Ha isku
deyin in aad Allaah
la dagaalanto.
Ayaan waa tusaale....
qore: Maxamed
Ibraahim Calimire
Ilaahay waa
xaliim(dulqaadbadane)
wuxuuna iska daayaa
oo uu dhaafaa
addoomo fara badan
oo intaa ka shaqeeya
caasinimadiisa, una
taagan hadh iyo
habeen in ay
dulmiyaan Ilaahay
iyo
addoomihiisa,lana
dagaallamaan diinta
Allaah iyo dadkeeda.
Dulqaadkaa Rabbi uu
dadkaa u leeyahay
waa laba mid uun: in
uu Allaah doonayo
bal qofkaasi in uu
toobad keeno oo uu
usoo laabto iyo in
uu isaga seeto
dheereeyo oo uu
dembiga siyaadsado
oo uu moodo in aanay
jirin cid wax ka
qabankartaa.
Cidda sidan oo kale
u dhaqantaa waxay
noqon kartaa dawlad
xoog is bidday sidii
Caad iyo Thamuud
ookale ama shakhsi
adduunkan meel ka
gaadhey sidii
Fircoon, Haamaan iyo
Qaaruun oo kale.
Haddii markaa ay
toobad keenaan
Ilaahay waa ka
aqbalaa oo xooggii
iyo sharaftii ay
haysteen waa u
siyaadiyaa, haddii
ay madax adaygaan oo
cinaadkaa ku
socdaanna Ilaahay
mar uun buu qabtaa
kamana baxsan karaan,
arrinkooduna wuxuu
ku dhammaadaa in uu
khalqiga ku hor
ceebeeyo aakhirana
cadaab u dambeeyo.
Akhristow arartaydu
waxay tahay gabadha
la yidhaaho Ayaan
Cali Xirsi oo aad
wada ogtihiin
dagaalka ay diinta
Allaah iyo
dadkeedaba kula
jirto in badannna ku
been abuuratay
Ilaahay kitaabkiisa
iyo muslimiintaba
ilaa xad ay xilligii
Nebiga ay
aflagaadayn jireen
loo soo diray
Denmark si ay
udifaacdo
aflagaaddada Rasuuka CSW
loo gaystey ayna ku
tilmaantay oo tidhi
hadduu maanta
Muxammad noolaan
lahaa waxaa lagu
xukumi lahaa
diktaatoor sida
Saddaam Xuseen oo
kale ah iyo waxyaale
kale oo aanan
afkayga soo marin
karin hadda
Ayaan waxay dagaalka
ay Ilaahay iyo
addoomihiisa
wanaagsan kula jirto
ku gaadhey
dallacsiin iyo in ay
ka mid noqoto
baarlamaanka
waddanka Holland iyo
weliba in magaceeda
kor loo qaado oo
adduunkoo dhan looga
dhigo qof geesiyad
ah
Hase yeeshee falkeedii
xumaa ciqaabkiisii
durba maanta ayaynu
shaahid u nahay oo
kuwii watey ay iska
horyimaadeen iyagoo
dhammaan warbaahinta
ku nashrinaya in ay
Ayaan qof beenaale
ah tahay oo aan
istaahilin in ay
xubin ka noqoto
baarlamaanka
waddanka iyo weliba
in ay haysato
dhalashada Holland
Si kastaba ha
ahaatee fadeexadda
Ayaan ku timi waa
mid ay gacmeheeda ku
shaqaysatay oo
waataa kuwii ay isku
hallaynayseyna
tuureen
muslimiintiina ay
hore uga
fallaagowdey.
Ugu dambayn waxaan
tilmaami lahaa in ay
ku tusaale qaataan
inta sida Ayaan oo
kale u dhaqmaysa ama
raadkeeda haysey oo
moodaysey in ay meel
gaadhey.
Ayaanna waxaan usoo
jeedin lahaa horaa
loo waayey cid
Allaah la dagaalanta
oo guulaysata ee is
daba qabo oo Ilaahay
usoo laabo una
toobad keen inta aan
naftu kaa bixin adoo
Ilaahay ka fog
cadaabna aadan u
mutaysan,
jaaniskaana ha iska
lumin.
Maxamed
Ibraahim Calimire
Faafin: SomaliTalk.com | May 16, 2006
Warar GooGoos ah: May 15
»Xildhibaan
Cabdala Xaaji “Waa in Dowladdu ay go’aan kama
»BuuHoodle:
Dagaal dhimasho iyo dhawaac sababay…
»Wabarka
Beesha Cayr “Warka uu sheegay Ugaas Cabdi
»Jabhadda
Wadaniga Xoreynta oo warbixin ka soo saartay
»Baaqyo
fara badan kaddib dagaalkii Muqdisho oo u..
»Baaq
iyo soo dhoweyn xabadjoojinta lagu dhawaaqay..
Wararka oo dhan
ka akhri halkan... Guji... May 15
| 
Daabaco
Boggan | Print