Socdaalkii
Wasiirka Ingiriis iyo goonigoosatada : beeni maxay qaban, Booramaan
ka imidee.
Deeqa Rabiile Maax
deeqarabile@yahoo.co.uk
Free Awdal Forum
London, UK
Waxaan ognahay in
dhawaan wafti Ingiriis ah oo u hogaaminaayay Wasiirka dawlaha
Ingiriiska ee arimaha xidhiidhka dibada iyaa socdaal ku tagay
Hargaysa. Halkaa oo si weyn looga sugayay looguna xiiso weynaa,
xiisahaa oo ka turjumaya jacayl qayral-caadi ah oo ka soo burqama
reer Hargaysa oo waligoodba jacayl aan loo ogayn u muujin jiray
Ingiriiska.
Waxaa la galay
qaban qaabo ka badbadis ah si wasiirka loo tuso inay Waqooyi ka
go’antahay gooni-usutaagu. Hayeeshee intuuna wasiirku tagin Hargaysa
iyaaa warar ka nixiyaa gooni-goosatda ka soo yeedheen dhinaca
Nayrobi halkaas oo Wasiirka Ingiriisku kula kulmay Baarlamaanka iyo
Madaxweynaha cusub ee Soomalia. Kulan ka dib waxuu wasiirku cadeeyay
mawqufka dawladiisa ee ku saabsan Soomalia, siyaasadaa oo aaminsan
midnimada qaranka iyo dalka soomaaliyeed. Haldaalkaasi wuxuu biyo
qabow dusha ka shubay dardartii Hargaysa ka socotay iyo wararkii
kutiri-ku-teen ka ahaa ee goonigoosatdu isla dhexmaraysay oo ahaa in
Ingiriis soo wado aqoonsi.
Siday u dheceen
wadahadalkii wasiirku la yeeshay gooni-goosatada?
Wasiirku wuxuu
qudbad ka jeediyay Baarlamaanka, qudbadaas oo ka madhneyd wixii ay
filaysay goonigoosatadu. Siduu Nayroobi ka shegay iyuu wasiirku ku
celiyay isagoo yidhi: Dadku waa isku mid. Faraqa qudha ee u
dhaxeeyaana waa laba gumaysi oo kala haystay.” Ujeedada hadalkaas oo
diblomaasi ahaan micno cad leh may jeclaysan gooni-goosatadu inteeda
siyaasada u dhuun dalooshaa hase yeeshee gaas-dhagoolayaashu way u
sacabiyeen iyagoo u fahmay in wasiirku kala sheegayo labo soomali.
Waxaase is weydiin
mudan wixii dhex-maray wasiirka iyo maamulka Hargaysa oo lagu soo
koobi karo sedan:
Markuu la kulmay
Daahir Rayaale iyo madaxda sare ee maamulka oo u badan Isaaq wuxuu
wasiirku sheegay in ay dawlada ingiriis ay ka go’anthay in laganma
maarmaan ay tahay in la taageero midnimada soomalia. Wuxuu u sheegay
in danta “ Soomaliland” ay ku jirto wada hadalka ay la yeelato
dawlada Nairobi lagu doortay marka ay dhaqaaqdo. Waa muhiim in la
wada hadlo waayo wax-kaste waxaa dawo u ah hadal. Dhibta indin
gaadhay waan ognahay waxaan kale oon ognahay in dhibtu ayna ku
eekeen waqoooyi oo qudha , waayo iyuu raaciyay wasiirku
diktatooriyadii dalka ka talin jirtay soomaali oo dhan dhib iyay ku
haysay. Wasiiku wuxuu xasuusiyay Madaxda Goonigoosatada in
taariikhdu u socoto dhinaca midnimada isagoo tusaale u soo qaatay
midawga Yurub oo ay abuureen labadii dal ee colaada xooga lihi
dhexmartay ( Jermalka iyo Faransiis). Dawlada Ingiriis waxay ku
dadaali doontaa inay idunku caawiso amba fududayso sidii loo wada
hadli lahaa. Dantiinuna waxay ku jirtaa sidaas waayo guul iyaad
gaadheen dhinaca maamulka taas oo tusaale u ah inaad gaadhi kartaan
inaad halbowle ka noqotaan dib-u-dhalashada soomalia. Waxba laguma
gaadho albaabo la xidho iyo taariikh tagtay oo la tiigsado waayo
mustaqbalkaa waxkaste ka muhiimsan iyaa wasiirka hadaladiisii kamid
ahaa isagoo odhaahdiisaa markhaati uga dhigay siyaasadii Nelson
Mandela ka hirgashay South Africa.
