Madaxa BBC da iyo Cabashadda
Suxufiyiinta Nairobi.
Dareenka qofnimo ee
Suxufiyiinta Somaliyeed ee mudada dheer ku sugneed Nairobi
waxaa uu u adkeeysan waayay madaxa Idaacadda BBC-da
laanteedda afka Somaliga Yusuf Garaad Cumar oo maalin
maalinta ka dambeeyso ku hayo xaqiraad ,muujin awoodiisa
tafatirenimo ,ku amar taagleeyn in la faafiyo afkaartiisa
siyaasadeed ,cadaadin cidii ka hor timaad wuxuu damaciisa
yahay ,buunbuunin shaqsiyaad aan Warfidiyeenadda ku sugan
Nairobi wax sharaf ah ku dhaxlaheeyn ahna qof habayaraatee
aysan xitaa u biloowneeyn casharka koowaad ee Saxaafadda
lagu soo galo.
Yusuf Garaad waxaa uu si
bareer ah ugu tuntay Weriyaal badan oo magac iyo miisaan ku
leh Saxaafadda soo koreeyso taas oo noqotay mid dad badan la
yaabaan.
Waxaa uu Yusuf Garaad isku
cadeeyay inuu ka mid yahay hantiilayaasha idaacadda
Hornafrik ,waxaa uuna noqday nin madaxa uga istaago Weriye
kasta oo leh fir fircooni saxaafadeed isagoo ka urinayo inuu
yahay qof mowqif adag.
Aniga Maryan ahaan kama
mid ahi kuwa leh aqoon saxaafadeed oo waxaan ku jiraa jiilka
soo koraya laakiin waxaa dareenkeeyga qofnimo u adkeeysan
waayay markii aan arkay sida yusuf garaad u saaran yahay
gaariga xawaaraha dheereeyo ee Cadaaladda xumida ee uu
maalin walba ku wareeysanayo shaqsi xamaali ka ah xaafadda
Islii isagoo hal qabsi sharciyadeed ka dhiganayo inuu u
shaqeeyo Hornafrik.
Waxaa uu Yusuf Garaad u
muuqdaa nin lumiyay kalsoonidii ay ku qabeen Saxaafadda soo
koreeyso iyo tii horeba marka la eego sida uu u xaqiray
jiritaanka Weriyaal marka shirarka ay soo galaan madaxda
dowladda Somaliya u istaagaan qaabka ay wararka u baahiyaan
aawgeed.
Dad badan ayaa waxaa ay
leeyahiin Yusuf Garaad wuxuu hilmaamsan yahay in
Madaxtinimadda Warbaahinta Somaliya soo martay hadba heer
hadana wali uu furan yahay diiwaankii lagu soo qoray wixii
hore cadaalad xumo u dhacay taas uu isaga laftiisa ka yahay
marqaati cabasho hore laga hayo.
Yusuf Garaad waxaa muuqato
in hada mucaaradkiisa dhinaca saxaafada iyo dhageeystayaasha
uu gaaray 82% waxaana talo ugu jeedin lahaa inuu bal si
feejigan hoowlahiisa dhinaca saxaafadda iyo miisanka xilka
uu hayo.
Maryan Maxamud
Barre(Qalanjo)
qalanjo_35@hotmail.com
MADAXA BBC-DA QAYBTA
AFKA SOOMAALIGA TIFAFTIRAHEEDA QARNIGAN YUUSUF GARAAD OO
NOQDAY XIDIGII SAXAAFADDA SOOMAALIYEED U SOO BAXAY.
yuusuf garaad waxa soo
nooleeyay niyada boqolaal suxufiyiin ah oo dunida ku
baahsan,waa shaqsi ka fog eex,qabyaalad,dhaqan xumo,waxa uu
abuuray yuusuf garaad madaxa BBC-da laanta afka soomaaliga
FM-yo haqabtiray baahidii wareed ee ay qabeen dadka ka fog
magaalooyinka dhibka badana ku qabay raadinta mowjadaha laga
helo BBC-da afka soomaaliga,dadka soomaaliyeedna waxa ay u
hayaan abaal wayn kii qalbiga qabyaalad ka gashay oo xaasid
ah yeelkiise yuusuf garadow ku farax niyadaada iyo
dadaalkaaga wacan ee aad u hayso shacabka soomaaliyeed oo
dhan,waxaad ku gaartay halka aad joogto nasiibkaaga waana
Alle mahadiis.
Naagtu yay matashaa maxayse
ahayd horta.
Horumarka dunida kuwa ka dhaga la'
ee uu qaaday daadka qabyaalada iyagoo indha la'na lagu soo
shubto waxii loo baahdo ee qof ka xishood inuu meel la soo
istaago ayaa maanta mid wax ay tahay aan la aqoone qabyaaladi
madax martay kula soo dhex dhacday badda saxaafadeed iyadoo ay
sitaan hirarkii saxaafada(Aqoon yar darteed).
