- Shirkii golaha Wasiirada
Xukuumada Federaalka Soomaaliya ee maanta ka dhacay Nairobi...
- Tubman oo sheegay in la
tixgaliyo Go'aanka Baarlamanku uu gaaro.
Shirkii golaha Wasiirada
Xukuumada Federaalka Soomaaliya ee maanta ka dhacay Nairobi...
Shirkan waxaa Gudoominayay
Rasulwasaaraha Soomaaliya Prof Cali Maxamed Geedi waxaana ku Soo
xaadiray73 iskugu Jiray Rasulwasaare ku Xigeeno Wasiiro wasiiro ku
xigeeno & Wasiiru doowlayaal shirku waxa uu biloowday 11.30 Daqiiqo
Saacada Nairobi,
Shirku waxa uu ku biloowday Afkaaro
ay iswaydaarsanayaan Xubnaha Golaha Wasiirada Soomaaliya iyagoo ay
halkaa ka hadleen ku dhawaad 42 Xubnood, wasiiradu waxaa la siiyay
10 Daqiiqo oo ay ku cabiiraan afkaartooda iyagoo ka dooday halka ay
xukuumadu uguurilahayd ,
Hadaba shirkaa markii Raysulwasaare
Geedi ku dhawaaaqay in la codeeya ayaa waxaa shirka ka baxay 10
Wasiir oo uu ku jiro Raysulwasaare ku Xigeen ahna Wasiirka
Warfaafinta iyo Afhayeenka Xukuumada Federaalka Dr Maxamuud Jaamac
Sifir, Wasiirka Aminga Qaranka Maxamed Qanyare Afrax iyo XaajiMuusse
iyo Xubnokalle,
Markii ay xubnahani shirka ka
baxeen ayuu raysulwaarse Gedi xubnihii kalle ee Wasiirada ka
codsaday in cod loo qaado iyagoo 63 Wasiiro iyo wasiiro ku xigeeni
wasiiru doowlayaal iskugu jiraa ucodeeyeen in Xukuumadu ay Dagto
Jawhar & Baydhabo,
Waxaa kaloo la go aamiyay in Xafiis
laga Furo Muqdisho isla Markaana Nabadgalyada Magaalada Muqdisho
lagu Sugo ilaa iyo 3-4 Bilood.
Xubnaha Shirkan ka baxay waxa ay
sheegayaan in ay sharci daro tahay in Golaha Wasiiradu ay iyagu Axdi
qarameedka wax ka badalaan ayna tahay Arin utaala Baarlamaanka
Soomaaliya waxaa kaloo ay Daliishanayaan in Qodobka 52 la jabiyay oo
aysan sharci ahayn in Wasiiro ku xigeenadu ay fariistaan shirka
Golaha Wasiirada,
Wasiirka Ganacsiga Al Xaaj Muusse
Suudi Yalaxow waaxa uuii sheegay in ay dhawaan soo saari doonaan war
saxaafadeed ka turjumaya go aanka ay qaadan doonaan.
Golaha Wasiirada waxa ay 5 Bishan
ansixiyeen in Soomaaliya la keeno Ciidamo ka Socda Midoowga Afrika
oo aan loo kalla saarin Saf hore iyo Mid Danbe waxaa kaloo ay go
aamiyeen in la keeno Ciidamo ka Socda Jaamacada Carabta,
Hase yeeshee Amuurtaas waxaa
Gaashaanka ku dhuftay Xubnaha Baarlamaanka Soomaaliya oo iyagu
sheegay in aan Soomaaliya looga Baahnayn Ciidamo ka socda Safka hore
waloow Ansixintaa dhiigBadani ku Daatay,
Lama oga tilaabada Xigta iyo
Samaynta ay ku yeelan Doonto Xubnaha Doowlada Amuurtani waxaase
maalmahan soo ifbaxay Khilaafyo hareeyay Xubnaha Doowlada
Axmed Muusse Cabdulle(Idaawaqaca)
Kenya_Nairobi
Axmeddheere65@hotmail.com
Tubman oo sheegay in la tixgaliyo
Go'aanka Baarlamanku uu gaaro.
Ridwaan
Xaaji C/Wali.
Winston
Tubman oo kamid ah mas'uuliyiinta in muda ah ka shaqaynayay
shirka dib u heshiisiinta Soomaaliyeed oo wakiil uga ahaa
Qaramada Midsoobay ayaa sheegay in ay muhim tahay in shacabka
soomaaliyeed ay taageeraan Dawladda cusub isla markaana dalka
daganaanshihiisa dib loo soo celiyo.
Winston oo aan waraysi la yeeshay
isagoo ku sugnaa London waxaa uu sheegay in ay muhim tahay in
Dawladda Soomaaliyeed ay tix galiso aragtida ay qabaan shacabka
Soomaaliyeed oo uu sheegay in ay muhim tahay isla markaana ay ka
gudbaan khilaafka dhexdooda ah si loo taaba galiyo hanaanka dib
u heshiisiinta dalka Soomaaliya.
Waxaa kaloo winston Tubman aan ka
waraystay rajada uu ka qabo in uu ku guulaysto doorashada
Madaxwaynanimada dalkiisa Liberia ee bisha October sanadkan ka
dhici doonta dalkaasi oo ay u taaganyihiin in ka badan 20
Musharax ayaa waxaa uu sheegay in uu ku guulaysan doono mar
hadii inta badan dalkaasi ay taageerayaan.
Waxaana lagu wadaa Tubman oo ah
nin Magac wayn ku leh dalkaasi in ay isku soo haraan isaga iyo
George Weah oo ahaa Ciyaaryahan aad looga yaqaanay dalkaasi oo
ka ciyaari jiray kooxda AC Milan ee dalkaasi Talyaaniga oo
dalkaasi isna aad looga yaqaano.
Waxaa uu sheegay in Soomaaliya uu
sii wadi doono dib u heshiisiinteeda iyo xiriirka uu la leeyahay
soomaalida hadii uu ku guulaysto doorashada Dalkaasi.
Tubman mudadii uu joogay London
waxaa uu la kulmay Somali Concern Group oo ay ka wada hadleen
kaalinta loo baahanyahay in Soomaalida qurbaha ay ka qaataan
dib-udhiska dalkaasi oo in muda ah bur bur uu soo wajahay.