ISLAAM-KA, Kirismis-ka iyo Happy New
Year-ka.
Bismillahi,Alxamdulillaah.
Walaalayaal sidaad lasocotaan-ba waxaa
lugu jiraa sanad cusub ee 2005,hadaba walaalayaal dadka aan haysan
diinta Islaam-ka ee gaalada ahi waxay u dabaal dagayaan sannad-kaan
cusub (Happy New year),maalmo ka horna waxay u dabaal-dagayeen ciidoodii
kirismiska (christmas),sidoo kale waxaa ciidahaan u dabaal-dagaya dadka
Islaam-ka sheegta balse run ahaantii Munaafiqiin ah, waayo Islaam-ku
maahan sheegasho ee waa ku dhaqan. Qofkii ku dhaqma wax aan diinteena
Islaam-ku raalli ka ahayna wuxuu kamid noqonayaa qolada uu falkaas kaga
dayday ama ku raacay,tusaale ahaan: qofkii ciida kirismis-ka ama Happy
New year-ka wax uga dabaal-daga hadana Islaam sheegta waa beenlow,
wuxuuna kamid yahay gaalada uu ladabaaldagayo waayo Islaam-ku wuxuu
leeyahay 2ciidood,gaaladuna intay doonto (ciidood) hala-haatee qof-kii
ladabaaldaga ayaka ayuu kamid yahay.Taas-na waxaa daliil ama caddayn u
ah xadiis-kii (xadith) Nabigeena (C.S.W) uu ku yiri "QOFKII QOLO ISU
EKAYSIIYA AYAKA AYUU KAMID YAHAY". Hadaba walaalayaal mar haday sidaas
tahay soo ma haboona inaan ka dheeraano fitnadaas?. Xitaa waxaa
walaalayaal aan diinteenu ogalayn inaan muujino shucuur farxadeed ama
isu hambalyayn, waayo markii aad maanta la faraxdid birri caadi baad ula
dabaaldagaysaa "wadiiqada yar wadada wayn bay kugu ridaa".
Waxaa is waydiin leh ayaku (gaaladu)
markii anaku islaam ahaan aan ciidayno manala ciidaan mase nala farxaan?.
Aqristow adiga ayaan kuu daayey jawaabta su'aashaas.
Walaalayaal sideedaba gaalada iyo islaam-ka
waxba iskuguma qasna,waxna isuguma jiraan, xiriir-ka gaalada iyo Islaam-ka
ka dhexeeyaa waa cadaawad,isnacayb iyo dagaal. Nabigeenu (C.S.W) wuxuu
xadiis ku yiri "jid hadaad isaga hor timaadaan nin gaal ah waa inaad ku
ciriirisaa", hadaba hadii layiri waa inaan jid-ka ku ciriirinaa xagee
bay joogtaa inaan la faraxno ama la ciidno!!. Anugu waxaan-ba oran lahaa
markii ay gaaladu ciidayaan ama faraxsanyihiin waa inaan anaku ka
xumaanaa oo caro muujinaa.
Waxaan ugu nasteexaynayaa dadka Islaam-ka
ah gaar ahaan soomaalida inay iska ilaaliyaan inay gaalada kala qayb
qaataan ciidohoodaan ama ay muujiyaan wax farxad ah oo ku aadan
ciidohooda. Waxaan si gaar ah ugu nasteexaynayaa dadka ku nool wadamada
gaalada inay is ilaaliyaan oo ay diintooda ku dhawrsanaadaan.
Walaalayaal waxba kuma jabna inaan
taariikhdaan miilaadiga ah xisaabsano, laakiin waxaan haboonayn inaan ku
hilmaamno taariikhdeenii hijriga ahayd, waxaa markasta haboon inaan
taariikhdeena hijriga ah hormarino oo aan mudnaanta koowaad siino,waxaan
hubaa in badan oo naga mid ah hadii lawaydiiyo inta ay marayso
taariikhdeenna hijirigu inaysan garanayn taasina waa nasiib darro. Waxaa
xusid mudan macallim iskuul ii dhigi jiray oo hada dhintay (raxmatullaahi
calayhi) markuu sabuurada ku qorayo taariikhda wuxuu samayn jiray,
taariikhda miilaadiga ah wuxuu ku qori jiray far aad u
yar-yar,taariikhdeena hijrigana far aad u waawayn buu ku qori jiray.
sidaas ayaana haboon in qof kasta oo naga mid ah uu mudnaanta koowaad
siiyo taariikhdeenna hijriga ah.
Waxaan u hambalyaynayaa wadaadada
maxkamadaha islaamiga ah ee ka jira Muqdisho sida kartida leh ee ay u
hor istaageen xafladihii ay dabadhilifyadu kusoo dhawaynayeen ciiddaan
gaalada ee Happy New Year-ka.
Afeef: Aragtida qoraalkan waxaa leh
qoraaga ku saxiixan
Faafin: SomaliTalk.com | Jan 2, 2005
Boqorka Belgium ayaa Taageeray Agaasime Difaacay Gabar Xijaaban Guji...
Kulaabo bogga www.SomaliTalk.com
|