ITOOBIYAAN DAD SOOMAALIYEED KA QAFAALAY PUNTLAND

Waraysi la xiriira Raggii Loo Gacan Geliyey Itoobiya
Radio Australia oo Waraysi la yeeshay Maxamed Ismaaciil Cumar, Guddoomiye ku xigeenka Koowaad ee ONLF, Magaalada Sydney iyo Sh. Ciise Cabdow Iimaam Soomaaliyeed Dhegeyso ama halkan (mp3)

Wareeysi British Broadcasting Corporation Somali La Yeelatay Gudoomiye Ku Xigeenka O.N.L.F

May 2, 2008: Siddeed (8) nin oo ka soo jeeda Dhulka Soomaaliyeed ee Itoobiya gumeysato ayaa ciidamada Puntland ka qabteen magaalada Galkacyo, waxaana loo dhiibey Itoobiyaanka oo kaxaystay, sidaas waxaa sheegay Cabdallah Jaamac Jibriil oo ka mid ah Odayaasha Puntland, gaar ahaan Gaalkacyo. Wararysi idaacada British Broadcasting Corporation
Dhegeyso halkan ama halkan( mp3)

Dood dhex martay Guddoomiye ku xigeenka JWXO, Cabdirisaaq Xasan Hirmooge (Caddaani), iyo kusimaha Wasiirka Arrimaha Gudaha ee Puntland Axmed Aaden Carab.
ka dhegeyso halkan ama mp3

Sheekh Fu'aad Xaaji Nuur: Cawaaqibka ka iman kara ragga loo dhiibey Itoobiya Dhegeyso halkan ama mp3

Barnaamijkii Aljazera ka soo duubtay Dhulka Soomaaliyeed ee Itoobiya gumaysato.. Halkan ka daawo

Daawo halkan....

Taliyaha Qaybta Gobolka Mudug oo Qiray in Itoobiyaanku Dad ka kaxaysteen Gaalkacyo....

Gaashaanle Sare Cabdi-shukri Cabdullaahi oo ah kusimaha Taliyaha Qaybta ee Ciidamada Gobolka Mudug ayaa markii ugu horreysey si rasmi u qiray in dad Soomaaliyeed ay Magaalada Gaalkacayo ka kaxaysteen Ciidamo Itoobiyaan ah. Dadkaas oo ka soo jeeda Dhulka Soomaaliyeed ee Itoobiya Gumeysato.

"Ciidanka Itoobiyaanku iyagaa qabsaday nimankaas weyna kaxaysteen, waa RUN" ayuu yiri G/sare C/shukri oo waraysi May 3, 2008 siiyey Idaacad maxalli ah [RaadiyoHorseed] oo ka hadasha magaalada Boosaaso.

Kusimaha Taliyaha Qaybta ee Gobolka Mudug waxa uu intaas raaciyey "Itoobiya waa loo fasaxay Soomaaliya oo hawlgallo badan ayey ka fuliyaan, dalka oo dhan ayeyna ku jiraan, waxayna la mid tahay hawlagalladaas". Waxa kale oo uu C/shurki shaaca ka qaaday in dadkaas lala aadey Itoobiya.

Kusimaha taliyhu waxa kale oo uu shaaca ka qaaday in ciidamo Itoobiyaan ah ay markasta yimaadaan oo ay joogaan magaalada Gaalkacyo iyo Garoowe.

Laakiin markii la weydiiyey sida ay ku dhacday maamul meel ka jira in aan lagala tashan oo cid la iska kaxaysto (Qafaasho), waxa uu ku jawaabey "annagu ciidan ayaan nahay askar ayaan nahay wixii awaamiir nala siiyo ayaan qaadanaa".

Jawaab: Warkaas Wallaahi anigu shalay galab (May 2, 2008) een... anigu magaalada waan ka maqnaa waxaan jirey BOOKH, xalay sagaalkii fiidnimo ayaan imid, markii aan imi ayaan arrintaas ka warhelay, kabacdina waxaan ogaadey inaysan arrintaas maamulka Puntland ama boolisku wax lug ah ku lahayn... Itoobiya waa loo fasaxay Soomaaliya oo hawlgallo badan ayey ka fuliyaan, dalka oo dhan ayeyna ku jiraan, waxayna la mid tahay hawlagalladaas, waxaana u fasaxay baarlamaanka, ma hawlgeli kartaan cidi ma oran karto oo annaga arrimahaasi waa arrimo naga sarreeya oo maamulka in la weydiiyo u baahan.

