SANADKII
TAGAY EE 2004-TU MUXUU SAGOOTIYEY CAALAMKA
Sanadkii 2004-tu sidii sanadihii
isaga ka horeeyey caadada u ahayd wuxuu dunida ku maray sida dabaysha oo
kale, taasoo aan uga jeedo aadbuu u degdegayay sida laga yaabo inay
dareensanaayeen dadweynaha aduunka dul tukubaya intiisa badan, waxa caadi ii
ah inaaan qormooyinkayga qaarkood aan ku soo bandhigo sanad kasta marka uu
sii dhamaanayo dhacdooyinkii uu sanadkaasi caalamka kala tegay iyo
hagardaamo iyo hadimo wixii uu u lahaa dadweynaha aduunka, anigoo isku
dayaya inaan aad u soo kobo sanadkii 2004-tu guul wuxuu u ahaa qaybo badan
oo ka tirsan beesha caalamka halka uu murugo iyo tiiraanyo kaga tagay in
farabadan oo ka mida shucuubta caalamka ku nool.
Dalka maraykanka doorashadii sanadkii
2004-ta ka dhacday waxa si weyn ugu guulaystay madaxweyne George W. Bush oo
ka adkaaday dhigiisii la tartamayey Senator John Kerry, guusha uu bush ku
guulaystay inuu mayalka u sii hayo aqalka cad ee maraykanka waxay naruuuro u
tahay qaar badan oo ku nolol ka raadinaya aduukan sii kala qaysamaya, halka
dad farabadan oo kale ay u iftiintay in ku soo noqoshada bush uu aqalka cad
ee maraykanka uu ku soo noqday ay gaas ku sii dari doonto dabka imikaba ka
holcaya qaybo badan oo ka mida dunida. Si kasta ha ahaatee waxa muuqata in
aduunk aanu ahayn aduunkii hore oo sidii ay u dhacday Sept/11 duhida waxa ku
dhacday is badal weyn maamulka bushna waxa uu si weyn ugu sii hamimayaa
inuu xidida u saaro waxa uu ugu yeedhay argagixisada caalamiga ah, taaso dad
farabadan ula muuqata weerarada cad ee ay dawladu maraykanku ku qaadayso
hadba wadan muslim ah.
Dhinca bariga dhexe waxa sanadkii
2004-ta geeriyooday hogamiye ka mida kuwii ugu waaweynaa ee soo mara
taariikhda siyaasada murugsan ee bariga dhexe , Yaasir carafaat oo ahaa
hogaamiyihii PLO-du waxa uu ku geeriyooday magaalada Paris, waxaana si ku
meel gaadh ah loogu sii aasay magaalada Ramaka, iyadoo meydkiisii lagu
riday bir naxaas ka samaysan si maalinta ay timaado in la xoreeyo Baytal
Maqdis si rasmiya loogu aaso, Yaasir Carafaat waxa uu soo noolaa nolol gabi
ahaanteedba wadatay siyaasad, xarakaad iyo halgan uu ugu jiray badbaadinta
shacabka Falastiin ha yeeshee waxa ka geeriyooday isagoonay u rumoobin
riyadiisii ahayd inuu arko maalin uun Falastiin xor ah oo calankeedu ka
lusho dhamaan dhulka ay Yuhuudu xooga ku qabsatay.
Dagaalka ka dhanka ah waxa loogu
yeedhay argagixisada ayaa caalamka sanadkii 2004 meelihisii u sareeyey
gaadhay iyadoo wasaarada gaashaandhiga maraykanku ay u qoondaysay
miisaaniyadii ugu badnayd, waxa wali socda dagaalada qadhaad ee kooxaha iska
caabinta reer ciraaq kula jiraan askarta maraykanka, Iran ayaa loogu
hanjabay in la weerari doono haddii aanay faraha kala bixin horumarinta ay
ku wado hubkeeda nukliyeerka, wadamada ay ka mid yihiin Suuriya ayaa looga
baqayaa inay ka mid yihiin kuwa safka hore kaga jira in la duqeeyo
mustaqbalka barnaamijka ay wataan maraykanka iyo xulafadiisu ee ka dhanka ah
argagixisada.
Wadanka Somalia 14 sano oo dawlad
la’aan ah iyo dagaalo sokeeye oo dalka ragaadiyey, waxa aakhirkii wax uu
shirba shir u dhiibo ummada soomaaliyeed madaxweyne loo doortay Col.
Abadullahi Yuusuf Ahmed Yey, Abdullahi Yuusuf Ahmed Yey waxa uu horay u
ahaan jiray sarkaal ka tirsanaan jiray ciimada xooga dalka Soomaaliyeed ka
hor intii aanu mucaaradad kala soo horjeedjsan taliskii uu madaxda ka ahaa
Gen. Maxamed Siyaad Barre, Sida uu qoray TIMES, oo ka soo baxa London ee
dalka ingiriisku doorashada kursiga loo doortay Abdullahi Yuusuf lagama
yaabo in ay rajo badan u keento xalka Soomaalida oo ah mid aad u murugsan.
Guud ahaan qaarada Africa marka aad
eegto sanadkii tegay ee 2004-ta waxa ka dhacay meelo badan oo qaarada ka
mida abaaro ba’an ha ugu badnaadeen bariga qaaraduye.
Anigoo aad u soo koobay oo aan qormadan yar
lagu soo koobi Karin dhacdooyinbkii aduuka ka dhacay sanadka 2004, ayaan
akhristayaasha ka codsanayaa inay raali iga noqdaan haddii ay jiraan wax aan
ka tegay.#
Walaalkiin
Hassan Okar(Salahuddin)
Global Media Group
Bristol, Uk.
Email: Globallmedia@hotmail.com
Tel: m00-44-7946174533.
Afeef: Aragtida qoraalkan waxaa leh qoraaga
ku saxiixan
Faafin: Somalitalk.com | Janaayo 1,
2005
Boqorka Belgium
ayaa Taageeray Agaasime Difaacay Gabar Xijaaban
Guji...
Kulaabo bogga www.SomaliTalk.com
|