Deegaanka Majayahan oo uu ka Dhacay dagaal u Dhexeeyay Ciidamada Puntland
iyo…
Wararka naga soo
gaaraya deegaanka Majayaan ee Gobalka Bari ee Maamul gobaleedka Puntland
ayaa waxay sheegayaan in halkaasi ay ka dhaceen iska hor imaad dhex maray
ciidamo ka socday maamul Gobaleedka Puntland iyo dad ku sugnaa deegaankasi.
Iska hor
imaadkaan ayaa waxaa ku dhintay ugu yaraan labo katirsan ciidamada maamulka
Puntland, iyo ugu yaraan shan dhaawac ah, waxaana la sheegay in maamulka
laga gubey hal gaari, waxa uuna iska hor imaadkaani ka dhashay markii maamul
Gobaleedka Puntland uu halkaasi ka bilaabay macdan baaris oo uu u xilsaaray
shirkad la sheegay in ay tahay Australian.
Xiisadda halkaasi
ka taagan ayaa dhacday ayadoo maalmahan la wadey waanwaan, waxaase la
sheegay in ay arrinta sii cakirtey markii halkaasi ay ku baxeen ciidamo ka
socda Maamul Gobaleedka Puntland si ay gacan u siiyaan ciidamada kale ee
halkaasi horey ugu sugnaa.
Xubnaha Isbahaysiga la dagaalanka Argagixisada oo wada olole………
Mas’uuliyiin ka tirsan
Isbahaysiga waxa loogu yeeray la dagaalanka Argagixisada ayaa ka wada
Magaalada Muqdisho olole ay ku doonayaan in ay kaga dhaadhiciyaan Beelaha
iyo jufo hoosaadyada ay ka soo jeedaan in ay taageeraan howsha ay wadaan.
Muuse Suudi Yalaxow oo ka
mid ah xubnaha isbahaysigaasi ayaa habeen hore martiqaad u sameeyay Jufada
uu ka soo jeedo, waxa uuna u soo jeediyay in ay taageeraan isbahaysiga isla
markaana ay is garab taagaaan qorshaha uu wado. Kulankaas oo ay ka
qaybgaleen shaqsiyaad kala duwan oo isugu jira Ganacsato, Culuma’udiin iyo
Aqoonyahano ayaa ku dhamaaday natiijo la’aan, markii inta badan xubnihii
shirkaasi ka qaybgalay ay ku gacanseyreen hindisaha iyo soo jeedinta Muuse
Suudi.
Qaar ka mid ah
Mas’uuliyiintii shirkaasi ka qaybgashay oo warbaahinta u waramay ayaa ku
eedeeyay Muuse Suudi in uu doonayo in uu xiligaan beesha geliyo fowdo iyo
dagaalo sokeeye oo micno daro ah, waxayna sheegeen in aysan jirin wax ka
khuseeya beesha isbahaysiga waxa loogu yeeray la dagaalanka Argagixisada.
Sidoo kale waxaa shalay
beeshiisa kulan kula yeeshay Hotel Saxafi Cabdi Shukri Cali Xirsi oo ka mid
ah xubnaha Isbahaysiga oo sidoo kale isna u soo jeediyay in ay taageeraan
isbahaysiga isla markaana ay is garab taagaan howsha uu isbahaysigu ka wado
Magaalada Muqdisho, balse natiijo wax ku ool ah lagama gaarin kulankaasi,
iyadoo dadkii shirkaasi ka qaybgalay uu qofba si u arkay kulanka ay la
yeesheen Cabdi Shukri Cali Xirsi, intii uu kulankaasi socday ayaa qaar ka
mid ah dadkii ka qaybgalay kulankaasi waxay si xoogan u muujiyeen in aysan
dooneyn dagaal ay la galaan Maxkamadaha Islaamiga aysanna dooneyn in dad
ehelkooda ah laga horgeeyo. Nin ka mid ah raggii iyagu qaybglay kulankaasi
ayaa yiri “wixii shirar iyo wax cunid ah waa ka qaybgaleynaa, laakiin lagama
yaabo in aan dagaal u raacno Cabdi Shukri iyo shaqsiyaad kale midna”.
Max’ed Dheere “Khilaafkii
Dowlada waa dhamaaday”
Guddoomiyaha Gobalka Sh/dhexe
Max’ed Cumar Xabeeb (Max’ed Dheere) oo socdaal dhawaan ku tagay dalka
Itoobiya ayaa shalay ku soo laabtay Magaalada Jowhar, waxa uuna ils markiiba
kulan la qaatay xubnaha maamulkiisa waxa uuna u sheegay in khilaafkii u
dhexeeyay isaga Dowladda uu dhamaaday.
