Waraysi uu xildhibaan Barre
Hiiraale kaga hadlayo aragtidiisa ku aadan kala qayebsanaata xubnaha
baarlamaanka iyo sida uu u soo dhawaynayo keenista ciidamo shisheeye
oo uu maanta siiyay shabakada warbaahinta Somalitalk
- "...ilaa iyo haaatan
magac uyaal weeye magacaabideyda dowladuna wali Nairobi
baytaagantahay.." Barre Hiiraale
Somalitalk :Marka hore
mudane barre hiiraale ku soo dhawoow shabakada warbaahinta ee
SomaliTalk.
Xildhibaan
barre hiiraale: Waad mahadsantahay waana dhawahay adeer
Somalitalk:: ugu horayen
waxaan ku weydiinayaa mudane wasiirada amuuraha dibada ee IGAD waxay
soo saareen go'aanka kama dambeys ah oo ka soo baxay kulankii labada
maalin ay lahaayeen ee ku saabsanaa in ciidamada safka hore laga
baajiyo wadanka soomaaliya islamarkaana lakeeno laba dal oo kamid ah
IGAD sida Uganda iyo Suudan sidee ayaad u aragtaa go'aankaasi ay
gaaren wasiirada IGAD?
Xildhibaan Barre: go'aankaas
aad baan u soo dhoweynayaa waana waafaqsaanahay fikirkana in ay
ciidamo keento IGAD waan rabnay lakiin waxaan diidaneen dowladaha
aan deriska nahay in ciidamadooda maanta soomaaliya lakeeno hadiise
baarlamaankii taasi ansaxiyeen wasiirada IGADna ay aqbaleen waan soo
dhoweynaynaa aad iyo aad baana ula shaqeeneynaa hadii alle idmo.
Somalitalk:
Kalsooni intee la eg baad ku qabtaa in dowladaha yugandha iyo
suudaan ay wax ka qaban karaan xaalada murugsan ee soomaaliya ?
Xildhibaan Barre: anigu
horey baaban u cadeeyoo ciidamo ajnabi ah oo dhan waxan aaminsanahay
in waxaanan qaban ayasan qaban karin markaa kalsooni buuxada iyo
mid bar ahba kuma qabo in laba dowladood ay soomaaliya arimaheeda
xalin karto lakin soomaaliya ay xalin karto arimaheeda ,dowladbaa la
dhisey nadaambaa loo sameeyey hadii ay iyagu ilaaliyaan ayagaa ku
filan xalinta soomaaliya, hadiina ay na soo celiyaan kal
dambeytoodii hubkana dhigaan iyagaaba ku filan ,taasaanba anigu
aaminsanahy in ay ku filantahay.
Somalitalk: Raga kamidka ah
labada gole ee dowlada kumeelgaarka ah ee doonayo in ciidamo safka
hore ah la keeno soomaaliya waxay ku doodayaan in dowladaha safka
hore ay aqoon uleeyihiin dalka iyo dadka laakiin yugandha iyo suudan
ay san waxba ka qaban karin wadanka soomaaliya marka la eego howlaha
nabad ilaalinta ee adiga sidee kuula muuqataa taas.
Xildhibaan barre: Anigu
waaban sheegay waxaan soomaalidu qabsan cidna uma qabankarto lixdan
iyo wax la jiro oo dowladeed ayaa isku dayey in ay soomaaliya xoog
wax uga xaliyaa oo ku xalin kari waayey markaa labo iyo sedex iyo
waxii lamid ah oo Africa ah in aaysan xalin Karin baan aaminsanhay
xiligaan maanta ahna soomaaliya xoog uma baahno ,dhibaato ay kasoo
daashaday dagaalo horlehna waxba ma anfacayaan ,in laysu keeno la
heshiisiiyo , la dhexdhexaadiyo marka uu dhamaadan qilaafka
dhexyaala waxaa dhamaanayaa mushkiladaha u baahan in ciidamo
shisheeye lakeeno ,markaa anigu waxaan aaminsanahay in wax xoog wax
oga xalinkara soomaaliya aysan jirin afrika ha noqoto ama dowlado
kaloo ku soo kordho hanoqoto .
