SOMALITALK.COM
w w w . S o m a l i T a l k . c o m
SOMALITALK -  HARGEYSA

Sidee Looga Arkay Hargeysa  Doorashadda Abdillahi Yusuf ee loo Doortay Madaxweyne. 

Ilaa Shalay Dadweynaha Magaaladda Hargeysa Waxa Ay Dhagta u taagayeen Idaacadaha Af-ka Somaliga ku Hadla Iyo Kuwa Afaf-ka Qalaad-ba oo ay u Raaricnayeen  Cida Ku Soo Bixi Doonta Madaxweynaha Jamhuuriyadda Fadaraaliga Ah ee Somaliya, 

Jawiga Hargeysa oo ahaa Maalin Roob Aad u weyni Da,yey oo Dadweynuhu Raxmadaa Ilaahay u Shubay  Ugu Mahad Naqayey In Somali Ilaahay U Dhiso Dawladd Soo Celisa Kala Danbayntii iyo Karaamaddii u lahaan jiray qaran-ka Somaliyeed. 

Dad-ka Intooda Badan May Seexan  Xalay oo Dhan Anigoo Tagay Goobaha la iskugu Yimaado Hargeysa Gaar Ahaan Meesha La yidhaa Kaalinta Total oo Dadweyne Fara Badani ku soo Urureen. .waxaan Arkaayey Dadka oo ka Sheekaysanaya. Mudane  Cadow ayaa intaa helay iyo Qaasim ayaa Tanaasulay iyo Mudane Abdillahi Yusuf Ahmed Ayaa u Dhow In uu ku Guulaysto Kursiga Ugu Mudan Uguna Sareeya Qaranka Somaliyeed , 

Aragtidda Dad-ka Caadiga ah Ee Hargeysa  waxa Ay ahayd ..Mid Duco ah oo  Sidan ah,  "waxanu  u Rajeynaynaa Qaran-ka Burburay Ee Somaliya In ilaahay U soo Celiyo Sharaftiisa iyo Karaamaddii uu ku lahaa Aduunka".. Dadka Intooda Badani waxa Ay ka Midaysnaayeen  Sida Ay u jecelyihiin Nabad Iyo dawladd Ka  Dhalata Dhulka Somaliya Ee  13 ka Sano uu  Burbur-ku ka Taagnaa, 

Somaliland Oo Aan Aduunka Ka helin Aqoonsi caalamiya  waxa Ay rajeynayaan Shacbigeedu In Iyana Si Uun laga Yeeli Doono Mustaqbalka Danbe Ee Wadankooga.

..Shacbiga Somaliland Intooda Badan Markaad Waydiiso Sababta Ay Dhagta Ugu Sii Raaricinayaan Doorashadda waxa ay ku Odhanayaan Masiir-kayga Ayaa Ku Xidhan Inkastoo Aanu Nahay Dawladd MadaxBanaan Si kastaba Ha Ahaato

 Saacadihii Danbe ee Hargeysa oo ahayd 10:7  Daqiiqo Ayaa Koox Dad ah oo  Live ula Socday Shabakadaha Internet-ka ay Mar kaliye Ku Dhawaaqeen Madaxweynaha Somaliya waxa Loo doortay Mudane Abdillahi Yusuf Ahmed  Madaxweynihii Maamul Goboleed-ka Puntland,  

Waxaa is Eeg Eegay Dadweynihii Goobtaasi Joogay oo  qof waliba Uu Go,aansaday in uu Indhihiisa Ku Soo Arko Shabakadaha Internet-ka Ee Soo Tabinaayey Warar-ka Doorashadda,  

20 Daqiiqo Dabadeed waxa Cadaatay In Madaxweynaha Jamhuuriyadda Fadaraal-ka Ah Ee Somaliya Loo Doortay Mudane Abdillahi Yusuf Ahmed oo Dadka Reer  Hargeysa Ay Aad u Garanayaan , 

