Daabaco Boggan | Print

---

• warbixin: Aadan yuusuf qodax hargaysa | Maarso 18, 2005
  email: aadanqodax@somalitalk.com ama qodax28@hotmail.com

  ---

Soddon xubnood oo kamida xildhibaadanada beesha harti kaga jira golaha baarlamaanka somaliland ayaa sikulul uweeraray siyaasadaha madaxweyne rayaale ee deegaamada bariga ee ay kasoojeedaan, xildhibaanadan oo xalay soosaaray warsaxaafadeed wuxuu warsaxaafadeedkoodu uqornaa:-

Uguhorayn markaynu sibalaadhan uwada ogsoonahay baahida balaadhan ee loo qabo nabada oo ka wada hanaqaada qaranka somaliland, markaynu dib u jaleecno baaqyada nabaddoonka ah ee bilihii ugu danbeeyey ka soo yeerayey caalamka gaar ahaan xoghayaha guud ee qaramada midoobey Mr. koofi anan, midawga africa ,midawga yurub,jaamacada carabta ,garaadada sool ,sanaag bari, iyo buuhoodle.

Markaynu ognahay rabitaanka madaxdhaqameedyada iyo bulsha weynta somaliland gaar ahaan gobolada sool, sanaag ,togdheer, saaxil iyo hargaysa iyo sida ay ugu heelan yihiin nabada lagusoodabaalo xurgufta kajirta gobalada sool iyo sanaag bari. markaynu dib uxasuusano sida ay somaliland ugu dhisantahay wada hadal, isxaqdhowr, isqancin iyo waayeelnimo ku salaysan dhaqanka wanaagsan ee reer somaliland saldhiga u ahaa ,lagagana soo gudbay marxalado badan oo somaliland ku dhisantahay somalida kale iyo aduunkana dheer tahay somaliland. markaynu dib u milicsano sida hagarla'aanta ahayd ee ay uga qaybqaateen heshiissiintii cade muse iyo abdilahi yousuf iyo sida ay tan maanta somaliland gudaheeda dhagaha uga furaysatay .

Markaan sidhab ah uxusno weftigii salaadiinta,siyaasiyiinta,iyo golaha guurtidu ku tageen laascaanood iyo sidii ay ugusoodabaaleen in deegaankaas maamulka lagu fidiyo iyo sidii hawsha yarayd ee rayaale usooburburiyey maamulkii yaraa ee kajirayna uga sooraray , marka aan kala quusaney in ciidamada qaranka ee deegaamada bari ku sugan ay hogaamiso siyaasad qaran oo hor socota si ay u gaadhaan waajibaadkii ay u tageen deegaanada bariga somaliland. marka aanu geed dheer iyo geed gaaban u fuulnay in uu badelo siyaasada foosha xun ee uu cadaystay maamulka xukumada maanta jirta ee ah dhaqaale lagu bixiyo maamul iyo ciidan aan jirin oo sanad walba lagu daro miisaaniyada balse aan gaadhin deeganada sool, sanaag bari iyo degmada buhoodle taas oo u jeedadoodu tahay fogayn lagu fogeynayo deegaanada iyo dadka u dhashay.

Markaanu hoosta ka xariiqnay talooyinka axsaabta qaranka,goloyaasha qaranka ,salaadiinta somaliland iyo cidkasta oo danaysa isu dhamaashaha somaliland iyo sidaan daboolka looga qaadin ,markay noo cadaatay in ha'yadahii samofalka ee somaliland joogay loogu ogolaadey in ay puntland wax uga keenaan taas oo aan dhicin 14sano ee somaliland jirtay in deegaanadaas mar qudha xagaas wax looga keeno maanta ka hor. hadaba markaad eegto arimaha aan kor ku soo sheegnay iyo kuwo kale oo aanaan halkan ku xusinba waxaa ay noola muuqatay sidan :-

in madaxweynaha talada hayaa maanta somaliland dal ahaan iyo dad ahaanba si toos ah u kala go'nayo, iyadoo aanu qabno in uu dano gaar ah ka leeyahay , danahaas oo aan somaliland u adeegayn, masuuliyadana aan cidi la wadaagidoonin.

talo soojeedin :-

1. golaha guurtida ,salaadiinta ,axsaabta qaran,cuqaasha iyo waxgaradka somaliland dibada iyo gudahaba waxaanu soo jeedinaynaa in si dhakhso ah loo bilaabo hir galinta wada hadalka nabadeed ee ka soo geedhaya madaxdhaqameedyada sool ,sanaag bari , iyo buuhoodle looguna cayimo meeshii iyo maalintii ay soo codsadeen .

