WARARKA MAANTA:::
-
Gudoomiyaha Baarlaamanka iyo
wasaarada arrimaha dibada
Sweden oo shir alaabada loo
xiray yeeshay.
-
Cabdi Qeybdiid oo qareen
cusub loo qabtay
-
Banaanbax
looga soo horjeedo Xarigga
Cabdi Qaybdiid oo saaka ka
dhacay
-
Muuse Suudi
“Xariga Cabdi qaybdiid waa
afduub laga maleegay
-
Qanyare
“Cabdulahi Yuusuf maa la
xiro isagaa qirtey ..
-
Hayadaha Inxa
iyo Gogwa oo si taxader leh
uga Hadley Xariga Cabdi
Qaybdiid
Gudoomiyaha Baarlaamanka iyo
wasaarada arrimaha dibada Sweden
oo shir alaabada loo xiray
yeeshay.
Gudoomiyaha baarlamaanka
Shariif Xassan Sheekh Aadan ayaa maalintiii shalay aheyd
isagu la qaatay shir albaabada loo xiray wasaaradda
arrimaha dibada Sweden, inkastoo kulankaasi wixii kasoo
baxay aan haba yaraatee Shariifku siin saxaafada ayaa
hadana la runsan yahay iney ugu badneyn arrimaha laha
wadahalay xarriga Col Cabdi qeybdiid oo baryahan noqotay
hadal heyntii ugu badneyd ee laga hadlo.
Saaka sagaalkii arroornimana ayaa Shariifka iyo xubnihii
la socdaywaxey Baarlamaanka Sweden kula kulmeen
xildhibaanada iyo madaxda wadankan. Kulankan oo ahaa mid
ay isku weydaarsanayeen labada dhinac isbadaladdii ugu
dambeeyey ee dalka Soomaaliya iyo Natiijadii Shirkii
muddda labada sanno ee qaatay ee aakhirkii lugu soo
dhisay dowlada madaxada ka yahay madaxweyne C/laahi
Yuusuf. Dhinaca dowlada Sweden ayaa wararku sheegayaan
iney ku faraxsan tahay kulanka ay la qaateen masuulkii
ugu sareeyey ee dalka Soomaaliya. Waxaana ay balan
qaadeen iney iskaashi iyo wadashaqeyn dhex mari doono.
Aabirihii kowdii iyo
barkii duhurnimo ayaa wefdi uu hogaaminayo gudoomiyaha
Baarlamaanka KMG ah ee Soomaaliya Shariif Xassan Sheekh
Aadan ka dhoofeen magaalada Stockholm ee caasimada
wadanka Sweden iyagoo ku sii jeeda magalaada London ee
dalka Ingiriiska halkaasoo la sheegay iney shirweyne
caalami ah oo baarlamaanada adduunka ka dhacaya ka qeyb
galayaan.
Cabdi Qeybdiid oo
qareen cusub loo qabtay
Sidda ay qortay
jariirdada afka dheer ee Gothenburg Post ayaa shaaca
ka qaaday in Col Cabdi Qeybdiid loo qabtay qareen
cusub oo difaaci doona.Tan iyo maalinimadii
isniintii ayaa ninka la yiraahdo Pieter Kjessler u
ahaa qareenka arrimihiisa ku howlanaa haatanse uu
dalban karro qareenka uu ku kalsoon yahay. Cabdi
Qeybdiid ayaa cosaday in qareenada kala ah Leif
Silbersky och Thomas Olsson ay kiiskiisa la wareegan,
balse ay maxkamada maanta go'aan ku gaartay
in Thomas Olsson noqdo qareenka u doodaya.
"Maanta gelinka dambe
ayaan gudo geli doona kiiskan, beritana waxaan u
baxayaa magaalada Göteborg oo aan kula kulmayaa
ninkan dembiga lugu soo eedeeyey islamarkaasina aan
dhiniciisa wareysan doona. Beritana waxaa lugu wadaa
iney noqoto maalinta ugu dambeysa la guddo gallo
kiiskan ka hor intaan la siideyn" ayuu yiri Thomas
Olsson oo intaas ku daray in berito ay go'aano kasoo
baxayaan baaritaanka haatan lugu howlan yahay ee la
xirriirta eedeymaha loo heysto ee ah inuu ku lug
lahaa xasuuq la sheegay in sagaashameeyadii ka
dhaceen agagaarka tuulada Jamaame ee gobolka Jubadda
Hoose ee dalka Soomaaliya.
Banaanbax looga soo
horjeedo Xarigga Cabdi Qaybdiid oo saaka ka dhacay
Banaanbax
aad u ballaaran oo lagaga soo hor jeedo xarigga dalka Sweden
lagu xirey Cabdi Xasan Cawaale Qayb-diid ayaa maalinimadii
shalay ka dhacay fagaaraha Tirbunka.
Banaanbaxan oo ay ka soo qayb
galeen dadweyne aad u tira badan oo ka kala socdey Ardeyda
Dugsiyada GlBanaadir, Ganacsatada, Ururo Haween ah iyo
dhallin-yaro ayaa ammaanka goobta waxaa ilaalinayay qaar ka
mid Ciidamada Boliiska Gobolka Banaadir oo ku hubaysnaa
Gaadiidka Dagaalka ee loo yaqaan Tiknikada.
