SOOMAALIDA DIBADDA IYO ISBEDELADA CUSUB!
Aayadda 10aad ee suuradda Al-xujuraat waxay
tilmaameysaa in dib u hishiisiin taabagal ah laga dhexfuro walaalaha
dagaalamay. Anagoo aayaddaasi ka duuleyno, Soomaalideena dibadda ku nool
shacabka Soomaalida ee gudaha jooga waxay nagaga baahan yihiin kaalinteena
inaan gudanno anagoo dibadda joogno. Taasi micnaheeda waa inaan halkaan ka
furno doodo dib u heshiisiin iyo isbedelada nabadeynta ee gudaha ka socda oo
ficlan raad xoog leh ku yeelan karto gudaha waayo waxaan leenahay:
1. Awood dhaqaale haddii la
nidaamiyo oo la mideeyo
2. Awood caqli iyo waxbarasho
waa haddii lagu hago waddada toosan ee Ilaahey uu raali ka yahay.
3. Dhisid awood siyaasadeed
anagoo kala aragti ah laakiin danta guud ee Soomaali weyn ka shaqeynayno
taasoo raad ku yeelan karto isbedelada gudaha
4. Awood horumarin oo arimaha
bulshada gudaha wax ka qaban karto isla markaana badbaadin karta shacabka ku
nool nidaam la’aanta.
MAXAA KA RABNAA DOWLADDA CUSUB ee Ku meel
gaarka?
Si ay u hesho kalsooni buuxda oo ka timaada
Soomaalida dibadda ku dhaqan waxaa lama huraan ah:
1-In labadaba dhinaca ee dowladda iyo
Maxaakimta ay khilaafaadkooda ku dhameeyaan wada hadal ku saleysan MABAADI’
KA SOO JEEDA DIINTEENA SUUBAN OO AH DHAQANKA SOOMAALIDA.
2- In ay ka fogaadaan adeegsiga nidaamka
qabaliga oo ah cunsur hortaagaan in Soomaaliya ay gaarto xal waara. Nabi
Muxammad NNK wuxuu yiri: Qabyaaladdu waa shay qurun ah ee halaga fogaado.
QABYAALADDA WAXAY QURMISAA AMA HALAYSAA XIRIIRKA WALAALNIMADA IYO WADA
SHAQEYNTA. Sida darteeda waa inay baa ba’daa caadifadda qabaliga oo na
burburisay 14 sanno kana faa’ideysano fursadda dowladdnimo ee jirta maanta.
4- MABAADI’DA Islaamka ee soomaali isku
raacsan tahayna aan GOR GORTAN LA GELIN sida: MABDA’ Qaranimada iyo
Madaxbanaanida Soomaali Weyn, WALAALTINIMA IYO MIDNIMO LA KALA ARAGTI DUWAN
YAHAY. NIDAAM DOWLADEED OO SHARCI IYO KALA DAMBEYN LEH. Waa inaan fiirinnaa
mustaqbalka oo aan ku wareegeysan khilaaf na hor yaalay 14 sano.
QEYBSANAAN QABYAALAD KU SALEYSAN DAL BAY
DUMISAA EE DOWLAD MA DHISTO
Waxaan rabnaa wax na
heshiisiiya, na walaaleeya, na mideeyo inagoo kala aragti iyo kala faham ah,
laakiin isku dan wada ah oo meel keliya u wada socda. Dowladda iyo
Maxaakimta waa inaan ka caawinnaa siday isku fahmi lahaayeen iyagoo si wada
jir ugu shaqeynayo maslaxadda guud ee Soomaali weyn.
IS CAFIN GUUD
Waxaan rabnaa in leys cafiyo
oo Dowladda meel isugu tagta, oo ay ku noqoto caasimadda Muqdishu. Sidaa
darteeda, waa in maamul loo helaa gobolka Banaadir oo lagu soo celiyo
nidaam iyo kala dambeyn. Waa in dowladda ixtiraamtaa nidaamka dib u
heshiinta oo ay makamadaha iyo shacabka ka wada shaqeeyaan sidii loo heli
lahaa maamul mideysan oo dib u soo celiya nidaamka iyo kala dambeynta
caasimadda Muqdisho. Sidaa darteeda, taasi waxay ku iman dadkoo la wada
heshiisiiyo, In lays cafiyo, In xuquuqda la kala heysto si nabad ah laysugu
celiyo intaba ay ku timaado qaab dib heshiisiin ah oon xoog ku saleysneyn.
