WARARKII: MAY 17,
2006
-
Shariif Xasan oo
ka soo
horjeestay in
laga qaado Muuse
iyo Qanyare..
-
Cudur halis ah
oo Soomaaliya
lagu arkay
-
Khilaaf ka
taagan maamul
Jubadda dhexe
loo..
-
Dhaqdhaqaaq ay
Sii-Sii ka
wadaan
maleeshiyooyin...
-
Xaaladda Jawiil
oo shalay
degganeyd kadib...
-
Furista waddada
Muqdisho iyo
Afgooye oo.
-
Deegaanka
Ceel-Cirfiid oo
laga deyrinayo
dhinaca...
Shariif Xasan oo
ka soo
horjeestay in
laga qaado Muuse
iyo Qanyare..
Gudoomiyaha
Baarlamaanka
Federaalka KMG
ah ee Soomaaliya
Mudane Shariif
Xasan Sheekh
Aadan ayaa
sheegay in uu
aad uga soo
horjeedo
talaabada
Ra’isul wasaare
Cali Max'ed
Geeddi uu ku
doonayo inuu
xilalka kaga
xayuubiyo
wasiiro ka
tirsan
Dawladdiisa oo
uu ku sheegay
inay dagaalo ka
hurinayaan
Magaalada
Muqdisho, kaasoo
ay kaga soo
horjeedaan
Maxaakiimta
Islaamiga ah
ayna ku dhinteen
dadka rayid ah
oo tiro badan.
Kulankii shalay
ee Baarlamaanka
ee shalay ayuu
Ra’islawasaare
Cali Max’ed
Geedi miiska soo
saarey qorshe ku
aaddan in
xilalka
wasiirnimo uu ka
qaadayo
wasiirada Amniga
Qaranka Iyo
Ganacsiga
Maxamed Qanyare
iyo Muuse Suudi,
taasi oo uu u
aaneeyey lugta
balaaran oo ay
ku leeyihiin
dagaalada
muddada todobada
maalmood ka
socday magaalada
Caasimadda ah ee
Muqdisho.
Mas'uuliyiinta
ugu sar sareysa
ee dowladda ayaa
kulamo xiriir ah
oo ay habeen
hore yeelanayeen
gaar ahaan
Madaxweynaha,
Gudoomiyaha
Baarlamanka iyo
Ra’isalwasaaraha
ayaa la sheegay
in la isku
afgaran waayey
ka dib markii
Gudoomiyaha
Baarlamanka uu
soo jeediyey
inaan xiligan
lagu deg degin
xil ka qaadis
lagu sameeyo
Max’ed Qanyare
iyo Muuse Suudi,
isagoo ku
macneeyey inay
tahay arin wax u
dhimi karta
dadaalka dib u
heshiisiinta.
Cali Max’ed
Geedi ayaa waxaa
la sheegayaa in
uu ku adeystey
go’aanka uu ku
doonayo in uu
xilalka kaga
qaado
wasiiradaasi oo
uu ku tilmaamey
inay gadoodkii
xukuumadiisa ay
ku darsadeen waa
sida hadalka uu
u yiriye inay
xasuuqaan shacab
aan waxba
galabsan.
Gudoomiyaha
Baarlamanka
Shariif Xasan
Sh. Aadan ayaa
waxaa kusii
kordhaya
cadaadis
dheeraad ah oo
ku aadan in uu
tixgaliyo
mooshin ay
wataan qaar ka
mid ah
Xildhibaanada oo
lidi ku ah
wasiirka
Ganacsiga iyo
Amniga
Qaranka.Xildhibaanno
ku sugan
magaalada
Baydhabo ayaa
waxya wadaan
mooshinka ka
dhanka ah Muuse
Suudi iyo Max’ed
Qanyare.