2 . in aan wada hadalkaa nabadeed cid danbe u darbanaan taas oo aan aragno dhamaystirkii ugu danbeey ee somaliland ku dhamaystirmilahayd dad ahaan iyo dhul ahaanba.

3. beesha caalamka gaar ahaan UNka IGAD,midawga yurub midawga africa ,jaamacada carabta iyo kuwa xuquuqul iinsaanka maraykanaka waxaanu ugubaaqaynaa in ay nagu taageeraan nabada iyo dhamaystirka dimuquraadiyada somaliland .

4. cade muuse madaxweynaha maamulka puntland waxaanu ugubaaqaynaa in uu sibilaa shuruud ah uga soo daayo maxaabiista kuxidhan Garoowe uguna wareejiyo isimada sool ,sanaag bari iyo degmada buuhoodle si ay kuwii kalena ukaxeeyaan.

5. Daahir rayaale madaxweynaha somaliland waxaanu ku adkaynaynaa in aanu dimuquraadiyadii iyo wada tashigii nabada somaliland saldhiga u ahaa kubedelin digteeternimo dhaxalkeeda hore loo soo arkay.

6. ugu danbayntii raga kudhaw madaxweynaha ee lataliya talo aan somaliland dan u ahayn ama qayb somaliland kamida fegaynaysa ,waxaanu usoojeedinayna in ay kawaantoobaan majaraha qaloocan ee ay hayaan . magagacyada mudanayaasha warsaxaafadeedka ku saxeexan:

1. cumar faarax budeeye
2. jibriil cali salaad
3.c/qaadir maxamed xasan
4.cali maxamad aadan
5.cawil c/laahi caydiid.
6.c/rashiid sheesh c/laahi
7.cusmaan xuseen gurxan
8.cali cumar axmed
9.cali ismaaciil jabaar
10.yaasiin ismaaciil cali
11. maxamed jamac cabdi
12. c/qaadir jamac xaamud
13.cabdi faarax ducaale
14. c/qadir jamac dheere
15.cabdisalaan maxamed siciid
16.xirsi ciise jaamac
17. muuse ciise faarax
18.maxamad hirad shirdag
19.maxamad xuseen huruuse
20.cismaan sharmaarke caamir.
21. c/risaaq warsame xayir
22.maxamad axmad maxamad
23. maxamad xirsi muslin
24. c/waaxid c/ qaadir c/ raxmaan
25. maxamad siciid dhiif
26.axmad xasan saalax
27.maxamad cali warsame
28.sh.cabdi faarax
29. axmed nuur
30. faysal ismaaciil.
alaa mahad leh

warbixin: aadan yuusuf qodax
email : aadanqodax@somalitalk.com

Faafin: SomaliTalk.com | Maarso 18, 2005

Aniga Oo Ah Xildhibaan G/Wakiilada Somaliland Waa Sidee Arinta Sool, Bariga Sanaag iyo Buuhoodle:
Qoraal dheer oo uu soo saaray C/risaaq Warsame Xayir ayaa tibaaxay in.. Guji.. Dec 7, 2004

Waraysi Samsam iyo Codsasho Caawinaad Soomaalino...
iyo Shirkadda Dahabshiil oo Sanduuq Mucaawino u Furtay Samsam...
Samsam waxa ay shaaca ka qaaday in ay dacwadeeda u gudbineyso Maxkamadaha Aduunka ee Caalamiga ah, waxana ay... Guji...

Kulaabo bogga  www.SomaliTalk.com 

SEARCH