Naagtan magaceeda ku sheegtay
qalanjo ee magaca isku soo nabtay qiimihii lagu yaqaanay
saxafiyiinta soomaaliyeed ee gabdhaha ahna meel kaga dhacday
waligay ma maqal magaceeda balse maalin ayaan ku arkay webka
lagu magacaabo qaran news iyadoo cabasho wax ay ku sheegtay
laakiin qoraalku loo soo dhiibay uu iskaga qaldamay ee aniga iyo
inta wax garadka ahba ula muuqday tuugsi aan caadna loogu soo
gaban laakiin ku guul daraysatay.
Waxay u gaftay wariyaha idaawaqa
oo wax badan oo waqtigiisa ah ku bixiya inuu helo warar sax oo
uu u gudbiyo dadweynaha soomaaliyeed ee ku baahsan dunida
dacaladeeda,waana wiil sharaf ku leh dadka soomaaliyeed
dhexdooda ee samaha jecel,laakiin xaasidka midan oo kale waa
kuwa hoos uuun waligood ahaanaya waxayna ku jiri doontaa
dullinimo ay gacmaheeda ku kasbatay.
Markaan intaas uga haro ka hadalka
naagtan aan u soo laabto xiddigeena yuusuf garaad ah ee la
mahdiyay intii uu hayay aaladda codlka dheer ee BBC-da qaybta
afka soomaaliga.
Yuusuf garaad waa xidigii qarniga
la iskuma hayo taas waxaana ka dheehan kartaa isbadalka uu ku
sameeyay maqalka idaacad BBC-da oo meel walba uga sahlay dadka
soomaaliyeed in ay si dhib yar ku maqlaan wararka ka baxa
idaacadaas ee meel walba oo aduunka ah ka dhaca.
Waxa uu inankan yar ee yuusuf
garaad ku guulaystay in uu hogaanka u qabto idaacadda BBC-da
qaybta Afirka oo dhan waxa uu ku gaarayna maahan qabiil garab
istaagnaa ama laaluusha ee waa dadaalkiisa iyo nasiibkiisa uu
Alle gaarsiiyay(Allaa mahad leh) waxa uu leeyahay saaxiibo badan
oo ugu hambalyeeya dadaalka uu gaaray iyo kumaanka soomaaliyeed
ee ku baahsan dunida dacaladeeda ee u ooman wararka soomaaliyeed
iyo kuwa caalamkaba ee ka dhaca dunida dacaleeda waxaya uga
hayaan abaal badan isaga iyo wariyayaasha kale ee ku howlan
barnaamijyada kala duwan ee ka baxa idaacadaas balse isaga uu
hogaanka u hayo.
yuusuf garaad haka maahan mid
hortaagan dadaalka suxufiyiinta kii fadhiidka ka noqda
shaqadiisa waa mid isga dhibaysa,mana ahan inuu keensado
figaradiisa una soo dhiibo naag aan waqooyin iyo koofur kala
aqoonin ee jahadu ka wareersan tahay aqoon haday lahaan lahayd
ku filan nasiib bay lahaan lahayd fadlan waxaas iskuul ha aado
saxaafadu waxay u baahan tahay aqoone aniga waxaanba dhihi lahaa
halaga saaro.
Idaacadaha ku yaala xamar ama
midda naagtu xifdisay magaceeda ee Hornafrika idaacada qarniga
cusubna aan aniga u aqaano markii ay warkeeda iga deeqsiisay
anigoo jooga gurigayga waa mahad Alle waana wanaaga soo kordhay ,yuusuf
garaadna idaacad kale maba qaadi karo oo danihiisa ayaa ka badan
iyo shaqada uu u hayo mayananaadka soomaaliyeed ee ku faafsan
dunida.
yuusuf garadow waxaad tahay xidiga
u soo baxay dadka soomaaliyeed adeer waxaan kuu hayaa wanaag ka
bada kan ay kuu hayaan malyanaadka soomaaliyeed ee aad u
sahashay dhagaysigga BBC-da in ay ka helaan FM-yada ku yaala
magaalooyinka ay joogaan,waxii cadaw kugu ah cagta hoosteeda
Allaha dhigo.Aamiin.
Abdisamad Ali |
abdisamad35@hotmail.com
Afeef: Aragtida qoraalkanw axaa leh qoraaga ku saxiixan
Faafin: SomaliTalk.com | April 25, 2005
Daabaco
Boggan | Print
BOOSAASO
& LA DAGAALANKA ANSHAX XUMIDA