Caasha
Axmed Cabdala “Cadde Muuse ayaa heshiis la soo galay Shirkado
Maafiyo ah.
Xildhibaanad Caasha Axmed Cabdla ayaa si aad ah uga hadashay
dagaalkii dhawaan ka dhacay deegaanka Majiyahan ee Gobalka Sanaag
kaasoo u dhexeeyay dadka deegaanka iyo ciidamada maamul Gobaleedka
Puntland kaddib markii dadka deegaanku ay diideen in halkaas wax
shidaal ah laga qodo ama macaadin lag abaaro, waxa ayna sheegtay
Caasha Axmed Cabdala in tii wixii ka dhacay deegaankasi uu mas’uul
ka yahay Madaxweynaha Maamul Gobaleedka Puntland Cadde Muuse, waxay
kalloo sheegtay in Cadde Muuse uu heshiis la soo galay shirkad si
aad ah looga yaqaano oo ay ku tilmaantay in ay tahay Maafiyo kuna
shaqeysata Musuq maasuq iyo wax is daba marin.
“Shirkaddu ma ahan Australian ee waa mid ku gabaneysa magacaasi, ee
waa shirkad laga leeyahy wadanka Lubnaan oo soo xaalufisay dhamaan
qaaradda Afrika iyo Qaaradda Aasiya” ayay tiri Caasha Axmed Cabdala
oo u soo jeediysay shacabka reer Majayahan in ay iska difaacaan
kooxahaas burcadda ah oo doonaya in ay dhacaan hantidooda ma
guurtada ah.
Caasha waxay kalloo sheegtay in Cadde Muuse uu yahay ninka
dhibaatada ku haya shacabka Puntland, waxayna u soo jeedisay Cadde
Muuse in uu faraha kala baxo arrimahaasi oo ah arrimo ay lahayd
Dowladda Soomaaliyeed.
Sidoo kale Cawad Axmed Cashara ayaa isna waxa uu sheegay in wixii
dhibaato ah oo ka dhacay deegaanka Majayahan uu mas’uuliyadeeda
leeyahay Cadde Muuse waxa uuna u soo jeediyay inuu deg deg
shirkaddaasi uga saaro Gobalada Puntland. Cawad waxa uu sheegay in
caalamka ay ku jiraan shirkado aan sharciyeysan oo heshiisyo
qarsoodi ah la gala shaqsiyaad aan aqoon sharciga lagu heshiiyo
shirkadaha, isoo sheegay in loo baahan yahay mar kasta in la
feejignaado shirkadahaasi burcadda ah oo caalamka sida weyn looga
yaqaano doonayana in ay ka faa’iideystaan dowlad la’aanta ka jirta
Soomaaliya.
Cali Max’ed Geeddi “Afar
Shaqsi Dowladdu u xaayirnaanmeyso.
Ra’isul Wasaare Cali Max’ed
Geeddi oo la hadlayay ragga wararka dira ayaa waxa uu sheegay in
Dowladda ay dhawaan uruurin doonto ciidamadii xoogga dalka
Soomaaliyeed si ay uga qayb-qaataan ammaanka guud ee dalka.
“intii aan la gaarin ciidamo
Shisheeye waa inaynu mar hore aanu uruurinaa ciidamadeenii” ayuu
yiri Cali Max’ed Geeddi oo sheegay in beesha caalamka looga baahan
yahay in ay gacan ku siiyaan uruurinta ciidamada Soomaaliyeed.
Mar uu ka hadlayay hadalkii ahaa
in dalka la keeno ciidamo shisheeye waxa uu yiri “arrintaasi waxaan
umaleynaa in ay tahay mid lagu daalay, waxaanse soo jeedin lahaa in
marka hore fiiro gaar ah la siiyo, ciidamadii xoogga dalka
Soomaaliyeed”.
Cali Max’ed Geedi ayaa wax laga
weydiiyay sida uu arko wasiirada hubeysan ee weli ku sugan Magaalada
Muqdisho waxa uu ku jawaabay “Dowladdeeda u xayirnaan meyso afar
ruux oo diiday in ay ka soo qaybgalaan shirarka dowlada uga socda
Baydhabo”.
