Caasimadaha
Addis-ababa iyo Muqdisho oo diiday Xukunka Zenaawe
Taliska Meles Zenewi oo 14kii sano
ee la soo dhaafay gacan bira ku hayay Dalka Itoobiya iyo qaybo ka
mid ah dalka Soomaaliya ayaa hadda u muuqda mid gabalkiisu sii
dhacayo, waxaana talis sii libdhaya lagu gartaa marka xarumaha
dalkoo xukumo laga dareemo shucuurta dadka.
Haddaan ku horayno Caasimadda Dalka
Itoobiya ee Addis-ababa oo iyagu fursad u heleen inaan la xadi karin
codkooda maadaama ay Goob-joogayaal caalami ihi korjoogteenayeen,
waxaase nasiib-darro ah inaan goobaha kale ee aan Caasimadda ahayn ee ka
fog fog magaalooyinka aan la tagin taasoo fursad u siinaysa in daaquud
Zenaawi uu ku shubto, ayadoon wali la gaarinna tirintii codadka uu
sheegtay inuu ku guulaystay codadkii dhulalka ka durugsan caasimadda.
Waxaa wakaaladaha wararku xaqiijiyeen in askarta majixinjixiyaalka ah ee
u adeega Zenaawi ay ku dileen meelo doora dad metelayay xisbiyada
mucaaradka sida xisbiga CUD, oo aqlibiyad badan dalka ku leh.
Caasimadda Dalka Itoobiya oo ay ku kulmaan
dhammaan qoomiyadaha dega wadankaas ayaa ku yiri Meles Zenaawi "Na dhaaf
5 sano oo dhib iyo tacadi kale marabnee". Xitaa qoomiyadda uu ka dhashay
ee Tigre waa diideen kalliye talisnimadiisa aan sii waarayn. Meles
Zenewi oo u dhaqma caadada ah Qaybi oo Xukun ayaa hadda waxaa uu u
muuqda mid naf la caariya oo xitaa mamnuucay in la isu yimaado isagoo ka
baqaya kicitaan dadwayne marka uu xoog ku meel marsado goobaha aan la
tegin oo ka durugsan caasimadda, isagoo la wareegay dhammaan howlihii
ciidanka amar degdegana ku soo rogay dalka. Ururada ilaalinayay
doorashada ayaa cambaareeyey sheegashadii Zenewi ee ahayd inuu ku
guulaystay codadkii gobolo badan uuna soo dhisi karo xukuumad cusub,
ayadoon la tirin wali gobalada ka durugsan Addis-ababa.
Dadka ku dhaqan wadanka Itoobiya oo
taariikh aan la inkiri karin leh ayaa hadda ku nool faqiirnimo midda ugu
hooseysa caalamka aan ku noolnahay, waxaa ka jira dalkoo dhan shaqo
la,aan baahday oo kor u dhaaftay 75%, waxaa khayraadkii dalka oo dhan la
geliyay hub iyo ciidan uu ku ilaashado xukunkiisa iyo mid lagu sii
halaago wadamada deriska la'ah siiba dalka Soomaaliya oo ay la degtay
qabyaalad sumaysan.
Dalka Itoobiya oo aan laga aqoon hayb isu
laynta waxuu Meles Zenewi kala dhexdhigay cadaawad aan dhamaanayn isagoo
labo labo isugu jeediyay si uu ugu raago kali talisnimadiisa. waxuu
samaystay xayndaabyo uu ku lugooyo qoomiyadaha kuna magacawday ismaamul
aan waxba ka jirin isagoo wakiilo isaga metela dhigtay gobalada kii uu
ubogi waayana daqiiqad ka tuuro.
