ANAGOO ISKA LIIDANA AYEEY KUWA ISKA SII LIITA MADAX NOOGA SOO DHIGEEN
MARKAAS BAAN ISLA WADA LIIDANA
Siyaasiyiintii SSDF ayaa markii himiladii ay ka lahaayeen ururkaas ay ku
hungoobeen ayeey bilowgii sideetameeyaddii yiri' ka tag talo xume , u tag
talo xume, anna talo xume waa tabtaan nahay', hadda dadka Soomaaliyeed gaar
ahaan koonfurtu waxay u dhaxeeyan hogaankii Nayroobi lagu dhisay ee xerta
IDOORO AAN KU DILEE, oo lagu haminayey ugu yaraan waxaa laga heli doonaa
xukuumad diktatooriya iyo ragga watoo ileen iyagaa hubka gacanta ku hayee
inay hubka mid Qaran u badalaan, Abwaan Bacadlaa horey u yiri' dagaal aan
dhamaan waxaa ka roon dowlad Jaa.irahe' hadda lama diidan dowlad diktatoor
ehe waxay la timid shisheeye Jaa,ira oo qaranimadda , diinta iyo jiritaanka
dadkaba looga cabsi qabo(Itoobiya), waa meeshii Hadraawi ka yiri' dadku
maahan kii hee, intay daaf ka guuraan daacuun u raran jiray', falkaas
guracan hadaad diido waxa aad u soo laaban maamul iyo kala danbayn la,aanta
dalka ka jirta gaar ahaan Muqdisho ee keentay dilka,afduubka iyo ur iyo jiho
la,aanta in dadka iyo dalkuna sidaa ahaadana ka sakow faragalinta shisheeye
waxaa sabab u ah rijaalu saban(qabqable)+tujaarul xarbi+dhiig
kariye(nabadoon)+ma liibanayaasha lagu liibaanay(mooryan)+ dhibana dhibka
wada(shacabka)+culimo is diidan= ii talin maysid, kuuna talin maayo.
labadaas masiibo een kor ku soo xusay waxaa garab socda qabyaalad maamulkii
dowladnimo, noloshii iyo rajadii aaaqiro ee dadkaba saameysay, eeg cabirka
waxa qaybsi waa 4.5, eeg arin waxay mari' niin waliba hoobiyoow ridaa ,
haybtiisna waa hogaaminaa'' rayiga uu mushkiladda qaranka qof waliba ka
qabo inta badan waxay la jirtaa meeshii qabqablaha beeshiisa ihi la jiro,
eeg dil iyo boob wixii beeshaddu gaysato qof waliba qiil buu u raadin xitaa
kuwa diinta iyo dadnimadda wanaagsan lagu tuhmayo tanina waa mushkilad aan
ka dhib yareyn labadda aan kor ku soo xusay.
Runtu waxay tahay C/laahi iyo inta la aragti ahba waxaa laga filayey
Itoobiya waa lagu rati kacsadaa , ugu yaraan hadaan xumaantas la hureyn inuu
ku xukun gaaro, balse qof damiir iyo diin lihi ka aqbali maayo Itoobiya
qaranka hoos gayn, ragga Muuse Suudi iyo Caato u horeeyana laga aqbali maayo
dalku siduu yahan ku haynaynaa ee waa inay la yimaadan xikmad ugu yaraan
Xamar nabad iyo maamul ku helo inkastoo waaya aragnimadda aan dalka gaar
ahaan Xamar u leeyahay ay adag tahay in xal inta hadda wax wadaa ay ka
gaarto waayo danlay dhaqalo(dekad iyo garoonlay), jufo la fil, xer C/laahi
la jirta intaba xalka mgaaladda ayeey la wadaagan tiiyoo ay wehliso inaysan
inta isku mabda ihi ficil cad kala hor tagi karin inta ka mabdaa waayo
daqiiqado gudahood ayaa xaajadda loo fasirayaa qabiil.
Gabagabadii tuf ugaas iyo talo bulsho rayid Carta ku dhalatey shaqeyna
waysay, talo qarileyna Nayroobi dowladeda ku dhalatey iyana inay shaqeynaso
uma muuqato, hadda saddex jihaa furan reer Muqdisho oo goodinta amxaaro ay
wax garan siiso oo magaaladda xaliya, kadib in dalka intiisa kale daawo
hesho waa laga yaabaa, tan labaad waa fikrad xilliigii Carte ka hor la wday
oo ahayd shirwaynaha Qaran Hargaysa ha lagu qabto kursiga Soomaali isku
dishayna sanadkaan reer waqooyi ha la siiyo bal in midnimadii iyo nadaamkii
dowladnimo ku soo noqdo inkastoo dad badan arrintaas ay rajo dhig ka yihiin,
tan saddaxaad waa Nabigga nabadgalyo iyo naxariisi kor kiisa ha ahaatee baa
xadiis ku yiri' waxaa la idin yaaba marka kuwa idinku xumi idiin taliyaan'
sidaas darteed si tala xumayaasha looga gudbo waa in kuwa noogu qayrka badan
ee noogu qaran iyo diin jeceli ay masraxa soo istaagan dadkuna ay iyaga
taageeran si badbaado qaran loo helo.
WQ Maxamed Adan Caanageel
caanageel@hotmail.com
Afeef: Aragtida qoraalkan waxaa leh qoraaga ku
saxiixan
Faafin: SomaliTalk.com | March 11, 2005
Waraysi Samsam
iyo Codsasho Caawinaad Soomaalino...
iyo
Shirkadda Dahabshiil oo Sanduuq Mucaawino u Furtay Samsam...
Samsam waxa ay shaaca ka qaaday in ay dacwadeeda u
gudbineyso Maxkamadaha Aduunka ee Caalamiga ah, waxana ay...
Guji...
Kulaabo bogga www.SomaliTalk.com
Daabaco
Boggan | Print