Banaanbaxaas ayaa waxaa sidoo
kale ka soo qayb galay Mas’uuliyiinta labada Gole ee
Muqdisha ku sugan iyadoo halkaasi ay ka hadleen qaar ka mid
ah Mas’uuliyiintii xukuumadda Federalka Somaliya ee
Banaanbaxa joogtay, waxaana ugu horreynba halkaa ka hadlay
Siyaasiinta ay ka mid yihiin Maxamed Faarax Jimcaale,
Ibraahim Sabriye Shaaweeye, Cabdullaahi Firimbi iyo
Cabdullaahi Shiikh Xasan kuwaasoo muujiyay sida ay uga xun
yihiin xarrigga loo geystay Mr Cabdi-Qayb-diid iyagoo
codsaday in si aan shuruudi ku xirneyn loo sii daayo
xoriyaddiisana loogu soo celiyo.
Waxaa kaloo iyaguna halkaa ka
hadlay xildhibaanada ay ka mid yihiin CumarXaashi iyo
Xil-dhibaan Xaabsade kuwaasoo iyaguna fikirkooda ku biiriyay
aragtidii laga qabay Xarigga Cabdi-Qaybdiid..
Muuse Suudi “Xariga
Cabdi qaybdiid waa afduub laga maleegay
Wasiirka Ganacsiga ee Xukuumadda Federaalka
Soomaaliya Muuse Suudi Yalaxow ayaa Madaxweyne Cabdullaahi
Yuusf ku Eedeeyay inuu ka dambeeyey Xariggii dalka Swedhen
lagu xiray Cabdi Xasan Cawaale Qaybdiid’.
Wasiirka oo maalinimadii shalay ahaa ka hadlayay
dibad bax ay isugu yimaadeen dadweynaha Soomaaliyeed oo
dareenkooda ku muujinayay sida ay uga xun yihiin xarigga
Cabdi Qayb-diid ayaa ereyo uu halkaa ka soo jeediyay ku
sheegay in xukuumadda Swedhen ayan wax lug ah ku lahayn
xarigga Qaybdiid balse ay jireen dad arrintaa ka dambeeya oo
Soomaaliya ku sugan, gaar ahaan Magaalada Jowhar waa sida uu
warka u yiriye.
Xaaji Muuse oo hadalkiisa sii wata ayaa intaa
ku daray inayn u dul qaadan doonin falka shirqoolka ah ee
lagula kacay Cabdi Qaybdiid Tallaaba la yaqaana ay qaadi
doonaan haddii dhaqsiyo loo soo deyn.
Qanyare
“Cabdulahi Yuusuf maa la xiro isagaa qirtey ..
Wasiirka Amaanka Qaranka Maxamed Qan-Yare Afrax oo
isaguna ka mid ahaa Wasiiradii Banaanbaxaas ka hadlay
ayaa sheegay in Madaxweyne Cabdullaahi Yuusuf iyo
Ra’iisul Wasaare Cali Maxamed Geeddi ay hadda ka hor ku
balameen in Cabdi Xasan Cawaale Qaybdiid loo magacaabo
Taliyaha Ciidanka Boliiska Soomaaliyeed markii uu
arrintaa soo ban=dhigayna ay uga baxeen ballantii taasoo
uu ku sheegay inay yihiin Khaa’imiin waa sida uu warka u
yiriye.
Mr Qan-yare oo hadalkiisa sii wata ayaa si cad u
yiri “Cayaari waa Gelin Dambe”, falka Qaybdiid lagu shir
qooleyna la isaga harimaayo isagoo dhinaca kalena farta ku
fiiqay in Cabdullaahi Yuusuf uu hadda ka hor qirtay in isagu
uu ahaa Ninkii ugu horeeyey ee Xabbad Rida, Ninkii ugu
horreeyay ee dagaal qaada sidaa darteed isagaaba qirtaye maa
isaga la qabto ayuu Md Qan-Yare is weeydiiyay.
Wasiirka ayaa
ku goodiyay in hadda iyo wixii ka dambeeya Sweden la isku
sugayo, London la isku sugayo, Ameerikana la isku sugi doono
waa siduu hadalka u yiriye taasoo uu ula jeeday in Xubnaha
ay Fikirka isaga soo hor jeedaan ay u dhaxayn doonto in
farta la isku fiiqo.
Wasiirka Howlaha Guud iyo Guriyeynta Cismaan
Xasan Cali Caato oo ka Hadley Banaanbaxaas ayaa sheegay in
xariga Cabdi Qaybdiid laga abaabuley magaalada Jowhar ee
Gobolka Shabeeladda Dhexe wuxuuna farta ku fiiqay in uu ka
dambeeyey Madaxweyne Cabdulaahi Yuusuf
Hayadaha Inxa iyo Gogwa
oo si taxader leh uga Hadley Xariga Cabdi Qaybdiid
NINKII QEYRKIIS
LOO XIIRAYOW ADNA SOO QOOYSO!!!