Dhinac kale magaalada Muqdisho oo 14 sano
ee la soo dhaafay ka madax banaanayd taliska Zenewi inkastoo dalkii ay
caasimadda u ahayd badi ay gacanta ugu jirtay isaga, oo wakiilo la mid
ah kuwa ismaamulkiisa uu ku ilaashanayay sida Cabdillaahi Yuusuf,
Maxamed Dheere,Riyaale,Aden-madoobe, Qalaad, Maxamuud Sayid Aden,
Cabdillaahi Shiikh Ismaaciil, Shaatigaduud,Cabdi Casiis Sh.Yuusuf,iyo
markii dambe Ina Caydiid, ayaa waxuu geed dheer iyo mid gaaban u fuulay
sidii uu mar gacantiisa usoo gelin lahaa magaalada Muqdisho isagoo ka
dib markii uu is xisaabiyay basaasintiisuna u sheegeen siday uga
midaysan yihiin inay isaga iyo kuwoo wato reer Muqdisho necebyihiin uuna
ku muquunin karin xoog maadaama 2-da milyan ee ku nool hal mar qoriga
qaadayaan markay maqlaan askarta iyo daaquudyada uu naasnuujiyo Meles
Zenawi ,ayuu waxuu maciin biday inuu adduunyada ku beerlaxawsado
argagixiso ayaa Xamar ka talisa oo ku nool, isagoo ujeeda dadka
diintooda iyo dalkooda aaminay ee aan qofna uga hibaysanayn Kitaabka
quraanka iyo Sunnaha Suubanaheenna Muxamad (NNKH). Argagixiso waxaa ah
Zenewiga iyo kuwuu ku quudiyo hubka aan waxba ka dambayn ee la yiri orda
ku soo laaya caruurtiina iyo hooyooyinkiina rafaadsan, Argagixiso waxaa
ah kuwa dadka iyagoo nool gubaya ama godka ku ridaya sida Meles Zenewi.
Argagixiso waxaa ah kuwa Qaran dumis ku sheegaya kuwa diiday
dabadhilfnimada Zenewi, argagixiso waxaa ah kuwa culimada iyo dhabana
khadlayaasha raacay sunnadii nabiga (NNKH) caayaya.argagixiso waxaa ah
kuwadhibaya maatada iyo danyarta.
Meles Zenewi Nayrobina waxuu ka leeyahay
soomaali ayaan ku heshiisiin, Beletwaynana laba hogaamiyaal kooxeed ayuu
3 dii bilood ee lasoo dhaafay ka sameeyay. Maxaa Soomaaliyay loogala
jeeda Mid-land. maxaa loogala Jeeda Galbeed Hiiraan ?. Hubkii
asbuucyadii la soo dhaafay uu soo diray Zenewi ayaa suuq Bakaaraha
harqiyay oo lagu kala gadanayaa. kuwa hoos ordayaw waligiin ma aragteen
Zenewi oo kiish badar ah bixinya, Miino iyo Ak47 deeqsi ayuu ku yahay.
qofkii Gar dheer leh oo ilaahay yaqaana wuu necebyahay,kii dadka laaya
qaadka ruuga wuu jecelyahay.
Kuwa dadkooda neceb oo gabdhahooda
xijaaban yiraa waa argagixsi ayuu jecelyahay.
Intaan Zenewi dabadhilif u noqon lahayn
aan ku dawlad la'aano.
Faafin: SomaliTalk.com | May 18, 2005
Hawlgallo
millatari oo ciidammada xoreynta Ogadeenya fuliyeen
Keligii taliye Zinawi oo
mamnuucay in wax bannaanbax ah la qabto... Guji...
May 17
Siminaar Loo Furay
maamulka & ciidanka nabadgalyada Airpor-ka kismayo
Siminaarkaas oo socon doona muddo 7 cish ah waxaa...
Guji
Isimada Sanaag, Sool
Iyo Cayn oo Beeniyey hadal Aysiideysey L/Afka Soomaaliga ee BBC
»Kismaayo
& Galkacyo: Munaasabado lagu xusay SYL
»Boosaaso:
Cadde Muuso oo kormeeray xarumaha dawlada
»Balcad:
Degmada Hodan oo ka badisay degmada Balcad...
Wararka oo dhan ka
akhri halkan... May 15
Zenawi:
Soomaaliya waa Argagixiso, C/laahi iyo Geedi: Itoobiya waa saaxiibadeen!
Zenawi ayaa Markale Soomaalida Ku Sheegay "Argagixiso"
kaddib markii ay waraysatay AP...
Guji May 13
BFKMG oo ansaxiyay
in dowladu dagto Baydhabo & Jowhar
|