Hoos ka akhri bayaankii guddiga agoonta.

Ref: GTAS08/25/01                                                                       Date: 10 November 2004

Ujeeddo: BAAQ KU WAJAHAN SAMAFALAYAASHA SOOMAALIYEED

Waxaan idinku salaanay salaanta islaamka oo ah: السلام عليكم ورحمة الله وبركاته

Salaan ka dib waxaan alle ugu mahad celinaynaa inuu nasoo gaarsiiyay
tobankii dambe ee ramadan oo aad u fadliga badan, waxaan ilaah ka baryaynaa inuu naga dhigo kuwii ka faa’iideysta, nagana aqbalo Soonka & Qiyaamka, nagana dhigo kuwa loo dambi dhaafo lagana xoreeyo naarta.

Walaalayaal aad iyo aad ayaad ugu mahadsan tihiin gacanta weyn aad ka geysateen Takuleynta Agoonta Soomaaliyeed, anagoo ka amba qaadayna idina xusuusinayno maalmaha kheyrka badan ee aan ku jirno oo bishan wixii wanaag ah oo dhan la laalaabo, bishana ay ka harsan tahay laba maalmood, waxaan idiin soo bandhigaynaa arimahan hoos ku xusan:-

Ø    Agoonta uu Guddiga Taakuleyntu xareeyay oo dhan (677 Agoon), agoonta Soomaaliyeed ee ku dacdaraysan magaalada Muqdisho oo kaliya aad iyo aad ayey u badan yihiin, marka waxaan si xushmadi ku dheehan tahay idinkaga codsanaynaa in ruuxii horay u dhaaftay Kafaala qaadka agoonta in uu ka faa’iideysto maalmahan oo uu kafaalo qaado agoonta hartay.

Ø    Ganacsatada iyo wax garad Soomaaliyeed oo gacan weyn ka geystay xareenta agoontaas kafaala qaadkana u sameeyay ayaa waxaa si naxariisi ku dheehan tahay looga codsanayaa in ay Xaqul Ciidka Agoontaas ay kafaalo qaadeen ay ku shubaan A/c agoon.

Ø    Guddigu wuxuu u mahad celinayaa Soomaalida debadaha joogta oo gacan weyn ka geystay kafaalada agoonta soona diray Xaqul Ciidka Agoonta.

Ø    Guddiga wuxuu ka codsanayaa Ganacsatada Soomaaliyeed ee balan qaaday in ay tiro agoon ah kafaaladooda bixinayaan oo wali aan wixii ay balan qaadeen u soo shubin Agoonta, in ay ka faa’iideystaan fursadan qaaliga ah una soo shubaan agoonta wixii ay u balan qaadeen.

Ø    Dadka Kafaala qaaday Agoonta una soo shubay Lix bilood ama Saddex Bilood, waxaa laga codsanayaa in ay bilaha u dhiman ay usoo shubaan agoonta.

F.G   ku hagaaj wixii aad ugu deeqeeso akoonada agoonta oo kala ah Amal a/c10106,      

        global A/C  10106,mustaqbal 22143 ,tawakal 59 ,towfiiq 00016

M A H A D S A N I D I I N

                                                                                    GuddoomiyahaGuddiga 

    C/kariim Shiikh Ibraahim

Email: Agoontasom@globalsom.com ama Agoontasom@yahoo.com