Bal
magaca eeg. Waa Qaybdiid! Waa waxba kuuma ogoli! Waa
anigaa wada raba, anigaa iska leh, anigaa ku xukuma,
anigaa ku leh!. Waxaa argagax kugu ridaya cajalad
laga soo duubay Dagaalkii Sokeeye ee lagu
buunbuuninayey Mooryaantii kufsiga, dilka, dhaca iyo
boobka ka soo bilowday Xamar ilaa Gedo iyo Kismaayo.
Waxaa Mooryaantaa hogaaminayey Jenaraal Caydiid,
waxaase inta badan hogaanka hoose hayey niman uu ka
mid ahaa Korneyl Qaybdiid. Waxaa wax laga naxo ah
sida marka ay shirarka isugu yimaadaan Odayaasha
Beelahiisu ay cadaawada, afxumada iyo nacaybka u
muujinayaan.
GUJI..... |
Hay’adaha GOGWO iyo INXA ayaa waxa ay
sheegeen in muhimad weyn ay u leedahay Shacabka dib u
heshisiinta Soomaaliyeed iyadoo sheegay in la ogyahay in
Soomaaliya ay ka jireen dagaalo sokeeye oo aan kala go;
lahayn muddo 15 Sanno ah.
Hay’aduhu waxay sheegeen in la
soo gaaray waqtigii la soo af jari lahaa dagaaladaasi
iyadoo dib u heshiisiin buuxdo la dhex dhigayo qaybihii
dagaaladu ay u dhaxeeyeen taasoo xil ballaaran uu ka saaran
yahay Mu’sasaadka Dawladda Federaalka iyo dhamaan qaybaha
kala duwan ee Ururada bulshada iyadoon loo kala harin Ugu
dambayntii Hay’adaha Gogwo iyo Inxa si wadajir ah ugu soo
jeediyeen in xubnaha sar sare ee Dawladda ay heshiiyaan
wadajirna u gutaan waajibaadka culus ee bulshada ka saaran,
in Jaaliyadaha Soomaaliyeed ee dibadaha ku nool ay
kaalintooda ka qaataan hawlaha dib u heshiisiinta Qaranka ee
dalka gudihiisa ka socda ayna ka waantoobaan wax kasta oo
keeni kar is qab qabsi iyo dagaalo sokeeye oo hor leh.
In dhaqso loo magacaabo guddi
Qaran oo xaqiiqa raadis ah oo baaris qoto dheer ku soo
sameeya dhibkii baaxadda lahaa ee kala gaaray Ummadda
Soomaaliyeed mudadii ay socdeen dagaalada sokeeye una gogal
xaaraan sidii loo taaba gelin lahaa dib u heshiisiin Qaran
oo dhamaystiran iyo is cafis guud.
In si dhaqsa ah loo hawl galiyo
Haya’dihii Garsoorka si dadka dembiga ka galaa dadweynaha
dariiqyada u meereysan iyagoo xor ah, waxayna Hay’adahan si
taxader leh uga hadleen xarriga Cabdi Xasan Cawaale Qaybdiid,
waxayna sheegeen in loo baahan yahay in la helo Caddaalad
dadku u siman yahay, waxaana ku saxiixa war saxaafadeedka ay
soo saareen Hay’adahan, Guddmiyaha Hay’adda INXA Cabdi
Naasir Axmed Cusmaan iyo Guddoomiyaha Hay’adda Gogwo Marwo
Maryan Yuusuf Shiikh
W/D Amiin Yuusuf khasaaro
E-Mail:
amiinkhasaaro@hotmail.com
.
Faafin:
SomaliTalk.com | Oct 19,2005
OCT
18: Wararka iyo Maqaalada Laga
Qoray Xariga Col. Qaybdiid
- Wasaarada Arrimaha Dibada
Sweden oo la sheegayo iney la wareegeyso arrimaha
Qeybdiid.
-
Qaybdiid
Milosevic Miyaa?
- Haku waana qaateen ragii ku
xadgudbey bulshada Soomaaliyeed
xadhiga cabdi qaybdiid:
- Golaha Badbaadinta
Shacabka J/Hoose Qabashada Qaybdiid...
-
Qaybdiid
oo Jeegada la Qabtay iyo Koneylka oo “Dowladda” Garqaadaya
-
XARIGA INA-QAYBDIID,
WAA GUUL U SOO HOYATAY INTA CADAALADA JECEL,
- Xariga Cabdi
Qaybdiid Yaa ka danbayay?
-
Akhri halkan akhri.............
Terry
oo Xusuusan Waayey Heshiiskii Shiidaalka ee "Consort" iyo
Puntland
Ra'iisul wasaaraha DFKMG oo warqad u
diray suuqa Ganacsiga Australiya ayaa si weyn uga digey
cawaaqibka ka dhalan kara heshiiska Puntland iyo shirkadaha
Shisheeye, waxaana arrintaas qoraal dher ka qortay jariidada
'The AGE'
Guji...
Oct 17 |