Somalitalk : Wasiirada
labada gole ee dowlada wey sii kordheysaa qilaafka u dhexeeya
adiguna waxaad ku sugantahay magaalada labaad ee koonfurta
soomaaliya markaa in tee buu la egyahay adiga xiriirka aad la
leedahay masuuliyiinta dowlada ?
Xildhibaan barre: Dowlada
anigu waan ka tirsanahay labadeeda golaba sharafteeda iyo
karaamadeedna waa ilaalinayaa meelkastoo aan joogana ayada
shaqadeeda baan ka hayaa hadii ayagoo nayroobi joogana ay noqdeen
laba garab dabcan waxaan raacayaa kan u dhow nadaamka iyo kala
dambeenta ,waxaana iyaga kula dardaarmayaa in ay tanaasulaad isu
sameeyaa ilaaliyaana tasturkaasi.
Somalitalk: Markaa loo eego
wadamada dagaaladu ay aafeyen adigu wasaarada aad iminka tahay ee
dib udhiska iyo dib udejinta waxay ku jirtaa shanta wasaradood ee
ugu horeya dalka marka lixda bilood oo ay dowlada dhisantahay maxaad
qabatay majiraanse talaaboyin kuu qorsheysan oo kamid ah dib
udhiska iyo dib u dejinta?.
Xildhibaan barre: Maya maya
ilaa iyo haaatan magac uyaal weeye magacaabideyda dowladuna wali
nayroobi baytaagantahay waxaan umalaynayaa markay wadanka soo gasho
umbaan waxi dhaqaala ah iyo waxii la dhisayo arkaynaa.
Somalitalk: Sidee ayey isu
qaadanayaan in aad tiraahdo waxaan ahay wasiirka kaliya ee shaqeya
iyo wasaarada lay magacaabay waa magac uyaal ?
Xildhibaan barre: Maya magac
u yaalku waaxaa weeye maanta wasiir waajibaadkisii haysta majiro
sababtuna waa waxaa layiri dib udhiska iyo dib u dejinta waxayna
ubaahantahay in dowladu ay dalka soo gasho mashaaraadki la dejiyo ,xafiisyadii
loo sameyo ,wasaaradahoodii la sameeyo cida ka kaalmaynaysa ama
gacan ka siinaysa la ogaado dhaqaalaha wax lagu dejinayo ama wax
lagu dhisayona la helo. Markasaa anaga ayaa nala dhihi kara maxaa la
dejiyey maxaa lagu darikaraa.
Somalitalk: Ugu dambeyntii
wasiir waxaad joogtaa gobalka ugu dadka badan gobolada soomaaliya
shacabkuna waxay u baahanyihiin dowlad,
Rajo inte la egbaa ka qabtaa in
dowlada ay ka howlgasho gudaha dalka somaaliya.?
Xildhibaan barre:
Walaahi lama saadaalin karo laakiin waxaan ogahay in dhib badan uu
ka jiro dalka horeyna waan utilmaamay soomaaliya shan iyo toban sano
ayey dagaalo iyo dhibaatooyin ku dhex jireen markaa shan iyo toban
sana waa waqti dheer markaa dagaaladaasi sidii loo soo afjari lahaa
waxay u baahantahay dhaqaalo aad u farabadan.
Somalitalk: aad iyo aad
ayaad u mahadsantahay mudane xildhibaan
xildhibaan barre:
Adinkaa mudan
cabdi qadar nuur maxamed (filipiin)
kismaayo somaliya
Email: cabdiqadar@somalitalk.com ama cabdiqadar84@hotmail.com
Faafin: SomaliTalk.com | Maarso 20,
2005