-
Garoowe:
Wasiirka Ciyaaraha Puntland Oo
magacaabay Masuuliyiin Kuwo kalana
Xilkii kaqaaday Maanta.
- Caaqilka
Reer Maxamed Faarax Oo Eedaymo Iyo dhaliilo
Dusha Looga tuuray, Asagoo Jooga Magaalada
Neyrobi.
Garoowe:
Wasiirka Ciyaaraha Puntland Oo magacaabay
Masuuliyiin Kuwo kalana Xilkii kaqaaday
Maanta.
Garoowe: (Somalitalk)
Thursday, March 31, 2005
Wasiirka ayaa
masuuliyiin cusub u magacaabay gobolda Mudug
iyo Bari.
Wasiirka shaqada shaqaalaha Sportiga iyo
dhallinyarada Dowlad Goboleedka Puntland
Siciid Jaamac Cali (Qoorsheel) ayaa maanta
xafiiskiisa ka soo saaray laba dikreeto oo
kala ah mid uu xilka ugu magacaabayo midna
uu masuuliyiin xilka uga qaadayo.
Wasiirka ayaa jagadii iyo xilalkii ay kala
hayeen ka qaaday guddoomiyeyaashii Sportiga
ee gobolladda Mudug, Bari iyo xoghayihii
Sportiga gobolka Mudug .
Waxayna dikreetooyinka uu Wasiirku soo
saaray u qoraayeen sidatan
Dawlad goboleedka Puntland Puntland State of
Somalia
Wasaaradda Sh/Sh/sbor. Ministry of Labor,
Youth and Sport.
Xafiiska Wasiirka
Office of the Minister.
Ref: WW/Sh/Dh/Isb/7405
Ku:- Wasaaradda Maaliyadda DGPL Groowe
Og: Xisaabiyaha Guud ee DGPL Garoowe.
Og: Hanti dhowrka guud DGPL Garoowe.
Og:Agaasimayaasha Guud ee dhalinyarada
Isboortiga. Garoowe.
Og: Guddoomiyeyaasha G/Bari ,G/Mudug.
Rugtooda .
Ujeeddo: Ruqsayn Shaqaalaha kala ah
1. Ismaaciil Maxamed Maxamud ahaana /Gudd
hore /isbooritga G/Bari.
2. Ilyaas C/nuur Xirsi ahaana /Gudd hore
Isboortiga G/Mudug.
3.Cabdi Cali Ibraahim ahaana Xoghayihii hore
/Isbooritga G/Mudug.
Tixraac Warqadda sumaddeedu tahay
AG/W/Isb/001/05 kuna taariikhaysanayd
26/03/2005, xanbaarsanaydna talo soo
jeedinta kusaabsanayd xil ka qaadista
xubnaha kor kuxusan , taasoo ay caddaatay
eedayntooda kusaabsan hagrasho shaqo iyo
dacaayad liddi ku ah waxqabadka wasaaradda .
Sidaa darteed , maadaama la galay xilli
cusub lana rabo in la xoojiyo shaqada
dawladda waxay wasaaradda shaqada
dhallinyarada iyo Isboortiga DGPL ay
bilowday lafa gurka iyo ukuurgalka heerka
waxqabad , aqooneed iyo waajibaad gudasho ee
Shaqaalaha Isboortiga.
Hadaba wa, markaan la tashadaay wasiir
kuxigeenka wasaradda waxaan go'aamiyay in la
ruqseeyo sahqaalaha magacayadoodu kor ku
xusan yihiin.
Waxaan madaxda warqaddani sida tooska ah ugu
socoto iyo ogaysiintaba leh ugu socoto laga
codsanayaa inay ka qabsadaan wixii ka
quseeya ruqsayntan.
Siciid Jaamac Cali (Qorshel)
Wasiirka Shaqada shaqaalaha dhallinyarada
iyo Sportiga
Wasiirka shaqada shaqaalaha Sportiga iyo
dhallinyarada Puntland Siciid Jaamac Cali
(Qoorsheel) ayaa maanta xafiiskiisa mar kala
kasoo saaray dikreeto uu xilal ugu
magacaabayo SPortiga gobollada Puntland.
Mud: Qoorsheel ayaa Siddeed Masuul u
magacaabay xilal kala duwan , dikreetadii uu
ku magacaabayna waxay u qornayd sidan:-
Dawlad goboleedka Puntland Puntland State of
Somalia
Wasaaradda Sh/sh/dh/Isbor Ministry of Labour
Youth and Sport.
Office of The Minister.
Ministry of lbor , youth and Sport
Wasaaradda Shaqada shaqaalaha Isbooritga iyo
dhallinyarada
Ku: Wasaaradda Maaliyadda DGPL Garoowe.
Ku: Shaqaalaha lamagacaabay Rugtooda.
Og: Agaasimaha guud ee Dh iyo Isportiga
Puntland Garoowe.
Og: Ag/waaxda Isbooritga Garoowe.