Isbahaysiga SNA oo sheegay in ay dhexdhexaad ka
yihiin kooxihii..
Isbahaysiga SNA ayaa iska
fogeeyay in wax xiriir ah ay la leeyihiin labada Isbahaysi ee
dhawaan dagaalku ku dhexmarya duleedka Magaalada Muqdisho.
“Isbahaysigu waxa uu dhex dhexaad
ka yahay dagaalada dhawaan ka dhacay magaalada Muqdisho waxaana ka
hor jeednaa wax la yiraahod dagaal iyo burbur” ayuu yiri Afhayeen u
hadlay isbahaysiga SNA oo sheegay in xarunta madaxtoonyada kula
kulmeen xubno ka tirsan isbahaysiga waxa loogu yeeray la dagaalanka
Argagixisada.
Afhayeenku waxauu sheegay in uu
aad uga xumaaday dagaaladii dhawaan ka dhacay Magaalada Muqdisho,
wuxuuna u soo jeediyay in dhinacyadii ku dagaalamay Magaalada
Muqdisho in ay ka shaqeeyaan nabadgelyada iyo isku soo dhawaanshaha
bulshada. Dhawaan ayaa xubin ka tirsan Isbahaysigaasi oo lagu
magacaabo Cabdi Shukri Cali Xirsi waxa uu kulan la yeeshay sarkiisha
ciidamada ee madatoonyada Fillo Soomaaliya waxa uuna ka codsaday in
ay taageeraan Isbahaysiga la dagaalanka Argagixisada.
Wafdi
ka socda Beesha Caalamka oo Jowhar ku soo fool leh...
Wararka ka
imaanaya Magaalada Jowhar waxay sheegayaan in maalmaha soo socda
Magaalada Jowhar ku soo wajahan yihiin wafdi ka socda beesha
Caalamka, oo isugu jira Midowga Yurub, Jaamacadda Carabta, Midowga
Afrika iyo Qaramada Midoobey.
Wafdigaas ayaa
waxay u kuurgalayaan xaaladda deegaanada gobalka Sh/dhexe oo
maalmahan ay soo wajaheen abaaro daran kuwaasoo dhibaato ku haya dad
iyo duunyo.
Wafdigaasi ayaa
waxay kalloo halkaasi u tagayaan sidii ay u soo eegi lahaayeen
hay’adihii Dowladda ee halkaasi laga hirgeliyay intii ay Dowladdu ku
sugneyd mudadii sanadka ahayd, iyadoo dhawaan uu heshiis dhex maray
Dowladda Federaalka iyo Gudoomiyaha Gobalka Sh/dhexe.
Dowladda ayaa lagu
wadaa in Magaalada Jowhar ay dib ugu soo laabato kaddib markii ay
sidaa isku afgarteen Ra’isul Wasaare Cali Max’ed Geedi iyo
Guddoomiyaha Gobalka Sh/dhexe Max’ed Dheere kaasoo ka dhacay
Magaalada Adis-Ababa ee Dalka Itoobiya.
Warar kale ayaa
waxay sheegayaan in Cali Max’ed Geedi uu ku soo fool leeyhay
Magaalada Jowhar si uu halkaasi uga sii amqaado howlihii Dowladda,
hase yeeshee waxay su’aale ka taagan tahay sida qaar ka mid ah
Wasiirada ay u yeeli doonaan in Dowladdu ay ku shaqeyso Jowhar,
waxayna sheegeen Wasiirada qaarkood in Dowladdu haddii ay ku laabato
Jowhar uu jabayo heshiiskii ay Sanca ku gaareen Madaxwene C/llaahi
Yuusuf iyo Shariif Xasan Shiikh Aadan oo ah Guddoomiyaha Mareykanka.
Dagaal
shalay ka dhacay deegaano ka tirsan Gobolka Bay...
Maalintii shalay
ahayd ayaa dagaal la isku adeegsaday hubka culus iyo midka fudud
waxa uu ka dhacay deegaanka Manaas oo 30-Km u jirta Gobalka Bay,
waxaana dagaalkaasi la xaqiijiyay in ilaa iyo hadda ay ku dhinteen
saddex ruux ayna ku dhaawacmeen saddex kale.
