SOMALITALK.COM DALSAN
w w w . S o m a l i T a l k . c o m
SOMALITALK - WARAR
  • Waftiga Madaxweynaha oo Booqday Magaalada Sabarata, Liibiya
  • Prof. Geeddi oo Booqday Idaacadda Codka Afrika(Voice of Africa)
  • Cabsi soo wajahday kalluumaystada Jasiiradaha Jubbada Hoose

Waftiga Madaxweynaha oo Booqday Magaalada Sabarata, Liibiya

war1- 29-tripoli... Madaxweynaha Dowladda Federaalka ee KMG Soomaaliya Mudane Cabdullahi Yuusuf Axmed oo uu wehliyo Raiisul Wasaaraha Xukuumadda Prof Cali maxamed Geedi iyo ku-Xigeenadiisa dhinaca Arrimaha Gudaha iyo Maaliyadda ayaa maanta booqasho ku tagay Magaaladda Sabarata oo ah Magaalo Taariikheed oo ay dhiseen Ilbaxnimadii Finiiqiyiinta iyo kuwii Romanka.

Madaxweynaha iyo wafdigiisa markii ay tageen Magaaladaasi Sabarata, waxaa halkaasi si diiran ugu soo dhaweeyay gudomiyaha gobalkasi iyo Masuuliyiinta Dowladda Liibiya, waxaana lagu soo wareejiyay dhismooyinka Qadiimka ah ee ku yaala Magaaladasi burburtay, taasoo ay sheegeen Masuulka Xaruntaasi in Sabarata la dhisay qarnigii Labaad ee Dhalashadii Nebi Ciise ka hor.

Madaxweynaha Dowladda Federaalka KMG Mudane cabdullahi Yuusuf waxa uu uga mahadnaqay masuuliyiinta Dalka Liibiya, gaar ahaan kua gobalka Sabaraata, sidii walaaltinimada leh ee ay isaga iyo Wafdigiisa ugu soo dhaweeyeen isdaga iyo wafdigiisa, isagoo ku tilmaamay Magaalo xambaarsan Taarikh fog iyo Ilbaxnimo soo jireen ah.

Prof. Geeddi oo Booqday Idaacadda Codka Afrika(Voice of Africa)

War 2.. 29 march... Raaisul Wasaaraha Xukuumadda Federaalka KMG prof Cali Maxamed Geedi ayaa maanta Soo booqday Idaacadda Codka Afrika(Voice of Africa) oo ku hadasha in ka badan 11 Af oo looga hadlo Qaaradda Afrika.

Raiisul Wasaaraha Xukuumadda Soomaaliyeed markii halkaa tagay waxaa si xamaasad leh ugu soo dhaweeyay Agaasimaha Idaacadda Codka Afrika Suxufiyiinta iyo Shaqaalaha Idaacadaasi, wuxuuna siiyay wareysi dheer oo uu kaga waramay Heshiiskii Dib u Heshiisiinta Soomaaliyeed ee lagu dhisay Dowladda federaalka, sida ay haatan isugu diyaarineyso in dib Dalka Soomaaliya ugu Guurto.

Mudane Cali Maxamed Geedi, wuxuu kaloo wareysigiisaasi ku xusay doorka ay Jamaahiiriyadda Liibya ka soo qaadatay gacansiinta Shacbiga Soomaaliyeed muddadii ay ku jireen Dagaaladda Sokeeye, wuxuu amaanay Safaaradda Liibiya ay ku leedahay Magaaladda Muqdisho oo uu sheegay in ay Ummadda Soomaaliyeed ay la qeybsadeen xiligii adkaa ay soo mareen.

Raiisul wasaaraha Xukuumadda Soomaaliyeed waxuu kaluu xusay doorka uu Hoggaamiyaha Jamaahiiriyadda Liibya mucamaral Khadafi ka qaatay dib u habeynta Ururkii Midowga Afrka iyo dadaalka uu ugu jiro Mideynta Dalalka ku yaala Qaaradda Afrika.

Afhayeenka Dowladda Soomaaliyeed Mudane Cabdiraxmaan Nuur Maxamed diinaari oo kulan la yeeshay Agaasimaha Idaacadda Codka Afrika ayaa ka waddahadalay sidii ay Idaacadaasi Dowladda Soomaaliyeed gacan ugu sii laheyd dhismaha Idaacad,iyo Tababarida Shaqaalaha Warfaafinta ee Dalkan Soomaaliya.

Diinaari iyo Agaasimaha waxay fadhigaasi iskula soo qaadeen in Luqadaha ka baxa Idaacadaasi lagu daro Afka Soomaaliga, taasoo uu soo dhaweeyay Agaasimaha, wuxuuna balanqaaday in wixii qalab, Tababarid iyo Isdhaafsi dhinaca Warfaafinta ay gacan ku siin doonaan Dowladda soomaaliyeed.