Og: Xisaabiyaha guud ee DGPL Garoowe.
Og: Hantidhowrka guud DGPL Garoowe.
Og: Guddoomiyeyaasha gobollada Rugtooda
Ujeeddo: U magacaabid Xil.
Markaan arkay dastuurka DGPL
Markaan tixgaliyay baahida loo qabo dar
dargalinta shaqada dawladda .
Markaan eegay qaab dhismeedka wasaaradda Sh,
Dh, iyo Sportiga .
Markaan la tashaday wasiir kuxigeenka
wasaaradda.
Waxaan go'aamiyay in loo magacaabo xilalkaan
kala ah:-
1. Mustafe C/raxmaan Xasan Guddoomiyaha
SPortiga gobolka Bari .
2.Siciid Maxamed Sheekh Cusmaan Guddoomiyaha
Sportiga gobolka Mudug.
3. Cabdihodan Dayaxleef. Xog-hayaha Sportiga
gobolka Mudug.
4.C/qaadir Cali Daahir. Guddoomiyaha
Sportiga gobolka Nugaal.
5.Daa'uud Aadan Rooble Guddoomiye kuxigeenka
Sporitga G/Nugal.
6.Maxamed Yuusuf Caamir(Jarco) Guddoomiyaha
Sportiga gobolka Karkaar.
7.Maxamuud Axmed Shire (Gacamey) Xoghayaha
Sportiga Karkaar.
8. Maxamed Maxamuud Jaamac Guddoomiyaha
Sportiga G/Haylaan
Sidaas daraadeed waxaan madaxda warqaddani
tooska ugu socoto iyo ogaysiintaba ugu
socoto laga codsanayaa inay ka qabsadaan
wixii ka quseeya magacaabiddan .
Sidoo kale waxaan masuuliyiinta loo
magacaabay xilalka kala duwan la farayaa
inay sideg deg ah utagaan goobaha shaqada
lana wareegaan qalab xafiiseedka iyo
Dukumintiyada Shaqo.
Fulin Wacan
Siciid Jaamac Qoorsheel
Wasiirka Shaqada Sh/Sportiga iyo
Dhallinyarada Puntland
###
Caaqilka
Reer Maxamed Faarax Oo Eedaymo Iyo dhaliilo
Dusha Looga tuuray, Asagoo Jooga Magaalada
Neyrobi.
Galkacyo:(Somalitalk).
Khamiis,31,03,05
Waxaa in mudo
ahaydba uu muran ka taagnaa hadalhaynta
Suldaanka Beesha Reer Maxamed Faarax (Reer Cali
Maxamed) Suldaan Cabdiwahaab Maxamuud Guray.
Suldaanka ayaa
waxaa lagu ee deeyay in uu ku jiro waxyaabo aan
dan u ahayn dhalinyarada Reer Maxamed Faarax
ayadoo ay ka mid ahaayeen wax yaabaha lagu
eedaynayo in ay yihiin kutumasho iyo xadgudub
kadib markii uusan soo ogaysiin waxyaabo badan
oo dhalinta ay u baahnaayeen la socodsiinteeda
ama ka doodideeda.
dhalinta ayaa
sheegtay ama uga digtay in uu isaga haro
waxyaabaha uu ka fulinayo gudaha gobolka, ayna
sheegeen in ay ka mid yihiin xil ka qaadis uu
horay ugu sameeyay Xildhibaankii beesha Reer
Maxamed Faarax, Sh, Maxamed Cabdulaahi Cali,
asagoo ku badalay ayay yirahdeen nid aan u
qalmin xilka loo dhiibay oo ay ku sheegeen in uu
yahay reer miyi ama aan lahayn aqoontii uu lahaa
xildhibaankii hore.
Hadaba qaar
kamida dhalinta oo ay somalitalk wax ka
waydiisay waxa dhaliyay muranka haatan maadaama
la soo dhaafay xiligeedii laga doodi lahaa waxa
hadda ku curiyay? ayay ku jawaabeen sidatan'
waxaan uga
doodaynaa xiligan oo nagu curiyay waxay tahay
waxa aan aaminsanayn in uu yahay mid noo
dadaalaya, balse waxaan aragnay in uu
dibindaabyo nagu wado ayna garab ku siinayaan
qaar kamida odayaasha beesha oo ayagu caadaystay
laaluush in ay qaataan ogolaadanna in uu wax
walba ku dhaqaaqo marka anagu madoonayno in aan
faahfaahino hadda waxa calooshayada ku jira ee
waxaan la sugaynaa xiliga ay ku haboontahay.
Su,aal:
Mid kamida isla dhalinta oo magaciisii ka
gaabsaday ayaan sidoo kale wax ka waydiiyay in
ay jiraan eedaymaha iyo dhaliilaha loo soo
jeedinayo Caaqilka in ay wax ka jiraan?
Jawaab:
Haa wax way ka jiraan waayo kuuma xog waranneen
oo masheegneen wax kutiri kuteen ah ee sida uu
saaxiibkay horay kuugu sheegay anagu waxaan ku
eedaynaynaa in uu yahay mid anfaca oo doonaya
danihiisa oo kaliya balse aan anaga wax aan ku
raacno aysan nooga muuqan qofkana waxaa laraaci
karaa oo kaliya marka uu fulinayo tiisa iyo tan
dadka kale.
S:
Adigu maxaad cadayna oo haysaa?
J:
Taa cadayn uma baahna waayo waxaa ka
mida oo aad adiguba ogtahay in oo xildhibaan
nooga dhigay Xirsi Cabdi Oog oo wax uu yaqaan
aysan jirin markii uu dooranayayna ama
magacaabayay oo laaluushay wax qarsoon oo aan
haatan qarinayno taa maaha ee wax yaabo kale
ayuu gabood fallo noogu gaystat. hadaan tu saale
kuu siiyo waxaa jiray in labo wiil oo da,doodu
ahayd 9, iyo 13, jir ay ku dhinteen yamayska
biyaha ee Galkacyo waxaan waydiisanay in uu
nasiiyo gawaari aan ku ilaalino maydka maadaama
ay habayn ahayd oo aan la raadinkarin xiliga
la,ogaaday balse mid laga soo saaray xilli hore,
hadaba waxa aan ugu tagnay asagoo aroos ah
gurigiisa waxa uuna noogu jawaabay iska seexda
waydhinteen ciyaalku uma baahna wax ilaalo ah
anagoo aad u caraysan ayaan ka soo tagnay; marka
waxay taa natustay in danihiisa oo kaliya uu
matalayo.
S:
Maxaad xiligan uu maqanyahay u soo bandhigteen
dhibaatada uu idiin gaystay?
J:
Anagu kama baqayno haduujoogo iyo haduu
maqanyahay ee tani mar la sheegaba waxaan u
malaynayaa in uu ku sanyahay oo qofku waa uu
ogsoonyahay wax walba oo uu gaysto haduu
garanwaayo waxa uu falayna asaga ayay doqonnimo
u tahay.
S:
Adinku soo laftiina idinma dhibayso waxaydan u
dulqaadanayn in aad qaadataan oo marka la qabto
oo lafuliyo howsha' aad banaanada ka hadashaan
adinkoo aysan idin horjoogin cidda aad danbiga u
haysataan.?
J:
Haa! lakin maaha in markiiba la soo
bandhigo ee waxaa lala sugaa xiligeeda lakin
waxaa jira waxyaabo aad soo gocanayso oo afku
uusan xajin karin in uu xafido.
S:
Yaa kula qaba arintaan?
J:
Dhaliyaro badan oo laftooda eed ka
tirsanaysa iyo waliba odayaal uu suuqa ku
ceebaystay, xitaa waxaad arkaysaa in dad badan
oo familada daga Galkacyo ay ka eed sheeganayaan
oo hadda aysan maqli katin.
S:
Adigu ma waxaad aragtaa mise wa laguu
sheegay in ay dad badan eedaynayaan mise waa
waxaad maqashay.?
J:
Maya waa waxaan xaqiiqdeeda hayo ama
aniga aan ahaado ama cid kale ha,ahaato oo
arintaa wayjirtaa cidkalana lama su,aalayo.
S:
Ma,ogaysiiseen qaybaha kale ee beesha aan ka
dhalateen.?
J:
Haa!
S:
Maxay idiinku jawaabeen?
J:
Horta qaarkood waa tuug kalkaal iyo
kuwo aan iyadu haysan qarash waayo waxay barteen
suldaan, caaqil iyo mid lahalmaalaba laaluush in
ay ku shaqeeyaan oo taas ayaa iska jirta lakin
looma joojinayo xiliga aan soo jeesano.
Su,aal:
Haatan waxa uu joogaa neyrobi howlaha
uu ku maqanyahay waxaad kala socotaa?
J:
Wax aan kala socono ama kala socdo
majiraan lakin cid uu wax ugu maqanyahay
majiraan oo waxaan u malaynayaan awalba tiisa
ayuu dhamaysanjiray ee inuu haatanna ku maqanyay
oo waxaa jiray maqaalna nagu soo gaaray in uu
soo dhamaysanayo dokomintiyo uu doonayo in uu
kula wareego Iskuulka Cbdulaahi Bincabaas oo
kamida waxyaabaha oo doonayo in uu ku habsado
wuxuuna kamidtahay waxyaabaha been abuurka uu ku
doonayo oo haatan aan ku haysano.
S:
Maxaad u soo jeedinaysaa dhalinta Reer
Maxamed Faarax ee daalacata Somalitalk?
J:
Waxaan u soo jeedinayaa in la iska
celiyo lagana hortago dhamaan laaluush
qaatayaasha ayadoon loo aabo yeelin caaqil iyo
mid la halmaalaba.
sahro sheikh |
sahrosiglan@hotmail.com