Dagaalkaan ayaa
waxa uu ka bilowday ceel biyood oo ay isku qabsadeen labo beelood oo
halkaasi wada degta, waxaana markii dambe soo kala dhex galay
Odoyaal iyo waxgarad ka tagay Magaalada Baydhabo oo iyagu ku
guuleystay in ay xabad joojin dhex dhigaan beelahaa.
Dagaalkaan oo
saameyn ku yeeshay Magaalada Baydhabo ayaa waxaa joojinta kalloo ka
qayb-qaatay Wasiiro iyo Xildhibaano ka tirsan Dowladda Federaalka oo
iyana ka tagay Magaalada Baydhabo.
Qaybo ka mid ah
Dalka waxaa ka jira dagaalo goos goos ah oo u dhexeeya beelo
Soomaaliyeed, kuwaasoo maalin walba ay ku dhintaan dad rayid ah oo
aan waxba galabsan.
Bashiir
Goobe oo shalay warbixn siiyay Golaha Wasiiradda ...
Bashiir Max’ed
Jaamac (Goobe) oo ah taliyaha ciidanka Booliiska Soomaaliyeed ee
arrimaha qorsheynta ayaa shalay warbixin waxa uu siiyay Golaha
Wasiirada oo uu saabsan ammaanka goobaha ay dowladdu degan tahay ee
Magaalada Baydhabo, iyo waliba Magaaladaas.
Waxa uu sheegay in
ay diyaarinayaan 500 oo Askari oo suga ammaanka Magaalada Baydhabo
iyo waliba sidii ay ula socon lahaayeen dadka soo galaya Magaalada
Baydhabo, maadaama halkaasi ay degan tahay dowladda Federaalka
labadeeda gole.
Col. Bashiir waxa
uu sheegay in Hay’adda UNDP-da ay ka heleen qalab lagu baaro dadka
marka ay galayaan goobaha dowladda iyo goobaha kale ee lagu qabto
shirarka, waxa kalloo uu sheegay in Hay’adda UNDP ay weli ka
sugayaan alaab kale oo la xiriirta dhinaca ammaanka.
Warbixinta Bashiir Goobe ayaa
waxaa si weyn u soo dhaweeyay golaha Wasiirada waxaana aaqiritaankii
la isku afgartay in guud ahaan Ciidamada laga saaro Magaalada
Baydhabo iyadoo lala kaashanayo Siyaasiyiinta Beelaha Digil iyo
Mirifle.
Magaalada Baydhabo
ayaa maalmahan xaaladdeeda nabadgelyo ay aad u darneyd kaddib markii
ay halkaasi ka dhaceen jidgooyooyin ay dhigteen kooxo maleeshiyo ah
oo dhaqaale doon ah, sidoo kale waxa waxyeelo loogu gaystay Wasiiro
iyo Xildhibaano ka tirsan Dowladda Federaalka oo qaarkoodba laga
qaatay Moobeeladoodii iyo Gawaridoodi
Xaaladda deeganka Majiyahan oo shalay Degeneyd...
Wararka ka
imaanaya Gobalka Bari waxay sheegayaan in deegaanka Majiyahan oo
doraad ay ka dhaceen dagaalo u dhexeeyay dadka deegaanka iyo ciidamo
ka socday Maamul Gobaleedka Puntland uuna dagaalkaasi ka dhashay
kaddib markii shirkad sheegata Australian halkaas ka bilwoday in ay
ka baarto shidaal iyo macaadin, taasoo ay si aad ah uga caroodeen
dadka deegaanka oo sheegay in aan waxba lagala socodsiin.
Deegaankaas ayaa
shalay ku baxay Odoyaal ka kala yimid gobalada Bari iyo Sanaag ayaa
waxay lagu guuleystay in marka hore la joojiyo baarista macdanta,
isla markaana laga wada hadlo waxa dagaalka dhaliyay iyo dadkii ku
geeryoodya.