Isha: Diinaari | Liibiya

Cabsi xooggan ayaa soo wajahday kaluumaysatada iyo dadka deggan jasiiradaha gobolka jubbada  hoose kadib markii la dareemay dabaylo xooggan oo wata duufaano oo ka bilowday xeebaha badweynta hindiya oo marta gobolka J/Hoose

  • Cabdi qadar nuur maxamed (filipiin)
    Kismaayo soomaaliya

Kaluumaysatada  gobolka Jubbada Hoose ayaa waxa ay sameeyeen shaqo joojin kadib markii habeenimadii xalay  uu bad gariir ku dhuftay qaar ka mid ah jasiiradaha ku yaala wadanka indonusiya  oo ay martyo bad weynta hindiya.ayado sidoo kale ay feejignaan xoggan ay ku jireen dadka deggan xeebaha iyo jasiiradaha gobolkan.

Kaluumaysatadaan ayaa walwal baaxad leh ka muujiyay ka shaqaysiga xeebaha gobolkan ayadoo ay sheegeen  in haatan ay jiraan dabaylo xoogan oo aan horay loogu arag xeebaha ayadoo ay horayna u jirtay dad badan oo ay waxyeelaysay duufaantii tsunaami oo kow iyo toban dal oo aduuunka ka mid ah ku dhufatay 26 December ee sanadkii tagay islamarkaana ay ka mid aheyd wadanka soomaaliya meelahii ay waxyeelada ka soo gaartay musiibadaasi tsunaami.

Hadaba ayadoo oo ay wali muuqanayso qasaarahii  soo gaaray qaar ka mid ah kaluumaysatada ku dhaqan jasiiradaha ku teedsan gobolka jubbada hoose  ayaa haatan dadkaasi la dareemayaa in ay ka bara kaceen goobahii ay daganayeen ee ku dhawa xeebaha si ay oga gaashaantaan dhibaatooyinka laga fili karo  bada hadii ay la timaado wajiyo shabaha kuwii musiibada tsunaami. 

Dhanaka kale wafti ka socda hay'ada world concern oo booqasho ku marayay jasiradahi ay saamaysay duufaantii sunaami ayaa kor meer howled kusoo maray maanta jasiiradaha gobolkaan oo ay ka midka yahiin kudhaa koyaamo iliis kiyaanboomi iyagoo kormeerkoodaan oga gol leh in ay soo indha indheeyeen islamrkaana soo xaqiijiyaan dhibaatada haysata dadka ku taabaaloobay  waxyeeladii tsunami sanadkii tagay dabayaaqadiisa iyagoo sheegay dadka ay la kulmeen in ay dhibaato ba anai ka haysatay dhanaka biyaha iyo agabaka hoyaatinka ayagoo dadkaasi ay horay oga burbureen  baraagahii ay biyaha ku kayedsan jireen qalabkii kaluumaysiga iyo waliba qalab kale oo mihiim ah. 

Hadaba kormeerayaashan oo ay weheliyeen masuuliyiin ka socday hay ada afric ee uu fadhigeedu ayahay magaalada kismaayo ayaa si wada jir ah dadkaasi oga caawin doona dhinacyada biyaha qalabka kaluumaysiga iyo kuwa hoyaatinka aydoo horey ay u jirtay mucaawino ka socota haysada walrd  consern loona soo mariyaya hay ada afric ay horey u gaartay dadkii ku waxyeeloobay musiibadii tsunami qaarkood

Cabdi qadar nuur maxamed (filipiin)
Kismaayo soomaaliya
Cabdiqadar84@hotmail.com

Faafin: Somalitalk.com | Maarso 29, 2005


U.N. oo Soomaalida Uga Digtey Badgariir...
Wasiiro & Xildhibaano Gaaray Magaalada Xudur
Kismaayo: Kulan looga hadlay dhismaha Maamul Goboleed
Liibiya: Kulan ay yeesheen waftiga madaxweynaha DFKMG
Warka oo dhan ka akhri... Guji...


Waraysi Samsam iyo Codsasho Caawinaad Soomaalino...
iyo Shirkadda Dahabshiil oo Sanduuq Mucaawino u Furtay Samsam...
Samsam waxa ay shaaca ka qaaday in ay dacwadeeda u gudbineyso Maxkamadaha Aduunka ee Caalamiga ah, waxana ay...
Guji...

Kulaabo bogga  www.SomaliTalk.com 

© www.SomaliTalk.com

SEARCH

 



HTML CD