Dowladda waa inay ixtiraamtaa rabitaanka iyo kacdoonka shacabka.
MAYA CIIDAN SHISHEEYE
Haddii ciidan la keenayo waa inay ku yimaadaan
rabitaan shacabka (Afti shacabka oo la qaado ama Baarlamaanka oo idma sida
ku qayaxan Dastuurka DKG iyo nidaamka dib u heshiisiin ee maquunin ku jirin)
iyadoo laga reebayo cidamada safka hore ama ciidan kasta oo khatar ku noqon
kara diinta iyo midnimada shacabka soomaaliyeed.
MASLAXADDA QARANKAA ama SHACABKA KA HOREYSA
TAN GAARKA AH
DANTA GUUD waa inay na hortaala mar walba
anagoo maskaxda ku hayno:
· Dal bur bursanaa tan iyo 1991
· Dadkii dalkaa lahaa oo u baahan in
laysku keeno
· Kumaankun dhintay sabab la’aan
· Kumaankun naafoobay oo caawimaad
heysan
· Dhaqan celin Islaami ah in lagu
sameeyo caruur iyo dhalinyaro fara badan oo hubeysan oo aqoon micnaha
nabadda iyo horumarka
· Waayeel iyo Dumar iyo Rag fara badan
oo cabsi ku nool habeen walba oo hurdo sax ah aanan seexan.
· Hay’addahii dowladda oo wada bur buray
· Xuquuq fara badan oo la kala heysto
Intaba iyo inka badan siday u soo noqdaan
waxaa lama huraan ah in laga shaqeeyo wacyi gelin iswadata oo isla
jaanqaadda dibadda iyo gudaha taasoo salka ay ku heyso in dib loo soo
nooleeyo MASLAXADDA GUUD EE QARANKA (NATIONAL INTEREST) iyadoo isku si loo
ixtiraamayo qof weliba xuquudiisa reerkuu doono ha ka dhasho waa la wada
siman yahay. Sidaa darteed 4.5 Soomaali xarbi mooyee xal uma aha.
TALOOYIN
1- In la joojiyo far isu fiiqidda iyo magacyo
isu bixinta oo laga shaqeeyo Mideynta shacabka muslimka ah ee walaalaha si
loo ilaaliyo miraha shirka dib u heshiisiinta Soomaalida ee ka dhacay meelo
kala duwan gudaha iyo dibaddaba. Mideyntaasi waa inay ahaato mid run ah ee
ku salaysan walaalnimo Islaami oo qof weliba ra’yigiisa la ixtiraamo.
3-Abuuris gole ay u wada dhan tahay Soomaalida
dibadda degan (Somali Diaspora Congress) oo xubnahiisa wakiilada ku yimaada
doorasho xor iyo caddaalad ah (free and fair election) oo ka dib xubna iska
doorta oo ka mid noqda baarlamaanka gudaha si ay u ilaaliyaan danaha
Somalida dibadda joogta taageerana u raadiya Dowladda ku meel gaarka
Soomaaliyeed. Hal koox ama qabiil marnaba ma keeni karto taageerada
Dowladda Soomaaliya.
SEDEX AYAA TALOOYINKAASI LAGU XAQIIJIN KARAA:
1-DACAADNIMO FICIL LAGU MUUJINAYO
2-RABITAAN WADA SHAQEYN OO SHARUUD KU XIRNEYN
3-HURITAAN WAQTI, MAAL, IYOXIRFAD.
 WQ.
SH. XASAN JAAMICI,
Faafin: SomaliTalk.com | Jun 28, 2006 | 
Daabaco
Boggan | Print