Dadka deegaanka
ayaa waxay codsadeen in marka hore halkaasi laga saaro dhamaan
ciidamada Puntland dibna loogu celiyo goobihii ay ka yimaadeen, hase
yeeshee maamul gobaleedka Puntland waxa uu sheegay in halkaasi
ciidamada loogu diray si ay u ilaaliyaan shaqaalaha shirkadda oo
iyagu wada baaritaan dhinaca shidaalka ah ama macdanta, waxa uuna
maamulku sheegay in baaritaanku marka uu dhamaado ay heshiis la gali
doonaan dadka deegaanka si loo soo saaro macdanta (ama shidaalka).
Amiin Yuusuf Khasaaro
E-Mail: amiinkhasaaro@hotmail.com
Barnaamijkii Radio Xoriyo
04 April March 2006
-
Dhirbaaxooyin ciidammada xoreyntu u gaysteen kuwa gumaysiga.
-
Dad rayad ah
oo cadowgu waxyeelleeyay.
-
Afewerki:
Hawsha Qaramada Midoobey waa sidii xadka loo jeexi lahaa.
-
UNICEF
oo ka digtay dhibaato carruurta Oromiya la soo deristay.
-
Xaalad
colaadeed oo ka taagen Jaamacadaha Adis Ababa.
======================
Wariyaha
RX uga soo warrama dalka Ogaadeenya ayaa noo soo sheegay dagaallo
dhawr ah oo ciidammada xoreynta Ogaadeenya dhirbaaxooyin daran ugu
gaysteen ciidammada saama-la-luudka ah eegumaystada Itoobiya.
Markii ay
taariikhdu ahayd 28/03/06 waxay ciidammada xoreynta Ogaadeenya ku
gubeen magaalada Farmadow baabuur xamuul ah oo rar u siday
ciidammada gumaysiga fadhigoodu yahay magaalada Qabridaharre.
Baabuurkani wuxuu ciidammada u waday raashiin iyo khamri markii ay
ciidammada xoreyntu ku haleeleen magaalada Farmadow. Baabuurkan,oo
taariggadiisu ahayd 4306, waxaa iska lahaa nin Tigree ah oo lagu
magacaabo Wilde Girme.
26/03/06
dagaal mir ah oo ciidammada xoreynta Ogaadeenya ku qaadeen
Barmiilka, waxaa ciidammada cadowga lagaga dilay 8 askari, 5 kalana
waa lagaga dhaawacay.
25/03/06
dagaal ka dhacay Iimey-Bari waxaa ciidammada gumaysiga Itoobiya
lagaga dilay 6 askari, 15 kalana waa lagaga dhaawacay.
23/03/06
Siiqaley, oo ka tirsan degmada Abaaqorrow, waxaa lagu qaqabtay koox
ka tirsana malleeshiyada Itoobiya ee Dabaqoodhiga loo yaqaano,
waxaana laga qaaday 2 Qori, ka dibna waa la iska sii daayay.
21/03/06
dagaal ka dhacay meesha lagu magacaabo Gudhis waxaa ciidammada
gumaysiga Itoobiya lagaga dilay 2 askari, 2 kalana waa lagaga
dhaawacay.
19-20/03/06 Laanqayrta, oo degmada Dhanaan ka tirsan, dagaal ka
dhacay waxaa ciidammada cadowga lagaga dilay 10 askari, 11 kalana
waa lagaga dhaawacay.
17/03/06
dagaal Baarguun ka dhacay oo dhexmaray ciidammada xoreynta
Ogaadeenya iyo malleeshiyada Itoobiya ee Dabaqoodhiga loo
yaqaano,waxaa lagu dilay 3 malleeshiyadaas ka tirsanaa, waxaana lagu
dhaawacay 4 kale. Waxaa sidoo kale
malleeshiyadaas laga furtay 3 Qori.
Dad rayad ah oo
cadowgu waxyeelleeyay.
Ciidammada gumaysiga
Itoobiya ee ka hawlgala dalka Ogaadeenya, oo lagu yaqaano inay
dadwaynaha rayadka ah ku gaydhadaan marka goobaha dagaalka lagaga
awood roonaado ayaa dhibaatooyin kala duwan gaadhsiiyay dadwayne aan
waxba galabsanin.
Markii ay taariikhdu
ahayd 15/02/06 waxay ciidammada gumaysiga Itoobiya magaalada Godey
dhexdeeda ku kufsadeen oo waliba jidhdil xun u gaysteen gabadh lagu
magacaabo Ruqiya Cabdi Muxumed.
