ay maanta tahay aalin u ah Ciid reer Oslo balse oohin u ah ururka PMV.

Khadiijo Warsame
khadiijooslo@yahoo.com
Oslo Norway
Afeef: Aragtida qoraalkan waxaa leh qoraaga ku saxiixan

Maxaa Ayaan oo dhan ka dhigaya Ayaan Darran ?

• Aamina Xusseen
  aaminaxusseen@yahoo.com
  Denmark

  ---

Anigoo la ilmaynaya dhag xumada iyo fool xumada ay horseeday Ayaan Xersi lana yaaban oo is waydiinayaa maxaa gabartaan Soomaaliyeed gaarsiiyay heerkaan kana xun xaqiiqdi waxa ay samaynayso oo Ilaahay mar walba ka tuuga inu towfiqda na waafajiyo ayaa waxaan aqriyay qoraal ku saabsan urur Soomaaliyeed oo la shaqeeya Kaniisad ku taal dalka Norway magaaladiisa Oslo waxaan ka yaabay waxa ku kalifay urur Soomaaliyeed ee hadana xambaarsan magac qaali ah oo ah Ururka Haweenka Soomaliyeed ee Oslo ayaan is iri maxaa oo ceebeynayaa magaca haweenka Soomaaliyeed ee sharafta leh, maxa baday kaniisada, ayaa waxaa iigu darnayd markaan arkay qoraal ay isla fiican tahay gabar la yiraahdo Ayaan oo leh waxaan nahay dad fiican iyadoon cadayn in ay kaniisad la shaqayso iyo in kale.

Waxaana isla markiiba markale muraalo dilaacay markaan arka inuu magaceeda yahay Ayaan anagoo la yaaban Ayaan tii hore ee Holland ee dunida qastay ayaa misna ay soo baxday Ayaan kaloo kaniisad la shaqaysa markaasaan intaan gacmaha kor u taagay iri ilaahoow ceeb astur ee maxaa Ayaan oo dhan ka dhigay Ayaan Darran.

Wabilaahi Toowfiq

Aamina Xusseen
aaminaxusseen@yahoo.com
Denmark

Faafin: SomaliTalk.com | Dec 21, 2004

SEARCH