HAGARDIID HAYIN MANOQDO

 Hawato Hawshiisa

W/Q:    Ahmed Ali Aden Ac

C/O:     Muqdisho, Somalia

Email: ahmedaliac@hotmail.com

    Inta badan waxaa ka soo yeera mirihii shirkii muddada dheer uga socday Soomaalida Dalka Kenya, ugu danbeeyntiina laga yagleelay Baarlamaan, Madaxwayne, Xukumad aan markii horaba la dhowrin, erayo qaraar oo la isu adeegsado, ayduu la isu marinayo Warbaahinta Gudaha iyo Banaankaba, kolna ay tagto gacan kahadal, taas oo ku beertay kalsooni daro iyo rajo xumo shacabka, inta badan shacabku wuxuu ku wareeray ujeeddada maldahan, waayo waxaad argaysaa labadii shalay isku meel waxka wada miisaysay oo maanto isleh waa qaa’ino wadan mana doonaayo in ay Soomaaliya lugaheeda isku taagto. Waa asaga ninka Soomaaliya qaarka danbe uga taagan bilcagsana oo ku yahay kii kale.

    Kaa saxan kaase qaldan ayey jawaabto noqotay,--- shalayse mawada qaldanaayeey mase waa wada saxsanaayeen?. Taas waxay noqotay erayka ugu badan ee labadii saaxiibo ahba ay is waydiiso, Maxuma in dadku kala aragti noqdaa waayo “kala duwanaanta ra’yigo waa huromar” waa marka wax lagu saxayeeye, balse marka ay noqoto danayse waa “dib udhiga huromarka”,.

    Farqikaan kala fogaansho asagoo soo jeedamayey ilaa bilaawkii shirka ayaa hadana waxuu laba kacleey markii Mudane Geedi iyo Yuusuf Xilka jeebka loo galiyay, taas oo inta badanba loo aanaynayo in ay abuureen isbahayse, halkii laga sugayey Midnimo iyo Muwaadinimo, iyo Keenistii Ciidamo shisheeye oo ay hurmood uyihiin Xabashido, taas oo sababtay in Kurse iyo Baakuur la isla dhaco kadibna xabse la isu taxaabo, sharaftii iyo karaamadii Soomaaliyeedna dhulka ay ku jeedeen ayaduu laga daawanayo Televesionada adduunka oo idil, qaladkana loo xulufaysanaayo dad aan meel dheer wax ka eegin, oo ay dandooda kala wayn tahay mida Soomaali waynta oo idil.

         HADABA YAA SAXAN YAASE QALDAN!!.

    Waxaa filayaa hadii jawaabta xitaa loo daayo shacabka oo ah kuwa dhiban in aan laheli karin, waayo shacabka ayaa noqday Tool isticmaal fiican leh xumaan iyo wanaagba ku taageerida Hogaamiyaha reer tulkiis asagoon ka baaran dagin, lana soo booda Hebel dhinacow jiraa…… taas waxaaa marqaati u ah, yaahaaya Hogaamiya ama Dilaa reer tolkees ay bari iska yeeleen ayagoo isku dooban, waa ayaga kuwa u ah jaran jaradaa oo ku fuulo 680.

    Balse adduunka waxaa laqaataa Codka badan (majority) taasna maxsuulka nooga soo baxayaa waa in aan ninmanka u dhaartay in ay shacabka & dalka wax u qabanayaan aysan dhabka aheyn waayo hadiiba codka badan wax lagu kala saari lahaa madhacdeen dagaalkii Gulaha Baarlamaanka iyo is afgarawaaga ka jira Madaxda sare ee dowladda, waxaana cadeyn u ah in markii Wafdikii xaqiiqa raadinta ee IGAD marayey Gobolada Soomaaliya warbintii ay ka soo saareen, iyo 17 March Gu’aankii oo gaaray Gulaha Baarlamaanku aysan isku mid u soo dhaweyn shacabka Soomaaliyeed, halkaana waxaana laga daalacan karo Nadiijada, Nadiido waxay noqotay in u baal dabah ah ufurmay rag badan maalin gudohood laguna tilmaamo Muwaadinka kaliya ee Soomaaliya, ninkii wanaag sameeyana Taariikhda wanaagsan ayuu kalayaa, ninkii Xumaan sameeyana taariikhda xun ayaa ubadanaysa, balse Hagardiid Hayin Manoqonaye hawato howshiisha.