Meesha lagu
magacaabo Laaga-Hidda, oo ka tirsan gobolka Nogob, waxay dhawaan
ciidammada gumaysiga Itoobiya ku hareereeyeen dadwayne isugu soo
baxay munaasabad gaar ah. Ciidammada gumaysigu waxay bacad-joojiyeen
oo six un ugu hanjabeen dadwaynahaas, ka dibna waxay ka qaateen 20
Qori oo dad shacab ahi lahaayeen.
28/03/06 waxay
ciidammada gumaysigu jidhdil xun ugu gaysteen Barmiilka ninka lagu
magacaabo Ibraahim-Madoobe Muxumed, oo ah mu’addinkii masaajidka
Barmiilka.
Raashiin ay JWXO
ku qaybisay meelo kala duwan oo Ogaadeenya ah
Jabhadda Waddaniga
Xoreynta Ogaadeenya ayaa beryihii denbe oo dhan kordhisay dadaalka
ay ugu jirto in dadwaynaha tabaalaysan la gaadhsiiyo raashiinka
samafal ahaanta loo bixiyo, oo beryihii hore ay ciidammada gumaysiga
Itoobiya u tashan jireen, dadwaynihii loogu talagalayna aan waxba
laga siin jirin.
Arrintaas ayay
Jabhaddu guul wayn ka gaadhay, iyadoo raashiinka gaadhsiisay meelo
badan oon hadda ka hor la gaadhsiinin.
Markii ay taariikhdu
ahayd 28/03/06 waxay JWXO ku qabisay magaalada Farmadow raashiin
dhan 1248 Jawaan, iyadoo qofkiiba la siiyay hal Jawaan. Dadka aad u
sii liitana looga badiyay intaas. Dadwaynaha ayaa arrintaas aad ugu
riyaaqay, kuna tilmaamay naxariis Eebe u soo diray, isla markaana
aad ugu bogaadiyay Jabhadda Waddaniga Xoreynta Ogaadeenya sida ay
danta shacabkeeda heeganka ugu tahay.
Waxay sidoo kale
Jabhaddu labo baabuur oo raashiin ah u qabisay dadwaynah aku dhaqan
Malka-Afweyn iyo nawaaxigeeda. Hase yeeshee markii ay ciidammada
Jabhaddu halkaas ka tageen wax yar ka dib waxaa ciidammo Itoobiyaan
iyo malleeshiyo Dabaqoodhi ah isugu jira, kuwaasoo dadwaynihii ka
soo uruuriyay raashiinkii la siiyay,isla markaana baabuurtooda ku
gurtay. Waxay kaloo dadwaynaha ka dhaceen raashiin kale oo iyagu
lahaayeen.
Magaalooyinka Bubi
iyo Dhuurre waxay Jabhaddu mid walba ku qaybisay hal baabuur oo
raashiin ah.
Dhinaca kale gobolka
Nogob waxaa ka dillaacay cudur khatar ah oon horay loo arag, kaasoo
ku dhaca Geela. Ducurkan oo neefka qaadaa aanuu ka kacaynin, waxaa
la filayaa inuu ka yimid dhinaca gobolka Cafar.
Dadwaynaha ayaa
cudurkan aad uga walwalsan, waxayna qayla-dhaan u dirsadeen maamul
ku sheegga Kililka, hase yeeshee ilaa iyo hadda ma jiro waxaa
mucaawano ah oo dadwaynaha la soo gaadhsiiyay.
Roobabkii ayaa meelo
badan oo dalka Ogaadeenya ka mid ah si fiican uga curtay, waxaana la
filayaa in maalmaha soo socda uu raxmaadku wada gaadhi doono dhulka
oo dhan haddii Eebe idmo.
Afewerki: Hawsha
Qaramada Midoobey waa sidii xadka loo jeexi lahaa.