“Khilaafkii Dowladda noo
dhexeeyay aniga iyo Ra’isul Wasaaraha ayaa uga heshiinay kulankii aan ku
yeelanay Magaalada Adis-Ababa, waxaana kulankaasi shir guddoominayay
Wasiirka Arrimaha dibadda Siyuum Musfin” ayuu yiri Max’ed Dheere oo intaas
raaciyay in Dowladdu dib ugu soo laabaneyso Magaalada Jowhar.
Max’ed Dheere waxa uu u
sheegay xubnihii uu la kulmay in Deymihii ay Dowladda ku lahaayeen la bixin
doono wixii Dukumunti lahaa, shacabka Jowharna la siin doono deyntii ay ku
lahaayeen Dowladda, Max’ed Dheere wax faahfaahin ah kama bixin safarkii uu
ku tagay dalka Itoobiya iyo ujeedadii uu aaday Magaalada Adis-Ababa.
Max’ed Dheere oo ka mid
ahaa Isbahaysiga waxa loogu yeeray la dagaalanka Argagixisada oo ay ku
jiraan hogaamiyaasha dagaalka ee Muqdisho ayaan ka hadlin waxa uu ka
aaminsan yahay isbahaysiga mar haddii uu heshiis dhex maray isaga iyo
Dowladda, sidii uu u aaday Max’ed Dheere dalka Itoobiya waxaa soo if baxaya
in ay sii kala fogaanayaan kooxihii isbahaysiga, iyagoo qaar ka mid ah
Isbahaysigu ay sheegeen in Max’ed Dheere uu danihiisa u aaday Dalka Itoobiya
isla markaana aysan waxba ka quseyn Isbahaysiga.
Muuse Suudi iyo Cabdi Qaybdiid oo kulan ku
yeeshay Degmada Kaaraan
Habeen hore ayaa xarunta
Muuse Suudi uu ku leeyahay duleedka Magaalada Muqdisho gaar ahaan xaafadda
Kaaraan ayaa waxaa kulan ku yeeshay Wasiirka Ganacsiga Muuse Suudi Yalaxow
iyo Cabdi Xasan Cawaale (Qaybdiid) oo kooxihii Muqdisho u magacaabeen
taliyaha ciidanka Booliiska Gobalka Banaadir, waxaana kulankaasi la iskula
soo qaaday dagaalkii dhawaan ka dhacay Magaalada Muqdisho iyo sidii Cabdi
Qaybdiid uga mid noqon lahaa waxa loogu yeeray isbahaysiga la dagaalanka
Argagixisda.
Warar ayaa waxay
sheegayaan in Cabdi Qaybdiid uu noqonayo nambarka 11-aad ee ku biira
isbahaysigaasi, waxaana dhawaan ku soo biiray Guddoomiyaha Gobalka Sh/dhexe
Max’ed Dheere .
Muuse Suudi ayaa
waxa uu wadaa qorshe ah in ciidamada Isbahaysiga ay is ticmaalaan deegaanada
ay ku sugan yihiin Maleeshiyaadka Cabdi Qaybdiid ee Koofurta Muqdisho.
C/llaahi oo guddi u
magacaabay xiisaddii Ka taagneyd Waajid
Wararka ka imaanaya
Magaalada Baydhabo waxay sheegayaa in Madaxweyene C/llaahi Yuusuf u
magacaabay guddi soo baara xiisaddii ka taagneyd deegaanka kaddib markii
ciidamo laga keenay xerada Kongo ay halkaasi ku dileen in ka tirsan
deegaanka.
Guddigaan oo isla shalay
gaaray magaalada Waajid ayaa markiiba kulan la yeeshay Odoyaasha iyo
Waxgaradka deegaankaasi, iyagoo wax ka weydiiyay qaabkii uu shilkaasi u
dhacay.
Warar ayaa waxay
sheegayaan in ciidamadii laga keenay xerada Kongo uu iyana ka dhintay hal
qof, kaddib markii ninkii horey u dhintay ay is rasaaseen dhex martay,
iyadoo ninkaan dambe uu u geeryooday dhaawicii soo gaaray, waxaana la
sheegay in haatn xiisaddu ay degan tahay.
Caamir
Muusaa oo uga digay hogaamiyaasha Soomaaliya...
