Ayaan Xirsi "Faan miyey
mooday faallaadii wargeyskaTime ?"
- Waxaa diyaarisay;
Ikraa Cali-kaar
ikraam_calikaar@hotmail.com
Wargeyska
Time oo kamid ah wargeysyada qoro faallooyinka shaqsiyaadka magaca weyn ku
leh taariikhda Adduunka qaarkoodna ku sheego iney taariikhda abuureen. Ayaa
boqolka qof ee wargeyskaasi u xushay iney taariikhda meel ka galeen ku soo
daray haweeneyddii ridowday ee soomaaliyada aheyd isagoo wargeysku ku
sheegay iney reebtay qiso laga sheekeeyo. Hadaba shaqsiyaadka wargeyskasi ka
hadlay iyo haweeneydan marka la is bar bardhigo farqi weyn baa u dhaxeeya.
Tusaale hadaan u soo qaadano Nelson Mandela iyo Osama Bin Laadin, labaduba
waxey taariikhda ma duugowdada ahi sheegeysa iney dagaalkoodi ku saleysnaa
fikir ay aaminsanaayeen sida u halgamidda gobonimodoon iyo difaaca diin
Muqadas ah. Halka Ayaan Xirsina ay ku soo shaac baxday naceybka diin ay Asal
ahaan ehel u aheyd. ”Waase kufrinimo tan ugu weyn ee Alle looga magan
gallo” Rabbi Nejeynaa Masaa’ibtan oo kale!!
Wargeyska oo cadadkiisi soo
baxay maalintii axadda oo uu kaga hadlayey taariikhda meesha ay kaga jirto
haweeneydan ayaa xusay iney tahay mudane ka tirsan baarlamaanka dalkaasi
Holand misna aftahanad ah oo ku hadasha dhowr luqadood sida Faransiska
Holandeeska iyo Ingiriisiga oo labaduba siisay awood ay qaaradda Yurub ku
gaarsiiso fikirkeeda ka dhanka ah Diinta Islaamka. Tani sida mid muuqata waa
arrin saameyn weyn ku yeelatay guud ahaan qaaradda Yurub oo dooda iyo
muranka ay haweeneydani ridowday dhalisay tahay mid halkeedi taagan oo
waxba iska badalin.
Hadaba haddii sida
wargeyskan sheegay ay jirto waa ayaan darro tii ugu weyneyd ee dal magac iyo
texgelin ku leh dunida Muslinka soo wajahda marba hadey qaateen tallo ruux
shaqsiyadeeda liitada oo aan isku kalsooneyn islaarkaasina cadow gaara ku ah
diin Illaahey soo jediyey dagaal kasta oo ay la gashana aysan waxba ka
qaadeyn.
Dhinaca kale faallo ay
kasoo diyaarisay gabadha la yiraahdo Sahro Cabdi oo iyadana dagan dalka
Holand ayaa sheegtay in Ayaan Xirsi nolol adag ku soo kortay waa sida ay
Ayaan sheegtaye. Ayaa waxaa la oran karaa waa qeyb kamid ah Ayaan darrida
heysta ee keliftay iney kala saari weyso diinta iyo dhaqanka aakhirkiina
keentay iney ka furato Allaha weyn iyo Rasuulkiisi ( NNKH).
Inkastoo aniga Ikraam ahaan
aanan diidaneyn daruufaha dadka Soomaalida weligood ku noolaayeen
islamarkaasina la helayo qaar kale oo kasii nolol adag mida ay Ayaan Xirsi
la soo shirtagtay, ayaan hadana qabaa iney tahay arrin ku xiran marka ruuxu
weynaado sida uu noloshiisa wakiil uga ahaado inkastoo haddii qofka lasoo
gudbnaado daruufo adag ay imaneyso wax la yiraahdo Kalsooni darro iyo
ayaatiin xummo. Hadana waxaa lama huraan ah in ruuxa hadduu yahay Muslin uu
yeesho dulqaad iyo Iimaan taasina ay tahay tan keliya ee qofkaasi uga gudbi
karro nolosha adag ee soo wajahday. Laakinse waxaa nasiib xumo ah in Ayaan
ku sifowday cadowga Illaahey iyo Diintiisa ee waqtigan adag jira.
Isku soo wada duubo haddii
Ayaan Xirsi moodeyso in macnaha nolosha tahay wargeys looga faalloodo
aflagaado iyo cey ay u geys qowm ay iyada markeedi hore kasoo jeeday iney
tahay arrin caqligu diido. Balse sidan ku seegtay aakhiradeedi ifkana aysan
ku heysan wax habayaraatee qiimeyn ah marka laga reebo iney ku jirto nolol
qayaali ah oo maalmo kooban ah.
Wargeyska Time waxa uu
sheegay iney Ayaan Xirsi tahay haweeney isbadal ku sameysay qaaradda Yurub
iyo siyaasadda dalkaasi Holand ee aan awalba miisaan culus ku fadhin.
Su’aasha waxey tahay isbadalka taariikhda xusi doonto ee haweeneydani ma
mida aan wada ogsoonahay ee dhibka abuurtay mise mid kale oo ka sawir
quruxsan?? Haddii jawaabtu tahay tan hore e waxaan qabaa in wareysku iyo
dadka howlgalaba ay yihiin kuwo aan aragti dheereyn oo meel gaaban wax ka
eega. Waxaaba fiicneyd in wargeysku soo qaato dagaal oogeyaalka Soomaaliya
soo qaato halka Ayaan Xirsi buun buuninteeda waqti badan ku lumiyey. Maxaa
yeelay laftoodu waa kuwo Alle ka furtay marba hadey dad badan oo naftooda in
la gooyo Alle raali ka aheyn dileen. Dembiga ay wada galeena waa mid Alle uu
yahay Dambi dhaafe naxariis badan.
Waxaa diyaarisay; Ikraa
Cali-kaar
ikraam_calikaar@hotmail.com
HADALO
AY YIRAAHDEEN LABADAN GABDHOOD:
Ayaan: waxay sheegtay in diinta islaamku "caburiso isla markaana
xaqirto dumarka".
Ikraam: waxay tiri "waxaa Ayaan darro ah in Ayaan ay maanta sidato
magacii soomaali ee islaanimada lugu yaqiinay oo diintii iyo soomaalinamadii
ay waxaan macno laheyn ka dooratay, islamarkaasina faraha lagashay Diintii
Ilaahey." [Tixraac...]
Afeef: Aragtida qoraalkan
waxaa leh qoraaga ku saxiixan
Faafin: SomaliTalk.com |
Apr 13, 2005
Kulaabo bogga www.SomaliTalk.com
Daabaco
Boggan | Print