Madaxwaynaha
Eritereya Isayas Afewerki ayaa sheegay in hawsha ugu muhiimsan ee u
taalla ergada Qaramada Midoobey ee Eritereya iyo Itoobiya UNMEE ay
tahaya sidii loo astayn lahaa xadka u dhexeeya dalkiisa iyo Itoobiya,
sidaas waxaa jimcihii u sheegay ergayga gaarka ah ee oxghayaha
Qaramada Midoobey.
Madaxwayne Isayas
Afewerki ayaa sheegay in ariinta manta ugu muhiimsan, markii horana
ugu muhiimsanayd, ay tahay astaynta xadka, sidaas darteedna loo
baahan yahay ina iyada xoogga la saaro. Wuxuu kaloo intaas ku daray
in marka la eego heshiiskii Aljeris ku dhaxe maray Eritereya iyo
Itoobiya uu awood buuxda u siiyay Guddiga Xadka Eritereya iyo
Itoobiya EEBC inay asteeyaan xadka labada dal u dhexeeya.
Madaxwayne Isayas
Afewerki wuxuu kaloo sheegay in haddii xadka la asteeyo iyadoo la
raacayo go’aankii kama denbaysta ahaa ee labada dalba fulintiisa ku
qasbanaayeen ee ka soo baxaya Guddiga Xadka Eritereya iyo Itoobiya
EEBC, ay markaas fududaan doonto in xal loo helo dhammaan arrimaha
kale ee la xidhiidha hawla hawlaha ergada Qaramada Midoobey ee UNMEE.
Xukuumadda Itoobiya
ayaa wali la marinsiin la’yahay fulinta go’aankii ka soo baxay
Guddiga EEBC, waxayan wali diiddan tahay iany ka tanaasusho dhulkii
loo xukumay dalka Eritereya, sidaas darteed waxay ku adakaysanaysaa
in labada dal marka hore ka wadahadlaan khilaafkooda xadka ku
saabsan, iyadoo ujeeddadeeda ugu wayn ay tahay in loo soo celiyo
magaalada Bademe oo loo xukumay dalka Eritereya, arrintaasoo ay
Eritereya ku gacan saydhay.
Beesha caalamka ayaa
iyaduna ku guul darraysatay inay xukuumadda ku qasabto inay u
hooggaansanto qaraarkii caalamiga ahaa ee xalka loogu raadinayay
dhibaatada labada dal dhextaalla.
UNICEF oo ka
digtay dhibaato carruurta Oromiya la soo deristay.
Hay’adda Qaramada
Midoobey u qaabilsan arrimaha carruurta ee UNICEF ayaa ka digtay in
carruurta ku dhaqan gobolka Oromiya ay la soo deristay dhibaato kale
oo ka dhalatay roobabka gobolkaas ka billowday, ka dib markii
labadii sano ee u denbeeyay ay gobolka abaaro xunxun ka jireen.
Afhayeen u hadlay
Hay’adda UNICEF ayaa sheegay roobabka ka da’ay qaybo ka mid ah
gobolka Oromiya ay la yimaadeen cudurrada ay ka midka yihiin
shubanka iyo duumada, kuwaasoo dhibaato loo dhammaado soo gaadhsiin
kara dadwaynaha gobolka ku dhaqan oo markii horaba aad u
tabaalaysnaa.
Hay’adda UNICEF
waxay aad uga digtay nafaqa xumo ba’an oo haysa qiyaastii carruur
gaadhaysa 56,000 oo da’doodu 5 sano ka hoosayso, kuwaasoo ku dhaqan
gobollada galbeedka xiga ee Oromiya ee xadka la leh dalka Kenya.
Waxay kaloo Hay’addu sheegtay in xooluhu ay wali dhimanayaan.
Waxaa sidoo kale
dadwaynahaas fara ba’an ku haya cudurka duumada oo ka dhalanaya
biyaha jiifa waraha iyo galgalimaha ku dhaw meelaha ay dadku deggan
yihiin.
Waxay kaloo Hay’addu
ka digtay in bakhtiga xooluhu uu daasan yahay duleedka meelaha ay
dadku deggan yihiin, ka dibna uu soo raacayo daadka biyaha ku soo
ururaya meelaha laga cabbo. Qof kasta oo biyahaas ka cabba wuxuu
khatar u yahay cudurka shubanka.
Xaalad colaadeed oo ka taagen Jaamacadaha
Adis Ababa.