Su'aal: In dad la kaxaystay ayaa la isku haystaa, ma la kaxaystay mase lama kaxaysan, ma jiraan in shan qof oo ganacsato ah oo la sheegay weliba inay ka shaqayn jireen kuuliga ama dhagaxa guryaha lagu dhiso (la kaxaystay)?

Jawaab: Annagu ma naqaan ganacsato iyo dhagxaan iyo waxa ay yihiin laakiin shalay [May 2, 2008] in la kaxaystay ayaan maqlay, waxay yihiin waxay u taallaa in la weydiiyo ciddii kaxaystay iyo dadkey u dhasheen, laakiin anigu ma garanayo waxay ka shaqayn jireen, waa ONLF ayaa la igu yiri, laakiin anigu ma aqaan dadku waxay ahaayeen.

Su'aal: Dad ayaa wexey leeyihiin dhinaca Garoowe ayaa loo soo kaxeeyey oo ciidamo Itoobiyaan iyo ciidamo maamulka (Puntland) ka tirasan oo isku dhafan ayaa soo kaxaystay, haddaba saraakiisha aad amartid iyo ciidamada aad amartid maku jiraan dadka Itoobiyaanka hawshaasi la sameeyey?

Jawaab: Anigu markii horena waa kuu sheegay, ciidanka Booliska Puntland iyo maamulka Puntland oo ku sugan magaalaad Gaalkacyo hawlgalkaas wax shuqul ah kuma ay lahayn, Ciidanka Itoobiyaanku iyagaa qabsaday nimankaas, weyna kaxaysteen waa RUN, ayagaa qabsaday, ciddii la qabsaday qaar kamida ayaana masuuliyadeeda iyo hagiddeeda lahayd, wax maamulka Puntland iyo ciidanka Boolisku shaqo ku lahayna annagaa taas cadayneyn.

Su'aal: Itoobiyaanku iyagu xaggee ka yimaadeen, Gaalkacyo miyuu joogaa Itoobiyaan?

Jawaab: Mayee markasta wey yimaadaan, magaalada Gaalkacyo iyo Garoowe intaba waa joogaan

Su'aal: Sidee ku dhici kartaa maamul meel ka taliya oo aan lala tashan in dad laga kaxaysto deegaanka, oo weliba ay dad Soomaali yihiin?

Jawaab: Taas waa arrimo siyaasadeed waxaad weydiineysaa,.. annagu ciidan ayaan nahay askar ayaan nahay wixii awaamiir nala siiyo ayaan qaadanaa, laakiin arrimahaas siyaasadda dadka ku shaqada leh waad taqaanaa ee weydii...

Bankax: Dadka laga Afduubay Puntland "haddii ay dhacdayna wa arrin qarsoodi ah"

Wasiirka Warfaafinta DGPL, C/raxmaan maxamed Saalax (Bankax) oo shir jaraa'id ku qabtay magaalaad Boosaaso (May 3, 2008) oo wax lag weydiiyey in waxa ka jira in dad laga afduubay Puntland loo gacan geliyey Itoobiya ayaa yiri "haddii ay dhacday waa arrin qarsoodi ah, haddee qarsoodi Soomaaliya meel kasta waxbaa iska socda oo dhacaaya".

