Qoysaska Soomaaliyeed & Dhibaatooyinka uu Sigaarku ku
hayoWaxaa Dunida ku sii badanaya dhibaatooyinka
faraha badan ee Sigaarka kuwa caba iyo kuwa lagu ag cabo
oo ay qiyaastii noqonaysa inay ka badan yihiin kuwa lagu
ag cabo oo weliba ay u badan yihiin Carruurta yar yar
iyo Dadka da'da ah ama waayeelka ah Haddaba ,Aabaha
Soomaaliyeed ee Sigaarka cabaa Carruurtiisu sidee bay
noqon karaan Caafimaadkooda? Su'aashan ayaa waxay tahay
mid is weydiin mudan Carruur fara badan oo Soomaali ah
ayaa waxaa loola Cararaa Qolalka Gargaarka deg-deg ah ee
Cusbitaalada Waaweyn ee Waddamadan reer Galbeedka,
taasoo ay ugu wacan tahay Dhibaatooyin ka yimi
Dhinacyada Sigaarka inta badan oo uu naqasku ku xirmo
ama uu la seexan waayo.
Sigaarku waa dilaa keeni kara Cuduro kala gedisan sida
TB,Cancer,Neefta(Asthma) iyo kale oo kala gedisan
waxyeelo ba'anna u geysan kara Sambabada iyo Dhammaan
qaybaha uu jirkaaga uu ka kooban yahay, Carruurta ayaa
waxay u nugul yihiin inay si deg deg ah uga qaataan
hawada Oxgeyn marka ay qaadanayaan halkaasina uu u raaco
Naqaska Sigaarka.
Warshadaha soo saara Sigaarka ayaa waxaa ku dhaca waxa
loo yaqaan Class Action oo ah Dacwooyin guud oo ka dhan
ah Dhibaatooyinka uu Sigaarka u geystay Mujtamaca iyo
Bulshooyinka ku Dhaqan dunida gaar ahaan Waddamada sida
gaarka ahi u isticmaala ee reer Galbeedka oo maanta ay
Soomaalidu ka mid tahay kuwa ugu horeeya ee Sigaarka ku
dhex Caba Carruurta hortooda kaddibna ay Carruurtaasi ay
noqtaan kuwa Xannuunsan .
Hay'ado fara badan ayaa waxay ku mashquulsan yihiin
sidii ay Sigaarka u yareyn lahaayeen isticmaalkiisa ama
ay uga joojin lahaayeen dunida dhibaatooyinkiisa oo sii
badanaya darteed( Quitplane) ayaa ka mid ah iyo kuwa
fara badan oo doonayo inay Xal u helaan sidii Bulshada
Caalamku ay u fahmi lahayd Dhibaatooyinka uu Sigaarku ku
hayo noolaha dunida.
Carruurta Soomaaliyeed waa inay helaan Waalid aan Sigaar
Cabayn oo naftooda Xaq dhowraya daryeelkoodana
Ilaalinaya iyo Caafimaadkooda ,haddii uu Waalidku
Sigaarka Cabo waxaa hubaal ah in Carruurtu ay noqon
doonaan kuwa Sigaarka Meherad ka dhigta iyo wixii kale
ee ay raacsan karaan oo naftooda dhibaya noloshooda iyo
waxbarashooduna ay noqon karto mid aan wanaagsanayn oo
aayaheeda noqota mid lagu kharaaso .
Sidaa darteed, Carruurtu waa Madaxdii berrito waxaa
haboon inay noqdaan kuwa Wanaagsan oo Caafimaad qaba
dhaqan iyo diinba mudana in ay kugu deydaan ,haddii uu
Waalidku Sigaarka ku hor Cabayo iyana waxay ku hor Cabdi
doonaan Carruurtooda taasi waa wax hubaal ah oo hore loo
arkay ,Dhisidda Bulsho Wanaagsan oo Caafimaad qabtaa
ayaa waxaannu kaga deyan karnaa Nebi Maxamed Nabadgelyo
iyo Naxariis korkiisa ha ahaatee (CSW), Qof waliba waxaa
ka saaran mas'uul sidii u u badnaadin lahaa Carruurta.
Hooyooyinka Soomaaliyeed ayaa waxay mudan yihiin ammaan
aad u fara badan sida ay ugu dadaalayaan Ubadkooda ugana
badbaadinayaa Dhibaatooyinka uu Sigaarku u leeyahay
bulshada gaar ahaan Carruurta , Sababtoo ah Hooyadu waa
Macallinka Guriga sidaa darteed waxay had iyo jeer ku
dadaashaa sidii ay u badbaadin lahayd Carruurta.
Maqaalkani waxaannu ku soo gabagabaynaynaa ," Sigaarku
waa Dilaa Dadaw ka Digtoonaada" kala fogaada Ubadkiina
iyo Qoysaskiina si aad uga badbaadaan Dhibaatooyinka uu
Bulshada u leeyahay darteed, kala tasho Dhakhtarkaaga
mar waliba oo weydii wixii Su'aala ee ku saabsan Halista
uu Sigaarka u leeyahay Ubadkaaga aad la nooshahay iyo
Mustaqbalkooda.
Eng. Cabdulqaadir Cumar Yuusuf(Daandurey)
Somalihungerhivprojectus2004@yahoo.com