Xoghayaha guud ee
Jaamacadca Carabta Caamir Muusaa ayaa uga digay Hogaamiyaasha Kooxaha
Soomaaliya in ay sii wadaan dagaalka ay ka wadaan Magaalada Muqdisho.
Caamir Muusaa
waxa uu sheegay in aysan jaamacadda carabtu aysan u dulqaadaneyn in shacabka
la gumaado isla markaana la sii kordhiyo dhibaatooyinkii ka jiray dalka.
“waa in la
joojiyaa dagaalka, dhibaatooyinka, dirirta iyo xasaradaha ka oogan dalka
Soomaaliya” ayuu yiri Caamir Muusaa, waxa uuna intaa raaciyay in adduunyadu
aysan ka aqbaleyn qabqablayaasha Soomaaliya in ay sii kiciyaan dhibaatadii
haysatay shacabka maskiinta ah.
Xoghayaha Guud
Jaamacadda Carabta Caamir Muusaa, waxa uu ugu baaqay shacabka Soomaaliyeed
in ay fadhiga ka kacaan isla markaana ay dadaal u galaan sidii ay isaga hor
wareeji lahaayeen qaybqab-layaasha dagaalka ee in ka badan 15-sano kor
taagnaa.
Waxa uu sidoo
kale ugu baaqay wadamada Jaamacadda Carabta in ay dedejiyaan kaalmadey ugu
talagaleen dalka Soomaaliya, isla markaana ay Dowladda ka caabiyaan sidii ay
u hanan lahayd amniga dalka.
Malaaqyada iyo Xildhibaanada Digil iyo Mirifle oo wada sidii nabad loogu soo
dabaali lahaa…
Iyadoo maalmahan
sii xumaaneysay ammaanka Magaalada Baydhabo ayaa waxaa shalay shir albaabadu
u xirnaayeen yeeshay malaaqyada, Xildhibaanada iyo Mas’uuliyinta kale ee
Digil iyo Mirifle ee ku sugan Magaalada Baydhabo, kulankaas ayaa waxaa
go’aan adag looga qaatay waxa laga yeelayo maleeshiyoo-yinka ku soo gurya
noqonaya Magaalada gudaheeda.
Weriyaheena
Magaalada Baydhabo ayaa arrintaasi ka wareystay Malaaq Max’ed Ibraahim
Garoore oo ah Guddoomiyaha Guddiga Malaaqyada Beelaha Digil iyo Mirifle iyo
sidoo kale taliyaha xerada Daynuunaay Col. Axmed Cumar Cusmaan kana tirsan
abaanduulayaasha ciidanka xoogga dalka Soomaaliyeed.
Taliyaha ayaa ugu
horey sheegay in ciidankii dhamaantood laga saaray magaalada Baydhabo isla
markaana la qanciyay loona sameeyay waxyaabihii ay tabanayeen, isagoo
sheegay in dhawaanna tababar loo bilaabi doono si ay uga qayb-qaataan
ammaanka guud ee dalka, sidoo kale Malaaq Max’ed Ibraahim Garoore ayaa
sheegay in 28-Isbaaro laga qaaday inta u dhaxeysa Baydhabo iyo Buur-Hakaba,
waxa uuna sheegay in go’aan adag ay ka qaateen in dib ay ugu soo laabtaan
Isboorooyinkaasi, waxa uuna sheegay in qofkii dib ugu soo laabta la dili
doono aanna la duugi doonin.
Amiin Yuusuf
Khasaaro
E-Mail:
amiinkhasaaro@hotmail.com
Faafin: April 4,
2006
Max’ed Dheere oo
ku soo laabtay Jowhar kaddib markii ay isa soo khilaafeen Geeddi..
»Saraakiil
ka tirsan CRD oo Gaalkacyo kula kulmay Odoyaal..
»Qaar
ka mid ah Gobalada dalka oo uu ka curtay Roobab..
»Baydhabo
oo laga qaaday 18-Jidgooyo..
»Xuseen
Cusmaan “Qanyare waxba lagama weydiinayo amiga
»Ciidamadii
ku xareysnaa Waajid oo dilay nin deegaanka ah
»Shaqaaqo
ka dhacday Magaalada Kismaayo...
»Tartankii
S.Y.L. MN oo Soo Gabagaboobay...
Wararka oo dhan ka akhri halkan... Guji...
April 3
WARBIXIN: GUDDIGA
GURMADKA ABAARAHA SOOMAALIYA…