Magaalada
Baydhabo ayaa
waxaa saaka ka
dhici lahaa
kulan la
doonayey in
looga doodo
dagaalada ka
dhacay Muqdisho
iyo lugta ay ku
leeyihiin xubno
wasiiro ah oo ka
tirsan Xukuumada
Federaalka, ha
yeeshee waxaa la
sheegay in
kulankaasi uu
baajiyey Shariif
Xasan Sheekh
Aadan oo ku
wargaliyey
xildhibaanada in
xili kale uu
dhici doono
kulankaasi.
Cudur halis ah
oo Soomaaliya
lagu arkay
Maamulka Awdal
iyo
masuuliyiinta
caafimaadka
gobolkaas ayaa
baaq qaylo-dhaan
ah ka bixiyey
cabsida
isa-soo-taraysa
ee ka haysa
cudurka hargabka
shimbiraha oo
hadda lagu arkay
meel u jirta wax
ka yar 25km
magaalada
Lawyacaddo, oo
ku taalla
xuduudda ay
wadaagaan
Gobolada waqooyi
ee Soomaaliya
iyo dalka
Jabbuuti.
Guddoomiyaha
Gobolka Awdal,
Maxamuud Sh.
Cabdillaahi Cige
iyo Isu-duwaha
Caafimaadka
Gobolkaa, Dr.
Cabdiraxmaan
Jaamac Haddi,
ayaa
shir-jaraa’id oo
ay wadajir
shalay u qabteen
waxay u soo
jeediyeen beesha
caalamka,
hay’adaha
samofalka iyo
kuwa caalamiga
ah ee gobolka
Waqooyi Galbeed
ku sugan in ay
gacan ka
geystaan sidii
ay iskaga caabin
lahaayeen in
xannuunkaasi ka
soo gudbo
xuduudda aaan la
leenahay
waddanka
Jabbuuti.
Maxamuud Sh.
Cabdillaahi,
waxa uu sheegay
in dhawaaqoodani
ka dhashay,
kadib markii uu
soo gaadhay war
ku saabsan in
xannuunkaa lagu
arkay tuulada
Dameer-joog, oo
ku taal gudaha
xuduudda dalka
Jabbuuti.
"shalay ayaa
taar naloogu soo
sheegay in
xannuunkaa lagu
arkay tuulada
Dameer-joog, oo
in ka yar 25km u
jirta xuduudda
aynu Jabbuuti la
leenahay. Markaa
wuu ina
kulaalayaa
cudurkii
hargabka
shimbiraha,”
ayuu yidhi
Guddoomiyuhu.
Waxa kale oo
Guddoomiyuhu ka
dayriyey
saamaynta uu
cudurkani ku
yeelan karo
Awdal, maadaama
uu gobolku ku
yaallo dhul
ahaan xuduudda
kala qaybisa
labada dal,
iyada oo uu
foodda innagu
soo hayo
xilligii
xaggaaga, oo ay
boqollaal qoys
oo reer Jabbuuti
ahi u soo
xaggaa-baxayaan
dhinaca gobolada
waqooyi ee
Soomaaliya,
kuwaas oo uu
sheegay in ay si
fudud ugu soo
gudbin karaa
gobolka iyo guud
ahaanba dalka.
Khilaaf ka
taagan maamul
Jubadda dhexe
loo..
Hadallo is
khilaafsan oo ku
aaddan maamul u
samaynta gobolka
Jubbada Dhexe
ayaa ka soo
baxaya gobolkaas
gaar ahaan
duqowda iyo wax
garadka
deegaanka.
Odayaal iyo
waxgarad ka
tirsan beelaha
Absame ayaa
sheegay in ay ka
biyo diidsan
yihiin qorshaha
ay waddo
dawladda
federaalka
Soomaaliya gaar
ahaan xubno la
sheegay in ay
gobolkaas ka
socdaan oo uu ka
mid yahay ku
xigeenka duqa
degmada Jilib oo
haatan ku sugan
magaalada
Baydhabo.
