Boqorka
Belgium oo Taageeray Agaasime Difaacay Gabar Xijaaban
iyo 50,000 oo Dalka France soo galay Diinta Islaamka
saanadka 2004
- Isha Warka:
IslamOnline | 30/12/2004
Tarjumadii: SomaliTalk.com
Boqorka dalka Belgium King
Albert II ayaa bisha Janaayo 12keeda soo dhoweyn doona nin
agaasime shirkadeed ah iyo gabar
xijaaban oo uu ninkaasi difaacey, waxana uu boqorku arintaas uga gol-leeyahy in uu
ku muujiyo taageeradiisa uu u hayo ninkaas taageersan in
gabadhaasi xirato Xijaab marka ay shaqayneyso.
Qisadani waxa ay la
xiriirtaa kaddib markii ninka lagu magcaabo Remmery, oo leh
shirkad gadda cuntada kasoo baxda badda oo xarunteedu ku
taal galbeed caana ka ah adduunka, loogu hanjabay in la dili
doono kaddib markii uu difaacay gabadha magaceeda la
yiraahdo Naima Amzil xaqa ay u leedahay in xirato xijaabka
marka ay shaqada ku jirto, sidaas waxaa werisey Hay'adda
wararka ee (AFP) waxaana warkaas ka sii xigtey IslamOnline
oo aaan ka soo xiganey.
Guriga boqortooyada
Belgium
war ka soo baxay ayaa sheegay in boqor
Albert II uu yiri "waxaan
si gaar ah ula socdaa arinta ninkaas agaasimaha ah ee ku
adkaystay go'aankiisa (difaacida gabadha xijaaban) iyo in
ninkaasi u debcin caddaaadiskii kuyimid".
Dhammaadkii bishii November
ayey ahayd markii koox isugu yeertay “New Free
Flanders” ay Mr. Remmery weydiisteen in uu shaqada ka
cayriyo Naima Amzil oo 31-jir ah haddii ay ku adkaysato
xirashada xijaabka marka ay shaqada ku jirto, waxana ay
kooxdaasi Mr. Remmery ku eedeeyeen in uu
yahay "nin xun oo reer Belgium ah oo la shaqaynaya Muslimiinta". Kaaxdaas
waxay u dhaartay Mr. Remmery iyo qoyskiisa haddii uusan fulin waxa ay weydiisanayeen oo ah in uu gabadhaas xijaaban shaqada ka fariisiyo.
Jariidada IslamOnline oo ka warbixineysa warintan wax ay tiri "Naima Amzil
waxaa loo soo bandhigay in ay kala doorato labo: in ay xijaabka iska dhigto inta ay
shaqada ku jirto ama is-casisho, laakiin ninkan geesiga ah
Mr. Remmery ayaa
gaashaanka ku dhuftay labadaas arimoodba".
Agaasimihii Sannadka
2004
Mr.
Remmery oo difaacay gabar xijaaban, in ay xijaabkeeda
ku shaqaysana ogolaaday, dhaartii isaga loo dhaartayna aan
u debcin.
Websitekiisa:
www.remmery.be
|
Mr. Remmery taagero aad u
farabadan ayuu ka helay dhinaca woqooyi ee dalka Belgium, sid
aay werisey AFP. Waxaana la sheegay in koox dadka
shaqaalaysiisa ay ururisay 17,000 oo saxiix oo ay ku
taageerayaan Remmery.
Ururka lagu magcaabo
Unizo bosses'
association ayaa yiri "Waxaa laga yaabaa in degganaantaadu
ay calaamad u noqoto isu-dul qaadashada iyo is tixgelinta"
hadalkaas oo ay ku taageerayeen
Mr. Remmery.
Sid ay werisey jariidada
La Libre Belgique caddakeedii talaadadii 28/12/2004,
emailo aad u tiro badan ayaa Remmery (rik@remmery.be)
ku taageeray in uu noqdo 'Agaasimihii sannadka 2004"
[“Manager of the Year 2004”]
Sannadkii 2002 waxa uu Mr.
Remmery ku guulaystey billad sharafta ugu saraysa ee
cuntooyinka ka soo baxa badda "Seafood Prix d'élite" taas oo
uu kaga guuleystey tartankii cuntooyinka badda ka soo baxa
ee Yurub.
Muslimiinta ku dhaqan dalka
Belgium tiradoodu waa 400,000 , dalkaasna dadkiisu waa
10 millions.
Arimahan la xiriira hadal
haynta xijaabka ee Yurub waxay bilaabatay kaddib markii uu
dalka Faransiisku bilaabay in uu iskuulada dawlada ka
mamnuuco khimaarka. Dalka Belgiumna wuxuuu ka mid ahaa
dalalkii ay qayb wasiirada ka mid ah taageereen arinta
Faransiiska. [Akhri
wararkii Faransiiska iyo Xijaabka...]. Tirada France ku
muslimtay 2004 hoos ka akhri.
2004 "Sanadkii Muslimiinta"
Faransiiska
50,000 oo Dalka
Farance soo galay Islaamka
Tirakoob ay samaysay
wasaaradda arimaha gudaha ee dalka Faransiiska ayaa shaaca
ka qaaday in dalkaasi ay sannadka 2004 diinta Islaamka soo
galeen
50,000 oo qof. Waxa kale oo wararku sheegeen in iibsiga
buugaata iyo kutubta Islaamku ay aad u kordheer dalkaasi
Faransiiska.
Waxa kale oo kor u kacay
tirada dadka Muslimiinta ah ee dalkaasi Faransiiska ka gaara
jagooyinka sarsare ee dawladda.
Isha Warka: IslamOnline
| 30/12/2004
Tarjumadii: SomaliTalk.com
Daabaco
Boggan | Print