SOO DHOWEYN HESHIISKII KHARTOUM

Ururka SCG waxay soo dhoweynayaan heshiiskii ay Dowladda Federalka Somalia iyo Maxkamadaha Islaamiga ku gaareen magaalada Khartoum ee waddanka Sudan. Waa arrin aad loogu farxo in labada dhinacba ay gaareen heshiis aad uga farxiyey ummadda soomaaliyeed, tanoo caddeyneysa in Somalidu ay heshiin karaan. SCG waxey ku dhiirigelineysaa mas'uuliyiinta labada dhinacba inay sii wadaan dadaalkooda si heshiisku uu u noqdo mid miro dhala. Waxaan xasuusineynaa mas'uuliyiinta inay fududahay in la heshiiyo, ha yeeshee loo baahan yahay in xil gaar ah la iska saaro sidii heshiiska u noqon lahaa mid miro dhala. Ogaada wadajirka ummadda soomaaliyeed waxaa keliya oo lagu gaari karaa in la fiiriyo danta guud ee shacabka soomaaliyeed.

Dowladda Federalka iyo Maxkamadaha Islaamiga ha ogaadaano in heshiiskan ka dib uu mas'uuliyad gaar ah ka saaran yahay sidii loo heli lahaa dowlad shaqeyneysa, taasoo u daneyneysa shacabka soomaaliyeed. Hana ogaadaanno inuu xil ka saaran yahay sidii lagu badbaadin lahaa dhiigga shacabka soomaaliyeed.

SCG waxey ugu baaqeysaa in labada dhinacba ay magacaabaan guddi u xilsaaran sidii loo dhameystiri lahaa heshiiska, kuwaasoo yeesha kulamo joogta ah oo ka dhaca waddanka gudihiisa, Baydhabo iyo Muqdisho.

Mr Abdirahman Omar Osman (Eng. Yarisow) 
Guddoomiyaha ururka Somali Concern Group
somali@somaliconcern.org
www.somaliconcern.org