Odayaasha beesha
Absame qaar
kamid ah ayaa
intaasi raaciyey
in xubnaha ku
sugan magaalada
Baydhabo aanay
ahayn kuwo u
dhashay
gobolkaas.
Dawladda
federaalka
Soomaaliya ayaa
ku dadaalaysa in
ay maamullo ka
hir geliso
gobollada dalka
iyadoo dhowaan
la filayo in
maamulo cusub
lagaga dhawaaqo
gobollada Baay
iyo Bakool.
Dhaqdhaqaaq ay
Sii-Sii ka
wadaan
maleeshiyooyin...
Wararka naga soo
gaaraya xaafadda
Siisii ayaa
sheegaya in laga
dareemayo
deegaanadaasi
dhufays qodasho
u dhaxaysa
dhinacyadii
dhawaan halkaasi
ku dagaallamay,
shalay ayaa
deegaanadaasi
lagu arkayey
gawaari ciid
kasoo
daabbulaysa
duleedka Bari ee
magaalada
Muqdisho,
kuwaasoo ku
rogayay
ciiddooda
deegaanka
Siisii. Gogol
nabadeed ayaa
maalmahan dambe
fidsaneyd taasoo
ay wadeen
odayaal iyo
waxgarad ku
sugan Magaalada
Muqdisho, si
gaar ahna waxaa
arrintan uga
arrinsanayey
Odayaasha
Muddulood si loo
soo soo afjaro
colaadda ka
taagan magaalada
Muqdisho, iyadoo
shalay dhaawac
loogu geystay
agagaarka Siisii
mid ka mid ah
odayaashii dhex
dhexaadinta ka
waday halkaasi,
kaddib markii uu
Maleeshiyooyin
carratuur
sameynaya uu
damcay inuu kala
hadlo. Waxaa
jirta dadwayne
xaafadohoodii
kusoo laabanaya
, iyo kuwo wali
ka cabsi qaba in
dagaal kale ka
qarxo xaafadda
Siisii ee
waqooyiga
Muqdisho.
Waxaa weli isku
horfadhiya
deegaanadii ay
dagaaladu ka
dhaceen labadeii
kooxood oo aan
la kala kaxeyn,
waxaana isku
muuqda mar marka
qaarkood
gaadiidkooda
dagaalka.
Xaaladda Jawiil
oo shalay
degganeyd kadib...
Xaaladda
deegaanka Jawiil
ee gobolka
Hiiraan ayaa
shalay degganeyd
kadib markii ay
qulqulatooyin ka
dhaceen
galabnimadii
dorraad.
Xaaladda
deegaankaas ayaa
caadi ku soo
laabatay dorraad
kadib markii ay
halkaas gaareen
duqa magaalada
Beledweyne Aadan
Garaase iyo
odayaal kale oo
ka socday
dhinaca
magaalada
Beledweyne ee
gobolka Hiiraan.
Deegaanka Jawiil
ayaa waxaa ka
dhacay dagaallo
u dhexeeya beelo
deegaankaasi
wada dega
labadii
toddobaad ee la
soo dhaafay,
waxana haatan
loo saaray
xallinta
ummuurtaas guddi
ka kooban 15
xubnood, iyadoo
aan la ogeyn
sida guddigaasi
uu ugu guuleysan
karo inuu wax
weyn ka qabto
shaqaaqadii ka
aloosneyd
deegaanka Jawiil.
Furista waddada
Muqdisho iyo
Afgooye oo.
Wadahadaladii ka
socday Hoteelka
Nabadda ee
magaalada
Muqdisho
maalmihii ugu
dambeeyey ee la
doonayey in lagu
banneeyo waddada
isku xirta
Muqdisho iyo
Afgooye, ayna
wadeen odayaasha
Sacad iyo
Saleebaan, ayey
wararku
sheegayaan in la
isku mari waayey
kadib markii
dhinacyada
goobtaasi isku
horfadhiya ay ka
biyo diideen
waan waantii
odayaasha.
Sidoo kale
waddooyinka
waxaa iyana
xiran waddada ka
tagta Muqdisho
ee aadda dhinaca
magaalada Marka,
taasoo keentay
sida warar la
isla dhex marayo
ay sheegayaan in
Yuusuf
Indhacadde
guddoomiyaha
gobolka Sh/hoose
laftiisa ay ku
adkaatay inuu
waddadaasi ku
socdaalo.
Cabdi Qeybdiid
ayaa mar wax
saxaafadda wax
ka weydiisay
sababta uu ugu
hoggaansami
waayey codsiga
loo soo jeediyey
ee ah in la
baneeyo
waddadaasi isku
xirta Muqdisho
iyo Jowhar, ayaa
sheegay in taasi
aaney ka
suuragaleyn,
isagoo ku dooday
in aanu isaga
xitaa aanu tegi
karin xaafado
isla magaalada
Muqdisho ka
tirsan.
Dadka
deegaankaasi ku
dhaqan ayaa ka
cabsi qaba in
arrinta
wadadaasi ay ku
soo biyo shubato
isku dhac,
iyadoo wali
dadka magaalada
Muqdisho ay
dhagahooda ka
sii guuxayaan
madaafiicdii la
isku adeegsaday
dagaalada
todobada
maalmood ka
socday Siisii.
Doorashadii
Xiriirka K/cagta
Soomaaliyeed oo.
Doorashadii
Xiriirka
Soomaaliyeed ee
K/cagta oo si
xiiso leh uga
dhacday hoolka
Shirarka
Baarlamaanka ADC
ee Magaalada
Baydhabo ayaa
waxaa lagu
doortay
guddoomiye,
saddex ku xigeen
iyo sagaal
xubnood oo
guddiga fulinta
ah.
Waxaa xilka ugu
sareeya ee
Guddoomiyenimada
loo doortay
Muxiyadiin Xasan
Cali (Darbaweyne),
oo noqon doona
Guddoomiyaha
afarta sano ee
soo socota ee
Xiriirka
Soomaaliyeed ee
K/cagta, dhinaca
ku xigeenada
waxaa loo
doortay
guddoomiye ku
xigeenka koowaad
Siciid Max’ed
Nuur (Mugambe),
Guddoomiye ku
xigeen labaad
Cali Siciid
Cali, Guddoomiye
ku xigeen
saddexaad Salaad
Macallin Max’ed
(Salaad Gaab),
dhinaca xubnaha
guddiga Fulinta
ee Xiriirka
waxaa doorashada
ku soo baxay Dr,
Amiin Yuusuf
Khasaaro, Yaxye
Max’ed Caddow,
Bashiir Nuur
Geesay, Mukli
Nuur Muudey,
Maxamuud
Ibraahim Koonfur
Yare, Cali
Xuseen Kaariye
(Cali Goobe),
Yuusuf Gacal
Axmed (Gaabshe),
Max’ed
Muxiyadiin Xuuti
iyo C/rahiid
Xuseen Caddow.
Doorashadaan
ayaa waxaa goob
joog ahaa guddi
kormeer oo ka
kala socday FIFA
iyo CAF, waxayna
doorashadu ku
soo gebgabowday
si cadaalad
ah.
Deegaanka
Ceel-Cirfiid oo
laga deyrinayo
dhinaca...
Iyadoo dagaal uu
habeen Hore ku
dhex maray
deegaanka
Ceel-Cirfiid
Maleeshiyo
taabacsan
Maxaakiimta
Islaamiga ah iyo
kuwa Max’ed
Cumar Xabeeb (Max’ed
Dheere) ayaa
deegaankaasi
wararka naga soo
gaaraya waxay
sheegayaan in
xaaladda
nabadgelyo laga
deyrinayo, isla
markaaan ay
dadka deegaanku
ka cabsi qabaan
dagaalo ka soo
cusboonaada
deegaankooda.
“Waxaa laga
cabsi qabaa in
Maleeshiyada
Max’ed Dheere ay
duulaan ku soo
qaado deegaanka”
ayuu yiri mid ka
mid ah dadka
deegaanka oo
intaa raaciyay
in haatan ay
farta wadnaha ku
hayaan, waxaana
la sheegay in
Maleeshiyada
Maxaakiimtu ay
iyagu weereeen
fariisimo ay
lahaayeen
ciidanka Max’ed
Dheere oo halkaa
yimid kaddib
dagaalkii
Sii-Sii.
W/D: Amiin
Yuusuf Khasaaro
E-Mail:
amiinkhasaaro@hotmail.com
Faafin: SomaliTalk.com | May 17, 2006
Barnaamijkii Radio Xoriyo
16 May 2006
Ciidammadii Itoobiya oo dhaqdhaqaaqii joojiyay iyo amar Kililka la siiyay.
Dagaallo dhexmaray ciidammada xoreynta Ogaadeenya iyo kuwa cadowga.
Dad la
jidhdilay iyo kuwo hanti laga boobay.
Baaq ay JWXO
dadwaynaha u jeedisay.
JWXO oo bayaan
ka soo saartay ciidammada Itoobiya keentay Ogaadeenya.
G/K/xigeenka Gudiga Daryeelka Maxabista
Ogadenya Xaaji Maxamed oo ka warbixinaya Maxabistii laga soo fardamiyey
xabsiga Hargaysa(Maqal).
======================
Wariyaha
RX uga soo warrama dalka Ogaadeenya ayaa noo soo sheegay in ciidammadii
weerarka ahaa ee xukuumadda Itoobiya keentay dalka Ogaadeenya ay
dhaqdhaqaaqii joojiyeen, dhawrkii maalmood ee u denbeeyayna ayna samaynin
wax dhaqdhaqaaq ah.
Arrintani waxay ku lug-leedahay shirkii ay saraakiisha hawlgalkan
hooggaaminaysa ku yeesheen magaalada Jigjiga intii u dhexaysay 11-13 May
2006. Shirkaasi wuxuu ahaa mid dib loogu qiimaynayay hawlgalkan, waxaana ka
qayb galay saraakiisha ciidammada, iyadoo sidoo kale loo yeedhay maamulka
Kililka iyo shaqaalaha ilaa iyo heer degmo.
Waxay
saraakiisha gumaysigu isla qireen inay khalad galeen markii ay hawlgalkan
billaabeen iyagoon adeegsanin maamulka Kililka iyo dadka la shaqeeya. Sidaas
darteed waxay go’aansadeen in maamulka Kililka iyo shqaalahuba ay si toos ah
uga qayb qaataan hawlgalkan. Waxaa maamulka iyo shaqaalahaba lagu amray in
qof waliba uu degmadiisii ka hawlgalo, laga billaabo todobaadkan. Qofkii
diida inuu hawlgalkan ka qayb galana meeshiisa in lagu toogto ayay
go’aamiyeen.
Dhinaca
kale waxaa sabtidii magaalada Qabridaharre ka dagay Gurey Fidaariyo Khadar
Macalin. Toddobaad iyo badh ayaa laga joogaa markii ay ciidammada gumaysiga
Itoobiya ee Qabridaharre isugu yeedheen odayaasha Qabridaharre ooy ka
dalbeen inay la shaqeeyaan, hase yeeshee ay odayaashu arrintaas ka diideen,
taasoo keentay in dadwaynaha magaalada si wayn loogu caga-jugleeyay.
Wuxuu
kaloo wariyuhu noo soo sheegay in roobab aad u badani ay dalkoo dhan ka
da’ayaan. Wuxuu noo sheegay in habaynimadii axaddu soo galaysay oo dhan uu
roob aan kala qaadini ka da’ayay dalka Ogaadeenya oo dhan.
Dhawaan
waxa amagaalada Shaygoosh ku dhuftay roobab duufaan wata, waxayna dumiyeen
guryihii magaalada ku yaallay, waxaana duufaankaas ku dhaawacmay labo qof.
Dagaallo dhexmaray ciidammada xoreynta Ogaadeenya iyo kuwa cadowga.
Wariyaha
RX uga soo warrama dalka Ogaadeenya ayaa noo soo sheegay dagaallo dhawr ah o
dhexmaray ciidammada xoreynta Ogaadeenya iyo kuwa gumaysatada Itoobiya,
waxayna dagaalladaasi u dheceen sidatan;
12/05/06
dagaal ka dhacay magaalada Farmadow waxaa ciidammada gumaysatada lagaga
dilay 9 askari, 13 kalana waa lagaga dhaawacay.
13/05/06
Gabagabo dagaal ka dhacay waxaa ciidamada gumaysatada loogu gaystay khasaare
ba’an oon faahfaahintiisa la haynin.
06/05/06
Barraajisla waxaa lagu gubay baabuur Uuraal ah, waxaana halkaas ku
bas-beelay baarbuurkaas iyo wixii saarnaa.
Dad la
jidhdilay iyo kuwo hanti laga boobay.
Ciidammada
gumaysatada Itoobiya ayaa meelo kala duwan oo Ogaadeenya ka mid ah
dhibaatooyin ugu gaystay dadwyane rayad ah oon waxba galabsanin. Ciidammada
gumaysatadu waxay jidhdil ba’an u gaysteen dadwayne ku dhaqan degamada
Garigo’an, waxayna kala yihiin dadka la jidhdilay;
1-
Axmed-Saafi Cismaan
2-
Axmed Muxumed
Guuleed
3-
Dayib Shariif Sulub
4-
Cabdi-dhuub Deeq
Cumar
5-
Sh Maxamed Macalin
Ibraahim
6-
Deeq Maxamed barre
7-
Nuur Xuseen Cumar
8-
C/llaahi Axmed
Birdiid
9-
Deeq Xaashi Xuseen
10-
Cabdi-raan Xirsi
11- Xuseen
Good Yoonis iyo
12-
Ismaaciil Siyaad
Ciidammada
gumaysatada Itoobiya waxay sidoo kale hanti kala duwan ka dhaceen dadwayne
rayad ah oo ku dhaqan degmada Garigo’an, waxayna kala yihiin dadka hantida
laga dhacay;
1-
Axmed Rooyal oo
laga dhacay 2200 oo Bir
2-
Kaltuun Macalin oo
iyadana laga dhacay 3600 oo Bir
3-
Axmed yaasiin oo
laga dhacay 1 kaatoon oo Baasto ah iyo 1 kaartoon oo Sigaar ah
4-
Saafi Axmed Nuur oo
laga dhacay 2 kiish oo Sonkor ah
5-
Nuur Xuseen Cumar
oo laga dhacay Rikoodh iyo
6-
Xaliimo Maxamed oo
iyadana Dhar badan laga dhacay.
Degmada Baka waxay
ciidammada gumaysiga Itoobiya rarteen wixii hanti taallay oo dhan. Waxay
sidoo kale hanti badan ka rarteen tuulooyin dhawr ah oo ka tirsan gobolka
Doollo.
Waxaan hadda ka
hor idiinka soo tabinay in ciidammada gumaysatada Itoobiya ay gabadh yar ku
kufsadeen magaalada Qabridaharre. Gabadhaas aya alagu magacaabi jiray Umayma
Khaalid.
Baaq ay JWXO
dadwaynaha u jeedisay.
Jabhadda Waddaniga
Xoreynta Ogaadeenya JWXO, iyadoo ka duulaysa dagaalka ballaadhan ee
xukuumadda gumaysatada Itoobiya ka billowday dalka Ogaadeenya, waxay
dadwaynaha sharafta leh ee Soomalida Ogadeenya ugu baaqday inay ka
feejignaadaan khiyaamooyinka cadowga, isla markaana ay ka dhawrsadaan inay
wax gacan ah siiyaan.
