Gudoomiya Isbaheysiga Dibu-xureynta Soomaaliya Sheekh Shariif Sheekh Axmed
oo ugu khudbeeyay Jaaliyadda Soomaaliyeed ee Dalka Masar Xarunta Jamciyada
Africa ee Magaalada Qaahira oo ah xaruntii ay ugu khudbeyn jireen Jaaliyadahooda
madaxdii Africa ee Xurnima Doonka Ahaa.
 Gudoomiyaha Isbaheysiga Dibu-xureynta Soomaaliya Sheekh sheekh Axmed oo
Maalmahaan Booqasha Rasmi ah ku joogay Magaalada Qaahira ee Xarunta Dalka Masar
ayaa Saacado Ka hor inta Uusan ka dhoofin Airporka Caalamiga ah Magaalada
Qaahira Waxuu Khudbad xamaasad leh oo Gaaban Uga jeediyay Dad kor u dhaafaayo
500 oo Qof oo isugu Jiro Aqoonyahano,dhalinyaro,odoyaal,Caruur,Haween Kusoo
dhaweeyay Alahu Akbar kuna macsalaameeyay Alahu Akbar oo Kana tirsan Jaaliyadda
Soomaaliyeed ee ku Dhaqan Dalka Masar iyo kuwa uga yimaaday dibada si ay u arkaan Sheekh Shariin Ama la kulmaan, xarunta Jamciyada Africa (Aljamciyah Al
afriiqiyah) ee Magaalada Qaahira oo ah Xaruntii ay ka khudbeyn Jireen Madaxdii
africa ee Xurnima Doonka Ahaa Sidii Nelson Mandela iyo Lomombe Xiligii uu Masar
Ka talin jiray Aabihii Kacaanadda Carabta iyo Africa Jamaal Cabdi Naasir.
Gudoomiyaha Isbaheysiga Dibu-xureynta Soomaliya waxuu ugu horeyn uga Mahad
celiyay Xakuumada Masar iyo Shacabkeeda Sida Wanaagsan ee losoo dhaweeyay
waxuuna sheegay in ay u yimaadeen Dalka Masar Sidii ay ugu bandhigi lahaayeen
Mas'uuliyiinta Masaarida Fikrada isbaheysiga ee ku aadan xal u helida Arimaha
Soomaaliya iyo Sidii Dowlada Masaarida uga qayb qaadan lahayd Sidii looga saari
Lahaa Dalka Soomaaliya Ciidamada Itoobiya waxuuna sheegay in xakuumada Masar ay
ku Qanacday fikradaas Kadib Marki ay fahmeen Mas'uuliyiinta Masaarida aysan
Ciidamada itoobiya xal aheen oo ay Yahiin Mushkilada ugu weyn ka taagan Dalka
Soomaaliya, waxuuna Sheegay Shiikhu in ay isku afgarteen Mas'uuliyiinta
Masaarida dhamaan Arimihii ay ka Hadleen.
Sheekh Shariif Sheekh Axmed waxuu mar kale ku cel celiyay Mowqifkii Isbaheysiga
dib-xureynta Soomaaliya ee diidan wada hadalo in lala furo DFKMG, Ayidoo
Ciidamada Itoobiya dalka Soomaaliya ku Suganyahiin kadib Markii Dhowr su'aal oo
arinkaas ku saabsan uga yimaadeen Sheekha dadweynihii kasoo qeeb galay
dhegeysiga Khudbadaas, waxuuna sheegay in uusan hadalka Nuur Cade ee ku saabsan
Dibu-heshiisiinta wax macno ah laheen inta ay dalka Joogaan Itoobiyanka oo ay ka
wadaan Magaalada Muqdisho Xasuuqa,Barakicinta, kufsiga,xariga, waxuuna ku
tilmaamay Mas'uuliyiinta xakuumada Soomaaliya Shaqsiyaad aan Xor ahayn oo ka mid
Ah Shacabka loo baahanyahay in laga xoreeyo Gumeysiga Itoobiya.
Gudoomiya Isbeysiga Dibu-xureynta Soomaaliya Sheekh sheekh Axmed Waxuu amaan u
jeediyay Jaaliyadda Soomaaliyeed ee ku Nool Dalka Masar, waxuuna Sooomaalida
meel walboo ay joogaan Ka Codsaday in laga gudbo Khilaaf walboo kala fogeynaayo
lagana wada shaqeeyo Midnimada Umada Soomaaliyeed dhamaantoodna Hadafkoodu noqdo
sidii Dalka looga xoreyn lahaa Itoobiyanka oo ah Cadowga Soo jireenka ee Shacabiga
Soomaaliyeed,Shariifka ayaa waxuu ku booriyay Soomaalida Halkaasi isugu timaaday
in aysan Aduunka Ka sugin in uu Dalkooda u xoreeyo Maadama uu Indhaha ka
qabsaday dhibaatadda ka tagan Dalka Soomaaliya ,waxuuna ugu baaqay in ay garab
istaagaan Isbaheysiga Dib-xoreynta Soomaaliya oo u istaagay in uu Dalka Xureeyo.
Waxaa ayigana Halkaasi Kasoo jeediyay Hadalo Kooban oo guubaabin ah Gudoomiyaha
Golaha Dhexe ee Isbaheysiga Dibu-xureynta Soomaaliya Mudane.Shariif Xasan Sheekh
Aadan iyo Mas'uulka Arimaha dibada Ee Isbaheysiga Mudane.Yuusuf Dheeg waxeyna Labada
Mas'uul Ka codsadeen Soomaalida in ay Shacabkooda ku garab istaagaan wax walboo
karaankooda ah.
Kadib markii ay dhamaadeeen Khudbadihii Mas'uuliyiinta isbaheysiga dibu-xureynta
Soomaaliya ayaa waxaa Halkaasi kusoo bandhigay Filin muujinaayo dhibaatada
xasuuq ay Ciidamada Itoobiya Ka geesteen Magaalada Muqdisho Mudane.Sheekh yuusuf
Xuseen jimcaale oo ka mid ah mas'uuliyiinta Sar sare ee Jaaliyadda soomaaliyeed
Dalka Masar Taas oo keentay in ay dadku ilmeeyaan Kadib markii ay Daawadeen filkaas
muujinaayey Xasuuqa Ka dhacay magaalada Muqdisho
Mid ka Mid ah Haweenka kasoo geeb galay khudbada Sheekh Shariif oo lugu
magacaabo Faadumo Maxamed Cabdulaahi oo 5 Caruur ah wadatay ,ayaan weydiiyay
Sababta ay u keentay Caruurteeda oo dhan waxeyna iigu Jawaabtay"waxaan u keenay
Caruurteyda in ay arkaan Geesiga Soomaaliyeed Sheekh Shariif waxaan ilaahey ka
baryaa in ay ilmaheyga Noqdaan Sidii Sheekh Shariif" ayey tiri Faadumo Maxamed
Cabdulaahi.
Waxeyna Intaas ku dartay iyadoo hadalkeedii Sii wadata " Nasiib xumaa qofkii u
jeedo Wadaaddkan hadalka Wanaagsan oo Tageereyso Cabdulaahi Yuusuf oo Maalin
walba caytamaayo waxaan rejeynaa in uu ilaahey Nasiiyo aniga iyo Caruurteyda
Cimri aan ku gaarno Sheekh Shariif oo Soomaaliya xakumaayo "ayey hadalkeeda
kusoo koobtay.
Dhinca kale Maamulka Naadiga ardayda Soomaaliyeed ee Dalka Masar ayaa waxuu soo
saaray Saacadihii ugu danbeeyay booqashada Wefdiga Isbaheysiga dibu-xureynta
Soomaaliya bayaan uu ku Taageeraayo Isbaheysiga-dibuxreynta Soomaaliya iyo
dadaalka uu ugu jiro sidii uu usoo celin Lahaa xornimada iyo Karaamadda Shacabka
Soomaaliya.
Wefdiga isbaheysiga Dibu-xureynta oo ku laabtay Xuruntiisa Asmara ayaa waxey ay ku
tilmaameen Raga Masaarida ah ee Arimaha Siyaasada ka faalooda Booqashadiisa
Dalka Masar, lakulmida Dowlada Masar iyo in uu Sheekh Shariif
Kula hadlo xarunta Jamaciyada Afrika jaaliyadda Soomaaliyeed ee Ku nool Dalka
Masar, in ay tahay Guul usoo hoyatay isbaheysiga Dibu-xureynta Soomaaliya
Waxeyna Arinkaas ku macneeyeen in Dowlada Masar Aqoonsatay Isbaheysiga
Dibu-xuretna Soomaaliya una aragtay sheekh shariif in uu yahay Shaqsi u
Dagaalaamaayo Xoriyada Shacabkiisa mudana
in La taageero.
Ismaciil saxaaf
Saxaaf@hotmail.com
Qaahira-masar
Faafin: SomaliTalk.com |
Feb 21, 2008
AFEEF: Aragtida qoraalkan waxaa leh qoraaga ku saxiixan, kana tarjumi
meyso aragtida SomaliTalk.com.
|
Daabaco
Boggan | Print