Hadalkaas oo loo qaadatay in wasiirku ku muujinayey in DGPL aysan wax war ah ka hayn,ama awood u laahyn inay wax ka dheheen, hawlgallada ay Itoobiyaanku ka fulinayaan gudaha dhulka ay maamusho Puntland, waxaana taas si qeexan looga dheehan karaa jawaabta Wasirka (Bankax) oo ahayd sidan:

"Arrimaha ay odayaashu maalmahan ka hadlayeen ee ah dadka la afdubay, Dawladda Puntland dadkaas la qaaday sharci uga yaal oo Puntland xiriir uga leedahay dawladda Itoobiya in dadkaas la qaaday iyagoo jooga Puntladn ma ay jirto, arrin golaha wasiira la keenayna ma aha, arrin golaha baarlamaanka loo gudbiyeyna ma aha, arrin masuul dawladdu ka tahayna ma aha, haddii ay dhacdayna wa arrin qarsoodi ah, haddee qarsoodi Soomaaliya meel kasta waxbaa iska socda oo dhacaaya laakiin dowalad aahan anagu arrin aanu raali ka nahay ama aanu ognahay ama aanu kala heshiiney in dad dalka usoo qaxay qaab kasta ha u yimaadeen ama ha ahaadeen dad ka Ogaadeenya ama Soomaali galbeed, ama haka yimaadeen Koonfurta ama haka yimaadeen Woqooyiga Soomaaliya nin kasta oo yimaada Puntland haddii uusan dadka iyo dalka dhib u keenin wuxuu la mid yahay muwaadiniinta dalka joogta." [Dhegeyso ama mp3]

Cadde Muuse oo Qiray in rag laga Qabtay Gaalkacyo...

Madaxweynaha DGPL, Gen. cadde Muuse oo April 27, 2008 la kulmay jaaliyaadda Soomaaliyeed ee London oo la weydiiyey in Puntland ay rag ka mid ah ONLF u dhiibtey Itoobiyaan, ayaa waxa uu Gen. Cadde sheegay erayo uu ku qiray in raggaas la qabtay, waxana uu yiri "Ma aanan ogeyn anigu, nimankanna waxaa laga qabtay Galkacyo, xaafadda Baraxley. Waxaan u malaynayaa inay ku lug lahayeen barnamijyadii dhawaan Al Jasiira laga siidaayey oo ku saab sanaa Killinka Shanaad kuwaasoo Amxaaradu ka carootay".

Erayayaas oo ka duwan kuwii beryahihii hore ka soo baxayey maamulka Puntland oo beeninayey in laba nin oo ONLF ka tirsan ay u dhiibeen Itoobiyaan - labada nin magacyadoodu waa Maxamed Axmed Caafi (Dhiirre) iyo Cabdi Nuur Maxamed Sooyaan. [Waxaa arrinta ragga loo dhiibey Itoobiya baaqyo ka soo saaray odayaasha G/bari iyo Waxgaradka, Aqoonyahanadda, iyo Siyaasiyiinta Puntland... Eeg halkan].

Sheekh Fu'aad Xaaji Nuur oo kamid ah culimada Gobollaad Waqooyi Bari eeSoomaaliya (Puntland) ayaa ka hadlay cawaaqibka ama raadkaka dhalan kara dadka Soomaaliyeed ee loo gacangeliyey Itoobiyaanka.

Dood Dhex martay ONLF iyo Puntland

Idaacada Codka Maraykanka ayaa dood ku saabsan ragga Itoobiya loo gacan geliyey waxay dhex dhigtay Guddoomiye ku xigeenka JWXO, Cabdirisaaq Xasan Hirmooge (Caddaani), iyo kusimaha Wasiirka Arrimaha Gudaha ee Puntland Axmed Aaden Carab.

Intii doodu socotey waxaa kusimaha wasiirka la weydiiyey in Itoobiya xafiis ka furatay Garoowe oo uu magaaladaas joogo sarkaal Itoobiyaan ah oo la yiraahdo col. Xayle, waxa uu Axmed Carab qiray in Itoobiya xafiiskaas ka furatay Garoowe.

Axmed Carab oo arrintaas ka hadlaya waxa uu yiri: "Xafiisku bil m afurnayn, waana xafiiskii ay kawad xiriiri lahaayeen Puntlan diyo Itoobiya".

Warar laga helayo Gaalkacyo dhallinyaradii (May 1, 2008) loo gacan geliyey Itoobiyaanka ayaa tibaaxay shan ka mid ah magacyadoodu lagu sheegay:

Labada nin ee Garoowe (April 22, 2008) loogu gacan geliyey Itoobiyaanka magacyadoodu waa: