SOMALITALK.COM DALSAN
w w w . S o m a l i T a l k . c o m
SOMALITALK - WARAR
  • Ra'iisul wasaaraha DFKG ah oo ku sugan Dalka Jabuuti.
  • Somali Concern Group oo la kulantay Chris Mullan MP,
  • Kismaayo oo Laga Xusay Maalinta Haweenka
  • Boosaaso oo looga Dabaaldegey 8da Maarso

Wafdi uu hogaaminayo Ra'iisul wasaaraha DFKG ah oo ku sugan Dalka Jabuuti.
 
Wafdiga dowladda ee uu hogaaminayo wasiirka koowaad Cali Maxamad geddi ayaa xalay ka ambabaxay magaalada Nairobi iyagoo ku sii jeeda dhowr dal ka mida ah wadamada IGAD.
 
Ra'iisul wasaaraha oo hogaaminaya sideeed xubnood oo ka kala socda labada golle ayaa wadahadalo la yeelan doona madaxda dalalkaas uu tagi doono kadib markii uu ka helay casuumad sida uu xaqiijiyay wasiiru dowlaha wasaaradda warfaafinta dowalada FKMG ah ee soomaaliya Salaad Cali jelle.
 
Wadamadan kala ah jabuuti,itoobiya iyo yugandha waxa uu waftigu ku hormaray xalay dalka jabuuti isagoo halkaasna kula kulmay qaar ka mid ah madaxda dowladda jabuuti caawana waxaa la filayaa in uu u duulo dalka itoobiya.
 
Dalka yugandha shir ka dhacaya oo ay iskugu imaanayaan wasiirada gaashaandhiga iyo saraakiisha ciidamada wadamada IGAD ayaa lagu wadaa in waftiga ay cali geddi ka qayb galo halkasna waxaa ku sugan wasiirka gashaan dhiga C/raxmaaan Maxamad.

Socdaalka geddi ayaa la xiriira muran xoogan oo ka yimid ciidamada safka hore ee ka mid noqonaya ciidamada IGAD si ay soomaaliya uga howlgalaan, wadahalo ku saabsan arrintan ayaa la sheegayaa in wasiirka koowaad la soo yeelan doono wadamadan.
 
Shalay ayuu baaqday shir la filayay in barlamanku kaga doodo arrintan ciidanka loona codeeyo si dhinac uun ay ugu dhacdo laakiin waxaa baajiyay wadahalo hoose oo u dhaxeeye labada golle mas'uuliyiintooda kuna saabsan ciidamada, caasimada iyo halka ay ciidamadu ka imaanayaan iyo arrimo kale oo aan la shaacinin.

Canab Mumtaz | Nairobi


Somali Concern Group oo la kulantay Chris Mullan MP, ahna wasiirka arrimaha dibedda (arrimaha Afrika) ee UK. 

Mas置uliyiinta ururka Somali Concern Group ayaa maalintii 8da Maarso 2005 kulan ugu tagay xafiiska wasiirka arrimaha dibedda una qaabilsan arrimaha afrika ee waddankan UK, Chris Mullan halkaasoo ay uga hadleen arrimo badan ee la xirriira waddanka Somaliya iyo xaaladda uu ku sugan yahay. Mas置uliyiinta SCG ayaa warbixin kooban siiyey wasiirka ku saabsan ururka SCG iyo howlaha uu qabto. 

Masuuliyiinta ayaa ugu mahadceliyey wasiirka waqtigiisa qaaliga ah ee uu siiyey, iyagoo sheegay in arrintan ay ka tarjumeyso sida ay dowladda UK diyaarka ugu tahay sidii waddanka Somaliya wax loogu qaban lahaa. Mas置uliyiinta SCG ayaa kala ahaa Guddoomiyaha ururka Mudane Abdirahman Omar Osman (Eng. Yarisow) iyo Mudane Mohamud Ahmed Nur (Tarzan) arrimihii ay kala hadleen wasiirka ayaa waxaa ka mid ahaa ciidamada shisheeye ee lagu wado in la keeno waddanka Somaliya.  

Waxaa kaloo laga wada hadlay arrimaha deeqda ay siiso dowladda UK waddanka Somaliya iyo siday u noqon lahaayeen kuwo waxtar u ah shacabka Somaliya. Wasiirka ayaa sheegay inay UK u diyaarisay dhaqaalo ay ugu tala galeen dowladda ku meel gaarka ah, mas置uliyiinta ayaa ka codsaday in dhaqaalaha la siinayo waddanka ay ku baxaan shacabka Soomaaliyeed iyo dib u dhiska iyadoo ay kula taliyeen wasiirka in la sameeyo hay誕do madaxbannaan oo ka tala bixiya habka ugu habbon ee kharashkaas loogu adeegi lahaa maslaxadda bulshaweynta soomaaliyeed. Guddigana ay ku jiraan kubaro soomaaliyeed. 

Sdioo kale waxaa laga wada hadlay sidii waxbarashada waddanka Somaliya ay dowladda UK qeyb xoog leh uga qaadan laheyd si looga badbaadiyo carruurta iyo dhalinyarada soomaaliyeed inay noqdaan kuwo nolol maalmeed ka raadiya qaadashada qoriga. Isla markaana la xoojiyo ururada bulshada rayidka ah ee waddanka gudihiisa ka howlgala.  

Ugu danbeyntii mas置uliyiinta SCG waxey wasiirka ka codsadeen in si gaar ah loo tixgeliyo qaxootiga soomaaliyeed oo aan dib loogu celin waddankii illaa xaaladda waddanka amniga uu isbedelo.  

Wasiirka ayaa ugu mahadceliyey mas置uliyiinta SCG booqashadooda iyo dadaalkooda ay u hayaan ummadda soomaaliyeed, kana codsaday inay sii kordhiyaan dadaalkooda una sheegay in dowladda UK ay diyaar u tahay inay la shaqeeyaan. Sidoo kale mas置uliyiinta SCG ayaa u mahadceliyey wasiirka iyo waqtigiisa qaaliga ahba.  

Warkaan waxaa lagaal xiriiri karaa:
Abdirahman Omar Osman (Eng. Yarisow)
Email:
Somali@somaliconcern.org


Banaanbax lagu maamuusayo xuska maalinta haweenka aduunka ee 8 maarso oo maanta ku beegneyd oo dhacay maanta magaalada kismaayo 

Banaanbaxaan maanta ka dhacay magaalada Kismaayo ee lagu soo dhaweynayey maalinta haweenka aduunka ayaa waxaa uu xoogiisii ka dhacay beerta xoriyada ee magaalada kismaayo ayadoo la arkayey ururada haweenka ee magaalada kismaayo oo ay wehelyaan qolyaha banbayda qaraaca, ardayda iskulada iyo waliba dadweyne aad u fara badan oo socod ku marayey laamiyada waaweyn ee magaalada Kismaayo. 

Ururada haweenka ee magaalada Kismaayo oo maanta soo abaabulay munaasabdaan lagu xusayo maalinta haweenka aduunka ee sideeda maarso ayaa dhammaantood waxaa laga dheehan karay labis u gaar ah oo ahaa dhar cad cad islamarkaana gacmaha ku sitay calanka buluuga ah ee soomaliyeed waxay sidoo kale hablaha maanta gacmaha ku siteen boorar lagu soo qoray halkudhagyo gaar u ah haweenka oo ay ka midyahiin, haweenka waa macalinka guriga waana barbaariyaha jiilka soo koraya iyo erayo kale oo soo jiidasho leh. 

Banaanbaxii maanta ee lagu soo dhaweynayey maalinta haweenka aduunka ee ka dhacay magaalada Kismaayo ayaa waxaa ka soo qayebgalay dhammaan ururada maxaliga ah ee gobolada Jubooyinka maamulka degmada, odayaal dhaqameedyo, culumaa udiin iyo waliba masuuliyiin sar sare oo ka socday maamulka isbahaysiga dooxada jubba aydoo halkaasi qudbado kala duwan laga soo jeediyey . 

Hadaba dadkii maanta banaanbaxaasi kasoo qeybgalay oo qudbadaha halkaa kasoo jeediyey ayaa waxaa ka mid ahaa gudoomiye ku xigeenka arrimaha bulshada ee Isbahaysiga dooxada jubba mudane Cabdi Raxmaan Haaji Axmed (Waldiire) islamarkaana ka wakiil ahaa gudoomiyaha isbahaysiga dooxada jubba xildhibaan barre aadan shire (barre hiiraale) oo isaga halkaasi ka maqnaa asagoo waldiire carabka ku dhuftay xaquuqda aasaasiga ah ee ay leeyahiin haweenak iyo sida ay lama huraanka uga yahiin bulshada dhexdeeda waxaa sidoo kale waldiire sheegay intii uu halkaas ka qudbaynayey abaal usan waligiis ilaaweyn oo ay u gashay gabar soomaaliyeed  oo joogta magaalada nayroobi ee carigaasi Kenya xili uu halkaasi ku cadibmay ka hor intii uusan horaantii bishan uusan imaan gobolada jubbooyinka gabadhaan ayuu waldiire magaceeda ku sheegay nafiso yaasiin  islamarkaana ah buu yiri xaas nin cadaan ah oo u dhashay wadanka talyaaniga isagoo abaalka gabaahdhan uu ku sheegay  in gabadhaan soomaaliyeed ay soo saartay diyaarad xili uu ku cidabmay garoonka wilsan Airport ee magaalada nayroobi ayadoo halkaa ay gabadhaan dayuurada iga soo saaraysay ay joogeen toban rag ah oo soomaaliyeed oo ayagu iga raadinaya laftaya laaluush balse gabadha ay lacag la aan igu soo saartay dayuurada ayuu yiri xili ay goroonkaasi ka jirtay dayaarad la aan ayna I hayesteen dano adag waxaana uu intaas raaciyey waldiire in gabadhaas ay ku sheegtay abaalka ay u gashay yaradkii uu ku laha ninkaan cadaanka ah maadaama ay gabar soomaaliyeed tahay uuna qaboo nin cadaan ah islamarkaana uu waldiire balan qaaday in gabadhaas uu ugu abaal gudaayo in uu magaceeda ku xuso kob  ama meel walba oo uu ka hadlo. 

Waxaa sidoo kale halkaasi qudbad kasoo jeediayay gudoomiyaha degmada daahir maxamed cilmi (daahir carabey) oo isagan ku dheeraaday doorka lama ilaawaanka ah oo ay haweenka soomaaliyeed gaar ahaan kuwa gobolada jubooyinka ay oga qeyb qaateen nabad u raadinta gobolkan iyo waliba kaalinta xoogan ay ku dhexleeyahiin bulshada hadii ay ahaan laheyd dhinaca nadaafada, faya dhoworka isagoo ku tilmaamay dadka  aan garaneyn kaalinta haweenak ay ku dhexleeyahiin bulshada kuwo wax magarato ah . 

Sdioo kale waxaa halkaa qudbad dheer  ka soo jeedisay gudoomiyaha uruka haweenka reer kismaayo Marwo Xaawo Ugaas Faarax oo nasiib wanaag ku tilmaantay in maanta ay halkaan isagu yimaadaan haween ka kala socda dagmooyinka gobolkan islamarkaana ay si wada jir ah oga qeyb qaadanayaan maalinta ay gaarka u leeyahiin ee sideeda maarso

Waxayna Marwo Xaawo Ugaas bidhaamisay wax qabadka lama huraanka ah ee ay haweenaka reer kismaayo qabteen intii ay jireen  iyadoo ku boorisay  haweenka kale ee ku nool gobolkan iyo soomaaliya oo dhan in ay u istaagaan sidii ay dadkooda ula qeybsanlahaayeen dhibaatada islamarkaana ay muujiyaan firfircooni dheeri ah ayna kasoo baxaan waajibaadka saaran waxayna ugu dembayentii Xaawo halkaas oga hanbalyeysay haweenka aduunka gaar ahaan kuwa soomaaliyeed. 


gudoomiyaha uruka haweenka marwo xaawo ugaas faarax

af.isbahaysiga dooxada juba waldiire

Ugu dambeyntii waxaa halkaas qudbad kasoo jeediyey gudoomiyaha dalada Jubbo Net oo ay ku bahoobeen in kabadan 35 Urur oo maxali ah oo ka jira gobolkan Mr Cabdi Naasir (ilka case) ilka case intii uu qudbaynayay waxa uu ku nuuxnuuxsaday  muhiimada ay leeyahiin haweenk isagoo yiri hadii ladoonayo in la dhiso bulsho iyo shacab isku xiran ugu horeyn waa in laga soo bilabaa qoyoska ayuu yir ila case mar uu wax ka sheegayay doorka haweenka islamarkaana ay kaalin lixaad leh ka qaateen waa haweenkee daminta colaadaha iyo burburkii ka jiray soomaaliya waxa uuna  sheegay in ay maanta haweenka mudanyahiin in  loo doorto booska ama xilka dowlada ugu sareeya ee madaxweynanimo maadaama ay ragii ka miro dhalin waayeen . 

Gunaanadkii banaanbaxaan maanta ka dhacayay beerta xoriyada ee magaalada kismaayo ayaa waxa uu koo gabagaboobay jawi dagan iyo reynrayen aydoo habeenidama caawa ahna xaflad casho oo lagu sagootinayo xuska maalinta sideeda maarso ay haweenak reer Ksmaayo iyo kuwa gobolkan ee weheliya ay ku qaban doonaa hoteelka Marindian ee magaalada Kismaayo . 

cabdi qadar nuur maxamed (filipiin) | SomaliTalk | Kismaayo



Gudoomiye ku xigeenka Gobolka Bari Yuusuf Muumin Bide

Wasiirka Diinta iyo Awqaafta DGPL Barqad Cali Saalax

Isku xiraha Ha,ayda Nabada iyo Xuquuqda aadanaha ee Gobolada Puntland Cabdi Faarax Maxamed

Madaxdii oo Fadhida Xafladii 8 Maarso

Sheekh Cali Raage

Waraaqihii Qudbada oo la qaybinayo

Xiriiriyaha Dalada U heelanayaasha Danaha Hawewnka Xaawo Cali Jaamac

Maanta oo looga Dabaaldegey Maalinta 8 Maarso Magaalada Boosaaso

Waxaa Maanta oo ay ku aadaneed 8 Maarso oo ah maalin lagu magacaabo Maalinka Haweenka Adduunka oo Guud ahaan looga Dabaaldago Adduun waynaha ayaa Soomaaliya looga Dabaaldegay si Guud gaar ahaan Gobolada Puntland Goboladooda oo ay ka mid yihiin Gaalkacyo, Garoowe, Qardho, Laascaano, Baran, Dhahar iyo Gobolada Degmooyinkooda waaweeyn, Dabaaldegyadaa oo Qaarkood ay ka dhacday Magaalada Boosaaso ayaa lagu bilaabay Socod Maalintii Shalay ee ka horeysay Maalinka 8 Maarso oo ay Guud ahaan Magaalada Boosaaso Haweewnka kumareen.

Socodkaa ayaa waxaa soo Qaban qaabiyeen Dalada u heelanayaasha Danaha Haweenka WAWA oo ay ku Midoobeen Daladaa Ururo badan oo Haweenka, waxaa kaloo ka mid ahaa Dabaaldegyadaa Xaflad ay Qabteen isla Dalada u heelanayaasha Danaha Haweenka WAWA manta Xafladaa oo lagu Qabtay Hoteelka Caanka ah ee Ponarama ee Magaalda Boosaaso ayaa waxaaa ka soo Qayb galay Wasiirka Diinta iyo Awqaafta DGPL Barqad Cali Saalax, Gudoomiye Ku xigeenka Gobolka Bari Yuusuf Nuumin Bide, Isku Duwaha Dowladaha Hoose ee Gobolka Bari, Taliyaha Qaybta Booliska Gobolka Bari, iyo Kuxigeenka Duqa Degmada Boosaaso, Waxaa ugu horeentii ka hadlay Xiriiriyaha Dalada WAWA Xaawo Cali Jaamac oo in badan ka hadashay Xuquuqda Dumarka iyo sida ay Nimanka Soomaaliyeed u Duudsiiyaan xuquuqda Dumarka ay leeyihiin waxaa kaloo ay Halku dhiga manta loogu magic daray ay ku tilmaantay Sinaanta Raga iyo Haweenka ee Xaga Waxbarashada, Caafimaadka, Nolasha iyo Shaqada iyadoo tilmaanta in la joojiyo Dhiiga Dumarka ee la daadinayo oo ay ka waday Gudniinka fircooniga ee Dumarka aydoo ay Xiriiriyahu ay ka Aqrisay Qudbad aad u dheer oo ay soo diyaarisay Daladu ayaa waxaa ay ku soo Dhaweysay Gudoomiye ku xigeenka G/Bari Yuusuf Muumin Bide oo ka hadlay Dumarka Iyo kaalimaha ay kaga Jiraan bulshada oo uu soo qaatay kaalintii ay ka soo qaateen Halgankii Xornimo doonka ee Soomaaliyeed oo ay iibiyeen Hanti waxay haysteen kuna tageereen Halgama yaashii.

Gudomiye Ku xigeenka waxaa uu ku soo Dhaweeyay Wasiirka Diinta iyo Awqaafta DGPL Barqad Cali saalax oo Xusay Diiniyan in ay Diinta Islaamku Xuquuqdooda u tilmaantay Dumarka taasna ay tahay in aan meel loodhaafi karin lakiin Raga Soomaaliyeed ay Aqristaan Diinta Dumarkana ku dhaqaan waxaa Wasiirka ka dib ka hadlay isku xiraaha Hay,ada Nabada iyo Xuquuqda Aadanaha ee Gobolada Puntland Cabdi Faarax Maxamed oo halakaa ka soo jeediyaya Baaq ku wajahan Dagaalada ka socda Gobolda Mudug iyo Galgaduu in si shuruud la,aan ah loo joojiyo Xabada laguna badalo wada hadal iyo Baaq ku wajahan ilaalinta Xuquuqda Dumarka oo qaarkood lagu xad gudbo isagoo tusaale u soo qaatay kuwa soo Bara kacay ee ku nool Goobaha aanay si rasmi ah u daganay oo isla markaana lagu kufsado Dumarka.

Waxaa ugu Dambeyntii ka hadlay Sheekh Cali Raage oo ku hadlaayey Dhinaca Culimada oo Diiniyan tilmaamay in la qaato Diinta Islaamaka maadaama Illaahay Na,abuurtay Aduunkaana noo keenay Cibaado Allahna aan u Noqonayno waa in aan qaadanaa Kutubka uu noo soo Dajiyay laguna Dhaqaa Dumarka Xuquuqdoodana si wanaagsan Illaahay uu inoogu sheegay oo aan laga Qarin lana Baro kutubka Quraanka Kariimka ayuu yiri Shiikh Cali Raage.

Xafladaa oo lagu soo Gabagaba Gabeeyey Jawi aad u wanaagsan oo ay kasoo qayb galayaashii ay ka dhiibteen fagrado ku saabsan Xuquuqda Dumarka oo fagrad ahaan iskugu soo Ururay in loo ogolaado Xuquuqda Dumarka Diiniyan waxa ay ka Qabto Diinta Islaamka maada Soomaalidu tahay Dad Islaama 100%



Banaanbaxii Dumarka ee Dabaal Daga 8 Maarso

Gawaaridii oo ay ku xiran yihiin Calaamadihii Dabaaldaga 8 Maarso

C/Fatax Jamac | somalitalkpl@yahoo.com | Bosaso

Faafin: SomaliTalk.com | Maarso 8, 2005


Boorama: Warar Googoos ah:
Koox Dhakhaatiir Samofal ah oo Gaartey Boorama
Iskuul Loogu Magac daray Maxamed Galbeedi
Aqoon iswaydaarsi: Ilaalinta Xuquuqda Carruurta
Wararka oo dhan ka akhri halkan...

C/Laahi Yuusuf & Geeddi oo La Kulamay Mwai Kibaki
Madaxwaynaha DFKMG ayaa maanta kulan ay albaabadu u xiran yihiin la yeeshay Madaxweynaha Kenya Guji.. Mar 7

Kulaabo bogga  www.SomaliTalk.com 

© www.SomaliTalk.com

SEARCH

 



HTML CD