 

    Tankale dad yar ayaa qaba fakir kaduwan, kan inta kale taana doonaya in ay u meel marto marka la waydiiyana keensanaya daliilo aan amanteedka ufuranayn, waxay aheyd markii Mudana ka dirsanaa Dowladii Carta madaxdeedii sare oo damcay in oo tago deegaankii oo ku dhashay xiligaas wareer culus kadibna laga xayoobiyay wixii oo watay dirqina oo ku fagaday, ka dibna oo ku noolaa magaalada Muqdisho asagoo masuul ah, ka dibna waxaa soo gala dhex galay qilaaf muddadii shirka la joogay sidaas ayaana lagu kala huleelay,waxuu isbaysi la sameystay cadawkiise shalay, hadana Maanta waxay ukala baxeen nimankii shalay walaaha ahaa, hada asagu wuxuu la jiraa garab kamid ah,----su’aal ayaa la waydiiyay asagoo dagaal u tafa xaydanaya markaas ayuu yire “shalay waxaa la igu dilayay nimankaas hanookeen Maantana waxaan kula dagaalamayaa Nimaankaas hanookeen” Hadaba shalay miyoo saxnaa mase Maanta ayuu qaldan yahay?. Mase siyaasada Soomaaliya ayaa saan ah?.
 

                                 TALO SHACAB

    Marka hore waxaan haboon in ay xasuustaan Kitaabkii ay mareen iyo in Illaahayana kajaasayn doono nin walba waxuu sameeyo, dadka iyo kuunkana oo asago sameystay ninkii awood oo san laheyn is bidana oo Illaah ka jaasayn doono waqti, yahayna kan aan waxba laga qarinkarin. Marka xigta waxaan kula talin lahayn sidaan:-

(1) in ay sameeyaan tanaasulaad Xubnaha sare ee Dowladda iyo Xukumadda si ay uxaliyaan khilaafka ka dhix jira, iskana iloobaan anaa wax samayn jeray iyo anaa Hub badan leh,

(2) in ay tanasulaad ka Moojiyaan Kooxdi ku howlaneed Keenista ciidamo shishiiye oo ay hurmood u tahay Xabashido, yiraahdaana waxaan ku shaqeynaynaa rabitaanka dadkeena, si ay wadashaqeyn uga helaan shabka, Wadamada dariska ahna waxaan ka rabnaa daris wanaag kaliya,

(3) in labaabi’iyo xisbiyadda ka dhex jira dowlada,----- xilalka iyo safaradda banaanka iyo wadatashiyada in loo wada dhamaadaa, in lajoojiyo hanjabaada iyo dhaga hadalka.

(4) in laga dhigo Caasimadda Xamar sii looga guulaysto nadaam darida iyo amaan la’aanta ka jirta inwax looga qabto maadaama ay tahay saldhigii dowlada iyo xukumadda Gobalada kalana ay ugu daysadaan.

(5) in lasameeyo Gulo aqoon yahano ah oo ka madax banana qabyaalad iyo qabiil, samato bixinta iyo dib hashiisiinta kaqaata kaalin mugleh, siiyana talooyin Madaxda sare Dowlada iyo Xukumadaba, maadaama ay ku yartahay in aqoonta leh.

(6) in ay la yimaadaan nadaam ka badalan kuwii horay loogu fashilmay, balanqaad iyo rijo ma uhan dhiira galin shacabka, waayo waxay ku daaleen, ee lala yimaadan taabo oo arag, lagana taxadaro ilaalinta dowlada waayo ma muuqato saansaan dowladeed hadii tani ay meesha ka baxdo. Hadii aad intaas qaadataan shacabku waxay balan qaadayaan intooda badan in ay unoqdaan Kabo ay ka xirtaan cagaaga iyo cirida Dowlado.

    Hadiisa sheekado tahay Abeesadii iyo uunrayskii isguursaday,----------markii guriga loo geeyay uunrayskii ayuu gurigii galiwaayey markaas ayay Abeesadii waxay u wacday bah habar dugaag waxaayna tire aniga waxaan u goorsaday uunrays in aan owlaad ka helo, asna waxuu gala guduudka dudumaha waana igu dulmeeraystaahe ii ma yimaado, isna waa ka cabsoonayaa inay cunto markaas ayuu intow istaagay yire “Abeeso hadii aad intaas uurku yeelan waydo abedgaa kuu maan mayo.!!! Shacabka yaan ladaaline haloosheego runta ififaalaha muuqdaa maahan midgay sogaayene.

W/Q: Ahmed Ali Aadan AC
C/O: Muqdisho, Somalia.
Email: Ahmedaliac@hotmail.com

Afeef: Aragtida qoraalkanw axaa leh qoraaga ku saxiixan

Faafin: SomaliTalk.com | April 25, 2005

---

Nin wacyigeliye isku sheegay oo Rasuulka aflagaadayey