Waxay kaloo JWXO
ugu baaqday dadwaynaha inay ku baraarugsanaadaan inay jiraan ciidammo ka mid
ah kuwa gumaysatada Itoobiya oo goosta iyo kuwo kale oo iyaguna ka firxada
dagaallada ay iskaga horyimaadaan iyaga kuwa xoreynta Ogaadeenya.
Sidaas darteed
waxaa dadwyanaha loogu baaqay inay nabadgeliyaan ciidammada baxsadka ah ee
Itoobiya ooy u soo dhiibaan ciidammada xoreynta Ogaadeenya, isla markaana ka
feejignaadaan kuwa firxadka ah een isu dhiibin.
JWXO oo bayaan
ka soo saartay ciidammada Itoobiya keentay Ogaadeenya.
Jabhadda Waddaniga
Xoreynta Ogaadeenya JWXO ayaa sabtidii bayaan caalami ah ka soo saartay
ciidammada faraha badan ee gumaysatada Itoobiya ku soo daabushay dalka
Ogaadeenya iyo hawalgalka millatari ee Itoobiya ka fulinayso dalka
Ogaadeenya.
Bayaankan waxay
JWXO beesha caalamka ku baraarujisay in xukuumadda Itoobiya ay kumannaan
askar ah ku soo daabushay dalka Ogaadeenya toddobaadyadii u denbeeyay,
taasoo caddayn u ah in Itoobiya ay diiddan tahay nabad ku timaada
wadaxaajood iyo in xal loo halo isku dhaca dagaal ee gobolka ka jira.
Bayaankan waxaa
kaloo lagu sheegay in xukuumadda Itoobiya marka la eego ciidammada ay ku soo
kordhisay kuwii horay uga joogay dalka Ogaadeenya ay ka dhigan tahay inay u
caddasay dadka Soomaalida Ogaadeenya inaanay danaynaynin in dhibaatada
Ogaadeenya loo helo xal siyaasadeed iyadoo la adegsanayo wadahadal, iyadoo
arrintaas ku baddashay daandaansi millatari.
JWXO waxay beesha
caalamka ka codsatay inay tallaabo degdeg ah ka qaadaan weerarrada ay
Itoobiya ku qaadayso dadka Ogaadeenya oo markii horaba dhibaato ka haysatay
macaluul ka dhalatay abaarta halkaas ka jirta.
JWXO waxay marka
kale daboolka ka qaaday inay diyaar u tahay inay maamulka Itoobiya
wadaxaajood toos ah la yeelato marka wadaxaajoodyadaas lagu qabto waddan
dhexdhexaad ah, isla markaana uu goobjoog ka ahaado dhexdhexaadiye caalami
ah, iyadoo labada dhinac midna aanuu wadaxaajooyada shuruudo hordhac ah ku
xidhin.
16 May 2006.
Axmed Gaal-Eri
Radio Xoriyo waxaad ka dhegaysan kartaa Mawjadda 25 MB ee dhererkeedu yahay
11865 KHZ,iyo internetka Radioxoriyo.com,Ogaden.com
Maalmaha Talaadada iyo Jimcaha 7: 30PM waqtiga Afrikada Bari
Warar GooGoos ah: May 15
»Xildhibaan
Cabdala Xaaji “Waa in Dowladdu ay go’aan kama
»BuuHoodle:
Dagaal dhimasho iyo dhawaac sababay…
»Wabarka
Beesha Cayr “Warka uu sheegay Ugaas Cabdi
»Jabhadda
Wadaniga Xoreynta oo warbixin ka soo saartay
»Baaqyo
fara badan kaddib dagaalkii Muqdisho oo u..
»Baaq
iyo soo dhoweyn xabadjoojinta lagu dhawaaqay..
Wararka oo dhan
ka akhri halkan... Guji... May 15
|