Wararka naga soo gaadhaya Magaalada Adis Ababa ayaa sheegaya in ay
xiisad colaadeed ka taagan-tahay Jaamacadaha Adis Ababa qaarkood,
taas oo ay sabab u tahay xaalada siyaasadeed ee sii murgeysa ee
wadanka Itoobiya.
Xiisadahan colaadeed ee ka socota Jaamacadaha
ayaa waxay u badanyihiin qalalaaso la xidhiidha Ururada mucaaradka
ee hubaysan iyo kuwa aan hubaysnayn.
Warku wuxuu intaas ku darayaa in Jaamacadaha Addis Ababa ay ku
hardamayaan taageerayaasha xisbiga CUD iyo sirdoonka TPLF. Halka
Jaamacadaha Jimma, Alemaayaa , Ambo iyo kuwo kale ay hadheeyeen
rabshadaha ay wadaan taageerayaasha Ururuka mucaaradka ee Oromada ee
hubaysan .
Dhinaca kale, waxaa soo baxaya warar sheegaya in uu jiro iska hor
imaad aan weli dhalin gacan ka hadal oo u dhaxeeya Ardeyda
Jaamcadaha dhigata dhexdooda, kaas oo la xiriira djinaca diinta.
Iska hor imaadka Ardeyda ayaa ka dhashey kadib
markii Ardey dhigta Jaamacad Awasa oo ah dadka aaminsan diinta
Masiixiga oo in mudo ah isticmaalayey Kitaab Quraan ah oo uu
akhrisan jirey, ayaa Jaamacada laga eryey mudo dhan 2 sano, taas oo
Ardeyda Muslimiinta ah ee dhigata Jaamacadaas ay u arkaan in uusan
Ardeygaasi gelin dambi intaas le’eg oo waxbarashada lagaga eryo
mudo dhan 2 sano.
Waxaa kale oo soo baxaya warar tibaaxaya in Jaamacdda Adis Aaba lagu
arkay kitaabka Quraanka ah oo lagu dhajiyay gidaarka musqulaha
maalinimadii Isniinta. Taas oo dhalisay in Ardadii muslinku
billaabeen in ay ka soomaan cuntada Jaamacadda, islama markaana wada
hadal la yeeshan madaxa Jaamacadda.
Si kastaba ha ahaatee, waxaaa aad looga cabsi qabaa in culayska
noocan ahi ku faafo dhammaan Jaamacadaha Itoobiya, halkaana uu ka
soo baxo iska hor imaad diimeed oo u dhexmara Ardeyda dhexdooda,
iyadoo aad looga baqayo in dawladda Itoobiya maamuli kari weydo
rabshado diimeed, maadaama ay la il darantahay kuwii siyaasadda.
Radio Xoriyo
04 April
2006.
Axmed Gaal-Eri
Info@radioxoriyo.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 19 MB ee
dhererkeedu yahay 11865 KHZ,iyo internetka
Radioxoriyo.com,Ogaden.com Maalmaha Talaadada iyo Jimcaha 7: 30PM
waqtiga Afrikada Bari
Faafin: SomaliTalk.com | April 5, 2006
Musharaxa
Yaasiin Abuukar Cariif oo isaga oo ku sugan Mareykanka la soo xiriiray
Kooxaha K/cagta
Hotel Ramadaan waxaa
ka dhacday Xaflad qado ah oo loo sameeyay 24-ka Kooxood ee iyagu ka
qayb-qaadanaya doorashada..
Guji... Apr 4
Dagaal ka Dhacay
Deegaanka Majayahan
»Xubnaha
"Isbahaysiga Argagixisada" oo wada olole…
»Max’ed
Dheere “Khilaafkii Dowlada waa dhamaaday”
»Muuse
Suudi iyo Cabdi Qaybdiid oo ku kulmay Kaaraan
»C/llaahi
oo guddi u magacaabay xiisaddii Waajid...
»Caamir
Muusaa oo uga digay hogaamiyaasha Soomaaliya...
»Malaaqyada
iyo Xildhibaanada Digil iyo Mirifle oo...
Wararka oo dhan
ka akhri halkan.... Guji... Apr 4