Wasiirku wuxii
ku celceliyay in nidaamka cusub ee la rabo in laga hirgaliyo
Soomalia inuu yahay kan Federaalka ah kaasi oo noqon doona mid ay ka
faa’idaysato ugu horaan reer waqooyigu oo yeelan doona dawladooda u
gaarka ah iyagoo u madaxbanaanaadoona maamulkooga hoose isla
markaana talada guudna waax muhiima ah ka noqondoona
Balan qaadyo
dhaqaale iyo talo siin iyuu wasiirku ugu balan qaaday Hargaysa si
ay u hirgaliso ajandaha isku diyaarinta wada hadalka iyo wada
xaajoodka ay la yeelan doonaaan dawlada Federaalkaah.
Daraskaa
siyaasadeed ee wasiirku u jeediyay madaxda Hargaysa wuxuu noqday mid
ayna filayn balse kama fajicin rag badan. Waxayna ku mitideen inay
ku celceliyaan dhibtii soo gaadhay shicibka iyo siday uugu adagtahay
in dib loogu laabmo Soomalia. Balse iyagoo soo bandhigin afgaar
culus iyay wasiirka u sheegeen inay wada tashiyo dhexdooda yeelan
doonaan intayna war rasmi ah siin dawlada Ingiriis oo ay ka filayaan
taageero dhaqaale iyo mid siyaasadeedba.
Maamulka Hargaysa
waxay wasiirka ka dalbeen inay war wada jir ah labada dawladood soo
wada saaraan lagu soo gunaanado socdaalka wasiirka. Arintaas
wasiirku wuu ka gows-adaygay waayo waxay ka hor imanaysaa iyuu yidhi
mawqufka dawlada Ingiriis oon soomaaliland u aqoonsanay dawlad.
Arintaas oo aad iyo aad uga cadhaysiisay qabqablayaasha maamulka
Hargaysa waxaa garowsaday Rayaale iyo gacanyarihiisa ( Idriss
DUcaale) oo sheegay wasiirku inuuna ka haysan awood uu arintaa ku
yeelo.
Gabogabadii,
booqashadii wasiirkii iyo waftigiisii loo han weynaa wuxuu noqday
mid xaqiiqada taabsiyay goonigoosatada oo loo sheegay inay
haboonaalahayd inay gashadaan kabo leeg oo ay ka tanaasulaan waxaan
marnaba hirgalay.
Su’aashu waxay
tahay ilaa goormay runta ka qarin doonaan shicibkooga maamulka
goonigoosadata ihi. Beeni maxay qaban booramaan ka imidee, waa
murtidi hore loo yidhi oo mudan in wax lagu qaato. Munaafaqnimaase
biisey dulucda maahmaahda.
Deeqa Rabiile Maax
deeqarabile@yahoo.co.uk
Free Awdal Forum
London, UK
Afeef: Aragtida qoraalkan waxaa leh
qoraaga ku saxiixan
SomaliTalk Nairobi | Nov 6, 2004
Samsam
Ducaale oo La soo Helay Cadeymo Muujinaya in ay Tahay Ardayad
Waa qormada ay ku saabsan tahay Faallada
SomaliTalk ee bishan
Guji