Waxa Bilaabantay Faaladdii Dadku ka Bixiyeen Doorashadda  .Yaab, Yaab, Somali Ma Tan ayey ku Arrinsatay Sidaa waxa Yidhi  Oday  60 Jir ah oo Taagnaa Goobaha Internet-ka Laga Dirsaddo Ee Xaafadda Dunbuluq  Hargeysa ..Faalo Ma leh, Tani Mar Kale  Waa Sii Hadlay Odaygaasi waxa uu Sheegay In laga Yaabo in Sidii Charles Taker-kii Liberia Ee Madaxweynaha Loo doortay si Xal Loo helo  Ay Dan Moodeen  Mudanayaasha Baarlamaanku In xal-ku Ku qurux Badan Yahay in ka Dhibaatadda Gaysta  Masuuliyadda la Saaro si Xul Dawladeed Mar kale Loogu Talaabsaddo. 

Dad-ka Intooda Badan Lama Ayna Dhicin Cabdillahi Yusuf Ahmed In la Doorto waayo?Dadweynaha Hargeysa waxa ay u arkaan  Abdilaahi Yusuf Nin ka Masuula ah Weerar-ka Lagu Soo Qaaday Dhul Ka Mid ah Somaliland.

Gudoomiyaha SNM Mudane Hassan Essa Jama Oo Ay Jamhuuriya Waydiisay Sida Uu U Arko Doorashaddii Ayaa Ku Jawaabay? Waa In Marka Hore La waydiistaa Dawladda Dhalatay Ee Jamhuuriyadda Fadaraaliga Somaliya  Aqoonsi Ay u fidiso Somaliland.

Mudane Hassan Essa Jama Isagoo Sii wata Hadal-kiisa Ayuu Yidhi  Haddii Ay Diido waa In laga Diyaar Garoowbaa Arrinkaa, 

Wasiir-ka Reer Miyiga Fu,ad Aden Cadde oo isna Isla Su,aasha La waydiiyay Ayaa ku Jawaabay ,Doorashadda Abdillahi Yusuf waa Mid Dagaal Isaguna waxa uu doonayaa Dagaal Kolkaa Arrin kale ma Yaal ee waa In la Diyaar Garoowbaa. 

Ilaa Hadda Hadal Cadi kama Soo Bixin Guriga Looga Taliyo Somaliland  oo ku wajahan Doorashaddii Xalay ee Lagu Doortay Madaxweynaha Cusub ee Somaliya, 

Laakiin wasiir Ku xigeen  Hadlay Xukumadda isagoo Dadweyne u qudbadaynaya Magaaladda Ceergaabo Ayaa Balan ku qaaday In Uu Difaaci Doono Madaxbanaanida Xuduudaha Somaliland, Si kastaba Ha Ahaatee  Dadweynaha Hargeysa Iyo Xukumadda Madaxweyne Reyaale waxa Ay Sugayaan Talaabadda Ay qaado Xukumadda Cusub ee Madaxweyne Abdillahi Yusuf ahmed,  

Abdiaziz.A.Musa     
Hargeysa
abdiaziz2@hotmail.com

Faafin: SomaliTalk.com | Oct 11, 2004


C/LAAHI YUSUF OO KU GUULAYSTEY MADAXWEYNAAH SOOMAALIYA

C/Laahi Yuusuf Axmed, madaxweynaha Soomaaliya ee 5ta Sano ee soo socta, waxa uu helay codadka ugu badan ee xildhibaanada baarlamaanka. Guji...

TAARIIKHDA C/LAAHI YUUSUF.... GUJI..

Kulaabo bogga  www.SomaliTalk.com 

© www.SomaliTalk.com
 
Allah Is Great
TAARIIKHDA ISLAAMKA
Silsiladda Taariikhda Islaamka
Hordhac | 1aad | 2aad

Qore:Shiikh C/risaaq Macalim


C/Laahi Yuusuf oo Dhoolacadaynaya kaddib markii uu ku guulaystey madaxweynanimada Soomaaliya, 10/10/2004 [sawirka AFP].. Guji...
TAARIIKHDA C/LAAHI YUUSUF.... GUJI..



HTML CD